Arewa Influencers

12/01/2026

12/01/2026

“Maganin da Kake Sha Yau, Wata Rana Shi Zai Kai Ka Asibiti.”

Gaskiya ne mai ɗaci, amma dole a faɗa. A yau, mutane da yawa sun fi yarda da shawarar aboki ko mai siyar da magani fiye da shawarar likita ko pharmacist. Da zarar kai yana ɗan ciwo, sai a ce “bani wannan maganin nan”. Ba a tambayi me ya jawo ciwon ba, ba a bincika jiki ba, ba a duba ko maganin ya dace da kai ba.

A hankali haka ake lalata jiki. Shan magani ba tare da ka’ida ba na iya cutar da hanta, koda, ciki da jini. Abin da ya baka sauƙi a yau na iya haifar maka da matsala gobe. Wannan ne ya sa ake ganin mutane suna zuwa asibiti da cuta ta tsananta, alhali da an zo tun farko da an shawo kan ta da sauƙi.

Abin tausayi shi ne, muna kukan tsadar magani da asibiti, amma muna mantawa da cewa rigakafi yafi magani. Kula da lafiya, bin shawarar masana, da gujewa sakaci shi ne mafi araha, mafi aminci.

Ku faɗa min a ƙasa 👇
1. Wane magani ne kuke yawan sha ba tare da rubutun likita ba?
2. Shin kun taɓa fuskantar illa daga magani?
Mu faɗa wa juna gaskiya. Lafiya ba wasa ba ce.

12/01/2026

Inba uwa ba, wa zai ma yaro haka???

Allah ya saka ma iyayen mu da gidan Aljanna.

Waɗan da iyayen su s**a rasu Allah ya gafarta musu.

Dr Abdurrahman Dambazau

04/01/2026

innalillahi wa inna ilaihi raji'un 😭

TABBAS YA KAMATA MU KULA!!!!

Wani lokaci ina ɓangaren bada agajin gaggawa (Emergency) aka shigo da wata yarinya a hannu, sanye da uniform na islamiyya jikin ta, wanda bana ji yarinyar ta wuce shekara sha biyar.

Tun kan a sauke yarinyar kan gado jikina ya bani ba lallai yarinyar na da rai ba.

Ina taƙaice muku labari mukai duk wani dube dube da zamuyi, yarinya dai babu rai, ta rasu.
Da mu ka tambayi me ya faru da yarinyar sai ake cema, sun fito sallah ne wajen ƙarfe huɗu a makarantar islamiyyar su, sai yarinyar ta yanke jiki ta faɗi ƙasa, malamin su da yazo sai yace ai Aljanune, agurin ya fara karanta mata addu'o'i, bayan ya ɗau lokaci yana mata, sai yasa aka ajjiye ta awani aji, yace da aljanun sun cika ta zata farfaɗo.
Dab da za atashi Islamiyya malami ya tura aje a taso ta, wanda anan ne aka ga alamun bata numfashi, kuma aka rugo da ita asibiti.
Ko da ace lokacin da ta faɗi ƙasan aka kawo ta asitibin, tabbas tunda kwanan ta ya ƙare sai ta rasu. Amma dai darasin da nake so mu ɗauka shine "Bakomai ne fa aljanu ba".

Allah ya jiƙan musulmai
Pls ayi sharing don wasu ma su amfana.

Dr Abdurrahman Dambazau

04/12/2025

CIWON AFENDIS - APPENDICITIS

Afendis (Appendix) wani ƙaramin yanki ne mai kamar jela da ke hade da ƙaramin hanji da babban hanji. Yana da girman kusan yatsan hannu.
Ciwon kumburin afendis (Appendicitis) yana faruwa ne idan kwayoyin cutar bakteriya s**a taru a ciki, wanda ke sa afendis ɗin ya kumbura har ya kai ga fashewa idan ba a dauki mataki ba cikin lokaci.

👉 Abubuwan da ke jawo kumburin afendis sune kamar haka.
1. Taruwar kwayoyin bakteriya a cikin afendis.
2. Cinkoso ko shinge da ke hana ruwa ko datti fita daga afendis.
3. Rashin kulawa da matsalar da wuri na iya janyo fashewar sa.

👉 Alamomin ciwon afendis.
1. Ciwon ciki da ke fara daga cibiya, daga baya ya koma gefen ciki daga ɓangaren dama a ƙasa.
2. Ciwon ciki mai ƙaruwa lokacin motsi, tari ko numfashi mai ƙarfi.
3. Tashin zuciya da amai.
4. Gudawa ko zawayi.
5. Jin zazzabi ko rashin lafiya gaba ɗaya.

👉 Appendicitis na buƙatar a magance matsalar cikin gaggawa ta hanyar yin tiyata (appendectomy) don cire afendis kafin ya fashe ko ya haddasa wata cuta.
👉 Idan kin/ka fuskanci waɗannan alamomi, garzaya asibiti nan da nan kada a yi jinkiri!





© Jami'in Aikin Jinya
27/11/2024.

15/11/2025

Wannan da kuke gani nau'i ne na abinci da ake ce ma GERO-DA-WAKE....

Dayawa acikin mu, bamusan shi ba, amma kuma abinci ne me kyau ga jikin mu.

Banda ina tsoron karku zage ni da sai na ce muku yafi waɗan nan nau'ikan abincin(JUNK FOODS)...😂😂😂

-Shawarma
-Lemukan kwalba dana roba
-Nau'in su taliya indomi
-Farin biredi(bread)
-Abincikan gwangwani
-Meat pie, Chinchin da sauran nau'in su
-Pizza
-Burger
-Samosa
-Chips.

Fatan Allah ya ganar da anfanun waɗannan abincin gargajiyan.

Dr Abdurrahman Dambazau fans