https://www.facebook.com/125276403800878/

Ciki Da Raino, Katsina (2026)

31/03/2026

Matukar kina kina mako na 40 a yanzu, to jaririnki ya riga ya gama shirinsa tsaf domin fitowa duniya.

Da ga yanzu zuwa kowane lokaci jaririnki zai iya zuwa duniya, ko kin shirya ko ma ba ki shirya zuwansa ba.

Duk da yake ai daman kin sami kusan wata tara kina shiri, don haka komai ya k**ata a ce tuntuni ya zama ready!

Yadda Zaki Gane Kin Fara Nakuda

Ki tuna, idan kika fara jin murdawa a cikinki irin ta nakuda (contractions) masu karfi, k**ar sau 3 zuwa 4 a cikin kowane minti 10, matsewar cikin da zafinsu yake ta karuwa, amma kuma lokacin da ke tsakanin kowace murda yake kara gajarcewa (wato murdar na yawan zuwa kusa da kusa), to daga nan ne zaki gane cewa nakuda ta kank**a.

Wannan matsewar (contraction) ita ce take sa bakin mahaifa ya yi laushi sannan ta bude.

Idan kika ji haka, to lokaci ya yi da zaki wuce zuwa asibiti ba tare da kin bata lokaci ba.

Shawarata Lokacin Nakuda

◾Kada wannan zafi da k**e ji ya sanya ki cikin fargaba ko tsoro.

◾Duk da lamarin haihuwa akwai matukar wahala, kawai ki sa a ranki cewa daman wannan k**ar wata kaddara ce da ta hau kanki a matsayinki na 'ya mace.

◾ Maimakon ki rika matse jikinki (wanda hakan ke kara zafi), gwada sassauta jikinki lokacin da murdar idan ta zo.

Ki rika jan dogon numfashi mai zurfi kina fuzgarwa (breathe deeply), hakan zai taimaka miki kwarai.

Idan kina jin wannan matsar (contraction), abin da yake faruwa shi ne mahaifarki ce take takurewa tana turo jariri kasa. Shi yasa idan kika saki jikinki (relaxing), bakin mahaifar yake saurin budewa.

Bayan Haihuwa

Da zarar jariri da mabiya(uwa) sun fito kuma an gama shirya ki, jaririnki zai fara neman nono don fara shayarwa a karon farko.

Muna addu'ar Allah ya sauke mana ku lafiya.

© Ciki da Raino

31/03/2026

Cibiyar jariri na daga cikin hanya mafi sauqi da suke iya daukar qwayoyin cututtuka ta ita bayan haihuwa.

Lokacin da jariri ke ciki cibiya itace hanyar da take samar masa da abinchi, iska da duk wasu muhimman abubuwa da yake buqata a ciki.

Kasancewar ta hanya daya tilo da take bada wadannan muhimman abubuwa ga jariri, wannan ne dalilin da yasa idan aka samu matsala daga gareta cikin lokaci kadan ciwo kan iya k**a jariri ya mamaye duka sassan jikinsa.

Wannan dalilin ne yasa duk a irin yanayin da mace ta haihu ba'a son amfani da rezar da ba sabuwa ba wurin yanke zaren cibiya.

Haka zalika bayan haihuwa kula da cibiya nada matuqar muhimmanci saboda qauracewa bawa qwayoyin cututtuka damar iya shiga jikin jariri.

Idan haihuwar asibiti akayi,akan bada man shafawa a cibiya da za'a ringa amfani dashi idan akwai na kyauta, idan kuma babu akan rubuta ace aje a saya saboda yana taimakawa wurin saurin bushewa da warkewar cibiya cikin qaramin lokaci.

Kiran da zanyi shine akan masu shafa wasu abubuwa k**ar :-

-Man goge baki (Toothpaste)

-Barbada garin magani

-Saka kashin dabbobi da mak**antansu

Duka wadannan abubuwane da suke illata lafiyar jariri kuma suke haddasa masa kamuwa da ciwuka k**ar su :-

-Ciwon Sarqe Haqora (Tetanus)

-Infections da sauran su

Qwayar cutar data shiga jikin jariri ta cibiya kan iya shafar qwaqwalwa,qoda,hanta da duk wasu muhimman gabobin jariri domin hanya ce mai alaqar hadakar jini ga duk jikin jariri.

Game da zancen gashin cibiya da nasan wasu zasu tambaya, a tabbatar duk qyalle ko abunda za'ayi gashin dashi yanada tsafta kuma a wanke yake domin hakan zai taimaka wurin kare jariri daga kamuwa da ciwuka ta hanyar zaren cibiya.

Amb(Nr)Sumayya Ibrahim Sa'ad
RN,RM,PND...

31/03/2026

A ka’ida, ana daukar juna biyu a matsayin wanda ya isa haihuwa a tsakanin mako 37 zuwa 40. Sai dai wasu matan s**an wuce wannan lokacin har su kai mako na 41 ko ma fiye da haka. Wannan yanayin, wanda ake kira a turance da Post-term ko Overdue, yana faruwa ne ga kusan kashi 5-10% na masu juna biyu.

Kodayake yawancin irin wannan haihuwar tana faruwa ba tare da wata matsala ga lafiyar uwa da jaririnta ba, amma duk da haka uwa da jariri suna bukatar kulawa ta musamman saboda wasu dalilai masu hadarin gaske.

Ga Jariri
◾ Jariran da s**a dade a ciki ba a haife su ba s**an yi girma sosai. Wannan zai iya sa a sha wahala lokacin nakuda ko kuma ma a bukaci yiwa uwa aikin gaggawa (C-section).

◾Ruwan da ke kewaye da jariri (amniotic fluid) zai iya raguwa, wanda hakan zai iya matse lakar da ke hade da jaririn (umbilical cord) ya kuma taba iskar oxygen da yake samu.

◾Bayan mako 40, mahaifar uwa takan fara gajiya, wanda hakan zai iya rage karfin kai wa jariri abinci da iskar oxygen.

◾ Jariran da s**a dade a cikin ciki, fatarsu na iya bushewa, ko tsagewa saboda bacewar sinadarin vernix caseosa (farin abun nan da ke jikin jariri idan an haife shi - da muka saba kira da datti).

◾Akwai yiwuwar jariri ya yi bayan gari na farko a cikin ruwan mahaifar. Idan ya shaka wannan ruwan lokacin haihuwa, zai iya samun matsalar numfashi.

◾A kwai yiwuwar hatsarin mutuwar jariri, duk da yake hakan bai cika faruwa ba, hatsarin rasa jariri a ciki yana iya karuwa ne kadan bayan mako 41.

Ga Uwa
◾Haihuwar da ta wuce lokaci takan zo da nakuda mai tsawo da wahala, wanda kan sa likitoci su yi amfani da magungunan sa nakuda ko wasu na’urori.

◾Saboda girman jariri ko damuwar da jariri zai iya shiga, yin fida (CS) ya fi yawa a irin wannan yanayin.

◾Dadewar cikin yana kara ciwon baya, kumburin kafa, da rashin barci. Haka kuma uwa tana iya shiga cikin damuwa (anxiety).

◾Akwai yiwuwar uwa ta zubar da jini sosai bayan haihuwa saboda girman jariri ko wahalar nakuda.

Likitoci suna kara kaimi wajen duba lafiyar uwa da jariri ta hanyoyi k**ar haka:

◾ Ana duba uwa sau daya ko biyu a mako bayan mako 40.
◾ Don duba bugun zuciyar jariri da motsinsa.
◾ Amfani da Ultrasound don duba yadda jariri yake motsi, numfashi, da kuma yawan ruwan da ke tare da shi.
◾Idan ciki ya kai mako 41-42, likitoci na iya bayar da magani don tsokano nakuda.

Yaushe Ya Kamata a Gaggauta Ganin Likita?

Kamata ya yi uwa ta tuntubi likita nan take idan ta ga wadannan alamun:
◾Raguwar motsin jariri.
◾Zuban jini ko fitar wani ruwa ta gaba.
◾Ciwon ciki mai tsanani.
◾Alamun nakuda (k**ar ciwon baya mai zuwa da tafiya ko fashewar ruwan faya).

Sakon Karshe:
Duk da cewa akwai hadura, yawancin mata suna haihuwa lafiya kalau idan har ana bin umarnin likitoci.

Hakkin Mallaka: Ciki da Raino

30/03/2026

Idan kin kasa shan ruwa saboda laulayi, wace irin dabara k**e yi?

Muna jinku🔥

30/03/2026

Muna tawassali da sunayen Allah kyawawa, Allah ya azurta mu da zuri'a ta gari. Yasa su zamo masu jin kai garemu.

Mazaje Ne Allah ya Raya!

30/03/2026

Da fari, muna taya ki murnar shigowa wannan gagarumin mataki na rayuwa. Idan kuwa kika tsinci kanki a matsayin mai juna biyu jim kadan bayan aure, wannan abin farin ciki ne, amma kuma abu ne mai sauki ki ji ki cikin damuwa, fargaba ko rudani.

Goyon ciki ba tafiya ce ta jiki kawai ba; tafiya ce da ake yin ta da zuciya, tunani, da kuma canjin rayuwa baki daya.

Ga wasu muhimman abubuwa da zasu taimaka miki wajen fuskantar wannan lokacin cikin kwanciyar hankali:

1. A cikin 'yan makonnin farko bayan samun ciki, jikinki zai fara fuskantar sauye-sauye saboda tsarin hormones. Kina iya jinki cikin:
◾Kasala da yawan bacci: Jikinki yana aiki tukuru don gina gidan da jariri zai zauna.
◾Lulayi (Morning Sickness): Tashin zuciya ko amai ba lallai bane ya tsaya a safe kadai.
◾Sauyin yanayi (Mood Swings): Lokaci guda kina iya jinki ciki farin ciki, lokaci guda kuma a jiki kina kuka. Wannan duka normal ne!

2. Abinci shi ne tushen komai domin yanzu ba ke kadai k**e ci ba. Amma hakan ba yana nufin ki ci abinci ninki biyu ba; yana nufin ki ci abinci mai inganci.
◾Ki yawaita cin ganye, 'ya'yan itace, da sunadarai (protein).
◾Sha ruwa sosai domin kiyaye lafiyar fatarki da kuma gujewa jin jiri.
◾Fara shan magungunan karfafa jiki (Prenatal vitamins) k**ar yadda likita ya tsara miki.

3. Sannan wannan ne lokaci mafi dacewa da zaku kara samun dankon soyayya tsakanin ki da maigida. Shi ma sabon abu ne a gare shi. Ki sanar da shi yadda k**e ji—idan kina jin tsoro, idan kina jin dadi, ko kuma idan kamshin abincin da yake so yana saki jin amai! Hadin kai tsakanin ma'aurata yana rage radadin kowane irin kalubale.

4. Kada ki takura kanki da ayyukan gida masu wahala. Idan jikinki ya gaya miki kina bukatar hutu, to ki samu ki huta. Damuwa (stress) ba abokiyar rayuwar mace mai ciki bace. Nemi abubuwan da ke sanya ki farin ciki, ko karatun littafi ne ko sauraren kalami masu dadi.

5. Ziyartar Asibiti (Antenatal) abu ne da ya k**ata ki dauka da muhimmanci. Kada ki jira sai cikinki ya girma kafin ki fara zuwa asibiti. Bin umarnin likitoci tun daga farko yana taimakawa wajen gano lafiyar jariri da kuma kiyaye ki daga matsaloli irin su hawan jini na masu juna biyu wanda yake zama sanadin jijjiga lokacin haihuwa.

Ki sani yar'uwa kowace mace tana da yadda take fuskantar nata juna biyun. Kada ki gwada kanki da wata. Jikinki yana yin wani abin al'ajabi ne na halitta, don haka ki ba kanki lokaci kuma ki so kanki.

Wannan tafiya ce mai ban sha'awa da zata kai ki ga rungumar daya daga cikin zuri'arki kuma jininki. Don haka ki rungumi kowane irin lokaci cike da murmushi!

Allah ya raba lafiya, ku taya mu yadawa idan wannan sako ya amfanar.

Hakkin Mallaka: Ciki Da Raino

30/03/2026

Abubuwa Biyar da Mace Mai Juna Biyu Bai Kamata Ta Sha Ba – Na Biyar Zai Ba Ki Mamaki.

1. Magunguna masu rage ciwon jiki wanda ake kira NSAIDs a turance, k**ar su Diclofenac da Ibuprofen:

Waɗannan magungunan rage zafi na iya haddasa matsala ga zuciyar jariri, musamman idan aka sha su a watannin ƙarshen juna biyu. Shan wa’inan magunguna na iya haifar da rufewar hanya mai muhimmanci a zuciyar jariri wato ductus arteriosus, zai iya haifar da matsalar koda, ko kuma yasa ciki ya zube.
Idan ya zama dole, ayi amfani da paracetamol bayan shawara da likita.

2. Shan Giya ko barasa (Alcohol): Sha giya yayin juna biyu na iya haddasa cutar da aka fi sani da fetal alcohol spectrum disorder (FASD), wanda ke lalata kwakwalwa, yana hana yaro gane abubuwa idan yana girma, da kuma bata fuskan yaro tun yana ciki.
Babu wani adadi na giya da ake ganin ya dace da mace mai ciki ta sha.

3. Man shafawa na kurajen pimples da masu sa fata ta canza launi:
Wasu daga cikin waɗannan sun ƙunshi sinadarai masu haɗari k**ar retinoids da *
hydroquinone waɗanda ke iya shiga jini su yi illa ga jariri. Yawanci ba a gwada amincinsu ga masu juna biyu kafin a hada su.

4. Caffeine (idan ya yi yawa):

Shan caffeine da yawa (fiye da 200mg a rana) yana da alaƙa da yuwuwar zubar da ciki, haihuwa da wuri ko jariri ƙarami. Caffeine na cikin Nescafé, cakula (Chocolate), shayi da kuma wasu magunguna, don haka mata masu ciki su kula da adadin da suke sha.

5. Maganin da aka fi sani da ja da yellow (Tetracycline):

Wannan magani yana hana girman hakora da ƙashin jariri. Yana kuma iya canja launin hakoran sa. Hakan yana sa hakoran jariri su yi rawaya har abada kuma ƙashin su ya raunana. Mafi haɗari ne idan aka sha a watanni na biyu da uku na ciki.

Mu Lura: Ko kafin ki sha magani mai sauƙi, ki nemi shawarar likita. Abu kaɗan na iya zama babbar barazana ga lafiyar jaririnki.

Allah yasa mu dace. Ameen.

Copied

30/03/2026

Wai naji ashe idan mace zata haihu iyayen mu a karkara dama biranan ana bata maganin zak'i 🤔

Yar'uwa manene zakin da har zaa naki maganin akansa wai

Wannan ruwa dake zuba kika kuma ganin sa ba sunan sa zaki ba sunan sa AMNIOTIC FLUID wanda shine yaronki yake a ciki, shi yaronki yake sha kuma , sannan jikin da kuma fitsarin yaronki sune Kan gaba wajen abinda s**ayi wannan ruwa

Shi wannan ruwa yana kunshe a cikin wata jaka ne da ake kira da AMNIOTIC SAC wanda itace ke fashewa lokacin haihuwa ruwan ke fitowa ake cemiki wai zaki ne

Babu wani abu mai k**a da zaki yar'uwa..

Ki zama wayayyiya dan Allah

Sannan Nigeria ce kasar da majalissar dinkin duniya ta sanar da cewa tafi kowacce kasa yawan samun mace macen mata masu juna biyu inda s**ace cikin kowacce mai ciki su 100 to 1 na mutuwa

Zamu duba wannan batun so sai mu kuma fito da abinda muke ganin shine silar hakan in sha Allah

✍Umar Rayyanu Adam

____________________TALLA___________________

Kana da mace mai ciki? Ko kina da ciki? Wannan littafin zai taimaka muku sosai!
Ya ƙunshi:

✨ Tambayoyi 30 da Amsoshi kan jima’i yayin da mace ke da juna biyu
🛏️ Salon kwanciya guda 7 da hotuna da bayani
📘 Littafin yana zuwa a matsayin PDF – za ka karanta shi a waya ko kwamfuta

💵 Farashi: ₦500 kawai!

Yadda za ka siya: 🏦 Biya zuwa
📛 Sunan Asusu: Hafsat Bako
🔢 Lambar Asusu: 0030220053
🏛️ Banki: Sterling Bank

📲 Bayan biyan kuɗi,
Tura shaidar biya ta WhatsApp zuwa: 07049840410 ko ka danna wannan link din domin domin magana da mu.

📥 Za a tura maka littafin PDF nan da nan bayan tabbatar da biyan.

30/03/2026

RUWA YANA DA MATUƘAR MAHIMMANCIN LOKACIN CIKI

©Jaridar Ciki Da Raino

A lokacin da mace ke da juna biyu, ana ba da shawarar ta sha kimanin kofi 8 zuwa 12 na ruwa a kullum (wanda yake kusan lita 1.9 zuwa 2.8 ko kuma ounces 64 zuwa 96).

Wannan karin shan ruwa yana da matuƙar muhimmanci domin kiyaye jiki ya kasance cikin danshi, samar da ruwan amniotic, da kuma tallafawa cigaban jariri gaba ɗaya.

Me yasa ruwa yake da mahimmanci sosai a lokacin ciki?

Danshi (Hydration): Ruwa yana da matuƙar amfani wajen kiyaye danshi a jiki, wanda yana da matuƙar amfani ga lafiyar uwa da kuma jariri.

Ruwan Amniotic: Shan isasshen ruwa yana taimakawa wajen samar da ruwan amniotic da ke kewaye da jariri a cikin mahaifa, wanda ke zama kariya ga jariri.

Isar da Abinci Mai Gina Jiki (Nutrient Transport): Ruwa yana taimakawa wajen yawo da sinadarai masu gina jiki a jikin uwa, wanda hakan yana taimakawa jariri ya samu abinci mai kyau.

Fitar da abubuwan da ba a so(Waste Removal): Ruwa yana taimakawa wajen fitar da tarkacen sharar jiki, wanda a lokacin ciki kan iya wahala fiye da yadda aka saba.

Sauran Fa’idodi:
Shan ruwa sosai yana taimakawa wajen narkar da abinci, rage haɗarin kamuwa da cutar fitsari (urinary tract infection), da kuma inganta lafiyar fata.

Idan ya amfanar ku taya mu yadawa wasu suma su amfana.

28/03/2026

Idan har kunji dadin wadannan kalaman, don Allah karku wuce ba tare da kunyi share, like da comment ba.

Ba kowane mutum ba ne zai fahimci irin jarumtar da k**e yi ba, sai wadda ta taba zama a irin matsayinki. Daukar ciki ba karamin aiki ba ne, b***e kuma a hada shi da raino.

Ga mace mai ciki:

Muna jinjina miki! Wannan kasalar, amai, kyamar abinci, da rashin samun natsuwa wajen barci, duka wani mataki ne na gina sabuwar rayuwa. Kada ki damu idan kin ga jikinki ya canza; wannan shi ne kyan mace jaruma. Allah ne zai biya ki da abin da kika sadaukar da jin dadinki akansa.

Ga uwa mai raino:

Ke kadai kika san me k**e fuskanta a daren da kowa yake barci, amma ke kina zaune kina rarrashin yaro ko ba shi nono. Ke ce mai wanke kazanta, mai jure kukan yaro, kuma mai tabbatar da cewa yaro ya koshi kafin ke ki samu Abin da zaki sa bakinki.

Wannan sadaukarwar taku ba za ta tafi a banza ba da ikon Allah.

Ke ba mace ba ce kawai; ke ginshiki ce, ke madubi ce, kuma ke ce silar farin cikin gobe ce.

Allah ya raba ku da cikkunan nan lafiya, ya raya muku zuri'a, ya kuma ba kuya kuma ba ku ikon tarbiyya.

28/03/2026

MATSALAR RUWAN NONO GA MAI JEGO

Dr. Auwal Ahmed Musa

Idan uwa tana da ƙarancin ruwan nono bayan haihuwa, akwai hanyoyi da dama da za ta bi don ƙara yawan madarar nononta. Ga wasu hanyoyi masu tasiri:

1. Shan Ruwa da Abinci Mai Gina Jiki
Tana buƙatar shan lita 3 zuwa 4 na ruwa a rana domin ƙara yawan nono.
Cin abinci mai gina jiki k**ar:
Dabino da Madara
Kayan lambu (alayyahu, zogale, gwanda, da karas)
Wake, kifi, da nama
Gyada da kwayoyi k**ar almond da cashew

2. Shan kunu ko koko ko Shayi ko Kayan Lambu da ke Kara Ruwan Nono
Shan furen zogale ko zogale da kifi
Shan kunun aya ko kunun gero da dabino
Shan ruwan kokumba ko ruwan kwakwa

3. Shayarwa Akai-Akai
Yara su na buƙatar shan nono a kalla sau 8 zuwa 12 a rana, wannan yana ƙarfafa ƙarin ruwan nono.
Ana iya matse nono da hannu idan babu damar shayar da jariri akai-akai.

4. Hutu da Kula da Lafiya
Gajiya da damuwa na rage ruwan nono, saboda haka mace ta huta da kyau kuma ta guji damuwa.
Tana iya yin tausa da man zaitun a ƙirji don inganta fitar ruwan nono.
Idan duk waɗannan ba su yi tasiri ba, ana iya tuntubar likita don samun shawara ta musamman.

Allah Ya sa a dace.
Asibiti A Tafin Hannun Ka

28/03/2026

ZINARIYAR MACE - 1

Namiji yakan ji dadi idan ya ga matarsa tana kula da kanta k**ar yadda take kula da kanta kafin haihuwa. Idan miji ya dawo gida ya tarar da matarsa ko yaushe cikin kazanta, warin dauda, kauri, ko kuma rashin kula da jiki yadda ya k**ata, wannan kan iya sa hankalinsa ya fara fita daga kanta.

Kauna tana raguwa ne idan sha'awa da kyan gani s**a fara kaura.

Me zaku iya cewa akan wannan shawarar?

Ciki Da Raino

31/03/2026

31/03/2026

31/03/2026

30/03/2026

30/03/2026

30/03/2026

30/03/2026

30/03/2026

30/03/2026

28/03/2026

28/03/2026

28/03/2026

Address

Website

Alerts

Contact The Practice

Shortcuts

Share

Category