Linda Røyseth Sandhåland - folkesongar

Hjem
Norge
Rossland
Linda Røyseth Sandhåland - folkesongar

Folkesongar, songpedagog og logoped frå Alver kommune, Vestland fylke, Noreg. Medredaktør for www.strilakultur.no/barnesongboka

Linda Røyseth Sandhåland (f.1981) kjem frå Rossland i Alver kommune. Ho er utdanna folkesongar og song- og musikkpedagog frå Høgskolen i Telemark på Rauland, Kvedarskulen på Ole Bull Akademiet på Voss, etnomusikologi og PPU i musikk frå Griegakademiet ved Universitetet i Bergen. Ho er også utdanna logoped frå Universitetet i Bergen. Linda har fordjupa seg i den vokale folkemusikken frå kysten av Hordaland og har lært folkesongar direkte frå eldre utøvarar, frå opptak og notar. Ho har drive som utøvande folkesongar sidan 1995, har vunnet ei rekkje kappleikar og er kvalifisert til deltaking i A-klassa på Landskappleiken. Som frilansar opptrer ho for det meste a capella, men også i samspel med andre musikarar. Ho har lang erfaring som song- og musikkpedagog og kurshaldar for alle aldersgrupper; frå babysong, undervisning i kulturskule, folkehøgskule, vidaregåande og høgare utdanning. Linda har saman med Kjersti Møllerup Wiik laga "Barnesongboka"; ein gratis digital nettressurs med lokale barnesongar frå alle kommunar på Strilalandet. Dei var også prosjektleiarar for "Kystbarnesongen - lokal folkesong i skulen" som var eit 2-årig prosjekt der dei lærte opp instruktørar og besøkte alle 2.klassingar i 9 kommunar kring Bergen skuleåret 2021/2022 og 2022/2023. Ca.2800 born og fleire hundre vaksne fekk lære lokale barnesongar gjennom prosjektet. Linda har motteke fleire stipend og prisar for sitt arbeid som formidlar av vokal folkemusikk, mellom anna Musikkprisen for Meland kommune i 1996, Hordaland fylke sitt utviklingsstipend i musikk i 1997, Statoilprisen for Nordhordland og Gulen i 1998, Ivar Medaas-prisen i 2001, stipend til kunstnarar frå Sven Revolds Minnefond i 2004 og Kulturstipend 2020 frå Alver kommune.

28/10/2025

Eit lite glimt frå gårsdagens føredrag om mellomalderballadar på Bryggens museum. Takk for meg, Bymuseet i Bergen 🥰🎶

23/10/2025

På måndag heldt eg føredrag om mellomalderballadar på Bryggens museum kl.12. Velkomen dei som kan!🥰🎶

16/10/2025

Velkomen til familiekonsert på søndag kl.17 på Meieriet på Frekhaug! 🥰🎶

Gjengen bak familiekonserten "Den BLÅ timen" øver på Meieriet Frekhaug.
Kom og opplev songar og forteljingar frå Nordhordland kl. 17.00 på sundag. 200 kr. for vaksne og gratis for born. Kjøp billettar på
https://alverkultur.ticketco.events/no/nb/e/familiekonsert_den_blaa_timen

Medverkande (frå venstre): Johanna Seim (hardingfele), Linda Røyseth Sandhåland (song), Laila Kolve (blokkfløyte), Kjersti Møllerup Wiik (song), Lovise Espeland (song)

Songkoret Strilongane frå Rossland deltek også på konserten!

08/09/2025

Gler meg! 🥰🎶

Velkommen i ungdomshuset på Rossland 11. september

02/09/2025

31/07/2025

Gler meg til å starta innspeling i dag! 🥰🎶

04/07/2025

Her er eit tips til deg som er i Bergensområdet og ikkje veit heilt kva du skal finne på i sommarregnet. 🥰 Ps: Har du på lyden på videoen under, kan du høyre meg syngje eit vers av mellomalderballaden.

17/06/2025

I dag framførte eg eit Elias Mjåtveit-program med forteljing og song på føremiddagstreff på Seniorsenteret på Frekhaug. 🥰🎶 Takk til Meland Helselag for oppdraget!

Elias Mjåtveit (1874-1957) kom frå husmannsplassen Træet på Holsnøy, i dag Alver kommune. Han var bonde, men også ein allsidig kulturperson; diktar, spelemann, målmann og folkeminnesamlar, samt bibliotekar. Han lærte mykje frå bestefaren, den dugande spelemannen Per Olsson Mjåtveit (1800-1883), men også frå dei han møtte elles i til dømes ungdomslag.

Elias delte kunnskapen sin vidare i bøker og artiklar og sendte kladdebøker med informasjon til Arne Bjørndal. Han fekk også med 20-30 songar som han hadde samla i Bernt Støylen si "Norske barnerim og leikar" (1899), samt 860 ord og uttrykk med i "Norsk ordbok". Såleis var det eit uvurderleg viktig arbeid han gjorde for å ta vare på folkeminne lokalt, men også i nasjonal målestokk. Du kan lese meir om han og lytta til ein liten barnesong me har etter han her: https://www.strilakultur.no/songane/pusekatt-kor-lag-du-i-natt-meland

Foto av Elias Mjåtveit er henta frå eit postkort han fekk trykt opp.

Adresse

Rossland

Nettsted

http://www.strilakultur.no/barnesongboka

Varslinger

Vær den første som vet og la oss sende deg en e-post når Linda Røyseth Sandhåland - folkesongar legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Praksisen

Send en melding til Linda Røyseth Sandhåland - folkesongar:

Snarveier

Vil du plassere din praksis på toppen av Klinikk-listen i Rossland?

Del

Type

Talepedagog