24/03/2026
विश्व क्षयरोग दिवस :
आज मेडिकल विज्ञान लगायत उपचार पद्धतिको यो उँचाइसम्म पुग्दा पनि विश्व जनसँख्याको एकतिहाई जनसँख्या क्षयरोगको कीटाणुको सङ्क्रमण जोखिममा रहेको देखिन्छ । विकासोन्मुख देशहरूमा यो जोखिम दर झन् बढेर ९० प्रतिशतसम्म रहेको पनि देखिन्छ ।
प्रतिवर्ष विश्वमा ८० लाख नयाँ क्षयरोगी थपिन्छन् भने २० लाखको क्षयरोगकै कारणले मृत्यु हुने गर्दछ । नेपालको क्षयरोगको तथ्याङ्क झन् भयावह छ, राष्ट्रिय क्षयरोग केन्द्रका अनुसार लगभग ५० प्रतिशत नेपाली जनसँख्या क्षयरोगले ग्रसित पाइएको छ । हरेक वर्ष करिब ४४ हजार नयाँ क्षयरोगीहरू नेपालमा थपिने र करिब ५ देखि ७ हजार नेपाली क्षयरोगले बर्सेनी मर्ने तथ्याङ्क पनि देखिन्छ । क्षयरोगीहरूको उमेर समूह धेरैजसो उत्पादक उमेर र अर्थात् १५ देखि ४९ वर्ष हुने गर्दछ ।
क्षयरोगको लक्षणहरु :
– ३ हप्ताभन्दा बढी खोकी लाग्नु, छाति भारी हुनु, दुख्नु ।
– स्वास–प्रस्वासमा जटिल हुनु ।
– खकारमा रगत देखिनु ।
– साँझपख मन्दमन्द ज्वरो आइरहनु ।
– भोक नलाग्नु, खाना खान रुची नहुनु ।
– सरीरको तौल घट्दै जानु ।
यदि यस्ता लक्षणहरु देखिएमा नजिकको स्वास्थ्य संस्था तथा हस्पिटलमा गई स्वास्थ्य जाँच गराई विशेषज्ञ चिकित्सकसँग परार्मश लिई स्वास्थ्य लाभ लिनुपर्दछ ।
अरनिको हस्पिटल प्रा.लि.
डा. उज्ज्वल कार्की
फिजिशियन
उर्लाबारी न.पा. ५, स्कुलडाँडा, मोरङ
फोन नं. ०२१–५४३९८१, ९८०१९०९४८१, ९७४६८७१०८१
ई–मेल: aranikohospital@gmail.com
