स्वास्थ्य मन्त्रालय, गण्डकी प्रदेश

24/03/2026

विश्व क्षयरोग दिवस, २०२६ को शुभकामना सन्देश ।

17/03/2026

प्रेस विज्ञप्ति

मिति: २०८२ चैत्र ३

ढोरपाटन नगरपालिका,बागलुङमा दादुराको प्रकोपको अवस्था र प्रतिकार्य ।
बागलुङ जिल्लाको ढोरपाटन नगरपालिका वडा नं. ७, ८ र ९ मा विगत तीन हप्तादेखि दादुरा (Measles) रोगको प्रकोप देखिएको छ। २०८२ चैत्र ३ गतेसम्म उक्त क्षेत्रमा १२६ जना शंकास्पद बिरामीहरू पहिचान भएका छन् । संक्रमित मध्ये हाल ८ जनाको बुर्तिवाङ अस्पताल, ५ जनाको बोबाङ स्वास्थ्य चौकी, १ जनाको धौलागिरी प्रादेशिक अस्पताल र ४ जनाको पोखरा स्वास्थ्य विज्ञान प्रतिष्ठानमा उपचार भइरहेको छ भने बुर्तिवाङ अस्पतालमा ६४ जना र बोबाङ स्वास्थ्य चौकीमा ६ जनाको सफल उपचार भई डिस्चार्ज भएका छन् ।
यस अवस्थालाई मध्यनजर गर्दै स्वास्थ्य मन्त्रालय, गण्डकी प्रदेशले नेपाल सरकार, स्थानीय तह, विश्व स्वास्थ्य संगठन, स्थानीय स्वास्थ्य संस्था तथा सम्बन्धित निकायहरूसँग समन्वय गर्दै प्रभावित क्षेत्रमा रोगको थप अध्ययन, निगरानी तथा रोकथाम एवं नियन्त्रणका कार्यहरूलाई तीव्र रूपमा अगाडि बढाइरहेको छ । सो कार्यका लागि विज्ञसहितको प्राविधिक टोली परिचालन गरिएको छ । हालसम्म प्रभावित क्षत्रको २४९९ घरमा गई पाँच वर्ष मुनिका बालबालिकाहरुको खोप को अवस्था पहिचान गर्नुका साथै शंकास्पद विरामीहरुको खोज पड्ताल गरिएको छ ।
प्रकोप व्यवस्थापनलाई प्रभावकारी बनाउन गण्डकी प्रदेश सरकारले बुर्तिवाङ अस्पतालमा तथा ढोरपाटन नगरपालिले बोबाङ स्वास्थ्य चौकीमा आइसोलेसन वार्ड स्थापना गरेको छ । ढोरपाटन नगरपालिकासँग जोडिएका र आवतजावत धेरै हुने अन्य स्थानीय तहहरुसँग यस प्रकोपलाई फैलन नदिन पूर्व तयारीको लागि समन्वय भइरहेको छ । साथै बिरामीहरूको उपचार व्यवस्थापनलाई सुदृढ बनाउन आवश्यक स्वास्थ्य जनशक्ति परिचालन गर्नुका साथै आवश्यक औषधि तथा अन्य चिकित्सा सामग्रीहरूको समेत व्यवस्था गरिएको छ । हालको महामारी अवस्थालाई मध्यनजर गर्दै नेपाल सरकार, स्वास्थ्य सेवा विभाग, परिवार कल्याण महाशाखाको नेतृत्व र प्रदेश तथा स्थानीय सरकारको समन्वयमा २०८२ फागुन २९ गतेदेखि चैत २ गतेसम्म ढोरपाटन नगरपालिकाका १०-१९ वर्ष उमेर समूहका बालबालिकाहरूलाई Outbreak Response Immunization (ORI) अन्तर्गत दादुरा विरुद्धको खोप अभियान सञ्चालन गरिएको छ । उक्त अभियानमा ५७६७ जनालाई खोप दिईएको छ भने छुट भएका बालबालिका तथा किशोर-किशोरीहरुलाई बुर्तिवाङ अस्पतालमा चैत्र ५ गतेसम्म खोप दिने व्यवस्था मिलाईएको छ ।
त्यसैगरी, सम्बन्धित क्षेत्रका बासिन्दाहरूमा उच्च ज्वरो आउने, शरीरमा राता मसिना बिमिरा देखिने, खोकी लाग्ने, आँखा रातो हुने, नाकबाट पानी बग्ने आदि दादुरासँग मिल्दाजुल्दा लक्षणहरू देखिएमा नजिकको स्वास्थ्य संस्थामा तुरुन्त सम्पर्क गरी स्वास्थ्यकर्मीले दिएका सुझावहरू पालना गर्नुका साथै दादुराको प्रकोप पूर्ण रुपमा अन्त्य नभएसम्म जनस्वास्थ्यका सावधानीका उपायहरु अवलम्बन गर्नुहुन एबं सार्वजनिक स्थानहरुमा भिडभाड नगर्नुहुन आम नागरिकहरुलाई स्वास्थ्य मन्त्रालय हार्दिक अनुरोध गर्दछ । दादुराको प्रकोप रोकथाम, नियन्त्रण एबं व्यवस्थापनमा सहयोग पुर्‍याउने सम्पूर्ण चिकित्सक, स्वास्थ्यकर्मी, जनसमुदाय एबं सरोकारवाला निकाय तथा व्यक्तिहरूप्रति मन्त्रालय हार्दिक धन्यवाद व्यक्त गर्दछ ।

12/03/2026

ढोरपाटन नगरपालिका,बागलुङमा दादुराको प्रकोपको अवस्था र प्रतिकार्य ।
बागलुङ जिल्लाको ढोरपाटन नगरपालिका वडा नं. ७, ८ र ९ मा विगत दुई हप्तादेखि दादुरा (Measles) रोगको प्रकोप देखिएको छ । २०८२ फागुन २८ गतेसम्म उक्त क्षेत्रमा ८३ जना शंकास्पद बिरामीहरू पहिचान भएका छन् । यसका अतिरिक्त बागलुङ जिल्लाकै बडिगाड गाउँपालिकाका विभिन्न वडाबाट समेत ४ जना शंकास्पद बिरामीहरू देखिएका छन् । संक्रमित मध्ये हाल ४ जनाको बुर्तिवाङ अस्पताल, ५ जनाको बोबाङ स्वास्थ्य चौकी र २ जनाको पोखरा स्वास्थ्य विज्ञान प्रतिष्ठानमा उपचार भइरहेको छ भने बुर्तिवाङ अस्पतालमा उपचारको लागि भर्ना गरिएका २९ जना डिस्चार्ज भएका छन् ।

यस अवस्थालाई मध्यनजर गर्दै स्वास्थ्य मन्त्रालय, गण्डकी प्रदेशले नेपाल सरकार, स्थानीय तह, विश्व स्वास्थ्य संगठन, स्थानीय स्वास्थ्य संस्था तथा सम्बन्धित निकायहरूसँग समन्वय गर्दै प्रभावित क्षेत्रमा रोगको थप अध्ययन, निगरानी तथा रोकथाम एवं नियन्त्रणका कार्यहरूलाई तीव्र रूपमा अगाडि बढाइरहेको छ । सो कार्यका लागि विज्ञसहितको प्राविधिक टोली परिचालन गरिएको छ ।

प्रकोप व्यवस्थापनलाई प्रभावकारी बनाउन गण्डकी प्रदेश सरकारले ढोरपाटन नगरपालिका अन्तर्गत बुर्तिवाङ अस्पतालमा तथा स्थानीय सरकारले बोबाङ स्वास्थ्य चौकीमा आइसोलेसन वार्ड स्थापना गरेको छ । साथै, बुर्तिवाङ अस्पतालमा बिरामीहरूको उपचारमा सहयोग गर्न धौलागिरी प्रादेशिक अस्पताल, बागलुङ, प्रदेश अस्पताल, पर्वत र म्याग्दीबाट थप स्वास्थ्य जनशक्ति परिचालन गर्नुका साथै प्रादेशिक स्वास्थ्य आपूर्ति व्यवस्थापन केन्द्र, गण्डकी प्रदेशबाट आवश्यक औषधी तथा अन्य चिकित्सा सामग्रीहरूको समेत व्यवस्था गरिएको छ । हालको महामारी अवस्थालाई मध्यनजर गर्दै नेपाल सरकार, स्वास्थ्य सेवा विभाग, परिवार कल्याण महाशाखाको नेतृत्व र प्रदेश तथा स्थानीय सरकारको समन्वयमा २०८२ फागुन २९ गतेदेखि चैत २ गतेसम्म ढोरपाटन नगरपालिकाका १० देखि १९ वर्ष उमेर समूहका बालबालिकाहरूलाई Outbreak Response Immunization (ORI) अन्तर्गत दादुरा विरुद्धको खोप अभियान सञ्चालन गरिने भएको छ ।

त्यसैगरी, सम्बन्धित क्षेत्रका व्यक्तिहरूमा उच्च ज्वरो आउने, शरीरमा राता मसिना बिमिरा देखिने, खोकी लाग्ने, आँखा रातो हुने, नाकबाट पानी बग्ने आदि जस्ता दादुरासँग मिल्दोजुल्दो लक्षणहरू देखिएमा नजिकको स्वास्थ्य संस्थामा तुरुन्त सम्पर्क गरी स्वास्थ्यकर्मीले दिएका सुझावहरू पालना गर्न स्वास्थ्य मन्त्रालय हार्दिक अनुरोध गर्दछ ।

स्वास्थ्य मन्त्रालय, गण्डकी प्रदेशले वर्तमान अवस्थाको निरन्तर निगरानी गरिरहेको छ । आवश्यकताअनुसार थप कदमहरू अवलम्बन गरिने जानकारी गराउँदै दादुरा प्रकोपको समयमै रोकथाम तथा नियन्त्रणका लागि सबै सरोकारवालाहरूको सहयोग अपरिहार्य रहेको छ । साथै, हालसम्म सहयोग पुर्‍याउने सम्पूर्ण निकाय तथा व्यक्तिहरूप्रति मन्त्रालय हार्दिक धन्यवाद व्यक्त गर्दछ । मिति: २०८२ फागुन २८

07/03/2026

23/02/2026

गण्डकी प्रदेश सरकार, स्वास्थ्य मन्त्रालयको आयोजनामा मन्त्रालय मातहतका २ आयुर्वेद अस्पताल सहित कुल १६ वटै प्रदेश अस्पतालहरूमा नवगठित व्यवस्थापन समितिका अध्यक्ष र सदस्य सचिव (मेडिकल सुपरिटेन्डेन्ट) हरूसँग फागुन ११ गते एक अन्तरकृया सम्पन्न भएको छ ।

मन्त्रालयका माननीय मन्त्री कृष्ण प्रसाद पाठकज्यूको अध्यक्षतामा सञ्चालित उक्त कार्यक्रममा मन्त्रालयका वरिष्ठ स्वास्थ्य शिक्षा अधिकृत प्रशान्त राज शर्मा, प्रदेश अस्पताल लमजुङका प्रमुख डा. शिशिर देवकोटा, मन्त्रालयका चिकित्सा सेवा महाशाखा प्रमुख डा. रमेशकुमार के.सी., प्रदेश अतिरिक्त सचिव खिम बहादुर खड्का र सचिव डा. युवानिधी बसौलाले सहजीकरण गर्नुभएको थियो । अस्पताल व्यवस्थापन समितिका अध्यक्षहरूले आआफ्ना अस्पतालका समसामयिक विषयमा भनाइ राख्नुभएको उक्त कार्यक्रमलाई सम्बोधन गर्दै माननीय मन्त्रीज्यूले प्रदेश सरकारबाट जारी भएका ऐन, नियम, निर्देशिका र कार्यविधिले तोके अनुसारको कार्य जिम्मेवारी पूरा गर्दै अस्पतालको समग्र व्यवस्थापन र श्रीवृद्धिका लागि नेतृत्व प्रदान गर्न आग्रह गर्दै समितिका पदाधिकारीहरूलाई बधाई तथा शुभकामना दिनु भएको छ ।

23/02/2026

एक अस्पतालबाट अर्को अस्पतालमा सेवाग्राही सेवा लिन जाँदा विद्युतीय चिकित्सा अभिलेख पनि एक अस्पतालबाट अर्कोमा स्वत: स्थानान्तरण गर्ने प्रणाली (Electronic Health Record-EHR) लाई स्थापना गर्ने र प्रदेशमा प्रयोगमा आइरहेका विभिन्न स्वास्थ्य सूचना प्रणालीलाई अन्तरआवद्धता (Inter-Oprability) गर्ने उद्देश्यले गण्डकी प्रदेश सरकार, स्वास्थ्य मन्त्रालयद्वारा २ दिनका लागि आयोजित Consultative Workshop on EHR कार्यक्रम सम्पन्न भएको छ ।
मन्त्रालयका माननीय मन्त्री कृष्ण प्रसाद पाठकको प्रमुख अभिभावकत्व र सचिव डा. युवानिधी बसौलाज्यूको अध्यक्षतामा सञ्चालित उक्त कार्यक्रममा गण्डकी प्रदेश भित्र रहेका विभिन्न स्थानीय, प्रादेशिक र संघीय अस्पतालहरूका प्रमुख, तथ्यांक शाखा प्रमुख र सूचना प्रविधि अधिकृतहरूको सहभागिता रहेको थियो ।

उक्त कार्यक्रममा World Health Organization Nepal को प्राविधिक सहयोग रहेको थियो ।

04/01/2026

तहवृद्धिको लागि सूचना प्रकाशन गरिएको सम्वन्धमा ।

04/01/2026

जानकारी लिनुहोस्, पालना गर्नुहोस् ।
Mpox बाट बच्नुहोस्, बचाउनुहोस् ।।

31/12/2025

गण्डकी प्रदेश सरकार स्वास्थ्य मन्त्रालयद्वारा प्रायोजित
📻कार्यक्रम : हाम्राे स्वास्थ्य सराेकार अंक-९
अतिथी :
🎤 हिमलाल बराल, अध्यक्ष, वडा नं २२
🎤 बिदुर रेग्मी, प्रमुख, पोखरा स्वास्थ्य चौकी, वडा नं २२ र सेवाग्राहीहरु

18/12/2025

गण्डकी प्रदेश सरकार स्वास्थ्य मन्त्रालयद्वारा प्रायोजित
📻कार्यक्रम : हाम्राे स्वास्थ्य सराेकार अंक-८
अतिथी :
🎤हिरादेवी शर्मा, अध्यक्ष, मोदी गाउँपालिका,पर्वत
🎤उमेश कुमार अधिकारी, प्रमुख, स्वास्थ्य तथा जनसंख्या उपशाखा, मोदी गाउँपालिका, पर्वत

03/12/2025

गण्डकी प्रदेश सरकार स्वास्थ्य मन्त्रालयद्वारा प्रायोजित
📻कार्यक्रम : हाम्राे स्वास्थ्य सराेकार अंक-७
अतिथी :
🎤डा. शरद पन्थी, आर्युवेद चिकित्सक तथा कार्यालय प्रमुख,
धाौलागिरी आयुर्वेद अस्पताल बाग्लुङ र सेवारत डाक्टर तथा सेवाग्राहीहरु

01/12/2025

यस मन्त्रालयको मिति २०८२/०८/१४ को निर्णयानुसार सरुवा गरिएको / कामकाज गर्न खटाइएको कर्मचारीहरुको विवरण ।