05/01/2024
NAKAKASIRA NG KIDNEYS ANG PALAGIANG PAG-INOM NG PAIN RELIEVER
🔴 Ang mga pain reliever na tinatawag na NSAIDs (non-steroidal anti-inflammatory drug) ay kalimitang ginagamit ng marami para pangontra o pantanggal ng mga kirot sa katawan.
🔴 Ilang mga sikat na halimbawa ng NSAIDs ay ASPIRIN, IBUPROFEN, MEFENAMIC ACID, NAPROXEN, DICLOFENAC, CELECOXIB, MELOXICAM, INDOMETHACIN
✅ Ang mga gamot na ito ay LIGTAS AT EPEKTIBO kung ginamit ayon sa tamang dosage. Ang mga pain reliever ay kadalasan PANANDALIAN lamang ginagamit hanggang sa mawala ang kirot.
⚠️Ang PALAGIANG PAGGAMIT ng mga pain reliever na ito (araw-araw o linggo-linggo) sa loob ng mahabang panahon (ilang buwan hanggang taon) ay maaaring magdulot ng PAGKASIRA NG KIDNEYS.
⚠️Ang mga ito ay maaaring maging sanhi ng ACUTE KIDNEY INJURY (ACUTE INTERSTITIAL NEPHRITIS) na maaaring mauwi sa CHRONIC KIDNEY DISEASE kapag hindi naagapan (http://bit.ly/ckdpart01)
⚠️Maaaring silang magdulot ng HYPERKALEMIA o ang pagtaas ng potassium sa dugo, na delikado para sa puso (http://bit.ly/32Ax8CC)
⚠️Pwede ring magkaroon ng NEPHROTIC SYNDROME o ang pagtatapon ng protein sa ihi na maaari ring mauwi sa CHRONIC KIDNEY DISEASE (http://bit.ly/2m6VLYE)
⚠️Ang paggamit ng mga ito sa mga may CHRONIC KIDNEY DISEASE ay maaaring MAGPABILIS LALO ANG PAGKASIRA NG KIDNEYS, lalo na sa may mga diabetes at sa mga matatanda
Tandaan na lahat ng bagay, kapag NASOBRAHAN ay nakasasama.
