Provincial Health Office Romblon

01/04/2026

𝗧𝗜𝗡𝗚𝗡𝗔𝗡:Bilang bahagi ng pagdiriwang ng Women’s Month ngayong buwan ng Marso, nagsagawa ang Pamahalaang Panlalawigan ng Romblon, sa direktiba ni Gov. Trina Firmalo-Fabic, at pakikipag-ugnayan sa Provincial Health Office, ng isang "Women's Healthy Symposium" para sa mga empleyado ng PGR sa Provincial Multipurpose Circle, Ramon Magsaysay Park, sa bayan ng Romblon, Romblon.

Bukod sa mga health lectures tungkol sa PCOS, HPV vaccination, at reproductive health, handog din ng programa ang mga libreng laboratory services gaya ng Chest X-ray, blood sugar testing, at cholesterol screening.

27/03/2026

Para po sa mga kababaihan natin.
SDH- RDH - POGS (Philippine Obstetrics and Gynecologists Society) Medical Surgical Mission Mission
April 20-21 2026

27/03/2026

Alam mo ba talaga? O feeling mo lang?

Ready ka na bang ma-challenge ang utak mo?

May paparating na quick, fun, at nakakabitin na trivia reels mula sa 𝑷𝑫𝑶𝑯𝑶 𝑹𝒐𝒎𝒃𝒍𝒐𝒏 na siguradong mapapasabi ka ng “𝘈𝘺 𝘰𝘰 𝘯𝘨𝘢 𝘯𝘰!”

✅Test your knowledge
✅Sabayan mo kami sa bawat tanong
✅I-tag mo yung tropa mong feeling trivia master

STAY TUNED… dahil malapit na ‘to!

Comment ka na ng💚 kung game ka na!

24/03/2026

March 24 .. World TB Day
Ipinagdiwang ng Probinsya ng Romblon ang World TB Day sa Odiongan District Jail.
Inihatid ang serbisyong medikal sa ating mga kapatid sa loob ng Odiongan District Jail ang libreng Chest X ray, medical at dental check up , laboratoryo at libreng gamot.
Lubos ang pasasalamat ng Romblon Provincial Health Office sa pamunuan ng BJMP Odiongan District Jail at sa lahat ng ating mga health workers na nakiisa sa gawaing ito. Layunin ng aktibidad na ito na ilapit ang serbisyong medikal sa bawat Romblomanon at matugunan ang mga pangangailangang pangkalusugan.
Kasabay ng gawaing ito ang mapaigting ang kamalayan ng komunidad laban sa TB . Ang maagang pagpasuri ang susi sa magandang kalusugan ng bawat mamamayan.

23/03/2026

‼️ DOH: MGA LIDER SA KOMUNIDAD AT IBA PANG SEKTOR, MAKIISA SA "LIGHT UP PH" PARA SA PILIPINAS NA TUBERCULOSIS-FREE! ‼️

Ngayong March 24, 2026, ganap na 6:00 PM, inaanyayahan ang bawat lungsod at komunidad na sabay-sabay magsindi ng pulang ilaw bilang simbolo ng ating determinasyong wakasan ang TB sa bansa. Inaanyayahan ang mga organizer na gumamit ng alternative energy sources at makiisa sa light-up ceremony gamit lamang ang energy-efficient lighting sa loob lamang ng 5 minuto. Maging bahagi ng ating adhikain at i-download ang official Digital Kit dito: 🔗 bit.ly/LightUpPHforTB2026

🛡️ PAALALA: Manatiling protektado sa pamamagitan ng pagpapa-X-ray, pagtapos ng libreng gamutan, at pag-inom ng TB Preventive Treatment (TPT) para sa buong pamilya ayon sa reseta ng doktor.

📍 Hanapin ang pinakamalapit na pasilidad dito: ntp.doh.gov.ph/resources/facilities/

Yes! Pilipinas can : Magpasuri, Magpagamot at Mag-TPTodo para Protektado!

23/03/2026

YES! Romblon Can End TB ..
Magpasuri.. Magpagamot.. Mag-TPTodo

23/03/2026

Ang World Tuberculosis Day ay isang pandaigdigang araw ng kamalayan tungkol sa sakit na Tuberculosis (TB). Ipinagdiriwang ito tuwing March 24 bawat taon. 🌍🫁
Ang araw na ito ay para:
• 📢 Magbigay ng kaalaman tungkol sa TB
• 🧪 Hikayatin ang pagpapasuri at paggamot
• 🤝 Suportahan ang mga taong may TB
• 🌏 Tapusin ang TB sa buong mundo
Ano ang TB?
Ang Tuberculosis (TB) ay isang nakakahawang sakit sa baga na kumakalat sa hangin kapag ang may TB ay umuubo, bumabahing, o nagsasalita.
Karaniwang sintomas:
• matagal na ubo (2 linggo o higit pa)
• lagnat
• pagpapawis sa gabi
• pagbaba ng timbang
• pagkapagod
Mahalagang tandaan
✔ Nagagamot at nalulunasan ang TB kung maagang matukoy at tuloy-tuloy ang gamutan.
✔ Sa Pilipinas, may libreng TB testing at gamot sa mga health center.

13/03/2026

📍 Pagbisita ng DOH CHD MIMAROPA Regional Director sa Romblon
Bumisita sa lalawigan ng Romblon si Dr. Rodolfo Antonio M. Albornoz, Regional Director ng Department of Health – Center for Health Development MIMAROPA, upang palakasin ang serbisyong pangkalusugan sa probinsya.
Layunin ng pagbisitang ito na mapagtibay ang suporta ng DOH sa Romblon sa pamamagitan ng pagtukoy sa mga pangangailangan ng lalawigan pagdating sa health infrastructure, medical equipment, at mga pasilidad upang mas mapalapit at mapabuti ang serbisyong medikal para sa mga Romblomanon.
Bilang bahagi ng pagbisita, nagsagawa rin ng inspeksyon sa Bagong Pilipinas Mobile Primary Care Facility, isang programang naglalayong maghatid ng primary health care services sa mga komunidad, lalo na sa mga lugar na may limitadong access sa serbisyong medikal.
Ang hakbang na ito ay patunay ng patuloy na pakikipagtulungan ng DOH at ng Romblon Provincial Health Office upang masiguro ang mas accessible, de-kalidad, at abot-kayang serbisyong pangkalusugan para sa bawat mamamayan ng Romblon.
🤝 Sama-sama para sa mas malusog na Romblon!

13/03/2026

📢 RABIES AWARENESS MONTH
Ang buwan ng Marso ay idineklara bilang Rabies Awareness Month sa Pilipinas upang palakasin ang kaalaman ng publiko tungkol sa pag-iwas at pagkontrol sa rabies. Ang Rabies ay isang nakamamatay na sakit na naipapasa sa tao sa pamamagitan ng kagat, kalmot, o laway ng infected na hayop teddddulad ng a*o at pusa.
Layunin ng kampanyang ito na maprotektahan ang bawat pamilya at makamit ang isang rabies-free na komunidad.

Hinihikayat ng Romblon Provincial Health Office ang lahat na sundin ang mga sumusunod:
1. Magpabakuna ng alagang a*o at pusa laban sa rabies taun-taon.
2. Panatilihing responsable ang pag-aalaga ng hayop – huwag hayaang gumala sa kalsada.
3. Iwasang lumapit o maglaro sa mga a*ong gala o hindi kilalang hayop.
4. Kapag nakagat o nakalmot ng hayop:
o Hugasan agad ang sugat ng sabon at dumadaloy na tubig sa loob ng 15 minuto
o Magtungo agad sa Animal Bite Treatment Center (ABTC) o sa health facility
5. I-report sa barangay o veterinary office ang mga a*o o hayop na may kakaibang kilos.
Ang bakuna at tamang lunas agad pagkatapos ng exposure ang pinakamabisang paraan upang maiwasan ang rabies.
Sa pagdiriwang ng Rabies Awareness Month, ang Romblon Provincial Health Office kasama ang PDOHO Romblon at mga Rural Health Unit ABTC ay nagsasagawa ng mga sumusunod na gawain:
• 🐶 Mass Anti-Rabies Vaccination para sa mga a*o at pusa
• 🏫 Rabies Information and Education Campaign sa mga paaralan at barangay
• 📣 Community lectures at forum tungkol sa rabies prevention at responsible pet ownership
• 📚 Pamamahagi ng IEC materials tungkol sa tamang pag-iwas sa rabies
Ang mga ganitong programa ay bahagi ng pambansang kampanya ng pamahalaan upang palakasin ang kaalaman ng komunidad at mabawasan ang ka*o ng rabies.
Kung ikaw ay nakagat o nakalmot ng hayop, agad na magtungo sa mga sumusunod na Animal Bite Treatment Centers na malapit sa inyo.
Ang mga pasilidad na ito ay nagbibigay ng anti-rabies vaccine at kaukulang paggamot para sa mga nakagat ng hayop.
🤝 Panawagan sa Komunidad
Ang laban kontra rabies ay responsibilidad ng bawat isa. Sama-sama nating pangalagaan ang kaligtasan ng ating pamilya at komunidad.
Magpabakuna ng alagang hayop.
Mag-ingat sa kagat ng hayop.
Agad magpatingin kung nakagat o nakalmot.

Para sa karagdagang impormasyon, makipag-ugnayan sa inyong Barangay Health Workers o Municipal Health Office

11/03/2026

DOH Regional Director Albornoz and team visits Romblon District Hospital

03/03/2026