22/10/2024
Lumakas si bagyong Kristine at ngayon ay isang tropical storm. Ayon sa PAGASA, ang sentro nito ay nasa 335 kilometro silangan ng Virac, Catanduanes, at may lakas ng hangin na 65 km/h, na may pagbugso na umaabot sa 80 km/h.
Dahil dito, itinaas ang signal number 2 sa Catanduanes at signal number 1 sa ilang bahagi ng Luzon, kabilang ang Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, Cagayan (kasama ang Babuyan Islands), Isabela, Quirino, Nueva Vizcaya, Aurora, Nueva Ecija, Tarlac, Zambales, Bataan, Pampanga, Bulacan, Metro Manila, Cavite, Laguna, Batangas, Rizal, Quezon (kasama ang Pollilo Islands), Masbate (kasama ang Ticao at Burias Islands), Marinduque, Romblon, Camarines Norte, Camarines Sur, Albay, at Sorsogon.
Malalakas din ang hangin sa Batanes, Babuyan Islands, Ilocos Region, Palawan, Romblon, Aklan, Antique, Negros Island, Central Visayas, Southern Leyte, Zamboanga del Norte, Northern Mindanao, Dinagat Islands, Surigao del Norte, Agusan del Norte, Sarangani, Davao del Sur, at Davao Oriental.
Sa Miyerkules ng gabi o Huwebes ng umaga, inaasahang kikilos si Kristine pahilagang-kanluran at magla-landfall sa Isabela o northern Aurora. Tatawid ito sa bulubundukin ng Northern Luzon at daraan sa kanlurang bahagi ng Ilocos Region. Bago mag-landfall, lalakas pa si Kristine, ngunit bahagyang hihina habang tumatawid ng Northern Luzon. Aasahan itong maging typhoon bago lumabas sa Philippine Area of Responsibility (PAR) sa Biyernes, Oktubre 25.
Sources: PhilStar, PAG ASA
