MAKABayan Pharmacy and Medical Supplies

28/10/2025

Announcement/Paalala

Sarado po kami mula Oktubre 31 hanggang Nobyembre 2, 2025 bilang paggunita sa Undas. Magbabalik sa normal na operasyon sa Nobyembre 3 (Lunes).

Mag-ingat po kayo at nawa’y maging payapa at maayos ang inyong pagbisita sa mga mahal sa buhay.

27/10/2025

Mag-ingat sa Influenza-Like Illness (ILI)!
Ang ILI ay mga sakit na may sintomas na katulad ng trangkaso—lagnat, ubo, at sakit ng lalamunan. Madaling makahawa lalo na sa mga bata at matatanda.

🧼 Tandaan:
✔️ Ugaliing maghugas ng kamay
✔️ Takpan ang bibig at ilong kapag umuubo o bumabahin
✔️ Iwasan ang matataong lugar kung may sakit
✔️ Magpabakuna laban sa trangkaso

Ang kalusugan ay kayamanan—protektahan natin ang ating pamilya laban sa ILI!

19/10/2025

🚨 PAALALA NG DOH SA PAGTAMA NG BAGYONG 🚨

⚠️ Subaybayan ang mga anunsyo ng PAGASA at sundin ang mga abiso ng inyong LGU.

⚠️ Sundan ang mga hakbang sa larawan para manatiling ligtas sa bagyo.

⚠️ Tumawag sa National Emergency Hotline 911 o sa inyong local emergency hotlines kung kinakailangan ng tulong.

18/10/2025

15/10/2025

Ang regular na paghuhugas ng kamay gamit ang sabon at malinis na tubig ay isang mabisang hakbang upang mapangalagaan ang kalusugan at maiwasan ang pagkalat ng mga sakit.
Isabuhay ang kalinisan—isang simpleng gawain para sa isang ligtas at malusog na pamayanan.

14/10/2025

10/10/2025

🎒IHANDA ANG GO BAG PARA SA MABILIS NA PAGLIKAS SAKALING MAGKAROON NG TSUNAMI🎒

Matapos ang magnitude 7.5 na lindol na yumanig sa Davao Oriental at mga karatig nitong probinsya kaninang 9am, nagtaas ng tsunami warning ang PHIVOLCS sa mga probinsya ng: Eastern Samar, Southern Leyte, Leyte, Dinagat Islands, Surigao del Norte, Surigao del Sur, at Davao Oriental.

❗️Paalala ng DOH, ihanda na agad ang Emergency GO BAG sakaling kailangang lumikas dahil sa posibleng tsunami sa iyong lugar.❗️

✅ Gamitin ang larawan bilang gabay sa pagkumpleto ng mga importanteng gamit na laman ng inyong Emergency GO Bag.

Sa panahon ng sakuna, maaaring tumawag sa:
🚨 Emergency Hotline 911
📞 DOH Hotline 1555, press 3

09/10/2025

Early detection saves lives and it starts with you. 💪

Make time for your regular breast self-exam and schedule a clinical breast screening.

The earlier breast cancer is found, the higher the chance for successful treatment and recovery.

Let’s spread awareness, show support, and take action. 💕

09/10/2025

MGA SIMPLENG PAALALA UPANG MAKAIWAS TAYO SA SAKIT NA DENGUE!

TAOB – Walang tubig, walang pugad ng lamok!
Ibaliktad ang mga timba, lata, gulong, at iba pang gamit na puwedeng pamahayan ng lamok kapag hindi ginagamit.

TAKTAK – Bawat patak ng tubig ay maaaring pamahayan!
Itaktak ang mga nakatabing tubig kada linggo. Linisin ang mga plorera, basyo, at iba pang lalagyan ng tubig upang maputol ang buhay ng kiti-kiti.

TUYO – Ang tuyong paligid ay ligtas sa lamok!
Panatilihing tuyo ang mga sulok ng bahay, bubong, alulod, at bakuran. Ang malinis at tuyong kapaligiran ay sagisag ng kaligtasan.

TAKIP – Proteksyon laban sa lamok, proteksyon sa pamilya!
Takpan ng maayos ang mga imbakan ng tubig upang hindi mapugaran ng lamok. Gumamit ng kulambo o net kung kinakailangan.

Paalala: Ang simpleng gawain araw-araw ay may malaking ambag sa pagpigil ng dengue. Maging mapagmatyag, makiisa, at maging ehemplo sa komunidad.

07/10/2025

Ang HFMD ay isang karaniwang sakit na dulot ng virus, lalo na sa mga batang edad 5 pababa.

Sanhi:
Coxsackievirus A16
Enterovirus 71

Karaniwang Sintomas:
Lagnat
Masakit na lalamunan
Mga singaw o sugat sa loob ng bibig
Pantal o paltos sa kamay, paa, at minsan sa puwitan o binti
Walang ganang kumain at pagiging iritable

Pag-iwas:
Madalas na paghuhugas ng kamay gamit ang sabon at tubig
Paglilinis at pagdi-disinfect ng paligid
Iwasang makihalubilo kung may sakit

Walang partikular na gamot para sa HFMD, ngunit kusang gumagaling sa loob ng 7–10 araw.
Kumonsulta agad sa doktor kung may mataas na lagnat o senyales.

02/10/2025

🚨 MGA DAPAT GAWIN PAGKATAPOS NG LINDOL 🚨

Pagkatapos ng magnitude 6.9 na lindol sa Cebu kagabi, nakapagtala ang PHIVOLCS ng daan-daang aftershock na umabot hanggang 4.8 magnitude. Karamihan sa mga ito ay mahina, ngunit maaari pa ring magdulot ng dagdag na pinsala lalo na sa mga istrukturang humina.

Paalala ng DOH: Maging maingat mula sa aftershocks dulot ng lindol.

🩹 Gamitin ang first aid kit kapag may sugat sa katawan
🏚️ Suriin ang bahay at gamit sa anumang sira, bitak o tagas
⛰️ Iwasan ang mga sirang gusali, nakalaylay na linya ng kuryente, lupang maaaring gumuho at dalampasigan
🎒Ihanda ang Go Bag kung sakaling kailangan lumikas
📢 Bantayan ang anunsyo ng lokal na pamahalaan

Bukas ang National Emergency Hotline 911 kung kinakailangan ng tulong.

Source: https://www.phivolcs.dost.gov.ph/index.php/earthquake/earthquake-information3

25/09/2025

🚨 PANATILIHING LIGTAS ANG INUMING TUBIG 🚨
Maaaring dala ng malakas na pag-ulan ang mga samu’t-saring mikrobyo na delikado sa kalusugan.

Siguraduhing malinis ang iniinom na tubig saan ka man naroroon:
1️⃣ Pakuluan ng hindi bababa sa 2 minuto.
2️⃣ Gumamit ng chlorine tablets na ipinamimigay ng inyong LGU.