24/04/2026
*خیبرپختونخوا ہیلتھ ٹیکنالوجسٹ ایسوسی ایشن رجسٹرڈ کا مؤقف*
*الائیڈ ہیلتھ پروفیشنلز کو ڈرانے اور دباؤ میں لانے کی ہر کوشش ناکام بنائیں گے۔*
*جواب ملاحظہ ہو:*
ہر کونسل کا اپنا قانونی ڈومین ہے۔ کوئی کونسل الائیڈ ہیلتھ پروفیشنلز کونسل کو بائی پاس نہیں کر سکتی۔ اگر کوئی ہماری کونسل پر دباؤ ڈالنے یا اس کے ڈومین میں مداخلت کی کوشش کرے تو تمام ہیلتھ ٹیکنالوجسٹس کو متحد ہو کر اپنی کونسل کا دفاع کرنا چاہیے۔
آج کل آن لائن دور ہے، کسی سے کچھ چھپایا نہیں جا سکتا۔ کیا ہماری کونسل اتنی کمزور ہے کہ اگر ایک ریٹائرڈ پیرامیڈیکس کچھ اچھا یا برا کہہ دے تو کونسل پر زوال آ جائے گا؟ اگر ہم ایسی زوال پذیر سوچ کے پیروکار ہیں تو پھر کونسل کے ہونے یا نہ ہونے سے کوئی فرق نہیں پڑتا۔
اور کیا اگر کل آپ سروس سے ریٹائرمنٹ لے لیں گے تو آپ اپنی کمیونٹی کے حقوق کے لیے کچھ کر سکنے کے قابل نہیں ہوں گے؟ جس طرح آپ اپنے کمیونٹی کے فرد کے لیے "ریٹائرڈ پیرامیڈیکس" کا نام استعمال کرتے ہیں؟
*آئیں، اپنی کونسل کو مضبوط بنانے میں کردار ادا کریں، نہ کہ کسی پر الزام تراشیاں کریں۔*
ہمیں اپنے سکوپ آف ورک کے مطابق کام کرنے سے کوئی نہیں روک سکتا۔
*PM&DC کے خط کے حوالے سے وضاحت:*
آپ نے جو نوٹیفکیشن شیئر کیا ہے وہ *پاکستان میڈیکل اینڈ ڈینٹل کونسل* کا ایک خط ہے جو سیکرٹری صحت کو لکھا گیا ہے۔ یہ کوئی *گورنمنٹ نوٹیفکیشن* نہیں ہے۔
دیگر ریگولیٹری اداروں کے درمیان بھی ایسے مسائل پر اختلاف رائے ہوتا ہے، جس پر مشاورت اور تحقیق کے بعد مثبت راستے نکل آتے ہیں۔
*ہیلتھ ٹیکنالوجسٹس کا مؤقف:*
1. *AHPC ایکٹ 2022* کے تحت الائیڈ ہیلتھ پروفیشنلز کونسل ایک خودمختار قانونی ادارہ ہے۔
2. AHPC کے تحت رجسٹرڈ *میڈیکل لیب ٹیکنالوجسٹ، ریڈیالوجی ٹیکنالوجسٹ، ڈینٹل ٹیکنالوجسٹ، فزیوتھراپی ٹیکنالوجسٹ، انستھیزیا ٹیکنالوجسٹ* وغیرہ اپنے منظور شدہ سکوپ آف پریکٹس کے اندر کام کرنے کے مجاز ہیں۔
3. PM&DC کا خط صرف ان افراد کے لیے ہے جو غیر قانونی طور پر ڈاکٹرز کے ڈومین میں کام کر رہے ہیں۔ رجسٹرڈ ہیلتھ ٹیکنالوجسٹ جو AHPC کے سکوپ کے مطابق کام کر رہے ہیں وہ مکمل قانونی تحفظ رکھتے ہیں۔
4. *سیکشن 4، AHPC ایکٹ 2022* واضح کرتا ہے کہ ہمارا کام معاون، تکنیکی اور تشخیصی نوعیت کا ہے۔ ہم اسی دائرے میں رہ کر کام کریں گے اور اپنی کونسل کو مزید مضبوط بنائیں گے۔
*لہٰذا ڈرنے اور ڈرانے کا کوئی فائدہ نہیں۔* الائیڈ ہیلتھ پروفیشنلز کونسل اور تمام ہیلتھ ٹیکنالوجسٹس اپنے پروفیشن کو تقویت دینے اور حقوق کے حصول پر سختی سے کاربند رہیں۔
اگر ضرورت پڑی تو *خیبرپختونخوا ہیلتھ ٹیکنالوجسٹ ایسوسی ایشن رجسٹرڈ* اپنے کونسل کے دفاع کے لیے ہر قسم قربانی کے لیے تیار ہے۔
*خیبرپختونخوا ہیلتھ ٹیکنالوجسٹ ایسوسی ایشن رجسٹرڈ*
fans Anees Afridi
゚
