https://www.facebook.com/110923288576497/

Insaf Doctors Forum Bannu, Bannu (2026)

29/03/2026

بنوں کے علاقے کوٹکہ غلام قادر، نزد شہباز عظمت خیل اڈہ میں شدید بارش کے دوران مسجد سے ملحقہ برآمدہ اچانک گرنے سے متعدد افراد زخمی ہو گئے، جو بارش سے بچنے کے لیے وہاں موجود تھے۔
واقعے کے فوراً بعد مقامی افراد اور ریسکیو ٹیموں نے زخمیوں کو نکال کر ہسپتال منتقل کیا، جہاں ایمرجنسی میں ہسپتال عملے اور انصاف ڈاکٹرز فورم نے فوری اور مؤثر طبی امداد فراہم کرتے ہوئے صورتحال کو سنبھال لیا۔

27/03/2026

یہ 965 دن صرف قید کے نہیں، بلکہ بنیادی انسانی حقوق کی آزمائش کے دن ہیں۔

خان صاحب کا “جرم” یہ تھا کہ انہوں نے عوام کو صحت کارڈ کے ذریعے مفت علاج دیا، غریبوں کے لیے ہسپتال بنائے، اور ایک خوددار پاکستان کا خواب دیکھا۔
آج وہی شخص مناسب طبی سہولت سے محروم رکھا جا رہا ہے یہ صرف ایک فرد نہیں، بلکہ انصاف کے اصول کی آزمائش ہے۔

انصاف ڈاکٹرز فورم خیبرپختونخوا کے مطالبات واضح ہیں:

▪️ فوری، شفاف اور آزادانہ طبی معائنہ اور علاج
▪️ علاج کے دوران اہلِ خانہ اور ذاتی معالج کی موجودگی کو یقینی بنایا جائے

ہر انسان کو باوقار اور محفوظ طبی سہولت فراہم کرنا ریاست کی ذمہ داری ہے۔

انصاف، انسانیت اور قانون کا تقاضا ہے کہ فوری کارروائی کی جائے۔

26/03/2026

انصاف ڈاکٹرز فورم خیبرپختونخوا کی کوششوں کے بعد بنوں میڈیکل کالج کے نئے ہاسٹلز کے لیے ٹینڈر جاری — طلبہ کے لیے خوشخبری!
پیٹرن انچیف عمران خان کے وژن کے مطابق، انصاف ڈاکٹرز فورم بنوں کی مسلسل جدوجہد اور حکومتِ خیبرپختونخوا کے سنجیدہ اقدامات کے نتیجے میں بنوں میڈیکل کالج میں طلبہ و طالبات کے لیے نئے ہاسٹلز کے قیام کے لیے ٹینڈر جاری کر دیا گیا ہے۔
حکومتِ خیبرپختونخوا کے سی اینڈ ڈبلیو ڈیپارٹمنٹ کی جانب سے دو جدید ہاسٹلز (بوائز اور گرلز) کے قیام کے لیے اقدامات کیے گئے ہیں، جو طویل عرصے سے طلبہ کی ایک بنیادی ضرورت تھے۔
▪️ بنوں میڈیکل کالج میں طلبہ و طالبات کے لیے جدید ہاسٹلز کا قیام
▪️ طلبہ کو محفوظ، معیاری اور سہل رہائشی سہولیات کی فراہمی
▪️ تعلیمی ماحول کو مزید بہتر اور سازگار بنانے میں اہم پیش رفت
انصاف ڈاکٹرز فورم بنوں نے اس مسئلے کو ہر فورم پر اجاگر کیا، جس کے بعد اس اہم پیش رفت میں اسسٹنٹ پروفیسر اینڈوکرائنولوجی ڈاکٹر طاہر اللہ صاحب، ڈاکٹر آدم صاحب، ڈاکٹر لیاقت وزیر (سابق صدر IDF بنوں) ڈاکٹر مشتاق جی ایس (IDF kp) کی کاوشیں قابلِ تعریف ہیں۔
یہ منصوبہ نہ صرف طلبہ کو بہتر رہائشی سہولیات فراہم کرے گا بلکہ مجموعی طور پر تعلیمی معیار اور ماحول میں بہتری کا باعث بھی بنے گا۔
یہ پیش رفت انصاف ڈاکٹرز فورم خیبرپختونخوا کا اپنے پیٹرن انچیف عمران خان کے وژن اور صوبے میں صحت و طبی تعلیم کے شعبے میں اصلاحات کے ایجنڈے سے عملی وابستگی کا واضح ثبوت ہے۔ ہم اپنے عزم کے ساتھ صوبے میں صحت اور طبی تعلیم کے نظام کو مزید مضبوط اور مؤثر بنانے کے لیے کوشاں رہیں گے۔
انصاف ڈاکٹرز فورم خیبرپختونخوا
میڈیا سیل

18/03/2026

بنو کے عوام کے لیے خوشخبری

چیئرمین بورڈ آف گورنرز (BOG) کی ہدایات پر PIC سیٹلائٹ سینٹر کے قیام کے حوالے سے نامزد ٹیم نے آج بنوں میڈیکل کالج (BMC) کا دورہ کیا، جہاں اس اہم منصوبے کے لیے موزوں جگہ کا تفصیلی جائزہ لیا گیا۔ ٹیم نے مختلف ممکنہ سائٹس کا معائنہ کیا تاکہ عوام کو بہترین سہولیات فراہم کرنے کے لیے ایک مناسب مقام کا انتخاب کیا جا سکے۔

امید ہے کہ تمام متعلقہ اسٹیک ہولڈرز کی باہمی مشاورت اور اتفاق رائے کے بعد جلد ہی اس حوالے سے مثبت پیش رفت سامنے آئے گی۔ ان شاء اللہ، PIC سیٹلائٹ سینٹر کا قیام اس خطے کے لیے ایک سنگِ میل ثابت ہوگا۔
PIC سیٹلائٹ سینٹر کے قیام کے فوائد:

دل کے امراض کے مریضوں کو بنوں میں ہی جدید علاج کی سہولیات میسر ہوں گی۔
پشاور یا دیگر شہروں کے سفر کی ضرورت کم ہو جائے گی، جس سے وقت اور اخراجات کی بچت ہوگی۔
ایمرجنسی صورتحال میں فوری علاج ممکن ہوگا، جس سے قیمتی جانیں بچائی جا سکیں گی۔
غریب اور مستحق مریضوں کو بہتر اور آسان رسائی حاصل ہوگی۔
مقامی ہسپتالوں پر بوجھ کم ہوگا اور ہیلتھ سسٹم مزید مضبوط ہوگا۔

یہ منصوبہ بنوں اور ملحقہ علاقوں کے عوام کے لیے ایک بڑی سہولت اور امید کی کرن ہے۔ دعا ہے کہ یہ جلد از جلد مکمل ہو اور عوام اس سے مستفید ہوں۔

15/03/2026

Heartfelt congratulations to Dr.IRFAN WAZIR on clearing the IMM Toacs Examination in Medicine. 🎉

A true idealistic follower of Imran Khan and a committed member of Insaf Doctors Forum (IDF) Bannu.
Wishing him continued success in his medical career.

15/03/2026

Heartfelt congratulations to Dr. Tariq Ahmad on clearing the IMM Examination in Medicine. 🎉

A true idealistic follower of Imran Khan and a committed member of Insaf Doctors Forum (IDF) Bannu.
Wishing him continued success in his medical career.

09/03/2026

انصاف ڈاکٹرز فورم بنوں کی جانب سے گرینڈ افطار ڈنر

انصاف ڈاکٹرز فورم بنوں کی جانب سے بنوں میڈیکل کالج میں ایک باوقار اور یادگار گرینڈ افطار ڈنر کا انعقاد کیا گیا، جس میں ڈاکٹرز، ساتھیوں اور معزز مہمانوں نے بھرپور شرکت کی۔
تقریب کی خوبصورت فضائی مناظر (ایریل ویوز) نے اس شاندار اجتماع کی رونق اور خوبصورتی کو مزید نمایاں کیا۔

08/03/2026

انصاف ڈاکٹرز فورم بنوں کے زیرِ اہتمام، بنوں میڈیکل کالج میں منعقدہ “عمران خان ریلیز” افطار ڈنر کی چند خوبصورت اور یادگار تصویری جھلکیاں۔ ✨

03/03/2026

صوبائی حکومت کی جانب سے ہیلتھ کیئر سیکیورٹی کمیٹی کے قیام کا اعلان — انصاف ڈاکٹرز فورم خیبرپختونخوا کی جدوجہد رنگ لے آئی

پشاور، 3 مارچ 2026 — صوبائی حکومت خیبرپختونخوا کا خیبرپختونخوا ہیلتھ کیئر سروس پروائیڈرز اینڈ فیسیلیٹیز (Prevention of Violence and Damage to Property) ایکٹ، 2020 کے فوری نفاذ کیلئے قواعد و ضوابط تیار کرنے کے لیے ہیلتھ کیئر سیکیورٹی کمیٹی قائم کرنے کا نوٹیفکیشن جاری کر دیا ہے۔

کمیٹی میں سپیشل سیکرٹری (ای اینڈ اے)، ایڈیشنل سیکرٹری (ای اینڈ اے)، ایڈیشنل ڈائریکٹر جنرل ہیلتھ سروسز، ڈپٹی سیکرٹری (لیٹیگیشن) اور قانون و اسٹیبلشمنٹ ڈیپارٹمنٹ کے نمائندگان شامل ہوں گے، اور ضرورت کے مطابق کسی بھی ٹیکنیکل ماہر یا متعلقہ اسٹیک ہولڈر کو بھی شامل کیا جا سکتا ہے۔

انصاف ڈاکٹرز فورم خیبرپختونخوا کی مسلسل محنت، جدوجہد اور عزم کا نتیجہ یہ ہے کہ صوبائی حکومت نے ڈاکٹروں اور ہیلتھ ورکرز کے تحفظ، ہسپتالوں میں محفوظ کام کے ماحول، اور صحت کے شعبے میں شفافیت کے اصولوں کو عملی جامہ پہنانے کے لیے یہ اہم قدم اٹھایا۔

صدر انصاف ڈاکٹرز فورم خیبرپختونخوا، ڈاکٹر نبی جان آفریدی نے کہا:

“یہ کمیٹی ہماری مستقل کاوشوں اور عزم کا مظہر ہے، جو ڈاکٹرز اور طبی عملے کے تحفظ، ہسپتالوں میں سیکیورٹی کے مضبوط اقدامات، اور صحت کے شعبے میں قانونی اصلاحات کے قیام کے لیے ہماری وابستگی کو ظاہر کرتی ہے۔ انصاف ڈاکٹرز فورم خیبرپختونخوا اپنے پیٹرن انچیف، عمران خان، کے وژن کے مطابق صحت کے شعبے میں شفافیت، حفاظت اور انصاف کے اصولوں کو یقینی بنانے کے لیے ہمیشہ سرگرم رہے گا۔”

انصاف ڈاکٹرز فورم خیبرپختونخوا نے حکومت سے اپیل کی ہے کہ کمیٹی کے قیام اور قواعد و ضوابط کی عملی تیاری فوری طور پر مکمل کی جائے تاکہ:

▪️ ڈاکٹرز اور ہیلتھ کیئر ورکرز کا تحفظ یقینی بنایا جا سکے،
▪️ ہسپتالوں میں محفوظ کام کرنے کا ماحول قائم ہو،
▪️ صحت کے شعبے میں شفافیت اور قانونی اصلاحات مکمل ہوں،
▪️ مستقبل میں کسی بھی قسم کے تشدد یا املاک کو نقصان سے بچاؤ ممکن ہو۔

انصاف ڈاکٹرز فورم خیبرپختونخوا صوبائی حکومت کے اس اقدام پر شکر گزار ہے اور اس سلسلے میں عملی اقدامات کی جلد تکمیل کا منتظر ہے۔

انصاف ڈاکٹرز فورم خیبرپختونخوا
میڈیا سیل

02/03/2026

ایم ٹی آئی بنوں کے تینوں ہسپتالوں میں او پی ڈی سروسز کی کامیاب بحالی — انصاف ڈاکٹرز فورم بنوں کا عوام سے کیا گیا وعدہ پورا

الحمدُللّٰہ، آج ایم ٹی آئی بنوں کے تینوں ہسپتالوں خلیفہ گل نواز ہسپتال، ڈسٹرکٹ ہیڈکوارٹر ہسپتال اور وومن اینڈ چلڈرن ہسپتال بنوں میں او پی ڈی سروسز معمول کے مطابق کھلی رہیں اور مریضوں کو بلا تعطل طبی سہولیات فراہم کی گئیں۔

ایمرجنسی سروسز پہلے سے ہی مکمل طور پر فعال تھیں اور آج بھی مؤثر اور منظم انداز میں خدمات انجام دیتی رہیں۔

انصاف ڈاکٹرز فورم بنوں اپنے تمام ڈاکٹرز، نرسنگ اسٹاف اور پیرامیڈیکل عملے کو خراجِ تحسین پیش کرتا ہے جنہوں نے پیشہ ورانہ ذمہ داری، نظم و ضبط اور خدمتِ خلق کے جذبے کے ساتھ عوامی خدمت کو یقینی بنایا۔

ہم واضح کرتے ہیں کہ مریضوں کی خدمت ہماری اولین ترجیح ہے۔ مشکل حالات کے باوجود عوام کو بلا رکاوٹ اور معیاری طبی سہولیات کی فراہمی ہمارا عزم ہے۔

انصاف ڈاکٹرز فورم بنوں مستقبل میں بھی ذمہ دارانہ، مثبت اور تعمیری کردار ادا کرتا رہے گا اور صحت کے نظام کی بہتری کے لیے اپنی کوششیں جاری رکھے گا۔

ترجمان
انصاف ڈاکٹرز فورم بنوں

01/03/2026

او پی ڈی سروسز کی بحالی کا اعلان — انصاف ڈاکٹرز فورم بنوں کا ذمہ دارانہ فیصلہ

ڈاکٹر مہوش کے اندوہناک قتل کے مقدمے میں ملزم کی گرفتاری کے بعد صورتحال میں نمایاں پیش رفت ہوچکی ہے۔ قانون نافذ کرنے والے اداروں کی بروقت اور مؤثر کارروائی قابلِ تحسین ہے، اور ہمیں یقین ہے کہ انصاف کے تمام تقاضے شفاف انداز میں مکمل کیے جائیں گے۔

اس پس منظر میں، بالخصوص اس بابرکت ماہِ رمضان میں جب غریب اور مستحق مریض علاج کے لیے سرکاری ہسپتالوں پر انحصار کرتے ہیں، او پی ڈی سروسز کی معطلی کا کوئی جواز باقی نہیں رہتا۔ رمضان المبارک صبر، خدمت اور احساسِ ذمہ داری کا مہینہ ہے۔ بطور ڈاکٹرز ہماری اولین ذمہ داری مریضوں کی بروقت دیکھ بھال اور انسانی جانوں کا تحفظ ہے۔

لہٰذا انصاف ڈاکٹرز فورم بنوں نے متفقہ طور پر فیصلہ کیا ہے کہ کل سے ایم ٹی آئی بنوں کے تینوں ہسپتالوں میں او پی ڈی سروسز مکمل طور پر بحال کی جائیں گی۔ ہم اپنے تمام ڈاکٹرز، نرسنگ اسٹاف اور پیرامیڈیکل عملے سے اپیل کرتے ہیں کہ وہ پیشہ ورانہ وقار، نظم و ضبط اور خدمت کے جذبے کے ساتھ اپنی ذمہ داریاں ادا کریں۔

ہم یہ واضح کرنا چاہتے ہیں کہ انصاف ڈاکٹرز فورم کا مؤقف اور مشن پیٹرن انچیف عمران خان کے ویژن کیمطابق دو بنیادی اصولوں پر قائم ہے:

1. ڈاکٹرز کے حقوق، تحفظ اور وقار کا ہر سطح پر دفاع

2. عوام کو معیاری، بروقت اور بلا تعطل طبی سہولیات کی فراہمی

ہم سمجھتے ہیں کہ ڈاکٹر اور مریض ایک دوسرے کے لازم و ملزوم ہیں۔ محفوظ اور باوقار ڈاکٹر ہی یکسوئی کے ساتھ مریض کی خدمت کرسکتا ہے، اور مطمئن مریض ہی ایک صحت مند معاشرے کی بنیاد بنتا ہے۔

انصاف ڈاکٹرز فورم بنوں عوام الناس کو یقین دلاتا ہے کہ ہم ہر مشکل گھڑی میں ذمہ دارانہ کردار ادا کرتے رہیں گے اور صحت کے نظام کی بہتری کے لیے مثبت اور تعمیری کردار ادا کرتے رہیں گے۔

ترجُمان
انصاف ڈاکٹرز فورم بنوں

Insaf Doctors Forum Bannu

29/03/2026

27/03/2026

26/03/2026

18/03/2026

15/03/2026

15/03/2026

09/03/2026

08/03/2026

03/03/2026

02/03/2026

01/03/2026

Address

Telephone

Website

Alerts

Shortcuts

Share

Category