District Health Officer Astore

16/01/2026

پریس ریلیز
آج ڈسٹرکٹ ہیلتھ آفیسر استور ڈاکٹر ہدایت علی کی خصوصی ہدایات پر یونین کونسل منی مرگ اور قمری کے لیے اضافی ادویات پہنچا دی گئیں۔
واضح رہے کہ اس سے قبل بھی ان علاقوں کے لیے چھ ماہ کی ادویات پہلے ہی فراہم کی جا چکی تھیں، تاہم عوامی ضروریات اور صحت کی سہولیات کے تسلسل کو مدِنظر رکھتے ہوئے مزید ادویات روانہ کی گئیں۔
ڈسٹرکٹ ہیلتھ آفیسر استور نے کہا کہ محکمہ صحت عوام کو ان کی دہلیز پر بہتر اور بروقت طبی سہولیات فراہم کرنے کے لیے ہمہ وقت کوشاں ہے، بالخصوص دور دراز علاقوں میں ادویات کی دستیابی کو یقینی بنایا جا رہا ہے۔
اس اقدام پر مقامی عوام نے محکمہ صحت اور ڈسٹرکٹ ہیلتھ آفیسر استور ڈاکٹر ہدایت علی کا شکریہ ادا کیا اور ان کی کاوشوں کو سراہا۔
جاری کردہ: ایڈمن ڈی ایچ او آفس استور
محکمہ صحت، ضلع استور

17/12/2025

آج ڈسٹرکٹ ہیلتھ آفیسر استور ڈاکٹر ہدایت علی صاحب نے BHU ناصر آباد، ACD رٹو اور FAP فقیرکوٹ کا اچانک (Surprise) دورہ کیا۔ اس دورے کے دوران انہوں نے NIDs مہم کا بھی جائزہ لیا اور وہاں موجود کمیونٹی کے افراد سے ملاقات کر کے ان کے مسائل سنے۔

ڈی ایچ او صاحب نے اسٹاف کی حاضری، ادویات کی دستیابی اور مجموعی طور پر صحت کی سہولیات کا تفصیلی معائنہ کیا۔ اس کے ساتھ ساتھ MCH سنٹر رٹو اور MCH سنٹر BHU ناصر آباد کو خصوصی طور پر چیک کیا گیا، جہاں ڈیلیوریز اور زچہ و بچہ کو فراہم کی جانے والی سہولیات کا بھی جائزہ لیا گیا۔

ڈی ایچ او صاحب نے LHVs سے درکار آلات (Equipment) کی تفصیل طلب کی اور یقین دہانی کرائی کہ ان کی تمام جائز ضروریات کو ٹاپ پرائرٹی پر پورا کیا جائے گا۔ مزید برآں، LHV لیبر روم کے لیے LPG گیس بھی فراہم کی گئی تاکہ آنے والی حاملہ خواتین کو کسی قسم کی دشواری کا سامنا نہ کرنا پڑے، خصوصاً اس وقت جب موسم شدید سرد ہے اور درجہ حرارت منفی (Minus) میں ہے۔
ایڈمن ڈی ایچ او آفس استور

27/11/2025

آج ڈی ایچ او استور نے یونین کونسل منی مرگ قمری میں صحت کی سہولیات کا تفصیلی دورہ کیا۔
دورے کے دوران جہاں ادویات کی کمی تھی، وہاں فوری طور پر میڈیسن فراہم کی گئی۔ اس کے ساتھ ساتھ MR مہم (Measles & Rubella Campaign) کا بھی جائزہ لیا گیا۔ ڈی ایچ او صاحب نے سخت سردی اور مشکل راستوں کے باوجود بہترین کام انجام دینے پر تمام ٹیموں کی کارکردگی کو سراہا اور انہیں مزید محنت جاری رکھنے کی ہدایت کی۔

ڈی ایچ او استور نے فیلڈ ہسپتال منی مرگ کا بھی دورہ کیا، جہاں مریضوں کو دی جانے والی سہولیات کا معائنہ کیا گیا
اس موقع پر علاقہ منی مرگ کے لوگوں نے ڈی ایچ او ڈاکٹر ہدایت علی صاحب کا شکریہ ادا کیا کہ وہ شدید سرد موسم کے باوجود دور دراز علاقے کا دورہ کرکے عوام کی صحت کے مسائل خود دیکھ رہے ہیں۔

20/11/2025

آج ڈسٹرکٹ ہیلتھ آفیسر (DHO) استور، ڈاکٹر ہدایت علی نے UC پریشگ لوس اور UC عیدگاہ/گوریکوٹ میں جاری MR کمپین کا جائزہ لیا۔
دورے کے دوران انہوں نے تمام ٹیموں کو سختی سے ہدایت کی کہ MR کمپین کو مؤثر انداز میں چلایا جائے اور ہر بچے کو ویکسین لازمی لگائی جائے۔

انہوں نے مزید تاکید کی کہ ٹیمیں اپنے مقررہ اہداف (Targets) پورے کریں اور سوشل موبلائزرز کے ذریعے عوام میں بھرپور آگاہی مہم چلائی جائے، تاکہ والدین اپنے بچوں کو MR کمپین کے دوران لازمی ویکسینیشن کروائیں۔

مزید ہدایت کی گئی کہ سیشن (Session) کی جو مقررہ جگہیں ہیں، انہیں موزوں مقامات پر فکس کیا جائے تاکہ بچوں تک آسانی سے رسائی ممکن ہو اور ویکسینیشن کا عمل بہتر انداز میں جاری رہے
ایڈمن ڈی ایچ او آفس استور

19/11/2025

آج ڈی ایچ او استور ڈاکٹر ہدایت علی نے یونین کونسل رٹو مرمالک میں MR کمپین کی مانیٹرنگ کی۔
انہوں نے ACD مرمالک، CD بٹواشی اور آگے شو داس مرمالک تک تمام ہیلتھ فیسلٹیز کا دورہ کیا اور جاری MR کمپین کا تفصیلی جائزہ لیا۔

ڈی ایچ او صاحب نے ٹیموں کو سختی سے ہدایت کی کہ ہر بچے کو MR ویکسین لگانا لازمی ہے تاکہ بچوں کو خسرہ جیسی خطرناک بیماریوں سے محفوظ رکھا جا سکے۔
انہوں نے کہا کہ MR کمپین میں کسی بھی قسم کی کوتاہی برداشت نہیں کی جائے گی۔

دورے کے دوران ڈی ایچ او صاحب نے علاقے کے عمائدین کو بھی MR کمپین کی اہمیت سے آگاہ کیا اور بتایا کہ بروقت ویکسین بچوں کی صحت کے تحفظ کے لیے نہایت ضروری ہے۔

ساتھ ہی یونین کونسل رٹو کی تمام ہیلتھ فیسلٹیز کو 2 سے 4 ماہ کی ادویات بھی فراہم کر دی گئیں، جس پر مقامی عوام نے ڈی ایچ او استور کا شکریہ ادا کیا اور خراجِ تحسین پیش کیا۔
ایڈمن ڈی ایچ او آفس استور

05/10/2025

آج کا دن ضلع استور کے لیے یادگار لمحہ ثابت ہوا۔
سابق ڈسٹرکٹ ہیلتھ آفیسر استور ڈاکٹر نواب خان کو ڈی ایچ او آفس کے عملے، ڈی ایچ کیو اسپتال کے ڈاکٹروں اور اسٹاف نے مُشکن کے مقام پر شاندار الوداعی ریلی کے ساتھ رخصت کیا۔
تقریب میں شریک تمام افراد نے ڈاکٹر نواب خان کی شاندار خدمات کو خراجِ تحسین پیش کیا۔ ڈاکٹر نواب خان نے تمام شرکاء کا شکریہ ادا کرتے ہوئے کہا کہ استور میں صحت کے نظام کو مضبوط بنانا ان کے لیے اعزاز رہا۔
شرکاء نے اس موقع پر دعا کی کہ اللہ تعالیٰ ڈاکٹر نواب خان کو ان کے نئے منصب، ریجنل ہیڈکوارٹر اسپتال چلاس کے میڈیکل سپرنٹنڈنٹ کے طور پر مزید کامیابیاں عطا کرے۔
استور میں صحت کے نظام کو بہتر بنانے کے حوالے سے ڈاکٹر نواب خان کی خدمات کو ہمیشہ یاد رکھا جائے گا۔ ان کا ویژن اور خدمتِ خلق کا جذبہ عوام کے لیے کسی مسیحا سے کم نہیں۔ وہ نہ صرف غریب پرور بلکہ درد مند دل رکھنے والے حقیقی عوامی ڈاکٹر ہیں۔

21/09/2025

---

اطلاع عام – ہیضہ کے حوالے سے عوامی آگاہی

اہلِ استور کو آگاہ کیا جاتا ہے کہ حالیہ دنوں میں گاؤں پتی پورہ (یونین کونسل عیدگاہ، تحصیل استور) اور لوؤس میں ہیضہ (Cholera) کے کیس رپورٹ ہوئے ہیں۔ اس صورتحال کے پیشِ نظر عوام سے پرزور اپیل کی جاتی ہے کہ اپنی اور دوسروں کی صحت کو محفوظ بنانے کے لیے درج ذیل احتیاطی تدابیر پر لازمی عمل کریں:

1️⃣ صرف اُبالا ہوا یا صاف پانی استعمال کریں۔
2️⃣ کھانے پینے کی اشیاء ہمیشہ ڈھانپ کر رکھیں اور باسی یا کچا کھانا ہرگز نہ کھائیں۔
3️⃣ ہاتھ بار بار صابن سے دھوئیں، خاص طور پر کھانے سے پہلے اور بیت الخلا کے بعد۔
4️⃣ گھروں اور گلیوں کی صفائی ستھرائی کا خاص خیال رکھیں۔
5️⃣ بچوں، بزرگوں اور کمزور افراد کو خصوصی توجہ دیں۔
6️⃣ اگر کسی کو پتلے دست، الٹیاں یا پانی کی کمی کی علامات ظاہر ہوں تو فوراً قریبی اسپتال یا ہیلتھ سنٹر سے رجوع کریں۔

📞 مزید معلومات یا ایمرجنسی کی صورت میں فوری طور پر کنٹرول روم نمبر پر رابطہ کریں: 05817-922053

یاد رکھیں! بروقت علاج سے ہیضہ کا مکمل علاج ممکن ہے۔ آپ کی چھوٹی سی احتیاط آپ کے خاندان اور پورے علاقے کی زندگی کو محفوظ بنا سکتی ہے۔

ضلعی ہیلتھ آفیسر آفس استور

06/09/2025

پریس ریلیز
Admin DHO Office Astore

آج بروز 12 ربیع الاول، ڈسٹرکٹ ہیلتھ آفیسر (DHO) آفس استور کی جانب سے گوریکوٹ گراؤنڈ میں ایک فری میڈیکل کیمپ لگایا گیا۔ مریضوں کو فوری طبی سہولیات کی فراہمی کے لیے ایمبولینس بمعہ لائف سیونگ ڈرگز بھی فراہم کی گئی۔

اس موقع پر ڈاکٹر مصطفیز الرحمٰن اور ان کی پیرامیڈیکل ٹیم کو ڈیوٹی پر تعینات کیا گیا۔ کیمپ کے اختتام پر ریلی کے شرکاء گوریکوٹ سے استور کی جانب روانہ ہوئے۔

مزید برآں، اس موقع پر اسسٹنٹ کمشنر شونٹر بھی موجود تھے جنہوں نے میڈیکل سہولیات اور انتظامات کا جائزہ لیا۔

---

جاری کردہ از:
ایڈمن، ڈی ایچ او آفس استور

31/08/2025

آج ڈسٹرکٹ ہیلتھ آفیسر استور کی جانب سے پاتی پورہ میں ڈائریا کے کیسز میں اضافہ ہونے کے باعث فری میڈیکل کیمپس قائم کیے گئے ہیں، تاکہ مریضوں کو فوری طبی سہولیات اور مفت ادویات فراہم کی جا سکیں۔

ساتھ ہی 50 بیڈڈ ہسپتال گوریکوٹ کو ایمرجنسی الرٹ پر ڈیکلیئر کیا گیا ہے اور وارڈ ماسٹر کو ہدایت کی گئی ہے کہ ہسپتال میں بستروں اور دیگر ضروری انتظامات کو ایمرجنسی صورتحال کے مطابق تیار رکھا جائے۔

یہ اقدام عوام کو فوری اور بہتر صحت کی سہولیات فراہم کرنے کے لیے کیا گیا ہے۔ 🌹

05/08/2025

آج مورخہ 5 اگست 2025 کو DHO آفس استور میں یومِ استحصالِ کشمیر منایا گیا۔

یہ دن مقبوضہ جموں و کشمیر کے مظلوم عوام سے اظہارِ یکجہتی کے طور پر ہر سال منایا جاتا ہے، اور اس سال بھی DHO آفس میں ایک پُرعزم تقریب کا انعقاد کیا گیا جس کی صدارت ڈاکٹر نواب خان (ڈسٹرکٹ ہیلتھ آفیسر استور) نے کی۔
ایڈمن ڈی ایچ او آفس استور

17/06/2025

17/06/2025

وضاحت برائے منی مارگ ایمبولینس سے متعلق خبر

محترم صحافی حضرات و عوام الناس!

حالیہ دنوں بعض پلیٹ فارمز پر یوسی منی مارگ کے حوالے سے ایمبولینس کی تبدیلی یا پرانی ایمبولینس کے حوالے سے بعض غلط فہمیاں گردش کر رہی ہیں، جن کی وضاحت ضروری ہے:

1. نئی ایمبولینس کی فراہمی: یوسی منی مارگ گلگت بلتستان کے ایک انتہائی پسماندہ اور دشوار گزار علاقے میں واقع ہے جہاں سردیوں میں شدید برفباری، راستوں کی بندش اور ایمرجنسی کی صورت میں بروقت رسپانس ایک بڑا چیلنج ہوتا ہے۔ عوامی مطالبات، مقامی نمائندوں کی سفارشات اور زمینی حقائق کو مدنظر رکھتے ہوئے محکمہ صحت نے وہاں کے لیے ایک نئی 4x4 ڈبل کیبن ایمبولینس فراہم کی ہے تاکہ مریضوں کو بروقت اور محفوظ طریقے سے منتقل کیا جا سکے۔

2. پرانے ایمبولینس کی صورتحال: منی مارگ میں پہلے سے موجود ایمبولینس کافی عرصے سے خدمات سرانجام دے رہی تھی، تاہم وہ اب انتہائی خستہ حالی کا شکار ہے۔ اس ایمبولینس کی مکمل مرمت (اوورہالنگ) کے لیے محکمہ صحت کی جانب سے باقاعدہ طور پر بجٹ کی ڈیمانڈ ارسال کی گئی ہے۔ تاہم موجودہ مالی وسائل کی محدودیت کے باعث وہ مرمت فی الحال ممکن نہ ہو سکی۔ اس لیے نئی ایمبولینس فراہم کی گئی تاکہ عوام کو کسی قسم کی پریشانی نہ ہو۔

3. محکمہ صحت کی ترجیحات: محکمہ صحت گلگت بلتستان عوامی خدمت کے جذبے سے سرشار ہے اور خصوصاً دور دراز علاقوں میں صحت کی بنیادی سہولیات کی فراہمی اولین ترجیح ہے۔ منی مارگ جیسے حساس علاقوں میں ایمبولینس کی فراہمی محض ایک قدم ہے، مستقبل میں بھی تمام ضروری طبی سہولیات کی بہتری کے لیے منصوبہ بندی جاری ہے۔

4 ہم صحافی برادری سے گزارش کرتے ہیں کہ کسی بھی خبر کو شائع یا نشر کرنے سے قبل متعلقہ محکمے سے تصدیق ضرور کریں تاکہ عوام کو مکمل، درست اور حقائق پر مبنی معلومات فراہم کی جا سکیں۔

محکمہ صحت گلگت بلتستان
ہم عوام کی خدمت کے لیے دن رات کوشاں ہیں