10/12/2025
🍁چلاس — آر ایچ کیو ہسپتال چلاس میں ٹراما سینٹر کا باقاعدہ افتتاح
سیکرٹری صحت گلگت بلتستان جناب آصف اللہ خان کی مضبوط قیادت اور مسلسل کاوشوں کے نتیجے میں آر ایچ کیو ہسپتال چلاس میں گزشتہ چھ سالوں سے تعطل کا شکار ٹراما سینٹر کا باقاعدہ افتتاح کر دیا گیا۔
افتتاحی تقریب میں محکمہ صحت کے ضلعی و علاقائی افسران، طبی عملہ، سول سوسائٹی کے نمائندگان، مقامی معززین کے ساتھ ساتھ ڈائریکٹر جنرل ہیلتھ گلگت بلتستان ڈاکٹر سید صادق شاہ رضوی بھی شریک تھے۔
تقریب سے خطاب کرتے ہوئے سیکرٹری صحت آصف اللہ خان نے کہا کہ:
🔸 ماضی میں دیامر جیسے حساس اور پسماندہ ضلع کو صحت کے شعبے میں شدید مشکلات کا سامنا تھا، مگر اب ان محرومیوں کا خاتمہ کیا جا رہا ہے۔
🔸 AKDN
اور محکمہ صحت کی مشترکہ کوششیں قابلِ تحسین ہیں جن کا مقصد بنیادی صحت سہولیات کو ہر خاندان اور ہر فرد تک پہنچانا ہے۔
🔸 محکمہ صحت میں ڈیوٹی سے غفلت کو کسی صورت برداشت نہیں کیا جائے گا، لاپرواہی کے مرتکب ملازمین کے خلاف سخت کارروائی عمل میں لائی جائے گی۔
🔸 ٹراما سینٹر عوام کی فوری طبی ضروریات پوری کرنے کے ساتھ ساتھ بڑے ہسپتالوں پر بوجھ کم کرنے میں اہم کردار ادا کرے گا۔
بعدازاں سیکرٹری صحت نے ڈی ایچ او آفس اسٹور کا دورہ کیا اور اسٹور میں موجود ادویات اور طبی سامان کو فوری طور پر متعلقہ ہیلتھ مراکز میں فراہم کرنے کے احکامات جاری کیے۔
آر ایچ کیو ہسپتال میں صحت سے متعلق سہولیات کا جائزہ لیتے ہوئے انہوں نے ہدایت کی کہ ہر ایمرجنسی کیس کو ترجیحی بنیادوں پر فوری طبی امداد فراہم کی جائے۔
مقامی شہریوں نے ٹراما سینٹر کی بحالی و افتتاح پر خوشی کا اظہار کرتے ہوئے سیکرٹری صحت اور ڈائریکٹر جنرل ہیلتھ کا شکریہ ادا کیا، اور امید ظاہر کی کہ دیامر میں صحت کے دیگر منصوبے بھی جلد مکمل ہوں گے۔
**
