09/11/2025
والدین کے لئے ضروری بات۔
مچھلی کا کانٹا گلے میں پھنس جاے تو کیا کریں!!!
سردیوں کا موسم شروع ہو گیا ہے اور اس موسم کے اندر مچھلی بڑے شوق سے کھائی جاتی ہے۔ہمارے ہاں زیادہ تر عام دستیاب مچھلی جس میں کالا رہو شامل ہے یہ کانٹوں والی مچھلی ہوتی ہے اور اگر اپ مچھلی بار بار کھاتے ہیں تو چانسز ہیں کہ کانٹا آپ نگل بھی سکتے ہیں اور ہو سکتا ہے بعض دفعہ کانٹا گلے کے اندر پھنس بھی جائےاگر آپ بہت تیزی سے کھا رہے ہیں۔
زیادہ تر کیسز میں مچھلی کے کانٹے چونکہ بہت چھوٹے ہوتے ہیں تو اگر آپ نگلتے ہیں تو کوئی مسئلہ نہیں ہوتا۔یہ حلق میں یا پھر خوراک کی نالی میں پھنستے نہیں ہیں بلکہ سیدھا معدے میں چلے جاتے ہیں
مگر بعض اوقات ایسا ہوتا ہے مچھلی کا کانٹا جوچھوٹا اور پتلا ساہوتا ہے گلے کے اندر کہیں جا کے پھنس جاتا ہے تو اس سے کھانے والے کو بہت زیادہ بے چینی ہوتی ہے گلے میں خراش ہوتی ہے اور تکلیف کا احساس ہوتا ہے۔
لیکن آپ کے لیے اچھی بات یہ ہے کہ گھر میں رہتے ہوئے بھی اگر خدانخواستہ کانٹا حلق میں پھنس جاتا ہے تو اس کو آپ ان طریقوں سے نکال سکتے ہیں یا پھر اس کو معدے کی طرف پہنچا سکتے ہیں۔
سب سے پہلے ہم دیکھ لیتے ہیں کہ اگر کسی شخص کے گلے میں کانٹا پھنس جاتا ہے اور اس کو نہ نکالا جائے تو اس کی پیچیدگیاں کیا ہو سکتی ہیں۔
تو اس میں ممکنہ پیچیدگیوں میں گلے کے اندر خراش کا ہونا کھانا کھاتے ہوئے تکلیف کا محسوس ہونا کھانا نگلنے میں تکلیف,چھاتی کا انفیکشن گلے سے خون کا آنا اور گلے کے اندر پیپ کا بن جانا شامل ہے۔
کافی ایسے طریقے اور ٹوٹکے ہیں جن کی مدد سے ہم ڈاکٹر کے بغیر بھی گھر پہ رہتے ہوئے کانٹے کو نکال سکتے ہیں یا معدے تک پہنچا سکتے ہیں مگر چونکہ ہر شخص کے اندر کانٹے کا سائز مختلف ہوگا ,کانٹا کتنا پھسا ہوا یہ مختلف ہوگا تو ان کا افادیت ہر شخص میں مختلف ہوگی۔
سب سے پہلے تو اپ زور سے کوشش کریں کہ کھانسی کریں اگر تو کانٹا ہلکا سا پھنسا ہوگا اور اوپر ہوگا تو زور سے کھانسی کرنے سے تیز سانس کی وجہ سے کانٹا باہر نکل سکتا ہے۔
ایک اور طریقہ یہ ہے کہ آپ تھوڑا سا سرکہ پی لیں کانٹا سرکے میں موجود تیزابیت کی وجہ سے نرم ہو جائے گا اور چانسز ہیں کہ وہ معدے کی طرف چلا جائے گا
کولڈ ڈرنک یا سوڈے کی جو بوتلز ہوتی ہیں ان کو پینے سے بھی کانٹے کے نکلنے میں مدد ہوگی کیونکہ ان کے اندر ایک تو تیزابیت کے ایلیمنٹ ہوتا ہے اور دوسرا گیس ہوتی ہے جس کی وجہ سے کانٹا جو ہے وہ اپنی جگہ سے ہل جائے گا اور معدے میں چلا جائے گا۔
زیتون کے تیل لے کر اس کو ایک چمچ آپ پی سکتے ہیں یہ بھی کانٹے کو معدے تک پہنچانے میں مدد کرتا ہے۔
آپ کیلے کا ایک بڑا ٹکڑا جیسے آدھا کیلا لے کر اس کو نگلنے کی کوشش کریں ۔جب کیلا نگلیں گے تو یہ ساتھ میں کانٹے کو بھی معدے میں لے جائے گا۔
آپ روٹی لیں اور کچھ دیر کے لیے پانی کے اندر بھگوئیں۔ جب یہ بالکل نرم ہو جائے تو ایک بڑا ٹکڑا لے کر اس کو نگلیں۔ روٹی کا ٹکڑا کانٹے کو اپنے ساتھ معدے میں لے جائے گا۔
ڈبل روٹی پر مکھن لگا کر اس کا ایک بڑا سا ٹکڑا لیں اور اس کو نگلنے کی کوشش کریں یہ بھی کانٹے کو معدے میں پہنچا دے گا۔
اگر گھر میں مارش میلو موجود ہیں تو اس کا ایک بڑا ٹکڑا تھوڑا سا چبا کر سالم نگل لیں، یہ بھی کانٹے کو اپنی جگہ سے ہلا دے گا۔
سب سے اہم بات یہ ہے کہ اگر مریض کو کوئی ایمرجنسی علامات آرہی ہیں جیسے کہ مریض کو سانس لینے میں مسئلہ آرہا ہے یا منہ سے خون آرہا ہے تو ایسی صورت میں آپ ڈاکٹر کے پاس جائیں اور چیک کروائیں۔ دوسری صورت میں اگر مریض بالکل ٹھیک ہے تو اپ اس پر ٹوٹکے وغیرہ آزما سکتے ہیں لیکن اگر یہ کام نہیں کرتے تو دوبارہ آپ کو پھر ڈاکٹر کے پاس ہی جانا پڑے گا۔
تمام والدین کو آگاہ کریں اور دوست احباب کے ساتھ شیر کریں ۔
