YDA Punjab Official

26/03/2026

https://www.facebook.com/share/1HeUfx43cx/?mibextid=wwXIfr

پریس ریلیز
ینگ ڈاکٹرز ایسوسی ایشن (YDA)
میو ہسپتال لاہور

عید ہو یا محرم، جنگ ہو یا امن کا موقع، ینگ ڈاکٹرز ہمیشہ فرنٹ لائن وارئیرز کے طور پر اپنی خدمات سرانجام دیتے ہیں۔ تاریخ گواہ ہے کہ جب بھی قوم کسی مشکل، بحران یا ہنگامی صورتحال سے دوچار ہوئی، ینگ ڈاکٹرز نے بغیر کسی خوف و خطر کے اپنی جانوں کو خطرے میں ڈال کر مریضوں کی خدمت کو اپنا اولین فرض سمجھا۔ کورونا جیسی عالمی وبا کے دوران بھی یہی ینگ ڈاکٹرز دن رات ہسپتالوں میں موجود رہے اور اپنی پیشہ ورانہ ذمہ داریوں کو احسن طریقے سے نبھاتے رہے۔

بدقسمتی سے، اس بے مثال خدمت، قربانی اور پیشہ ورانہ لگن کے باوجود ینگ ڈاکٹرز کو وہ سہولیات اور مراعات فراہم نہیں کی جاتیں جن کے وہ حقیقی معنوں میں مستحق ہیں۔ دنیا کے ترقی یافتہ ممالک میں اضافی ڈیوٹی، ایمرجنسی حالات یا تہواروں کے مواقع پر خدمات انجام دینے والے ڈاکٹرز کو خصوصی الاؤنسز، بونس اور دیگر مراعات دی جاتی ہیں، لیکن ہمارے ہاں صورتحال اس کے برعکس ہے۔

مزید برآں، موجودہ دور میں مہنگائی نے عام آدمی کے ساتھ ساتھ ینگ ڈاکٹرز کو بھی شدید متاثر کیا ہے۔ پٹرول کی قیمتوں میں مسلسل اضافہ ہو رہا ہے جبکہ دیگر ضروری اخراجات بھی کئی گنا بڑھ چکے ہیں۔ ایک طرف ملک کے بیشتر شعبے "ورک فرام ہوم" کے اصول پر کام کر رہے ہیں، وہیں ڈاکٹرز ایک ایسا طبقہ ہے جو اس سہولت سے محروم ہے۔ ینگ ڈاکٹرز روزانہ اپنی ذاتی بائیکس اور گاڑیوں پر مہنگا پٹرول خرچ کر کے ہسپتالوں تک پہنچتے ہیں اور اپنی ڈیوٹیاں سرانجام دیتے ہیں۔

افسوسناک امر یہ ہے کہ ان تمام مشکلات اور مالی دباؤ کے باوجود نہ تو ان ینگ ڈاکٹرز کو مناسب طور پر سراہا جاتا ہے اور نہ ہی ان کی حوصلہ افزائی کے لیے کوئی مؤثر اقدامات کیے جاتے ہیں۔ یہ رویہ نہ صرف ان کی پیشہ ورانہ کارکردگی کو متاثر کر سکتا ہے بلکہ ان کے حوصلے کو بھی پست کرتا ہے۔

ینگ ڈاکٹرز ایسوسی ایشن (YDA) میو ہسپتال لاہور، حکومتِ پنجاب اور معزز وزیرِ اعلیٰ پنجاب سے پرزور مطالبہ کرتی ہے کہ ینگ ڈاکٹرز کے مسائل کو سنجیدگی سے لیا جائے۔ ڈاکٹرز کی تنخواہوں میں فوری اضافہ کیا جائے تاکہ وہ بڑھتی ہوئی مہنگائی کا مقابلہ کر سکیں۔ مزید برآں، پٹرول الاؤنس یا ٹرانسپورٹ الاؤنس متعارف کروایا جائے تاکہ روزانہ کے سفری اخراجات کا بوجھ کم ہو سکے۔

اسی طرح عید، محرم اور دیگر ہنگامی یا خصوصی مواقع پر ڈیوٹی انجام دینے والے ڈاکٹرز کے لیے خصوصی الاؤنسز کا بھی اعلان کیا جائے تاکہ ان کی خدمات کا اعتراف کیا جا سکے۔ حکومت کو چاہیے کہ وہ ینگ ڈاکٹرز کی فلاح و بہبود کے لیے ٹھوس اقدامات کرے اور انہیں ایک محفوظ، باعزت اور باوقار پیشہ ورانہ ماحول فراہم کرے۔

ینگ ڈاکٹرز ایسوسی ایشن میو ہسپتال لاہور اس عزم کا اعادہ کرتی ہے کہ وہ ہر حال میں مریضوں کی خدمت جاری رکھے گی۔ تاہم، حکومت کی یہ ذمہ داری ہے کہ وہ ڈاکٹرز کے جائز حقوق کو تسلیم کرے اور انہیں وہ سہولیات فراہم کرے جو ان کے پیشے کے شایانِ شان ہوں۔

ریگارڈز
کیبنٹ
ینگ ڈاکٹرز ایسوسی ایشن (YDA)
میو ہسپتال لاہور

YDA Punjab OfficialARY News UrduMaryam Nawaz SharifGovt of PunjabWorld Health Organization South-East Asia Region - WHO SEAROAhmad Kamal

22/03/2026

https://www.facebook.com/share/v/1CePgCCfCu/

"On this Eid,
we salute the unwavering dedication of our health professionals, who selflessly serve others even on their special day.
Your tireless efforts, compassion, and care don't go unnoticed.

Thank you for being the beacon of hope and care in our times of need 💕"

Dr Mudassar Nawaz Ashrafi
Chairman YDA Punjab

12/03/2026

پنجاب میں تقریباً 1200 ایڈہاک ڈاکٹروں کی ملازمت کے خاتمے کا ممکنہ فیصلہ انتہائی غیر منصفانہ اور ناقابلِ قبول ہے۔ یہ ڈاکٹر کئی برسوں سے محکمہ صحت میں دن رات خدمات انجام دے رہے ہیں اور مشکل ترین حالات میں بھی عوام کو طبی سہولیات فراہم کرتے رہے ہیں۔ ایسے میں ان کو اچانک ملازمت سے فارغ کرنا نہ صرف ان کے ساتھ ناانصافی ہے بلکہ صوبے کے صحت کے نظام کے ساتھ بھی زیادتی ہے۔

ینگ ڈاکٹرز ایسوسی ایشن پنجاب حکومتِ پنجاب، وزیرِ اعلیٰ پنجاب محترمہ مریم نواز شریف اور سیکرٹری ہیلتھ اینڈ پاپولیشن ڈیپارٹمنٹ محترمہ نادیہ ثاقب سے واضح اور دوٹوک مطالبہ کرتی ہے کہ ایڈہاک ڈاکٹروں کو ملازمت سے فارغ کرنے کا فیصلہ فوری طور پر واپس لیا جائے۔ یہ ڈاکٹر کُش پالیسی نا صرف مزید برین ڈرینج کا باعث بنے گی بلکہ قوم کے مسیحاوں کو بڑی تعداد میں بے روزگاری سے بھی متاثر کرے گی لہذا اگر محکمہ صحت کوئی نئی پالیسی نافذ کرنا چاہتا ہے تو ان ڈاکٹروں کو لوکم یا کسی مستقل پالیسی کے تحت فوری طور پر ایڈجسٹ کیا جائے۔

یہ ڈاکٹر برسوں سے صحت کے نظام کا اہم ستون رہے ہیں، اس لیے ان کے مستقبل کو داؤ پر لگانا کسی صورت قابلِ قبول نہیں۔ اگر اس مسئلے کو فوری طور پر حل نہ کیا گیا تو یہ نہ صرف ہزاروں خاندانوں کے لیے معاشی بحران پیدا کرے گا بلکہ صوبے کے پہلے سے دباؤ کا شکار صحت کے نظام کو بھی شدید نقصان پہنچائے گا۔

ہم مطالبہ کرتے ہیں کہ حکومت فوری طور پر اس معاملے میں سنجیدہ اور عملی اقدامات کرے اور ایڈہاک ڈاکٹروں کے روزگار، عزت اور پیشہ ورانہ مستقبل کا تحفظ یقینی بنایا جائے۔

ڈاکٹروں کے ساتھ ناانصافی ہرگز برداشت نہیں کی جائے گی۔

ینگ ڈاکٹرز ایسوسی ایشن پنجاب

12/03/2026

https://www.facebook.com/share/v/1858awTCKP/

09/03/2026

BismiLLAH
پریس ریلیز:
ینگ ڈاکٹرز ایسوسی ایشن چلڈرن ہسپتال لاہور کی طرف سے افطار ڈنر
لاہور (9 مارچ، 2026ء):

ینگ ڈاکٹرز ایسوسی ایشن (YDA) پنجاب کی سینئر قیادت نے آج چلڈرن ہسپتال لاہور کے آفیسرز کیفے ٹیریا میں منعقدہ ایک پُروقار افطار ڈنر میں شرکت کی۔ اس تقریب میں صدر وائی ڈی اے پنجاب ڈاکٹر شعیب خان نیازی، پیٹرن ان چیف ڈاکٹر سلمان حسیب چوہدری، چیئرمین ڈاکٹر مدثر نواز اشرفی اور جنرل سیکرٹری ڈاکٹر حسیب تھند سمیت لاہور کے بڑے ہسپتالوں کی قیادت نے بھرپور شرکت کی۔ جناح ہسپتال سے ڈاکٹر حمزہ نذیر، میو ہسپتال سے ڈاکٹر احمد گجر، سروسز ہسپتال سے ڈاکٹر عدیل و ڈاکٹر ذیشان اور گنگارام ہسپتال سے ڈاکٹر عثمان گجر اپنی کابینہ ممبران کے ہمراہ موجود تھے۔ تقریب میں چلڈرن ہسپتال کے ینگ ڈاکٹرز، نرسز اور پیرا میڈیکس ایسوسی ایشن کے نمائندگان نے بھی بڑی تعداد میں شرکت کر کےڈاکٹر لمیونٹی کے اتحاد کا ثبوت دیا۔ اس موقع پر قائدین نے خطاب کرتے ہوئے اس عزم کا اعادہ کیا کہ وائی ڈی اے ہی ڈاکٹرز کے حقوق کی واحد حقیقی نمائندہ جماعت ہے جو ہر مشکل گھڑی میں اپنے ساتھیوں کے ساتھ سیسہ پلائی دیوار کی طرح کھڑی رہے گی اور ڈاکٹرز کے وقار پر کوئی سمجھوتہ نہیں کیا جائے گا۔ مہمانوں نے صدر ڈاکٹر سلیم نیازی اور کابینہ کا شکریہ ادا کیا
منجانب :
ینگ ڈاکٹرز ایسوسی ایشن (YDA) چلڈرن ہسپتال لاہور

02/03/2026

پریس ریلیز
وائی ڈی اے پنجاب

مورخہ: ٠١ مارچ ٢٠٢٦

وائی ڈی اے پنجاب کو حالیہ لوکم بھرتیوں کے حوالے سے بڑی تعداد میں نوجوان ڈاکٹرز کی جانب سے شدید تحفظات اور شکایات موصول ہوئی ہیں۔ ڈاکٹرز کا کہنا ہے کہ UHS کے تحت ہونے والی لوکم بھرتیوں میں نہ کوئی باقاعدہ انٹرویو لیا جاتا ہے، نہ شارٹ لسٹنگ کا شفاف عمل سامنے لایا جاتا ہے، بلکہ براہِ راست سلیکشن اور جوائننگ آرڈرز جاری کر دیے جاتے ہیں۔

متعدد امیدواروں نے وائی ڈی اے پنجاب کو آگاہ کیا کہ انہیں UHS کی جانب سے فون کال موصول ہوئی، انہوں نے اپنی رضامندی ظاہر کی، مگر اس کے بعد نہ کسی میرٹ لسٹ کا اجرا کیا گیا اور نہ ہی کسی باضابطہ سلیکشن پراسیس سے آگاہ کیا گیا۔

نوجوان ڈاکٹرز کے بنیادی سوالات یہ ہیں:

• سلیکشن کا معیار کیا ہے؟
• میرٹ لسٹ کیوں جاری نہیں کی جاتی؟
• انٹرویو یا اسکریننگ کا طریقہ کار کیا ہے؟
• امیدواروں کو طریقہ کار سے آگاہ کیوں نہیں کیا جاتا؟

وائی ڈی اے پنجاب واضح کرتی ہے کہ کسی بھی سرکاری بھرتی کا عمل مکمل شفاف، تحریری قواعد و ضوابط کے مطابق اور قابلِ احتساب ہونا چاہیے۔ خاموش یا غیر واضح سلیکشن پراسیس نہ صرف شکوک و شبہات کو جنم دیتا ہے بلکہ نوجوان ڈاکٹرز کے اعتماد کو بھی متاثر کرتا ہے۔

وائی ڈی اے پنجاب حکومتِ پنجاب اور متعلقہ حکام سے مطالبہ کرتی ہے کہ:

1. لوکم بھرتیوں کا مکمل طریقہ کار فوری طور پر پبلک کیا جائے۔
2. تمام امیدواروں کی میرٹ لسٹ جاری کی جائے۔
3. سلیکشن کے معیار اور اسکریننگ میکانزم کو واضح کیا جائے۔
4. آئندہ ہر بھرتی میں شفافیت اور میرٹ کو یقینی بنایا جائے۔

اگر اس معاملے میں فوری شفافیت نہ لائی گئی تو وائی ڈی اے پنجاب مشاورت کے بعد آئندہ کے لائحہ عمل کا اعلان کرے گی۔

: ترجمان
وائی ڈی اے پنجاب

25/02/2026

https://www.facebook.com/share/p/1CZ9whqATD/?mibextid=wwXIfr

پریس ریلیز
ینگ ڈاکٹرز ایسوسی ایشن (YDA) میو ہسپتال لاہور

آج ینگ ڈاکٹرز ایسوسی ایشن میو ہسپتال لاہور کی کابینہ نے King Edward Medical University کے وائس چانسلر سے ملاقات کی۔ ملاقات میں حالیہ معاملات پر تفصیلی گفتگو کی گئی جس کے نتیجے میں 6 اراکین پر مشتمل ایک انکوائری کمیٹی تشکیل دے دی گئی ہے۔

مزید برآں یہ احکامات جاری کیے گئے ہیں کہ جب تک انکوائری رپورٹ مکمل نہیں ہو جاتی، متعلقہ پروفیسر صاحبہ اور اسسٹنٹ پروفیسر صاحبہ کو وارڈ میں آنے سے روک دیا گیا ہے تاکہ شفاف اور غیر جانبدارانہ تحقیقات کو یقینی بنایا جا سکے۔

یہ بھی اعلان کیا گیا ہے کہ گائناکالوجی کے پانچوں وارڈز میں سے اگر کسی بھی ڈاکٹر، پوسٹ گریجویٹ ریزیڈنٹ یا اسٹاف کو کسی قسم کا مسئلہ درپیش ہو تو وہ بلا خوف و خطر انکوائری کمیٹی کے سامنے پیش ہو سکتا ہے۔ کمیٹی تمام شکایات کی منصفانہ سماعت اور داد رسی کو یقینی بنائے گی۔ یہ انکوائری کمیٹی لیڈی ولنگٹن ھسپتال میں جا کر اپنی انکوائری مکمل کرے گی۔

ینگ ڈاکٹرز ایسوسی ایشن میو ہسپتال لاہور اس عزم کا اعادہ کرتی ہے کہ میرٹ، شفافیت اور ڈاکٹرز کے تحفظ پر کسی قسم کا سمجھوتہ نہیں کیا جائے گا۔

ترجمان
کابینہ ینگ ڈاکٹرز ایسوسی ایشن
میو ہسپتال لاہور

24/02/2026

https://www.facebook.com/share/p/1DTWx9e8gZ/?mibextid=wwXIfr

پریس ریلیز

King Edward Medical University سے ملحقہ Lady Willingdon Hospital میں پیش آنے والا حالیہ دلخراش واقعہ ایک خاتون پوسٹ گریجویٹ ریزیڈنٹ کی خودکشی کی کوشش کا ہے، جو انتہائی افسوسناک اور قابلِ تشویش ہے۔ مزید تشویشناک امر یہ ہے کہ متاثرہ ریزیڈنٹ نے متعلقہ پروفیسر کو خودکشی نوٹ بھی بھیجا، اس کے باوجود متعلقہ پروفیسر صاحبان کے خلاف تاحال کوئی مؤثر کارروائی عمل میں نہیں لائی گئی، جو ادارہ جاتی ناانصافی اور انتظامی غفلت کو ظاہر کرتا ہے۔

اس واقعے کے بعد Mayo Hospital Lahore کی ینگ ڈاکٹرز ایسوسی ایشن کی کابینہ اور متاثرہ خاندان کے بعض افراد نے فوری طور پر وائس چانسلر KEMU سے ملاقات کر کے شفاف اور غیر جانبدار انکوائری کا مطالبہ کیا تھا، تاہم تاحال اس سلسلے میں کوئی عملی اور ٹھوس اقدامات نہیں اٹھائے گئے۔

ہم یہ بات انتہائی واضح انداز میں بیان کرتے ہیں کہ واقعے کے ذمہ داران کے احتساب یا پروفیشنل کونسلنگ سیشنز کے انعقاد کے بجائے اسی یونٹ کے پوسٹ گریجویٹ ریزیڈنٹس پر مزید ذہنی دباؤ ڈالنا اور انہیں ہراساں کرنا کسی صورت قابل قبول نہیں۔
پروفیسر اور انکے کارندے ڈاکٹر اور انکی فیملی پر صلح کا زور ڈال رہے ہیں اور ہر ناجائز ھتکنڈہاستعمال کیا جا رہا ہے۔

ہم King Edward Medical University کی انتظامیہ سے پرزور مطالبہ کرتے ہیں کہ:

واقعے کی فوری، شفاف اور غیر جانبدار انکوائری مکمل کی جائے

متعلقہ پروفیسرز، اور اسسٹنٹ پروفیسرز کے خلاف بھی ضروری تادیبی و تربیتی اقدامات کیے جائیں-اور انُکو انکوائری مکمل ھونے تک سسپنینڈ کیا جائے۔ہ

پوسٹ گریجویٹ ریزیڈنٹس کے لیے محفوظ، باوقار اور پروفیشنل ورکنگ ماحول یقینی بنایا جائے

اگر فوری اور سنجیدہ اقدامات نہ کیے گئے تو ینگ ڈاکٹرز ایسوسی ایشن میو ہسپتال لاہور اس معاملے پر باقاعدہ پریس کانفرنس کرتے ہوئے آئندہ کے لائحہ عمل کا اعلان کرے گی۔

ریگارڈز
کابینہ
ینگ ڈاکٹرز ایسوسی ایشن (YDA)
میو ہسپتال لاہور

23/02/2026

کوہاٹ میں ڈاکٹر میویش کے بہیمانہ قتل پر وائی ڈی اے پنجاب کے رہنما ڈاکٹر شعیب سرور واڑی کا اہم پیغام:

ڈاکٹر مہوش کا سفاکانہ قتل نہ صرف ایک انسانیت سوز واقعہ ہے بلکہ یہ پورے طبی شعبے، خصوصاً خواتین ڈاکٹرز کے تحفظ پر ایک سنگین سوالیہ نشان ہے۔ ایک ڈاکٹر جو اپنے پیشہ ورانہ فرائض انجام دے رہی تھیں، انہیں اس بے رحمی سے نشانہ بنانا کھلی درندگی اور قانون کی رِٹ کو چیلنج کرنے کے مترادف ہے۔

ہم اس افسوسناک واقعے کی شدید الفاظ میں مذمت کرتے ہیں اور مطالبہ کرتے ہیں کہ قاتلوں کو فوری گرفتار کر کے قرار واقعی سزا دی جائے۔ وائی ڈی اے پنجاب اس دکھ کی گھڑی میں وائی ڈی اے خیبرپختونخوا اور مرحومہ کے اہلِ خانہ کے ساتھ مکمل یکجہتی کا اظہار کرتی ہے اور ہر سطح پر ساتھ کھڑے رہنے کے عزم کا اعادہ کرتی ہے

23/02/2026

صدر ینگ ڈاکٹرز ایسوسی ایشن پنجاب ڈاکٹر شعیب خان نیازی کا اہم پیغام

فاطمہ جناح میڈیکل یونیورسٹی کی فائنل ایئر کی طالبہ ڈاکٹر فریا کی المناک موت پر ہم گہرے دکھ اور افسوس کا اظہار کرتے ہیں۔ ینگ ڈاکٹرز ایسوسی ایشن پنجاب اس مشکل گھڑی میں مرحومہ کے اہلِ خانہ کے ساتھ کھڑی ہے اور ان کے ہر غم میں برابر کی شریک ہے۔

ہم مطالبہ کرتے ہیں کہ اس واقعے کی شفاف، غیر جانبدار اور فوری انکوائری کی جائے۔ ینگ ڈاکٹرز ایسوسی ایشن پنجاب مرحومہ کی فیملی کے مؤقف کی مکمل تائید کرتی ہے اور انصاف کی فراہمی تک ان کے ساتھ کھڑی رہے گی۔

16/02/2026

https://www.facebook.com/share/p/19NpceMZu4/?mibextid=wwXIfr

پریس ریلیز
ینگ ڈاکٹرز ایسوسی ایشن (YDA) – میو ہسپتال لاہور

ینگ ڈاکٹرز ایسوسی ایشن میو ہسپتال لاہور اس امر پر گہری تشویش کا اظہار کرتی ہے کہ جس طرح اینستھیزیا ڈیپارٹمنٹ میں ریزیڈنٹس، WMO/MO، سینئر رجسٹرار اور ایسوسی ایٹس کے ساتھ ناروا سلوک کیا جاتا رہا، اسی طرزِ عمل کو اب میو ہسپتال لاہور کے ڈرماٹالوجی ڈیپارٹمنٹ میں بھی اختیار کیا جا رہا ہے۔

ڈرماٹالوجی ڈیپارٹمنٹ کے پروفیسر کی جانب سے پوسٹ گریجویٹ ریزیڈنٹس، MO/WMO اور ایسوسی ایٹس کے پیشہ ورانہ مستقبل سے کھیلنے کا سلسلہ شروع کر دیا گیا ہے۔ گزشتہ چھ ماہ سے بورڈ آف اسٹڈیز کا کوئی اجلاس منعقد نہیں کیا گیا، جو کہ ایک سنگین تعلیمی غفلت ہے۔ اپنے ہی ریزیڈنٹس کو مبینہ طور پر ذلیل و ہراساں کیا جا رہا ہے اور پوسٹ گریجویٹ ریزیڈنٹس کو بار بار ایک یونٹ سے دوسرے یونٹ میں بھیجا جا رہا ہے، جس سے ان کی تربیت اور ذہنی سکون متاثر ہو رہا ہے۔

یہ بھی افسوسناک حقیقت ہے کہ کنگ ایڈورڈ میڈیکل یونیورسٹی کی انتظامیہ کا رویہ ہمیشہ ایسے پروفیسرز کی حمایت کا رہا ہے جو نوجوان ڈاکٹروں کے مستقبل کو نقصان پہنچاتے ہیں اور شعبہ جاتی ماحول کو خراب کرتے ہیں۔

ینگ ڈاکٹرز ایسوسی ایشن میو ہسپتال لاہور انتظامیہ کو سختی سے تنبیہ کرتی ہے کہ ڈرماٹالوجی ڈیپارٹمنٹ کے نوجوان ڈاکٹروں کے مسائل کو فوری طور پر حل کیا جائے تاکہ وہ ان انتظامی مشکلات سے آزاد ہو کر مکمل توجہ کے ساتھ مریضوں کی دیکھ بھال اور اپنی پیشہ ورانہ تربیت جاری رکھ سکیں۔ ڈرماٹالوجی ڈیپارٹمنٹ کے تمام مسائل کا جامع اور مستقل حل نکالا جائے۔

یہ مسائل اس سے قبل بھی رجسٹرار اور وائس چانسلر، کنگ ایڈورڈ میڈیکل یونیورسٹی کے سامنے پیش کیے جا چکے ہیں، مگر تاحال کوئی مؤثر کارروائی عمل میں نہیں لائی گئی۔

انتظامیہ سے پرزور مطالبہ ہے کہ جلد از جلد ڈرماٹالوجی ڈیپارٹمنٹ کے مسائل کا حل نکالا جائے۔

کابینہ
ینگ ڈاکٹرز ایسوسی ایشن میو ہسپتال لاہور