14/03/2026
مجھے کچھ ذرائع سے معلوم ہوا ہے کہ کمبڑ اور مضافات میں بیوٹیفیکیشن کے نام پر جو منصوبہ شروع کیا گیا ہے، اس میں بدعنوانی کے امکانات موجود ہیں۔ لیکن قوم کا خادم ابھی زندہ ہے۔ میں خود اس منصوبے کے ٹینڈر، کوالٹی، مقدار اور تمام BOQ کو اچھی طرح چیک کروں گا، کیونکہ یہ میری قوم کے پیسے ہیں اور ان کی نگرانی بھی میں خود کروں گا۔
میں واضح کرنا چاہتا ہوں کہ یہاں نہ کرپشن ہونے دوں گا اور نہ ہی کسی کو اپنی قوم کے پیسے لوٹنے دوں گا۔ ان شاء اللہ ہر کام شفافیت اور میرٹ پر ہوگا۔ اگر کہیں بھی بے ضابطگی یا ناقص کام پایا گیا تو اس کے ذمہ داروں کے خلاف سخت کارروائی کی جائے گی۔
میری اولین ترجیح اپنی قوم کے حقوق کا تحفظ اور علاقے کی حقیقی ترقی ہے۔ میں عوام کو یقین دلاتا ہوں کہ ان کے اعتماد کو کبھی ٹھیس نہیں پہنچنے دوں گا۔ ان شاء اللہ آپ کا خادم زندہ ہے اور ہر جگہ اپنی قوم کے مفاد کے لیے کھڑا رہے گا۔
