04/04/2026
چیف سپروائزر/الائیڈ ہیلتھ آفیسر فارمیسی (BS-17) حاجی محمد رفیق کی باوقار سروس کی تکمیل کے موقع پر فارمیسی الائیڈ ہیلتھ پروفیشنلز، کنگ عبداللہ ٹیچنگ ہسپتال مانسہرہ کے زیرِ اہتمام ایک شاندار اور یادگار تقریب کا انعقاد کیا گیا، جس میں کابینہ ممبران کے علاوہ سینیئر الائیڈ ہیلتھ پروفیشنلز کی کثیر تعداد نے شرکت کی۔
تقریب کا باقاعدہ آغاز تلاوتِ کلامِ پاک سے کیا گیا، جس کے بعد مقررین نے حاجی محمد رفیق کی طویل، دیانتدارانہ اور پیشہ ورانہ خدمات کو نہایت خوبصورت اور دلنشین الفاظ میں خراجِ تحسین پیش کیا۔ انہوں نے اپنی سروس کے دوران فرض شناسی، اخلاص اور محنت کی اعلیٰ مثالیں قائم کیں جو ہمیشہ یاد رکھی جائیں گی۔
اس موقع پر صدر پیرامیڈیکل ایسوسی ایشن راجہ ظہور عباسی نے اپنے مختصر خطاب میں کہا کہ حاجی محمد رفیق ایک مخلص، محنتی اور ذمہ دار آفیسر رہے ہیں جن کی خدمات ہمیشہ یاد رکھی جائیں گی۔ انہوں نے ان کی صحت، خوشحالی اور آئندہ زندگی کے لیے نیک تمناؤں کا بھی اظہار کیا۔
اس موقع پر انہیں پھولوں کے ہار پہنائے گئے اور یادگاری شیلڈز پیش کی گئیں، جبکہ مقررین نے محکمہ صحت کے لیے ان کی گراں قدر خدمات کو زبردست انداز میں سراہا۔ شرکاء نے اس عزم کا اظہار بھی کیا کہ حاجی محمد رفیق کی پیشہ ورانہ لگن اور اعلیٰ اخلاقی اقدار کو مشعلِ راہ بنایا جائے گا۔
آخر میں حاجی محمد رفیق کی جانب سے تمام الائیڈ ہیلتھ پروفیشنلز کا بہترین تقریب کے انعقاد پر دلی شکریہ ادا کیا گیا
تقریب کے اختتام پر فارمیسی الائیڈ ہیلتھ پروفیشنلز کی جانب سے ایک پرتکلف اور پروقار ظہرانے کا اہتمام بھی کیا گیا، جہاں تمام شرکاء نے خوشگوار ماحول میں ایک دوسرے کے ساتھ یادگار لمحات گزارے اور حاجی محمد رفیق کے لیے نیک تمناؤں کا اظہار کیا۔
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ!!
fans
PMA KATH
Haji Rafique
