PMA KATH

11/01/2026

10/01/2026

پیرا میڈیکل ایسوسی ایشن کنگ عبداللہ ٹیچنگ ہسپتال مانسہرہ کا ایک اہم اجلاس صدر راجہ ظہور عباسی کی زیر صدارت منعقد ہوا، جس میں کابینہ کے تمام اراکین کے علاوہ سینئر الائیڈ ہیلتھ پروفیشنلز نے بھرپور شرکت کی۔
اجلاس کا باقاعدہ آغاز تلاوتِ کلامِ پاک سے کیا گیا، جس کے بعد جنرل سیکرٹری حاجی محمد نذیر نے اجلاس کا ایجنڈا پیش کیا۔ ایجنڈے میں صوبائی قیادت کی جانب سے 15 جنوری کو پشاور میں ہونے والے احتجاج، الائیڈ ہیلتھ پروفیشنلز کو درپیش مختلف مسائل، ٹرینی ڈپلومہ و ڈگری طلبہ کی سپرویژن، اور دیگر انتظامی و پیشہ ورانہ امور شامل تھے۔
ایجنڈے پر کابینہ اراکین اور سینئر الائیڈ ہیلتھ پروفیشنلز کی جانب سے تفصیلی اور سنجیدہ بحث کی گئی۔ اجلاس میں متفقہ طور پر صوبائی قیادت کی کال پر 15 جنوری کو پشاور میں ہونے والے احتجاج کی مکمل حمایت کا اعلان کرتے ہوئے احتجاج میں بھرپور شرکت کا فیصلہ کیا گیا۔
غیر متعلقہ افراد کی جانب سے ٹرینی ڈپلومہ و ڈگری طلبہ کے تعلیمی و پیشہ ورانہ معاملات میں مداخلت کو پیرا میڈیکل ایسوسی ایشن کی جانب سے یکسر مسترد کر دیا گیا
اجلاس میں اس عزم کا اعادہ کیا گیا کہ پیرا میڈیکل ایسوسی ایشن الائیڈ ہیلتھ پروفیشنلز کے حقوق، عزت اور پیشہ ورانہ وقار کے تحفظ کیلئے ہر سطح پر جدوجہد جاری رکھے گی اور اس مقصد کیلئے کسی بھی قسم کی قربانی سے دریغ نہیں کیا جائے گا
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ
fans
Paramedical Association Khyber Pakhtonkhwa Official
PMA KATH

09/01/2026

پریس ریلیز
کنگ عبدالله ٹیچنگ ہسپتال مانسہرہ میں عوام الناس کو جدید اور معیاری طبی سہولیات کی فراہمی کا عمل تسلسل کے ساتھ جاری ہے۔ ہسپتال کے اعدا د و شمار کے مطابق 16 دسمبر 2025 سے 9 جنوری 2026 تک، محدود عملے کے باوجود ایک ماہ سے بھی کم عرصہ میں تشخیصی شعبہ میں مریضوں کو بڑی تعداد میں جدید طبی سہولیات فراہم کی گئیں، جو ہسپتال عملے کی پیشہ ورانہ صلاحیت اور انتھک محنت کا واضح ثبوت ہے۔
اس مختصر مدت کے دوران فراہم کی گئی تشخیصی سہولیات کے اعداد و شمار درج ذیل ہیں:
ڈیجیٹل ایکسرے: 12,841
الٹراساؤنڈ: 2507
ڈوپلر الٹراساؤنڈ: 131
سی ٹی اسکین (CT Scan): 157
ایم آر آئی (MRI): 100
ان سہولیات کی بدولت مانسہرہ اور گرد و نواح کے عوام کو بروقت اور معیاری تشخیص کی سہولت میسر آئی اور انہیں مہنگے نجی مراکز یا بڑے شہروں کا رخ کرنے کی ضرورت پیش نہیں آئی، جس سے وقت اور مالی وسائل کی بچت ممکن ہوئی۔
ہسپتال انتظامیہ نے اس عزم کا اظہار کیا ہے کہ محدود وسائل اور عملے کے باوجود عوام کو بہترین طبی سہولیات فراہم کرنے کا یہ سلسلہ آئندہ بھی جاری رکھا جائے گا، تاکہ
صحت کے شعبے میں عوام کا اعتماد مزید مضبوط ہو سکے۔

کنگ عبدالله ٹیچنگ ہسپتال مانسہرہ کی یہ کارکردگی محکمہ صحت خیبر پختونخوا کی عوام دوست پالیسیوں اور ہسپتال عملے کی انتھک محنت کا واضح ثبوت ہے۔

رانا منیر احمد
میڈیا کوآرڈینیٹر
کنگ عبدالله ٹیچنگ ہسپتال مانسہرہ
King Abdullah Teaching Hospital Mansehra Official

05/01/2026

احتجاج ۔۔احتجاج ۔۔۔احتجاج !!!
fans
PMA KATH

01/01/2026

ڈویژنل کولڈ چین سپروائزر طاہر سہیل کی محکمہ صحت میں 38 سالہ شاندار، مثالی اور بے داغ سروس کی تکمیل کے موقع پر ڈی ایچ او آفس مانسہرہ میں ایک پروقار اور یادگار تقریب کا انعقاد کیا گیا
تقریب میں محکمہ صحت سے تعلق رکھنے والی کثیر تعداد میں معزز شخصیات، افسران اور ملازمین نے شرکت کی اور طاہر سہیل کی خدمات کو سراہا۔
تقریب میں صدر پیرا میڈیکل ایسوسی ایشن کنگ عبداللہ ٹیچنگ ہسپتال مانسہرہ راجہ ظہور عباسی، جنرل سیکرٹری حاجی محمد نذیر اور سیکرٹری انفارمیشن رانا منیر احمد نے خصوصی طور پر شرکت کر کے تقریب کی شان میں اضافہ کیا۔
اجلاس میں ڈی ایچ او مانسہرہ ڈاکٹر فیصل خانزادہ ، ڈپٹی ڈی ایچ او ڈاکٹر ممتاز ، پرونشیل ڈرگ انسپکٹر شکیل نواز اعون کے علاوہ دیگر ملازمین و سماجی شخصیات بھی شریک ہوئیں
اجلاس سے ڈی ایچ او مانسہرہ ڈاکٹر شاہ فیصل خانزادہ، کوآرڈینیٹر ای پی آئی ڈاکٹر عدنان مغل ،صدر ضلع مانسہرہ ابرار خان سواتی، صدر کنگ عبداللہ ٹیچنگ ہسپتال راجہ ظہور عباسی، جنرل سیکرٹری حاجی محمد نذیر، ڈی ایس وی مجیب الرحمن اور دیگر مقررین نے خطاب کیا۔ مقررین نے اپنے خطابات میں طاہر سہیل کی دیانت داری، پیشہ ورانہ مہارت، نظم و ضبط اور محکمہ صحت کے لیے ناقابلِ فراموش خدمات کو زبردست الفاظ میں خراجِ تحسین پیش کیا اور ان کی طویل سروس کو محکمہ کے لیے ایک روشن مثال قرار دیا۔
اس موقع پر طاہر سہیل کو پھولوں کے خوبصورت ہار پہنائے گئے اور انہیں بھرپور انداز میں عزت و احترام دیا گیا۔ شرکاء نے اس بات کا اعتراف کیا کہ طاہر سہیل نے اپنی پوری ملازمت کے دوران محکمہ صحت کی ترقی اور عوامی خدمت کو ہمیشہ اولین ترجیح دی۔
تقریب کے اسٹیج سیکرٹری کے فرائض جنرل سیکرٹری شعیب ظہور نے احسن انداز میں سرانجام دیے۔ تقریب کے اختتام پر شرکاء کے لیے پرتکلف ظہرانے کا اہتمام کیا گیا، اور مہمانوں کی بھرپور تواضع کی گئی۔
بعد ازاں طاہر سہیل کو جلوس کی شکل میں ان کی رہائش گاہ تک لے جایا گیا، جہاں ان کے پڑوسیوں، رشتہ داروں اور عزیز و اقارب نے مہمانوں کا والہانہ استقبال کیا۔ اس موقع پر بھی پھولوں کے ہار پہنائے گئے، مہمانوں کی خاطر تواضع کی گئی اور خوشگوار ماحول میں دعائیہ کلمات ادا کیے گئے۔
یہ تقریب طاہر سہیل کی عمر بھر کی محنت، خلوص اور عوامی خدمت کا منہ بولتا ثبوت تھی، جو دیر تک شرکاء کے
دلوں میں ایک خوشگوار یاد کے طور پر محفوظ رہے گی۔
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ
fans
PMA KATH
PMA Mansehra offical

31/12/2025

پرنسپل لیڈی ہیلتھ سپروائزر مس فرزانہ اقبال، لیڈی ہیلتھ سپروائزر مس نازش سید اور ان کی زیرِ نگرانی کام کرنے والی لیڈی ہیلتھ ورکرز کی جانب سے محکمہ صحت سے باعزت ریٹائرمنٹ حاصل کرنے والے سابق سپروائزر ای پی آئی حاجی تنویر احمد اور سابق ڈسٹرکٹ فوکل پرسن سرویلنس کنگ عبدالله ٹیچنگ ہسپتال مانسہرہ اعظم حسین کے اعزاز میں گلوریس کانٹینیٹل ہوٹل میں ایک شاندار، باوقار اور یادگار تقریب کا انعقاد کیا گیا۔
اس تقریب میں لیڈی ہیلتھ سپروائزرز کی زیر نگرانی اپنے فرائض سرانجام دینے والی لیڈی ہیلتھ ورکرز نے شرکت کی، جنہوں نے اپنے سینئرز کی خدمات کے اعتراف میں بھرپور انداز میں شرکت کرتے ہوئے تقریب کو نہایت منظم اور پُروقار بنایا۔
تقریب کے دوران مقررین نے حاجی تنویر احمد اور اعظم حسین کی دہائیوں پر محیط مثالی خدمات کو شاندار الفاظ میں خراجِ تحسین پیش کیا اور کہا کہ دونوں الائیڈ ہیلتھ۔ پروفیشنلز نے اپنی پوری ملازمت دیانت داری، نظم و ضبط اور عوامی خدمت کے جذبے کے ساتھ انجام دی۔ خصوصاً حفاظتی ٹیکہ جات (ای پی آئی) اور بیماریوں کی نگرانی (سرویلنس) کے نظام کو بہتر اور مؤثر بنانے میں ان کی خدمات ناقابلِ فراموش ہیں۔
مقررین کا کہنا تھا کہ حاجی تنویر احمد اور اعظم حسین ہمیشہ اپنی ٹیم کے لیے رہنمائی اور حوصلہ افزائی کا ذریعہ رہے اور ان کا رویہ، اخلاق اور پیشہ ورانہ طرزِ عمل ہیلتھ ورکرز کے لیے ایک مثال ہے
اس موقع پر دونوں ریٹائرڈ الائیڈ ہیلتھ پروفیشنلز کو پھولوں کے ہار پہنائے گئے اور ان کی صحت مند، خوشحال اور پُرسکون زندگی کے لیے نیک تمناؤں کا اظہار کیا گیا۔آخر میں اعظم حسین اور حاجی تنویر احمد اور رانا منیر احمد نے پرنسپل لیڈی ہیلتھ سپروائزر مس فرزانہ اقبال لیڈی ہیلتھ سپروائزر مس نازش سید اور ان کی ٹیم کا پروقار تقریب کے انعقاد پر دلی شکریہ ادا کیا
بعد از تقریب لیڈی ہیلتھ ورکرز اور ان کی ٹیم کی جانب سے معزز مہمانوں کے اعزاز میں پرتکلف ظہرانے کا اہتمام کیا گیا، جس سے یہ پروقار تقریب خوشگوار یادوں کے ساتھ اختتام پذیر ہوئی۔
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ
PMA KATH

31/12/2025

کلاس فور ایسوسی ایشن کنگ عبداللہ ٹیچنگ ہسپتال مانسہرہ کی جانب سے سپورٹنگ اسٹاف ڈینٹل ڈیپارٹمنٹ محمد ساجد کی مدتِ ملازمت کی کامیاب تکمیل کے موقع پر ایک نہایت پروقار اور پُراثر تقریب کا انعقاد کیا گیا۔ جس میں کثیر تعداد میں الائیڈ ہیلتھ پروفیشنلز اور سپورٹنگ سٹاف اور دیگر محکمہ صحت سے تعلق رکھنے والی شخصیات نے شرکت کی
تقریب میں صدر پیرا میڈیکل ایسوسی ایشن راجہ ظہور عباسی اور جنرل سیکرٹری حاجی محمد نذیر کابینہ کے دیگر معزز اراکین کے ہمراہ خصوصی طور پر شریک ہوۓ ۔

تقریب سے خطاب کرتے ہوئے مقررین نے محمد ساجد کی طویل، مثالی اور بے لوث خدمات کو شاندار الفاظ میں خراجِ تحسین پیش کیا۔ مقررین کا کہنا تھا کہ محمد ساجد نہ صرف ایک فرض شناس، محنتی اور ذمہ دار ملازم رہے بلکہ وہ اپنے حسنِ اخلاق، ملنساری، خدا ترسی اور دکھی انسانیت کے درد کو دل میں رکھنے والی ایک قابلِ تقلید شخصیت بھی ہیں۔
اس موقع پر محمد ساجد کو پھولوں کے ہار پہنائے گئے اور انہیں بھرپور محبت اور احترام کے ساتھ رخصت کیا گیا۔ انہوں نے اپنے عملی کردار اور بہترین اخلاق سے ادارے کا وقار بلند کیا اور ساتھیوں کے دلوں میں عزت و محبت کا مقام بنایا۔ بلاشبہ محمد ساجد جیسی مخلص اور باکردار شخصیات کا خلا مدتوں تک پُر نہیں کیا جا سکے گا۔
تقریب کے اختتام پر اسٹاف ممبران کی جانب سے محمد ساجد کو نہایت عقیدت اور والہانہ انداز میں جلوس کی صورت میں ان کی رہائش گاہ تک لے جایا گیا، جہاں محمد ساجد کی جانب سے مہمانوں کے اعزاز میں پرتکلف ظہرانے کا اہتمام بھی کیا گیا۔ اس موقع پر خوشگوار ماحول، محبت، بھائی چارے اور خلوص کی فضا نمایاں رہی۔
آخر میں شرکاء نے محمد ساجد کی صحت، خوشحالی اور آئندہ زندگی کے لیے نیک تمناؤں اور دعاؤں کا اظہار کیا۔
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ
fans
PMA KATH

31/12/2025

مبارک باد !!!
PMA KATH
PMA Mansehra offical

30/12/2025

اگیگا پاکستان کے تحت مانسہرہ پریس کلب کت سامنے ہونے والے احتجاجی مظاہرہ میں شرکاء مطالبات کے حق میں نعرے لگا رہے ہیں

30/12/2025

اگیگا پاکستان کے فیصلے کے مطابق 30 دسمبر 2025کو ملک بھر میں ضلعی پریس کلبوں کے سامنے احتجاج کی کال پر صدر پیرا میڈیکل ایسوسی ایشن کنگ عبداللہ ٹیچنگ ہسپتال راجہ ظہور عباسی اور جنرل سیکرٹری حاجی محمد نذیر نے اپنی کابینہ کے ہمراہ مانسہرہ پریس کلب کے سامنے ہونے والے احتجاج میں شرکت کی، جبکہ کلاس فور ایسوسی ایشن کے صدر قاری محمد شفیع معاویہ بھی اپنی کابینہ کے ساتھ شریک ہوئے۔
احتجاجی جلسہ سے پروفیسرز ، ٹیچرز ایسوسی ایشن اور دیگر تنظیمات کے نمائندگان نے شرکت کی اور مظاہرین سے خطاب کیا
مقررین نے مطالبہ کیا کہ حکومت سرکاری ملازمین کا استحصال بند کرے، خیبر پختونخوا میں وفاق کی طرز پر ڈسپیرٹی ریڈکشن الاؤنس کو بنیادی تنخواہوں میں ضم کرتے ہوئے 35 فیصد اضافہ کیا جائے، جبکہ پنشن اصلاحات کے نام پر ملازمین کا معاشی قتل بند کر کے پنشن کا پرانا نظام بحال کیا جائے۔
مقررین نے کہا کہ حکومتی نمائندے اپنی تنخواہوں میں 300 فیصد اضافہ اور خیبر پختون خواہ ملازمین کو صرف 15 فیصد اضافے پر ٹرخا دینے کو شدید ناانصافی قرار دیا۔۔
راجہ ظہور عباسی نے کہا:
"سرکاری ملازمین سے ناانصافی بند کی جائے، 35 فیصد اضافہ ملازمین کا حق ہے "
حاجی محمد نذیر نے کہا:
"پنشن نظام سے چھیڑ چھاڑ ملازمین کا معاشی قتل ہے، پنشن کا پرانا نظام فوری بحال کیا جائے "

مقریرن نے ایبٹ آباد میں گزشتہ دنوں ڈاکٹر وردہ کے بہیمانہ قتل کی شدید مذمت کرتے ہوئے مجرموں کو سرعام پھانسی دینے کا مطالبہ بھی کیا
احتجاجی جلسہ کے اختتام پر ملکی سلامتی آپسی اتفاق و اتحاد کیلئے خصوصی دعا بھی کرائی گئی
رانا منیر احمد
ترجمان پیرا میڈیکل ایسوسی ایشن
کنگ عبداللہ ٹیچنگ ہسپتال مانسہرہ
fans
Paramedical Association Khyber Pakhtonkhwa Official
PMA KATH

28/12/2025

صدر پیرا میڈیکل ایسوسی ایشن ضلع بٹگرام فیض الر حمان اور صدرڈسٹرکٹ ہیڈ کوارٹر ہسپتال بٹگرام اختر حسین کے زیرِ اہتمام چیئرمین پیرا میڈیکل ایسوسی ایشن غلام حضرت کی رہائش گاہ پر ایک اہم اجلاس منعقد ہوا۔

اجلاس میں صدر پیرا میڈیکل ایسوسی ایشن ضلع مانسہرہ ابرار خان سواتی، جنرل سیکرٹری شعیب ظہور، صدر پیرا میڈیکل ایسوسی ایشن کنگ عبداللہ ٹیچنگ ہسپتال مانسہرہ راجہ ظہور عباسی، جنرل سیکرٹری حاجی محمد نذیر اور رابطہ سیکرٹری نعیم خان جدون نے خصوصی شرکت کی۔ جبکہ سابق صدر پیرا میڈیکل ایسوسی ایشن کنگ عبداللہ ٹیچنگ ہسپتال مانسہرہ وحید
اکرم بھی اجلاس میں خصوصی طور پر شریک ہوئے۔

اجلاس میں الائیڈ ہیلتھ پروفیشنلز کی ترقیوں (پروموشنز) میں بلا جواز تاخیری حربوں کی شدید الفاظ میں مذمت کی گئی۔ شرکاء نے 30 دسمبر 2025 کو اگیگا کے تحت صوبہ بھر میں ہونے والی پریس کانفرنسز کی مکمل حمایت کا اعلان کیا۔
اسکے ساتھ ساتھ گریڈ 17 میں ترقی پانے والے الائیڈ ہیلتھ پروفیشنلز کے فائنل پروموشن آرڈر جاری کرنے میں تاخیر کی بھی شدید الفاظ میں مذمت کی گئی اورفی الفور فائنل پروموشن ارڈر جاری کرنے کا مطالبہ کیا گیا
اجلاس میں صوبائی کابینہ پر زور دیا گیا کہ گریڈ 14 سے 16 میں ترقیوں کے لیے حسبِ وعدہ 31 دسمبر سے قبل ڈی پی سی منعقد ہونی تھی، تاہم بلا جواز تاخیر کے باعث صوبہ بھر کے الائیڈ ہیلتھ پروفیشنلز میں شدید بے چینی پائی جا رہی ہے۔
شرکاء نے متفقہ طور پر مطالبہ کیا کہ حکومت اور متعلقہ حکام اپنے وعدے کے مطابق 31 دسمبر سے قبل الائیڈ ہیلتھ پروفیشنلز کی گریڈ 14 سے 16 میں پروموشن کو یقینی بنائیں، بصورت دیگر صوبائی قائدین کے ساتھ مل کر شدید احتجاج کیا جائے گا، جس کی تمام تر ذمہ داری متعلقہ حکام پر عائد ہوگی۔
اجلاس کے اختتام پر چیئر مین غلام حضرت کی جانب سے پر تكلف ظہرانے کا اہتمام بھی کیا گیا
رانا منیر احمد
ترجمان پیرا میڈیکل ایسوسی ایشن
کنگ عبدالله ٹیچنگ ہسپتال مانسہرہ
fans
Paramedical Association Khyber Pakhtonkhwa Official
PMA Mansehra offical
PMA KATH

27/12/2025

احتجاج ۔۔۔احتجاج ۔۔۔احتجاج
fans
PMA KATH