The Counsellor

23/01/2026

گزشتہ سے پیوستہ

تو کیا سردی کی اس اداسی کا علاج ڈھونڈا جائے؟؟؟

22/01/2026

کیا اپ کو بھی سردی میں اداسی محسوس ہوتی ہے؟؟

22/01/2026

02/01/2026

جن کو غصہ زیادہ آتا ہے انہیں یہ حکایت یاد رکھنی چاہیے۔

خالی کشتی 🛶
(بدھ مت کی قدیم اخلاقی کہانی )

ایک بھکشو نے ارادہ کیا کہ وہ اپنی خانقاہ سے نکل کر کہیں دور اکیلا مراقبہ کرے گا۔ اس نے ایک کشتی بنائی اور جھیل کے وسط میں جا کر ٹھہر گیا۔

اس نے پوری توجہ سے اپنے نفس کے احوال پر نظر کی اور آنکھیں بند کر کے مراقبہ و گیان میں مشغول ہو گیا۔ چند گھنٹے وہ اسی کیفیت میں گم رہا مگر پھر اسے اچانک ایک اور کشتی کی آواز سنائی دی جو تیرتے ہوئے اس کی کشتی سے ٹکڑا رہی تھی۔

بند آنکھوں کے ساتھ اس نے محسوس کیا کہ اس کے اندر غصے کا احساس پیدا ہو رہا ہے ، وہ آنکھیں کھول کر اپنا سکون غارت کرنے والی کشتی کے ملاح پر چلاّنے ہی لگا تھا کہ اس نے دیکھا کہ کشتی تو بالکل خالی ہے اور پاس کہیں کوئی ناخدا بھی نہیں ہے۔

لنگر ٹوٹنے کے بعد وہ کہیں کنارے سے بہہ نکلی تھی۔ یہ ماجرا دیکھ کر اسے ادراک ہوا کہ غصہ تو اس کے اپنے نفس کے اندر ہے بس کسی خارجی وجود کے ٹکڑاؤ کی دیر ہے اور اس کا سارا اشتعال باہر نکل آتا ہے۔ چناچہ اس نکتے کو دماغ میں بٹھا کر وہ واپس خانقاہ چلا گیا۔

اور اس کے بعد اپنی پوری زندگی اگر کبھی بھی وہ کسی ایسے انسان سے ملا جس کی بات یا حرکت پر اسے غصہ محسوس ہوا تو وہ اطمینان سے اپنے نفس میں یہ مذاکرہ کرتے ہوئے خاموش رہا کہ دوسرا شخص محض ایک خالی کشتی ہے ، غصہ خود میری اپنی ذات میں ہے۔۔۔۔۔۔۔

~حنظلہ خلیق

31/12/2025

2025
کے اختتام پر اپنے لئے ایک پیغام!

30/12/2025

یہ بات سمجھ لینا بہت ضروری ہے کہ بچوں کے
جوتے خود پالش کرنا، انہیں خود جرابیں پہنانا، کھانا لا کر پیش کرنا، اور ان کے گندے برتن خود اٹھانا،ایک بچپن کی عمر کے بعد بالکل ختم کر دینا چاہے کیونکہ اُن کے بڑے ہونے کے بعد پھر یہ توقع رکھنا کہ وہ عملی زندگی میں ذمہ دار انسان بنیں گے—محض ایک خوش فہمی ہے۔

ماں بنیں، ملازم نہیں۔
آپ کھانا ضرور پکائیں، مگر پلیٹ کچن سے اٹھا کر میز تک لانا بچوں کی ذمہ داری ہونی چاہیے۔ کھانے کے بعد گندے برتن واپس کچن میں رکھنا بھی وہی سیکھیں؛ آپ چاہیں تو انہیں دھو دیں، مگر ذمہ داری کا احساس انہی کے اندر پیدا ہو گا۔ زیادہ سے زیادہ 7 یا 8 سال کی عمر کے بعد بچے اپنے کام خود کریں اور اپنی چھوٹی چھوٹی ضرورتوں کے لیے دوسروں پر انحصار نہ کریں۔

یاد رکھیے، ذمہ داری سکھائی جائے تو ہی آتی ہے۔
بچوں کو ہر کام میں سہولت دے کر، ہر مشکل سے بچا کر، ہم دراصل ان کے لیے ایک کمزور اور خود غرض شخصیت تیار کر رہے ہوتے ہیں۔ پھر یہی لاڈ آگے چل کر بدتمیزی، ضد، نافرمانی اور بدزبانی کی صورت اختیار کر لیتا ہے۔ ابتدا میں تھپڑ، اور بعد میں زبانیں کھلنے پر گالیاں—یہ سب اسی غلط پرورش کا تسلسل ہے۔

اولاد یقیناً اللہ کی عظیم نعمت ہے، مگر نعمت وہی ہے جو تابع دار اور بااخلاق ہو۔
نافرمان، خود سر اور بے لگام اولاد کو دنیا کے حوالے کر کے جانا کسی صورت دانش مندی نہیں۔ حتیٰ الامکان ان کی غلطیوں پر مزاحمت کریں، انہیں روکیں، سمجھائیں، اور اصول سکھائیں۔

جس طرح آپ محبت سے ان کی سالگرہوں، کامیابیوں اور خوبصورت لمحات کا ریکارڈ محفوظ رکھتی ہیں، اسی طرح ان کی نافرمانیوں، بدتمیزیوں اور غلط رویّوں کا بھی ایک ذہنی ریکارڈ رکھیں۔
کل جب یہی بچے اپنی بیوی، شوہر یا اولاد سے اطاعت اور فرمانبرداری کا مطالبہ کریں گے، تو یہ تربیت—یا اس کی کمی—ان کے سامنے آئینہ بن کر کھڑی ہو جائے گی۔

اچھی ماں وہ نہیں جو ہر کام خود کر دے،
بلکہ وہ ہے جو اپنے بچوں کو اچھا انسان بننے کا سلیقہ سکھا دے۔ نرمی اور صلہ رحمی بھی سکھائے اور رشتہ داروں ، دوستوں سے ملنے کے آداب سکھائے۔ جو بچے صِرف اپنے موڈ کے تابع رہنےکے عادی بن جاتے ہیں ، وہ خود غرض ترین انسان کا روپ دھار کر جوان ہوتے ہیں۔

بچوں کے ملازم کبھی ان کے ماں باپ نہیں بن سکتے۔ ماں باپ بنیں ،خدمت کرنا سکھائیں تاکہ ان کے کردار اور روئیے تعمیر ہوں۔

(Dr.A. Khan)

25/12/2025

سوال پوچھیں!

24/12/2025

لوگوں کی آپ کے بارے میں کی گئ تلخ اور منفی باتیں درحقیقت آپ کے لئے نہیں ہوتی وہ انہی کی لاحاصل خواہشات ، محرومیوں ، لو سلف اسٹیم اور عزت نفس کے فقدان کو ظاہر کر رہی ہوتی ہیں۔۔۔ اگلی بار جب آپ کو کسی کی باتوں سے تکلیف ہونے لگے تو کہنے والے کی تکلیف کا اندازہ لگانے کی کوشش کریں ایسا کرنے سے آپ کے دکھ اور تکلیف میں کمی آئے گےاور ساتھ ہی ساتھ ہو سکتا ہے آپ کے پاس ایسے الفاظ بھی آجائے جو کہنے والےکی تکلیف کا مداوا کر سکیں اور اس کے لیے مرہم بن سکیں ۔۔۔

مریم امین اعوان
۲۴ دسمبر ۲۰۲۵

22/12/2025

کس بارے میں لکھا جائے؟