Insaf Doctors Forum Dentistry KP

22/01/2026

ڈینٹل کمیونٹی اور عوام کے لیے بڑی خوشخبری!

محکمہ صحت خیبرپختونخوا نے انصاف ڈاکٹرز فورم خیبرپختونخوا کے مسلسل مطالبے اور مؤثر جدوجہد کے نتیجے میں صوبے کے مختلف ڈسٹرکٹ ہیڈکوارٹر اور تحصیل ہیڈکوارٹر ہسپتالوں میں ڈینٹل سرجنز (فکسڈ پے) کی آسامیوں پر باقاعدہ تقرریوں کا نوٹیفکیشن جاری کر دیا ہے۔

مورخہ 21 جنوری 2026 کو جاری ہونے والے نوٹیفکیشن کے مطابق، منتخب ڈینٹل سرجنز کو ایک سالہ کنٹریکٹ (فکسڈ پے) کی بنیاد پر فوری طور پر تعینات کر دیا گیا ہے۔ یہ تقرریاں اپر کرم (پاراچنار)، لوئر و اپر چترال، ہنگو، کرک، لکی مروت، بٹگرام، کوہستان لوئر اور شمالی وزیرستان جیسے پسماندہ اور دور افتادہ اضلاع کے ہسپتالوں میں کی گئی ہیں۔

یہ اہم پیش رفت انصاف ڈاکٹرز فورم خیبرپختونخوا کی اس مستقل پالیسی کا عملی نتیجہ ہے جس کے تحت صوبے کے دور دراز علاقوں میں ڈینٹل ہیلتھ سروسز کی کمی کو پورا کرنا اور نوجوان ڈینٹل سرجنز کے لیے باعزت روزگار کے مواقع پیدا کرنا اولین ترجیح رہا ہے۔

ایڈیشنل سیکرٹری جنرل انصاف ڈاکٹرز فورم خیبرپختونخوا و فوکل پرسن برائے ڈینٹسری ڈاکٹر سردار محمد سعد کی انتھک محنت، مسلسل فالو اپ اور محکمہ صحت کے ساتھ مؤثر رابطوں کے باعث یہ مرحلہ ممکن ہوا، جنہوں نے بارہا متعلقہ فورمز پر ڈینٹل ہیلتھ کو بنیادی صحت کے نظام کا لازمی جزو قرار دیا۔

انصاف ڈاکٹرز فورم اس بات پر یقین رکھتا ہے کہ ان تقرریوں سے:
• عوام کو سرکاری ہسپتالوں میں بہتر اور بروقت ڈینٹل سہولیات میسر آئیں گی
• پسماندہ اضلاع میں صحت کے نظام پر عوام کا اعتماد بحال ہوگا
• عمران خان کے وژن “صحت ہر شہری کا بنیادی حق ہے” کو عملی تقویت ملے گی

انصاف ڈاکٹرز فورم خیبرپختونخوا اس کامیابی پر منتخب ہونے والے تمام ڈینٹل سرجنز کو مبارکباد پیش کرتا ہے اور اس عزم کا اعادہ کرتا ہے کہ صوبے میں صحت کے نظام کی بہتری کے لیے جدوجہد جاری رکھی جائے گی۔

انصاف ڈاکٹرز فورم خیبرپختونخوا
میڈیا سیل






IDFKPHealthReforms

14/01/2026

خیبر کالج آف ڈینٹسٹری میں وائٹ کوٹ تقریب کا انعقاد

صوبائی وزیر صحت خیبر پختونخوا جناب خالق الرحمان نے بطور مہمانِ خصوصی شرکت کی
خیبر کالج آف ڈینٹسٹری (KCD) میں نو داخل ہونے والے طلبہ کے اعزاز میں ایک باوقار اور پروقار وائٹ کوٹ تقریب کا انعقاد کیا گیا۔ تقریب کے مہمانِ خصوصی صوبائی وزیر صحت خیبر پختونخوا جناب خالق الرحمان تھے۔ تقریب میں ڈین خیبر کالج آف ڈینٹسٹری پروفیسر ڈاکٹر سید ناصر شاہ، وائس ڈین پروفیسر مسلم خان، پروفیسر ڈاکٹر بشیر الرحمان، مختلف شعبہ جات کے چیئرپرسنز، نو داخل ہونے والے طلبہ و طالبات اپنے والدین کے ہمراہ، اور انصاف ڈاکٹرز فورم کے نمائندگان جن میں مرکزی صدر ڈاکٹر مدیر احمد، صوبائی صدر ڈاکٹر نبی جان آفریدی، جنرل سیکرٹری ڈاکٹر سعد اور دیگر معزز مہمانانِ گرامی شامل تھے۔

تقریب کے فرائض اسٹیج سیکرٹری کے طور پر پروفیسر ڈاکٹر ایمن خان نے انجام دیے، جنہوں نے اپنی پیشہ ورانہ صلاحیت، خوش اسلوبی اور خوش اخلاقی سے تقریب کو احسن انداز میں چلایا، جس پر شرکاء نے ان کی کارکردگی کو سراہا۔

تقریب کے دوران پروفیسر ڈاکٹر ثمرین محمد نے نو داخل ہونے والے 100 طلبہ سے پیشہ ورانہ حلف لیا اور اس بات پر زور دیا کہ وائٹ کوٹ محض ایک لباس نہیں بلکہ ذمہ داری، خدمت اور اعتماد کی علامت ہے۔

تقریب سے خطاب کرتے ہوئے صوبائی وزیر صحت جناب خالق الرحمان نے خیبر کالج آف ڈینٹسٹری کی انتظامیہ اور ڈین کا شکریہ ادا کیا کہ انہوں نے انہیں اس باوقار تقریب میں شرکت کی دعوت دی۔ انہوں نے کہا کہ وائٹ کوٹ تقریب ہر طالب علم اور اس کے والدین کے لیے فخر کا لمحہ ہوتی ہے۔ اس مقام تک پہنچنا آسان نہیں، تاہم یہ طلبہ خوش نصیب ہیں کہ انہیں ایک معتبر اور نامور ادارے کا حصہ بننے کا موقع ملا۔ انہوں نے والدین اور اساتذہ کی کاوشوں کو سراہتے ہوئے کہا کہ طلبہ کی کامیابی میں ان کا کردار نہایت اہم ہے۔ انہوں نے طلبہ کو نصیحت کی کہ وہ ذمہ دار شہری اور دیانت دار پیشہ ور بنیں اور مریضوں کے ساتھ صرف طبی مہارت ہی نہیں بلکہ اچھے اخلاق، ہمدردی اور شفقت کے ساتھ پیش آئیں۔

صوبائی وزیر صحت نے مزید کہا کہ آج لیا گیا حلف محض ایک رسمی عمل نہیں بلکہ ایک عہد ہے جس پر عملی زندگی میں عمل درآمد ضروری ہے۔ انہوں نے یہاں تک کہا کہ سینئر طلبہ بھی، جو پہلے یہ حلف اٹھا چکے ہیں، اپنے پیشہ ورانہ رویے کا ازسرِنو جائزہ لیں۔ انہوں نے اس بات پر زور دیا کہ یہی طلبہ مستقبل میں مختلف اداروں میں قیادت کا کردار ادا کریں گے، اس لیے تعلیمی سرگرمیوں کے ساتھ ساتھ ہم نصابی سرگرمیوں میں بھی بھرپور حصہ لینا چاہیے۔

مہمانِ خصوصی، والدین اور طلبہ کو خوش آمدید کہتے ہوئے ڈین خیبر کالج آف ڈینٹسٹری پروفیسر ڈاکٹر سید ناصر شاہ نے کہا کہ اچھا طالب علم بننے سے پہلے اچھا انسان بننا ضروری ہے۔ انہوں نے طلبہ کو دیانت داری، نظم و ضبط اور خدمتِ انسانیت کو اپنی زندگی کا شعار بنانے کی تلقین کی اور اس بات کی یقین دہانی کرائی کہ ادارہ انہیں ایک کامیاب، بااخلاق اور ذمہ دار ڈینٹل پروفیشنل بنانے کے لیے تمام ممکنہ سہولیات فراہم کرے گا۔

وائٹ کوٹ تقریب سے خطاب کرتے ہوئے پروفیسر ڈاکٹر بشیر الرحمان نے کہا کہ یہ لمحہ فرسٹ ایئر بی ڈی ایس طلبہ کے لیے ایک باوقار اور ذمہ دار پیشہ ورانہ سفر کا آغاز ہے۔ انہوں نے کہا کہ وائٹ کوٹ علم، خدمت، اخلاقیات، ہمدردی اور پیشہ ورانہ دیانت کی علامت ہے۔ بطور ڈائریکٹر ڈیپارٹمنٹ آف میڈیکل ایجوکیشن، انہوں نے جدید تدریسی طریقوں اور نصاب میں مسلسل بہتری کے عزم کا اعادہ کیا۔ انہوں نے طلبہ کو محنت، صبر، اساتذہ کے احترام، والدین کی دعاؤں اور خدمتِ انسانیت پر ثابت قدم رہنے کا مشورہ دیا۔

تقریب کے اختتام پر مہمانِ خصوصی جناب خالق الرحمان نے خیبر میڈیکل یونیورسٹی کے تحت منعقد ہونے والے بی ڈی ایس پروفیشنل امتحانات میں نمایاں پوزیشن حاصل کرنے والے خیبر کالج آف ڈینٹسٹری کے طلبہ میں انعامات اور اسناد تقسیم کیں۔

13/01/2026

انصاف ڈاکٹر فورم پشاور کے وفد کی مردان میڈیکل کالجز میں رابطہ مہم
“عمران خان کی رہائی — صحت مند پاکستان کی ضمانت”

انصاف ڈاکٹر فورم پشاور کی جانب سے ڈاکٹر کمیونٹی کی مؤثر موبلائزیشن اور آئندہ “صحت مند پاکستان کے لیے عمران خان کی رہائی” کنونشن کی تیاریوں کے سلسلے میں مختلف ہسپتالوں اور میڈیکل کالجوں کے دوروں کا سلسلہ جاری ہے۔

اسی سلسلے میں انصاف ڈاکٹر فورم پشاور کے وفد نے ڈاکٹر تواب یوسفزئی کی قیادت میں مردان
میڈیکل کالج کا دورہ کیا، جہاں ڈاکٹر کمیونٹی سے ملاقاتیں کی گئیں۔ ملاقات کے دوران انصاف ڈاکٹر فورم کے تنظیمی اہداف، ڈاکٹرز کو درپیش مسائل، آئندہ کنونشن کی اہمیت اور بانی پاکستان تحریک انصاف عمران خان کے وژن کے مطابق صحت کے شعبے میں اصلاحات، شفافیت اور میرٹ کی بالادستی پر تفصیلی گفتگو کی گئی۔

وفد نے اس عزم کا اعادہ کیا کہ انصاف ڈاکٹر فورم عمران خان کے نظریے کے مطابق ایک ایسا ہیلتھ سسٹم قائم کرنے کے لیے جدوجہد جاری رکھے گا جو مکمل طور پر میرٹ پر مبنی، شفاف اور عوام کو معیاری طبی سہولیات فراہم کرنے کا ضامن ہو۔

انصاف ڈاکٹر فورم پشاور صوبے بھر میں ڈاکٹر کمیونٹی کو ایک منظم اور مضبوط پلیٹ فارم پر متحد کرنے کے لیے اپنی تنظیمی سرگرمیاں تسلسل کے ساتھ جاری رکھے ہوئے ہے

InsafDoctorsForum IDFKPHealthReforms

10/01/2026

انصاف ڈاکٹر فورم پشاور وفد کا ایم ٹی آئی قاضی حسین میڈیکل کمپلیکس کا دورہ
“صحت مند پاکستان کے لیے عمران خان کی رہائی” کنونشن

انصاف ڈاکٹر فورم پشاور کی جانب سے ہیلتھ کمیونٹی کی مؤثر موبلائزیشن اور آئندہ انصاف ڈاکٹر فورم کنونشن کی تیاریوں کے سلسلے میں ہسپتالوں اور میڈیکل کالجز کے دوروں کا باقاعدہ آغاز کر دیا گیا ہے۔

اسی سلسلے کے پہلے مرحلے میں صوبائی ایڈیشنل جنرل سیکرٹری ڈاکٹر سعد ، صدر انصاف ڈاکٹر فورم پشاور ڈاکٹر تواب یوسفزئی اور جنرل سیکرٹری ڈاکٹر سید مظفر شاہ نے قاضی حسین میڈیکل کمپلیکس کا دورہ کیا گیا، جہاں وفد نے میڈیکل ڈائریکٹر قاضی حسین میڈیکل کمپلیکس ڈاکٹر عثمان حقانی صاحب سے ملاقات کی۔۔ ملاقات کے دوران انصاف ڈاکٹر فورم کے تنظیمی مقاصد، ڈاکٹر کمیونٹی کو درپیش مسائل، آئندہ کنونشن کی اہمیت اور عمران خان کے وژن کے مطابق صحت کے شعبے میں اصلاحات، شفافیت اور میرٹ کے فروغ پر تفصیلی تبادلۂ خیال کیا گیا

اس موقع پر وفد میں انصاف ڈاکٹر فورم نوشہرہ کے ممبران بھی شامل تھے
انصاف ڈاکٹر فورم پشاور صوبے بھر میں ڈاکٹر کمیونٹی کو ایک مضبوط، منظم اور باوقار پلیٹ فارم پر متحد کرتے ہوئے عمران خان کے وژن کے مطابق صحت کے شعبے میں حقیقی اصلاحات، شفاف نظام اور میرٹ پر مبنی پالیسیوں کے نفاذ کے لیے اپنی تنظیمی سرگرمیاں بھرپور انداز میں جاری رکھے ہوئے ہے۔ ان شاء اللہ آئندہ دنوں میں ہسپتالوں اور میڈیکل کالجز کے دورے کیے جائیں گے

InsafDoctorsForum IDFKPHealthReforms

07/01/2026

چیئرمین ہیلتھ پالیسی بورڈ خیبر پختونخوا پروفیسر ڈاکٹر نوشیروان برکی کے زیرِ صدارت انصاف ڈاکٹرز فورم خیبر پختونخوا ایگزیکٹو کونسل کا اہم اجلاس!

چیئرمین ہیلتھ پالیسی بورڈ خیبر پختونخوا پروفیسر ڈاکٹر نوشیروان برکی کے زیرِ صدارت انصاف ڈاکٹرز فورم خیبر پختونخوا ایگزیکٹو کونسل کا اہم اجلاس منعقد ہوا۔

اجلاس میں مرکزی صدر انصاف ڈاکٹرز فورم ڈاکٹر مُدیر خان وزیر، صوبائی صدر انصاف ڈاکٹرز فورم ڈاکٹر نبی جان آفریدی، صوبائی جنرل سیکرٹری ڈاکٹر محمد مشتاق، صوبائی ایڈیشنل جنرل سیکرٹری ڈاکٹر سردار محمد سعد، صوبائی سیکرٹری اطلاعات ڈاکٹر محمد عامر خلیل سمیت صوبے بھر کی تمام میڈیکل ٹیچنگ انسٹی ٹیوشنز (MTIs) سے انصاف ڈاکٹرز فورم کے نمائندگان نے شرکت کی۔

اجلاس میں پوسٹ گریجویٹ میڈیکل انسٹیٹیوٹ کی ڈیجیٹلائزیشن، اسپیشلٹی وائز انڈکشن سسٹم، خصوصی انڈکشن سلاٹس اور ڈسٹرکٹ ہیڈکوارٹر ہسپتالوں کی CPSP ایکریڈیٹیشن جیسے اہم امور پر تفصیلی گفتگو کی گئی۔
ٹرینی میڈیکل آفیسرز کی تربیت کے معیار، انسپیکشن و مانیٹرنگ سسٹم، موک ایکسرسائزز، اسکل کورسز اور خالی ٹریننگ سلاٹس سے متعلق معاملات زیرِ بحث آئے۔
اجلاس میں ٹرینی میڈیکل آفیسرز کی تنخواہوں اور میڈیکل آفیسرز، ڈینٹل سرجنز، ڈسٹرکٹ اسپیشلسٹس اور نرسز کی خالی آسامیوں کے ڈیٹا پر بھی تبادلۂ خیال کیا گیا۔

اجلاس میں پوسٹ گریجویٹ میڈیکل انسٹیٹیوٹ (PGMI) کے نظام کو جدید خطوط پر استوار کرنے کے حوالے سے تفصیلی گفتگو کی گئی، جس میں ادارے کے تمام معاملات کو مرحلہ وار ڈیجیٹل نظام پر منتقل کرنے کے پہلوؤں کا جائزہ لیا گیا۔ اس ضمن میں ٹرینی میڈیکل آفیسرز کی انڈکشن سے لے کر تربیت کی تکمیل تک کے تمام مراحل کو آن لائن کرنے سے متعلق مختلف عملی اور انتظامی نکات زیرِ بحث آئے۔

اسی تسلسل میں سال کے آغاز پر اسپیشلائزڈ انڈکشن سلاٹس کے اجراء پر بھی غور کیا گیا اور اس امر پر تبادلۂ خیال ہوا کہ ان سلاٹس کی تقسیم صوبہ خیبر پختونخوا کی مجموعی اور علاقائی ضروریات کے مطابق کس طرح مؤثر انداز میں کی جا سکتی ہے۔ مزید برآں، ڈسٹرکٹ ہیڈکوارٹر ہسپتالوں کو ٹرینینگ عمل میں شامل کرنے کے لیے چند منتخب DHQs کی CPSP ایکریڈیٹیشن، تیاری کے تقاضوں اور تربیتی سلاٹس کی تقسیم سے متعلق امور پر تفصیلی گفتگو کی گئی۔

اجلاس میں پوسٹ گریجویٹ ٹریننگ کے نظام کو مزید منظم بنانے کے لیے اسپیشلٹی وائز انڈکشن سسٹم کے مختلف پہلوؤں پر بھی غور کیا گیا، جس میں الگ الگ ٹیسٹس اور میرٹ لسٹس کے طریقۂ کار پر آراء کا تبادلہ ہوا۔ اس کے ساتھ ساتھ PGMI کے انسپیکشن اور مانیٹرنگ نظام کو مؤثر بنانے کے حوالے سے بھی تفصیل سے بات چیت کی گئی، جس میں CPSP سے منظور شدہ ہسپتالوں کے دوروں، سپروائزرز اور ٹرینی میڈیکل آفیسرز کے باہمی رویّوں، باقاعدہ موک ایکسرسائزز اور اسکل بیسڈ کورسز جیسے BLS، ACLS، ATLS اور CHR کی فراہمی پر توجہ دی گئی۔

اجلاس میں جنرل میڈیسن اور جنرل سرجری میں موجود خالی ٹریننگ سلاٹس کے حوالے سے بھی گفتگوں ہوئی، جہاں ان کی موجودہ صورتحال اور تقسیم کے مختلف پہلوؤں کا جائزہ لیا گیا۔ اس کے ساتھ ساتھ مہنگائی کے تناظر میں ٹرینی میڈیکل آفیسرز کی وظیفوں کے معاملے پر بھی تبادلۂ خیال کیا گیا اور فنانس ڈیپارٹمنٹ سے متعلق درپیش رکاوٹوں پر بریفنگ دی گئی۔

اجلاس کے آخر میں میڈیکل آفیسرز، ڈینٹل سرجنز، ڈسٹرکٹ اسپیشلسٹس اور نرسز کی خالی آسامیوں سے متعلق ڈیٹا کی تیاری میں ہونے والی پیش رفت کا جائزہ لیا گیا۔ شرکاء کو آگاہ کیا گیا کہ یہ عمل آخری مراحل میں ہے اور جلد ہی متعلقہ ڈیٹا منظوری کے لیے سیکرٹری صحت کو پیش کیا جائے گا، جس کے بعد خالی آسامیوں کے اشتہار سے متعلق آئندہ مراحل طے کیے جائیں گے۔

اجلاس کے اختتام پر چیئرمین ہیلتھ پالیسی بورڈ خیبر پختونخوا پروفیسر ڈاکٹر نوشیروان برکی نے انصاف ڈاکٹرز فورم خیبر پختونخوا کی جدوجہد، خلوصِ نیت، پیشہ ورانہ وابستگی اور صحت کے شعبے میں اصلاحات کے لیے ان کی مسلسل کاوشوں کو سراہا۔ انہوں نے انصاف ڈاکٹرز فورم کی قیادت اور اراکین کی محنت، عزم اور کمٹمنٹ کو قابلِ تحسین قرار دیتے ہوئے اس اعتماد کا اظہار کیا کہ انصاف ڈاکٹرز فورم مستقبل میں بھی صوبے میں معیاری طبی سہولیات کے فروغ میں مؤثر کردار ادا کرتا رہے گا۔

انصاف ڈاکٹرز فورم خیبرپختونخوا
میڈیا سیل

03/01/2026

خیبر انسٹی ٹیوٹ آف چائلڈ ہیلتھ اینڈ چلڈرن ہسپتال پشاور میں اہم انتظامی و تدریسی آسامیوں کا باضابطہ اعلان

صوبہ خیبرپختونخوا میں بچوں کے علاج اور میڈیکل ایجوکیشن کے ایک اہم ادارے خیبر انسٹی ٹیوٹ آف چائلڈ ہیلتھ اینڈ چلڈرن ہسپتال حیات آباد پشاور (KICH & Children Hospital) کو میڈیکل ٹیچنگ انسٹی ٹیوشن ایکٹ 2015 (ترمیم شدہ) کے تحت صوبائی حکومت نے باقاعدہ طور پر میڈیکل ٹیچنگ انسٹی ٹیوشن قرار دے دیا گیا ہے۔ اس پیش رفت کے بعد ادارے میں بورڈ آف گورنرز کی جانب سے مختلف کلیدی انتظامی و تدریسی عہدوں کے لیے درخواستیں طلب کر لی گئی ہیں۔

اشتہار کے مطابق کنٹریکٹ بنیادوں پر درج ذیل آسامیوں پر تقرری کی جائے گی:
• ڈین
• ہسپتال ڈائریکٹر
• میڈیکل ڈائریکٹر
• نرسنگ ڈائریکٹر
• سیکرٹری بورڈ آف گورنرز

تمام آسامیوں کے لیے عمر کی بالائی حد 65 سال مقرر ہے، جبکہ اہلیت، تجربہ، ملازمت کی تفصیلات اور درخواست فارم ادارے کی ویب سائٹ www.kich.edu.pk پر دستیاب ہیں۔

بورڈ آف گورنرز کے مطابق بھرتیوں کا یہ عمل شفافیت، میرٹ اور ادارہ جاتی خودمختاری کے اصولوں کے تحت مکمل کیا جائے گا۔ تقرریاں ایم ٹی آئی ریفارمز ایکٹ 2015 اور اس کے تحت بنائے گئے قواعد و ضوابط کے مطابق ہوں گی۔

کسی بھی قسم کی غلط معلومات، سفارش یا غیر قانونی ذرائع اختیار کرنے کی صورت میں امیدوار نااہل قرار دیا جا سکتا ہے۔

درخواستیں اشتہار کی اشاعت کے 15 دن کے اندر ہیومن ریسورسز ڈیپارٹمنٹ، خیبر انسٹی ٹیوٹ آف چائلڈ ہیلتھ اینڈ چلڈرن ہسپتال حیات آباد پشاور کو بذریعہ ڈاک یا ای میل ارسال کی جا سکتی ہیں۔

انصاف ڈاکٹرز فورم خیبرپختونخوا اس پیش رفت کو صحت کے شعبے میں ادارہ جاتی اصلاحات، خودمختاری اور پیشہ ورانہ قیادت کے فروغ کی جانب ایک اہم قدم قرار دیتا ہے، جو بانی چیئرمین عمران خان کے وژن کے مطابق عوام کو معیاری اور شفاف طبی سہولیات کی فراہمی کی عکاسی کرتا ہے۔

انصاف ڈاکٹرز فورم خیبرپختونخوا
میڈیا سیل

IDFKPHealthReforms MeritAndTransparency InsafDoctorsForumPeshawar IDFPeshawar

31/12/2025

‏پوری قوم کو اپنے حقوق کے لیے اٹھنا ہو گا

‏تمام پاکستانیوں کو ملک پر مسلط ظلم کے نظام کے خلاف حقیقی آزادی کی تحریک کا حصہ بننا چاہیے تاکہ ہم حقیقی معنوں میں ایک آزاد قوم بن سکیں۔ ہم یکجا ہو کر مقابلہ کریں گے تو یہ ظلمت کا نظام ضرور زمین بوس ہو گا!

‏جب ایک قوم اپنے حق کے لیے خود کھڑی ہو جاتی ہے پھر اس کو کوئی طاقت جھکا نہیں سکتی۔ میں جیل میں بھی آزاد ہوں مگر میری قوم باہر ایک ایسی قید میں ہے جہاں نہ آزاد عدلیہ ہے نہ آزاد جمہوریت نہ ہی آزاد میڈیا۔ تمام پاکستانیوں کو اب اپنی حقیقی آزادی کے لیے باہر نکلنا ہو گا!

‏یہ لوگ فرعون بنے بیٹھے ہیں، جنہوں نے آپ کو غلام بنا رکھا ہے۔ پاکستانیو سن لو میری بات، آپ دنیا کے سب سے عظیم لیڈر محمد مصطفیٰ ﷺ کی امت ہیں۔ آپ کا کلمہ ہے "لا إله إلا الله" نہیں ہے کوئی خدا سوائے اللّہ کے۔ یاد رکھیں، آپ پچیس کروڑ ہیں! اگر آپ خوف کے سامنے جھُک گئے تو آپ کا کوئی مستقبل نہیں ہے، غلامی سے بہتر موت ہے، پرواز صرف آزاد لوگوں کی ہے۔ قرآن کی آیت ہے کہ جو لوگ ایمان لائے اللّہ ان کے خوف دور کر دیتا ہے، میں ایمان والوں سے کہہ رہا ہوں آپ نے کھڑا ہونا ہے! آزادی کے لیے قربانیاں دینی پڑتی ہیں۔

‏میں غلامی قبول کرنے پر موت کو ترجیح دیتا ہوں۔ یہ چاہے کچھ بھی کر لیں میں نہ ہی جھکوں گا اور نہ ہی ان کی بیعت کروں گا!

‏قید تنہائی کاٹنا انتہائی تکلیف دہ عمل ہے لیکن میں یہ صرف اپنی قوم کی خاطر برداشت کر رہا ہوں۔ جب تک قوم خود غلامی کی زنجیریں نہیں توڑتی، پاکستان پر مسلط مافیاز ایسے ہی اس کا استحصال کرتے رہیں گے۔ آپ آج ان کے غلام ہیں، آپ کی نسلیں ان کی نسلوں کی غلام ہوں گی، اگر اس چکر کو توڑنا ہے تو قوم کو خود غلامی کی زنجیریں توڑ کر “حقیقی آزادی” کے لیے کھڑا ہونا ہے!

‏میرا قوم کے نام پیغام ہے کہ جو قومیں “یا موت یا آزادی” جیسا دو ٹوک اور بے باک نظریہ اپناتی ہیں انہیں حقیقی آزادی کے حصول اور ترقی سے کوئی نہیں روک سکتا، ایسی اصول پسند قومیں ہی سرخرو ہوتی ہیں!

‏حضرت علی رضی اللہ عنہ کا قول ہے کہ “کفر کا نظام چل سکتا ہے مگر ظلم کا نہیں”۔ ہمیں اس ظلم کے خلاف اپنے اور اپنے ملک کے بہتر مستقبل کے لیے خود کھڑا ہونا پڑے گا۔ اس لیے پوری قوم کا پیغام دیتا ہوں کہ تیاری پکڑیں!

‏میرا اپنی پوری قوم، اپنے کارکنان اور پارٹی قیادت کو پیغام ہے کہ آپ کا کپتان آج بھی سینہ تان کر کھڑا ہے، آپ نے گھبرانا نہیں ہے! میں قید و بند کی صعوبتیں اس لیے برداشت کر رہا ہوں تاکہ میری قوم کو آزادی مل سکے۔ ہم نے کسی بھی صورت ظلم اور جبر کے سامنے سر نہیں جھکانا۔ یاد رکھیں اندھیری رات جتنی بھی طویل ہو، اس کی صبح ضرور طلوع ہوتی ہے۔ اس ظلمت کی رات کا خاتمہ قریب ہے، انشاءاللّہ انصاف اور آزادی کا سورج جلد طلوع ہو گا

- عمران خان

‏⁧‫ ‬⁩

25/12/2025

انصاف ڈاکٹرز فورم خیبرپختونخوا کی ایگزیکٹو کونسل کا اہم اجلاس وزیراعلیٰ خیبرپختونخوا محمد سہیل آفریدی کی زیرِ صدارت منعقد ہوا، اجلاس میں صوبائی صدر ڈاکٹر نبی جان آفریدی سمیت ایگزیکٹو کونسل کے تمام آراکین کی شرکت۔

اجلاس میں مرکزی صدر انصاف ڈاکٹرز فورم اسسٹنٹ پروفیسر ڈاکٹر مُدیر خان وزیر اور دیگر مرکزی آراکین کی خصوصی شرکت۔

• اجلاس میں صوبے میں محکمہ صحت کی مجموعی کارکردگی، ایم ٹی آئی اصلاحات، ایمرجنسی و ایکسیڈنٹ سروسز، صحت کارڈ ریٹس، ڈینٹل ایجوکیشن، ریفرل سسٹم، ٹی بی کنٹرول اور دیگر اہم امور پر تفصیلی گفتگو کی گئی۔

• اجلاس میں 5000 بیڈز میڈیکل پراجیکٹ (ہیلتھ سٹی) پر غور کیا گیا اور اس مقصد کے لیے انصاف ڈاکٹرز فورم کی نمائندگی کے ساتھ کمیٹی بنانے کی ہدایت دی گئی تاکہ جدید طبی سہولیات ایک ہی چھت تلے فراہم کی جا سکیں۔

• اجلاس کے دوران آئی سی یوز اور ایمرجنسی ڈیپارٹمنٹس کی بہتری، حیات آباد میڈیکل کمپلیکس کے ایمرجنسی بلاک کی جلد تکمیل، مردان میڈیکل کمپلیکس اور خیبر ٹیچنگ ہسپتال میں ایمرجنسی سروسز کی توسیع کے فیصلے کیے گئے۔

• اجلاس میں صوبے بھر کی طبی مشینری اور سہولیات کے اعداد و شمار پیش کیے گئے اور آبادی میں اضافے کے پیش نظر انسانی وسائل اور جدید آلات میں مزید اضافے کی ضرورت پر زور دیا گیا۔

• اجلاس میں ٹرینی میڈیکل افسران اور ہاؤس افسران کے وظائف میں اضافے، پراجیکٹ و کنٹریکٹ ملازمین کے مسائل کے حل اور ریگولرائزیشن پر غور کیا گیا اور فوری اقدامات کی یقین دہانی کرائی گئی۔

• اجلاس میں پائلٹ ریفرل سسٹم کی کامیابی کی صورت میں اسے ڈی ایچ کیو ہسپتالوں تک توسیع دینے، جبکہ ڈینٹل اداروں کے ترقیاتی منصوبوں کے لیے فنڈز جاری کرنے پر اتفاق ہوا۔

• اجلاس میں شہید ڈاکٹر وردہ مشتاق کو شہداء پیکج میں شامل کرنے کا فیصلہ کیا گیا اور اختتام پر وزیراعلیٰ نے انصاف ڈاکٹرز فورم کے مثبت کردار کو سراہتے ہوئے صحت کے شعبے میں اصلاحات کے لیے باہمی تعاون کے عزم کا اعادہ کیا۔

انصاف ڈاکٹرز فورم خیبرپختونخوا
میڈیا سیل

InsafDoctorsForum IDFKPHealthReforms CMKPSohailAfridi

24/12/2025

24/12/2025

انصاف ڈاکٹرز فورم خیبر پختونخوا ڈاکٹر سردار محمد سعد، ایڈیشنل جنرل سیکرٹری اور فوکل پرسن برائے ڈینٹسٹری کی جانب سے آگاہ کیا جاتا ہے کہ وزیرِاعلیٰ خیبر پختونخوا جناب محمد سہیل آفریدی کے ساتھ ہماری حالیہ ملاقات میں خیبر کالج آف ڈینٹسٹری پشاور، باچہ خان ڈینٹل کالج مردان اور ایوب ڈینٹل سیکشن، ایوب میڈیکل کالج ایبٹ آباد سے متعلق تفصیلی گفتگو کی گئی۔ اس ملاقات میں وزیرِاعلیٰ صاحب نے ہمارے پیش کردہ پروپوزل کو خوش دلی سے سراہا اور اس سے اتفاق کرتے ہوئے یقین دہانی کروائی کہ ان شاء اللہ اس مسئلے کو جلد حل کیا جائے گا۔ اسی سلسلے میں ہمارا پروپوزل اسپیشل سیکرٹری، وزیرِاعلیٰ سیکرٹریٹ، جناب عادل سعید صافی کے ذریعے وزیر صحت و سیکرٹری ہیلتھ کو ارسال کر دیا گیا ہے، جہاں ڈینٹسٹری سے متعلق ایک خصوصی میٹنگ منعقد ہوگی، جس میں اس کیس کو باضابطہ طور پر پیش کیا جائے گا۔

24/12/2025

وزیراعلیٰ خیبر پختونخوا محمد سہیل آفریدی سے انصاف ڈاکٹرز فورم خیبرپختونخوا کے کثیر رکنی وفد کی ملاقات

مُلاقات میں صوبائی صدر ڈاکٹر نبی جان آفریدی سمیت ایگزیکٹو کونسل کے تمام آراکین کی شرکت۔

مُلاقات میں مرکزی صدر انصاف ڈاکٹرز فورم اسسٹنٹ پروفیسر ڈاکٹر مُدیر خان وزیر اور دیگر مرکزی آراکین کی خصوصی شرکت۔

پشاور: ملاقات میں صوبے میں شعبہ صحت کی بہتری سے متعلق مختلف امور پر تفصیلی تبادلہ خیال

پشاور: سرکاری ہسپتالوں میں بیڈز، طبی سہولیات کی موجودہ استعداد اور مستقبل کی ضروریات پر غور

پشاور: وفد کی جانب سے پانچ ہزار بیڈز پر مشتمل جدید میڈیکل کمپلیکس کے قیام کے عزم کا خیرمقدم

پشاور: صوبائی حکومت عمران خان کے وژن کے مطابق صحت اور تعلیم کے شعبوں کو ترجیح دے رہی ہے، وزیر اعلیٰ

پشاور: عوام کو معیاری طبی سہولیات کی فراہمی حکومت کی بنیادی ذمہ داری ہے، سہیل آفریدی

پشاور: وزیر اعلیٰ کی ڈسٹرکٹ ہیڈ کوارٹر ہسپتالوں کی بحالی سے متعلق جائزہ اجلاس طلب کرنے کی ہدایت

پشاور: عوام کو مقامی سطح پر معیاری علاج کی سہولیات کی فراہمی حکومت کی اولین ترجیح ہے، وزیر اعلیٰ

پشاور: ہم سب نے مل کر پیٹرن انچیف انصاف ڈاکٹرز فورم عمران خان کے وژن کو عملی شکل دینی ہے، سہیل آفریدی

پشاور: ڈاکٹرز اور اساتذہ معاشرے کے اہم ستون ہیں، ان سے توقعات بھی اسی تناسب سے زیادہ ہیں، وزیر اعلیٰ

پشاور: ڈاکٹرز معاشرے کے لیے مسیحا کا کردار ادا کرتے ہیں، عوام کی صحت ایک مقدس امانت ہے، سہیل آفریدی

اجلاس کے اختتام پر وزیراعلیٰ خیبرپختونخوا نے صوبے میں صحت کے شعبے میں اصلاحات کے لیے انصاف ڈاکٹرز فورم کے مثبت، تعمیری اور فعال کردار کو سراہا اور کہا کہ حکومت ڈاکٹرز برادری کے ساتھ مل کر عوام کو بہتر طبی سہولیات کی فراہمی کے لیے پرعزم ہے۔

اس موقع پر انصاف ڈاکٹرز فورم نے صوبے میں صحت کے نظام کی بہتری، ادارہ جاتی اصلاحات اور عوامی فلاح کے منصوبوں میں اپنی مکمل معاونت کی یقین دہانی کراتے ہوئے کہا کہ انصاف ڈاکٹرز فورم ، اپنے پیٹرن انچیف عمران خان کے ویژن کے مطابق، خیبر پختونخوا میں ایک مضبوط، مؤثر اور عوام دوست ہیلتھ کیئر سسٹم کے قیام کے لیے حکومت کے ساتھ بھرپور تعاون جاری رکھے گا۔

انصاف ڈاکٹرز فورم خیبرپختونخوا
میڈیا سیل

InsafDoctorsForum IDFKPHealthReforms

21/12/2025

انصاف ڈاکٹرز فورم، خیبر پختونخوا نے ایک بار پھر یہ ثابت کر دیا ہے کہ صوبے کے ہیلتھ کیئر سسٹم میں حقیقی، بامعنی اور پائیدار اصلاحات کے حوالے سے ہمارا کوئی ثانی نہیں۔

پیٹرن اِن چیف انصاف ڈاکٹرز فورم عمران خان کے ویژن کے عین مطابق ہم نے وزیراعلیٰ خیبر پختونخوا محمد سہیل آفریدی کو صحت کے شعبے میں درپیش ہر بڑے مسئلے پر براہِ راست، جامع اور مدلل بریفنگ دی۔

یہ کوئی رسمی ملاقات نہیں تھی بلکہ دو گھنٹے سے زائد جاری رہنے والا ایک تاریخی اور فیصلہ کن اجلاس تھا، جس میں ہم نے خیبر پختونخوا کے ہیلتھ کیئر سسٹم کے تمام اہم پہلوؤں کا باریک بینی سے جائزہ لیا اور موجودہ چیلنجز، رکاوٹوں اور ان کے مؤثر حل پر کھل کر تبادلۂ خیال کیا۔ ایسے عملی نکات سامنے آئے جو نظام کو مزید مضبوط، شفاف اور مریض دوست بنانے کی سمت واضح کرتے ہیں۔

انصاف ڈاکٹرز فورم نے ایک مرتبہ پھر یہ واضح کر دیا ہے کہ صحت کے شعبے میں ہماری جدوجہد محض بیانات تک محدود نہیں بلکہ ٹھوس پالیسی، واضح سمت اور عملی اقدامات پر مبنی ہے۔ مخالفین کے لیے یہ لمحۂ فکریہ ہے کہ زمینی حقائق، تیاری اور سنجیدہ وژن کے سامنے محض تنقید اور شور کی کوئی حیثیت نہیں رہتی۔

اجلاس کی مکمل تفصیلات، اہم فیصلے اور اصلاحاتی روڈمیپ جلد عوام اور میڈیا کے سامنے لایا جائے گا اور تب یہ فرق مزید واضح ہو جائے گا کہ ذمہ دار قیادت کیا ہوتی ہے اور تنقید برائے تنقیدی سیاست اور فیک آکاونٹس سے پروپیگینڈے کس چیز کا نام ہے۔

انصاف ڈاکٹرز فورم خیبرپختونخوا
میڈیا سیل

CMKP ImranKhan IDFKPMediaCell