17/10/2025
ہر دوسرا بندہ یہ دوا لینے آرہا تھا ، بے تحاشا لوگ اسے کھا کر ایک دن میں ٹھیک ہوجاتے تھے ، تب یہ گولی صرف دو روپے کی ملا کرتی تھی ، ہر نسخہ پر یہ لکھی ہوتی ہے ، کنسلٹنٹ کے نسخوں پر ، جن میں کبھی آدھی گولی بچے کو کھلانے کی ہدایات تو کبھی غرارے کروانے کی ہدایات درج ہوتی تھیں ۔
خیر ، یہ دوا آج کل شارٹ ہے ، لیکن جب بھی آتی ہے ، یہ اوور دی کاونٹر ( او ٹی سی ) ادویات کی طرح لوگ لے جاتے ہیں اور شفا پاتے ہیں۔
بیٹامیٹھاسون ایک طاقتور سٹیرائیڈ دوا ہے جو جسم میں سوزش، خارش اور الرجی کو کم کرنے کے لیے استعمال کی جاتی ہے۔ مگر اس کا غیر محتاط یا طویل استعمال خطرناک اثرات پیدا کر سکتا ہے۔ جلد پر لگانے سے عام سائیڈ ایفیکٹس میں جلن، خارش، لالی، جلد کا پتلا ہونا، یا دانے نکل آنا شامل ہیں۔ اگر زیادہ مقدار یا لمبے عرصے تک استعمال کیا جائے تو دوا خون میں جذب ہو کر جسم پر سنگین اثرات ڈال سکتی ہے جیسے بلڈ پریشر بڑھ جانا، شوگر میں اضافہ، وزن بڑھنا، چہرے پر سوجن، نظر کی کمزوری، یا ہڈیوں کا کمزور ہونا۔ بچوں میں اس کے زیادہ استعمال سے قد کی نشوونما رک سکتی ہے۔ اگر دوا استعمال کرتے ہوئے نظر دھندلی ہو، بخار یا انفیکشن ہو، جسم میں سوجن یا تھکن زیادہ محسوس ہو تو فوراً معالج یا فارماسسٹ سے رجوع کریں۔ بیٹامیٹھاسون ہمیشہ فزیشن اور فارماسسٹ کی باہمی مشاورت کے مطابق محدود مدت کے لیے استعمال کرنی چاہیے تاکہ نقصان سے بچا جا سکے
