Homeo Dr.Asim Zafar Saleemi

17/02/2026

پھولوں کی خوشبو کی طرح آپ کی زندگی بھی مہکتی رہے،
ہر دن نئی بہار لائے اور ہر رات سکون بھری ہو

22/01/2026

زندگی کے خوبصورت ترین لمحات وہ ہوتے ہیں جو اپنوں کے ساتھ گزریں۔ میرے لیے سب سے قیمتی وقت وہ ہے جب میں اپنے قابلِ احترام والدِ محترم ڈاکٹرمحمد بشیر ظفرسلیمی صاحب کی شفقت کے سائے میں ہوتا ہوں۔ ان کی رہنمائی اور دعائیں زندگی کا اصل اثاثہ ہیں۔
ان خوشیوں کو مزید دوبالا کرنے والے میرے پیارے بیٹےمحمد احمد بن عاصم، ابوبکر بن عاصم اور عمر کاشف ظفر سلیمی ہیں، جن کی موجودگی سے محفل میں رونق اور دل کو سکون ملتا ہے۔ ان عزیزوں کے ساتھ بیتے ہوئے لمحات یادوں کے وہ روشن چراغ ہیں جو زندگی کے سفر کو خوبصورت بناتے ہیں۔ اللہ تعالیٰ اس ساتھ اور محبت کو ہمیشہ قائم رکھے۔ آمین۔

10/12/2025

میاں اللّٰہ بخش ہومیوپیتھک ٹرسٹ پیر محل کی تاریخ میں کچھ نام ایسے ہیں جنہوں نے اپنی زندگی کا ایک ایک لمحہ خدمتِ خلق کے لیے وقف کر دیا۔ آج ہم دو ایسے ہی باعزت اور باکردار شخصیات— ڈاکٹر رشید احمد ناگرہ اور ڈسپنسر شکور صاحب—کو خراجِ عقیدت پیش کرتے ہیں، جو اب اس دنیا میں نہیں رہے، مگر ان کی خدمات اور ان کی محبت ہمیشہ ہمارے دلوں میں زندہ رہیں گی۔

ڈاکٹر رشید احمد ناگرہ نے اپنی طبی مہارت، شفقت اور خدمت کے جذبے سے نہ صرف مریضوں کا علاج کیا بلکہ ان کے دل بھی جیتے۔ وہ محض ایک ڈاکٹر نہیں تھے بلکہ ہر مریض کے لیے ایک مسیحا اور ہسپتال کی پہچان تھے۔ ان کا اپنی ڈیوٹی سے اخلاص اور انسانیت کے لیے درد قابلِ مثال تھا۔

اسی طرح عبدالشکور صاحب نے بطور ڈسپنسر اپنی 42 سالہ مسلسل، خالص اور بے لوث خدمات سے یہ ثابت کیا کہ اصل خدمت وہ ہے جو خاموشی سے، بغیر کسی نمود و نمائش کے انجام دی جائے۔ ان کی مسکراہٹ، نرم لہجہ اور ہر آنے والے مریض کی رہنمائی ان کی محبت بھری شخصیت کا حصہ تھا۔ وہ اپنے کام میں نہایت دیانتدار، ذمہ دار اور وقت کے پابند تھے۔ شکور صاحب جیسے لوگ اداروں کو مضبوط بنیادیں فراہم کرتے ہیں۔

آج اگر میاں اللّٰہ بخش ہومیوپیتھک ٹرسٹ پیرمحل لاکھوں مریضوں کی اُمید بنا ہوا ہے تو اس میں ان دونوں عظیم شخصیات کی برسوں کی محنت، لگن اور قربانیاں شامل ہیں۔ ان کی خدمات کا خلا کبھی پُر نہیں ہو سکتا، مگر ان کی یادیں ہمیشہ دلوں میں زندہ رہیں گی۔

اللّٰہ تعالیٰ ان دونوں مرحومین کے درجات بلند فرمائے، ان کی قبر کو نور سے بھر دے، اور ان کی نیکیوں کو ان کے لیے صدقۂ جاریہ بنائے۔ آمین۔

ہم سب اہلِ ٹرسٹ اور میاں اللّٰہ بخش فیملی ان کی بے پناہ خدمات کے لئے ہمیشہ شکر گزار رہیں گے۔
ہومیوپیتھک ڈاکٹر عاصم ظفر سلیمی
میاں اللّٰہ بخش ٹرسٹ پیر محل ۔

27/11/2025