Sheikh Zayed Medical College/Hospital Rahim Yar Khan

16/11/2025

پبلک سروس میسج

حکومتِ پاکستان کی جانب سے 17 نومبر تا 29 نومبر خصوصی انسدادی ویکسی نیشن مہم جاری ہے۔

اس مہم میں بچوں کو درج ذیل حفاظتی ٹیکے لگائے جائیں گے:

ایم آر (Measles & Rubella) ویکسین

پولیو ویکسین

تمام والدین سے درخواست ہے کہ اپنے بچوں کو لازمی ویکسین لگوائیں:

ایم آر ویکسین: 6 ماہ سے 5 سال تک کے تمام بچوں کے لیے

پولیو ویکسین: پیدائش سے 5 سال تک کے تمام بچوں کے لیے

اپنے بچوں کو بیماریوں سے محفوظ بنانے کے لیے ویکسین ضرور لگوائیں۔ یہ آپ کے بچوں کے صحت مند مستقبل کی ضمانت ہے
۔
منجانب پروفیسر ڈاکٹر محمد سلیم لغاری پرنسپل شیخ زید میڈیکل کالج و ہسپتال رحیم یار خان

10/11/2025

Infection Prevention & Control ( IPC) Cascade Training at Pathology Department.

04/11/2025

شیخ زاید میڈیکل کالج، رحیم یار خان میں فرسٹ ایئر ایم بی بی ایس کلاس (سیشن 2024-25) کے طلبہ کے لیے پیرنٹس ٹیچر میٹنگ کا انعقاد کیا گیا۔ یہ اجلاس معزز پرنسپل پروفیسر ڈاکٹر محمد سلیم، شیخ زاید میڈیکل کالج، رحیم یار خان کی زیر نگرانی منعقد ہوا۔

میٹنگ میں اساتذہ اور والدین کے مابین طلبہ کی تعلیمی کارکردگی، امتحانی نتائج، حاضری، نظم و ضبط اور مجموعی رویّے پر تفصیلی تبادلۂ خیال کیا گیا۔
اساتذہ نے والدین کو طلبہ کی انفرادی کارکردگی، ان کے تعلیمی مسائل اور بہتری کے لیے کیے گئے اقدامات سے آگاہ کیا، جبکہ والدین نے بھی تدریسی عمل کو مزید مؤثر بنانے کے لیے اپنے مفید مشورے پیش کیے۔

والدین نے شیخ زاید میڈیکل کالج کے اعلیٰ تعلیمی معیار، بہترین تدریسی ماحول اور شفاف انتظامی نظام پر اطمینان کا اظہار کیا اور پرنسپل پروفیسر ڈاکٹر محمد سلیم کی زیرِ قیادت ادارے کی مسلسل تعلیمی ترقی کو سراہا۔

اس موقع پر والدین نے کلاس انچارج پروفیسر ڈاکٹر خرم سلام سہگل (ہیڈ آف بایوکیمسٹری ڈیپارٹمنٹ) کو کلاس کی بہترین تنظیم و تدریسی انتظامات پر خراجِ تحسین پیش کیا اور ان کے پیشہ ورانہ اندازِ تدریس کو سراہا۔

27/10/2025

آج پروفیسر ڈاکٹر محمد سلیم، پرنسپل شیخ زید میڈیکل کالج و ہسپتال رحیم یار خان نے میڈیکل سپرنٹنڈنٹ شیخ زید ہسپتال ڈاکٹر فیصل وحید، ہیڈ آف پیتھالوجی ڈیپارٹمنٹ پروفیسر ڈاکٹر بلال غفور ریڈیالوجی کنسلٹنٹ ڈاکٹر شازیہ طارق اور سول ٹیم کے ہمراہ ہب اینڈ سپوک ماڈل، شیخ زید ہسپتال ظاہر پیر کا دورہ کیا۔
اس موقع پر آئی ڈیپ (IDAP) کی ٹیم نے پرنسپل کو پراجیکٹ کے تعمیراتی کام کے حوالے سے بریفنگ دی۔ ٹیم نے بتایا کہ سائٹ پر کام تیزی سے جاری ہے اور جلد مکمل کر لیا جائے گا۔

27/10/2025

Dinner of Final Year Students of H.H. Sh. Khalifa Institute of Allied Health Sciences with their senior teachers.

24/10/2025

20/10/2025

شیخ زاید ہسپتال رحیم یار خان کے گائنی وارڈ میں ایک اہم تقریب کا انعقاد کیا گیا، جس میں سکلز لیب کا باقاعدہ افتتاح پرنسپل شیخ زید میڈیکل کالج رحیم یار خان پروفیسر ڈاکٹر محمد سلیم نے کیا۔ اس تقریب کی سربراہی پروفیسر ڈاکٹر شازیہ ماجد خان، ہیڈ آف زچہ و بچہ ڈیپارٹمنٹ نے کی۔ اس موقع پر ہسپتال و کالج کی انتظامیہ اور فیکلٹی اراکین کی بڑی تعداد نے شرکت کی۔
تقریب کے مہمانانِ خصوصی میں پروفیسر ڈاکٹر محمد سلیم، پرنسپل شیخ زاید میڈیکل کالج، اور ڈاکٹر فیصل وحید، میڈیکل سپرنٹنڈنٹ شیخ زاید ہسپتال شامل تھے۔ دیگر معزز مہمانوں میں پروفیسر ڈاکٹر برہان علی مصطفیٰ (ہیڈ آف سائیکالوجی ڈیپارٹمنٹ)، پروفیسر ڈاکٹر جمال انور (ہیڈ آف پیڈز ڈیپارٹمنٹ)، ڈاکٹر حسن عباس (ہیڈ آف سرجری یونٹ 2)، ڈاکٹر معین اختر ملک (میڈیسن ڈیپارٹمنٹ)، ڈاکٹر عمران بشیر (پلمونالوجی ڈیپارٹمنٹ)، اور ڈاکٹر عبدالروف چوہدری (آرتھو ڈیپارٹمنٹ) شامل تھے۔
افتتاحی تقریب کے موقع پر پرنسپل پروفیسر ڈاکٹر محمد سلیم اور پروفیسر ڈاکٹر شازیہ ماجد ہیڈ آف گائنی ڈیپارٹمنٹ نے کہا
سکلز لیب کا قیام ہسپتال کی تعلیمی و تربیتی سہولیات میں ایک نمایاں اضافہ ہے، جو طلباء اور فیکلٹی کو جدید طبی تکنیکوں اور سمولیشنز کے ذریعے عملی مہارتوں کو بہتر بنانے کا موقع فراہم کرے گا۔ اس سے نہ صرف تدریسی معیار میں بہتری آئے گی بلکہ طبی خدمات کی فراہمی میں بھی جدت پیدا ہوگی۔
یہ منصوبہ شیخ زاید ہسپتال میں طبی تعلیم اور علاج معالجے کے شعبے میں نئی جہتوں کا آغاز ثابت ہوگا۔ توقع ہے کہ سکلز لیب معیاری طبی تربیت اور تحقیق کے فروغ میں اہم کردار ادا کرے گی اور مستقبل کے بہترین تربیت یافتہ طبی پیشہ ور افراد کی تیاری میں سنگِ میل ثابت ہوگی۔ اخر میں پرنسپل پروفیسر ڈاکٹر محمد سلیم نے پروفیسر ڈاکٹر شازیہ ماجد خان اور ان کی ٹیم کو سکل لیب کے افتتاح کے موقع پرمبارکباد پیش کی۔ شرکاء نے اس امید کا اظہار کیا کہ شیخ زاید ہسپتال اسی جذبے کے ساتھ ترقی کی نئی منازل طے کرتا رہے گا اور صحت کے شعبے میں مزید نمایاں خدمات سرانجام دیتا رہے گا۔

20/10/2025

شیخ زید میڈیکل کالج و ہسپتال رحیمیارخان میں پرنسپل پروفیسر ڈاکٹر سلیم لغاری کی قیادت میں ذہنی امراض کی روک تھام کے حوالے سے سیمینار کا انعقاد۔

18/10/2025

شیخ زید ہسپتال رحیم یار خان میں کینسر ڈیپارٹمنٹ میں 24 بستروں پر مشتمل اِنڈور سروسز کا باقاعدہ آغاز
رحیم یار خان :-شیخ زید ہسپتال رحیم یار خان میں کینسر ڈیپارٹمنٹ میں 24 بستروں پر مشتمل اِنڈور سروسز کا باقاعدہ آغاز کر دیا گیا۔
افتتاحی تقریب کے مہمانِ خصوصی پرنسپل شیخ زید میڈیکل کالج و ہسپتال، پروفیسر ڈاکٹر محمد سلیم تھے، جنہوں نے کینسر کے مریضوں سے فیتہ کٹوا کر اِن ڈور سروسز کا افتتاح کیا۔ اس موقع پر مریضوں کو پھولوں کے گلدستے بھی پیش کیے گئے۔

افتتاحی تقریب میں میڈیکل سپرنٹنڈنٹ ڈاکٹر فیصل وحید، اے ایم ایس ایڈمن ڈاکٹر عمران بشیر، ہیڈ آف ڈیپارٹمنٹ کینسر یونٹ ڈاکٹر شانزہ شہباز، نرسنگ سپرنٹینڈنٹ میڈم شفقت نورین اور دیگر فیکلٹی ممبران شریک ہوئے۔
پرنسپل پروفیسر ڈاکٹر محمد سلیم نے کہا کہ کینسر کے مریضوں کے لیے اب 24 بیڈز (12 برائے میل اور 12 برائے فیمیل) مختص کیے گئے ہیں۔ انہوں نے کہا کہ اس سے قبل یہ سہولت دستیاب نہیں تھی، اب اِن ڈور علاج کی فراہمی سے علاج کے معیار میں نمایاں بہتری آئے گی اور مریضوں کو بڑے شہروں کا سفر نہیں کرنا پڑے گا۔
ڈاکٹر شانزہ شہباز نے کہا کہ کینسر یونٹ میں مریضوں کو جدید طبی سہولیات اور تربیت یافتہ عملے کی خدمات ایک ہی چھت کے نیچے فراہم کی جائیں گی، تاکہ علاج کے عمل کو مزید مؤثر اور آسان بنایا جا سکے۔

افتتاحی تقریب کے دوران کینسر کے مریضوں نے شیخ زید ہسپتال رحیم یار خان میں بہترین طبی سہولیات فراہم کرنے پر انتظامیہ کا شکریہ ادا کیا اور وزیرِ اعلیٰ پنجاب مریم نواز صاحبہ سے درخواست کی کہ رحیم یار خان میں جدید کینسر سینٹر کا قیام عمل میں لایا جائے۔

16/10/2025

رحیم یارخان۔ایم بی بی ایس فرسٹ ائیر،سیکنڈ ایئر اور الائیڈ ہیلتھ سائنسز کے طلباء و طالبات کی محنت کو خراج تحسین پیش کرتے ہیں،طلباء و طالبات نے انسانی اعضاء کے ماڈل بنانے میں بڑی محنت کی ہے۔اس طرح کی سرگرمیاں طلباء وطالبات میں ذہنی نشو نما اور نکھار کا بائث بنتی ہیں ان خیالات کا اظہار پرنسپل شیخ زاید میڈیکل کالج/ہسپتال پروفیسر ڈاکٹر محمد سلیم نے ورلڈ اناٹومی ڈے کے موقع پر سیمنار سے خطاب کر تے ہوئے کیا۔تفصیلات کے مطابق ورلڈ اناٹومی ڈے کے موقع پر ہیڈآف ڈیپارٹمنٹ ڈاکٹر روشن علی نے، اناٹومی ڈیپارٹمنٹ شیخ زاید میڈیکل کالج کے زیر انتظام دوسری سالانہ اناٹومی ماڈل آرٹ نمائش زیر سرپرستی پرنسپل پروفیسر ڈاکٹر محمد سلیم انعقاد کیا۔اناٹومی ماڈل آرٹ نمائش میں تین سو سے زائد MBBS کے فرسٹ ائیر،سیکنڈ ایئر اور الائیڈ ہیلتھ سائنسز کے طلباء و طالبات نے حصہ لیا۔جس میں طلباء و طالبات کے 60سے زائد گروپس نے انسانی اعضاء کے مختلف ماڈل بنائے۔اناٹومی ماڈل آرٹ نمائش کا افتتاح چیف گیسٹ پرنسپل شیخ زید میڈیکل کالج پروفیسر ڈاکٹر محمد سلیم نے کیا۔اس موقع پر ہیڈ اناٹومی ڈیپارٹمنٹ ڈاکٹر روشن علی،پرنسپل سٹاف آفیسرAPMO ڈاکٹر خالد مختیار،ہیڈ فارماکالوجی ڈیپارٹمنٹ پروفیسر ڈاکٹر مظہر حسین،ہیڈ فرنزک میڈیسن ڈیپارٹمنٹ ایسوسی ایٹ پروفیسر ڈاکٹر عمارہ منیر،ہیڈ پتھالوجی ڈیپارٹمنٹ ڈاکٹر محمد بلال غفور،سپورٹس پریزیڈنٹ ڈاکٹر معظم علی عاطف،ہیڈ پیڈز سرجری ڈیپارٹمنٹ پروفیسر ڈاکٹر ظفر اقبال،ہیڈ سرجیکل یونٹ ٹو ڈاکٹر حسن عباس،میڈیکل سپرنٹینڈنٹ ڈاکٹر فیصل وحید، اے ایم ایس ڈاکٹر عمران بشیر سمیت فیکلٹی کے دیگر ممبران وہ سٹا ف نے شرکت کی۔ نمائش کے افتتاح کے بعد ورلڈ اٹانومی ڈے کے حوالے سے اناٹومیکل ماڈل کیک بھی کاٹا گیا۔ بعد ازاں پرنسپل پروفیسر ڈاکٹر محمد سلیم نے ہیڈ اناٹومی ڈیپارٹمنٹ ڈاکٹر روشن علی اور دیگر فیکلٹی ممبران کے ساتھ نمائش میں سٹو ڈنٹ کے بنائے ہوئے انسانی اعضاء کے ماڈل کا تفصیلی جائزہ لیا اور تمام سٹوڈنٹس کو خراج تحسن پیش کیا کہ تما م سٹو ڈنٹس نے ماڈل بنانے میں بڑی محنت اور جانفشانی سے کا م کیا ہے۔ اس موقع پر سیمنار کا اہتمام اناٹومی لیکچر ہال میں کیاگیا۔سیمنار سے خطاب کرتے ہوئے ہیڈ آف اناٹومی ڈیپارٹمنٹ ڈاکٹر روشن علی نے کہا وہ پرنسپل پروفیسر ڈاکٹر محمد سلیم کے شکر گزار ہیں جنہوں نے اس نمائش کے انعقاد میں بھر پور معاونت اور سرپرستی فرمائی۔انہوں نے مزید کہا کہ پرنسپل پروفیسر ڈاکٹر محمد سلیم کی قیادت میں شیخ زید میڈیکل کالج کو بہت اوپر تک لیکر جائیں گے۔انہوں نے فرسٹ ائیر MBBS کلاس کی کوآرڈینیٹر ڈاکٹر صائمہ عبدالوحید،ڈاکٹر ماریہ ارشد،ڈاکٹر اقرا مجاہد،سیکنڈ ایئر کوآرڈینیٹرڈاکٹر سمیہ غفار،ڈاکٹر فریال ولی،ڈاکٹر فاطمہ غفور اور الائیڈ ہیلتھ سائنسز کے ڈاکٹر اصغر علی،ڈاکٹر رومیلہ امجد،ڈاکٹر عروج طاہرکو نمائش کے انعقاد پر ان کی خدمات کو سراہا۔ طلبا وطالبات کے بنائے گئے ماڈل کو پوزیشن دینے کے لیے جج مقرر کیئے گئے جن میں ڈاکٹر روشن علی،پروفیسر ڈاکٹر حسن عباس،ڈاکٹر اکبر اور ڈاکٹر صائمہ وحیدشامل تھی سیمنار کے آخر میں پرنسپل پروفیسر ڈاکٹر محمد سلیم اورہیڈ آ ف اناٹومی ڈیپارٹمنٹ نے نمائش میں اول،دوم اور سوم پوزیشن لینے والے طلباء و طالبات میں ایوارڈز،شیلڈ ز اور اعزازی سرٹیفکٹس تقسیم کیے اس موقع فرسٹ ائیر اور سیکنڈ ائیرMBBSکے سٹوڈنٹس کی انتظامی کمیٹیوں سمیت کلیریکل سٹاف، ہیلتھ سپورٹ سٹاف،درجہ چہارم کے ملازمین کو تعریفیی سر ٹیفکیٹ بھی دیئے گئے۔

15/10/2025

*شیخ زید ہسپتال کے لیے ڈائیلائسز وارڈ کے لیے 7 عدد ڈائلاسسز نیو مشین عطیہ کرنے کی افتتاحی تقریب مہمان خصوصی ڈپٹی کمشنر رحیم یار خان ظہیر انور صاحب تھے

تقریب میں چیئرمین بورڈ اف مینجمنٹ شیخ زید ہسپتال و میڈیکل کالج چوہدری محمد اقبال حفیظ پرنسپل شیخ زید میڈیکل پروفیسر سلیم لغاری ممبران بورڈ اف مینجمنٹ معروف صنعت کار حاجی محمد ابراہیم ڈاکٹر ظہیر مصطفی ڈاکٹر محمد الیاس رانا و دیگر ہمراہ تھے*