Meezan E Sehat

14/12/2025

08/12/2025

🌙 سنتِ ہجامہ کی تاریخیں — ماہِ جمادی الثانی
میزان دواخانہ کراچی

سنتِ نبوی ﷺ کے مطابق ہجامہ کے لیے مہینے کی 17، 19 اور 21 تاریخیں افضل سمجھی جاتی ہیں۔ ان تاریخوں میں کیا گیا ہجامہ جسم کے فضلات کو بہتر طور پر خارج کرتا ہے اور طبی و روحانی فوائد میں اضافہ کرتا ہے۔

✨ فوائدِ ہجامہ (مختصر):
• دردِ بدن اور سوزش میں کمی
• خون کی روانی میں بہتری
• اعصابی تھکاوٹ میں آرام
• قوتِ مدافعت میں اضافہ
• ذہنی تناؤ اور بوجھ میں کمی

⚠️ ہجامہ کے ممکنہ عوارض (عارضی):
• ہلکی سوجن یا لالی
• معمولی درد یا کھنچاؤ
• چند گھنٹوں تک کمزوری
(یہ علامات عموماً جلد ٹھیک ہوجاتی ہیں)

🌙 چاند کی سنت کو اپنائیں — صحت و شفا کا بہترین ذریعہ
📍 میزان دواخانہ، کراچی
🕒 3 PM — 9 PM (جمعہ بند)

08/12/2025

28/11/2025

ایک داڑھی والا آدمی مجھے دیکھ رہا تھا میں اٹھ کر اسکے پاس جا بیٹھا اور میں نے اس سے پوچھا ’’کیا آپ مسلمان
ہیں؟
اس نے مسکرا کر جواب دیا ’’نہیں میں جارڈن کا یہودی ہوں۔ میں ربی ہوں اور پیرس میں اسلام پر پی ایچ ڈی کر رہا ہوں‘
میں نے پوچھا ’’تم اسلام کے کس پہلو پر پی ایچ ڈی کر رہے ہو؟‘‘
وہ شرما گیا اور تھوڑی دیر سوچ کر بولا ’’میں مسلمانوں کی شدت پسندی پر ریسرچ کر رہا ہوں‘‘
میں نے قہقہہ لگایا اور اس سے پوچھا ’’تمہاری ریسرچ کہاں تک پہنچی؟‘‘
اس نے کافی کا لمبا سپ لیا اور بولا ’’میری ریسرچ مکمل ہو چکی ہے اور میں اب پیپر لکھ رہا ہوں‘‘
میں نے پوچھا ’’تمہاری ریسرچ کی فائنڈنگ کیا ہے؟‘‘
اس نے لمبا سانس لیا‘ دائیں بائیں دیکھا‘ گردن ہلائی اور آہستہ آواز میں بولا ’’میں پانچ سال کی مسلسل ریسرچ کے بعد اس نتیجے پر پہنچا ہوں مسلمان اسلام سے زیادہ اپنے نبی سے محبت کرتے ہیں۔ یہ اسلام پر ہر قسم کا حملہ برداشت کر جاتے ہیں لیکن یہ نبی کی ذات پر اٹھنے والی کوئی انگلی برداشت نہیں کرتے‘‘
یہ جواب میرے لیے حیران کن تھا‘ میں نے کافی کا مگ میز پر رکھا اور سیدھا ہو کر بیٹھ گیا‘
وہ بولا ’’میری ریسرچ کے مطابق مسلمان جب بھی لڑے‘ یہ جب بھی اٹھے اور یہ جب بھی لپکے اس کی وجہ نبی اکرم صلی اللہ علیہ وسلم کی ذات تھی‘ آپ خواہ ان کی مسجد پر قبضہ کر لیں‘ آپ ان کی حکومتیں ختم کر دیں۔ آپ قرآن مجید کی اشاعت پر پابندی لگا دیں یا آپ ان کا پورا پورا خاندان مار دیں یہ برداشت کرجائیں گے لیکن آپ جونہی ان کے رسول صلی اللہ علیہ وسلم کا نام غلط لہجے میں لیں گے‘ یہ تڑپ اٹھیں گے اور اس کے بعد آپ پہلوان ہوں یا فرعون یہ آپ کے ساتھ ٹکرا جائیں گے‘‘
میں حیرت سے اس کی طرف دیکھتا رہا‘ وہ بولا ’’میری فائنڈنگ ہے جس دن مسلمانوں کے دل میں رسول صلی اللہ علیہ وسلم کی محبت نہیں رہے گی اس دن اسلام ختم ہو جائے گا۔ چنانچہ آپ اگر اسلام کو ختم کرنا چاہتے ہیں تو آپ کومسلمانوں کے دل سے ان کا رسول نکالنا ہوگا‘‘
اس نے اس کے ساتھ ہی کافی کا مگ نیچے رکھا‘ اپنا کپڑے کا تھیلا اٹھایا‘ کندھے پر رکھا‘ سلام کیا اور اٹھ کر چلا گیا
لیکن میں اس دن سے ہکا بکا بیٹھا ہوں‘ میں اس یہودی ربی کو اپنا محسن سمجھتا ہوں کیونکہ میں اس سے ملاقات سے پہلے تک صرف سماجی مسلمان تھا لیکن اس نے مجھے دو فقروں میں پورا اسلام سمجھا دیا‘
میں جان گیا رسول اللہ صلی اللہ علیہ وسلم سے محبت اسلام کی روح ہے اور یہ روح جب تک قائم ہے اس وقت تک اسلام کا وجود بھی سلامت ہے‘ جس دن یہ روح ختم ہو جائے گی اس دن ہم میں اور عیسائیوں اور یہودیوں میں کوئی فرق نہیں رہے گا.
_*شئیر کرنے کا بلکل نہیں کہوں گا، یہ آپ کا اپنا ظرف ہے* _

26/11/2025

مسواک کرنے کا سنت طریقہ
پکڑنے کا طریقہ: دائیں ہاتھ میں مسواک پکڑیں، چھوٹی انگلی نیچے، انگوٹھا مسواک کے سر کے نیچے اور باقی تین انگلیاں اوپر کی طرف رکھیں۔
صفائی کی ترتیب:
سب سے پہلے اوپر والے دانتوں کو دائیں طرف سے تین بار صاف کریں۔
پھر اوپر کے دانتوں کو بائیں طرف سے تین بار صاف کریں۔
اسی طرح نیچے والے دانتوں کو پہلے دائیں طرف سے تین بار صاف کریں۔
اس کے بعد نیچے والے دانتوں کو بائیں طرف سے تین بار صاف کریں۔
دیگر سنتیں: مسواک سے زبان اور حلق کو صاف کرنا بھی مسنون ہے۔