صيدلية عينابوس الجديدة - Einabos pharmacy

03/03/2020

02/01/2020

تتمنى لكم #صيدلية عينابوس الجديدة عاماً سعيداً تملؤه الصحة والسعادة🌸🌸

02/01/2020

💊



مننصح المرضى اللي بستعملوا الأسبرين كدوا مزمن مميع للدم، ينتبهوا إذا احتاجوا لتناول مسكن تركيبته العلمية Ibuprofen واللي متواجد بالسوق تحت أسماء عديدة متل ال Trufen, Ultrafen, Nurofen, IbuSama, Isofen وغيرهم
لإنه في تفاعل بين هالدوايين ممكن يأثر على عمل الأسبرين وبالتالي يقلل فعاليته بشكل ملحوظ

طيب شو الحل🤔 ؟
إذا اضطر المريض ياخد الدوايين فلازم إما :

👈ياخد الIbuprofen #قبل 8 ساعات من تناوله لحبة الأسبرين
👈أو #بعد ساعتين على الأقل من تناوله لحبة الأسبرين

02/01/2020

حبوب المص للتخفيف من احتقان الحلق متل الstrepsils وغيرها
هي فعليا بتحوي مادة دوائية ومش مجرد ملبس 🍬
فلهيك لازم نراعي نترك مسافة ساعتين أو ثلاثة بين الحبة والتانية 🕑
ولا تنسوا تحفظوها بمكان ما يقدروا يوصلوه الأطفال 🧒👶

17/10/2019

وجدت الدراسات والأبحاث العلمية إنه استخدام حبوب منع الحمل على المدى الطويل ممكن انه يسبب ⬇️ نقص في مستوى الفيتامينات المهمة في الجسم اللي أبرزها الفوليك أسيد وفيتامينات من مجموعة B متل B12, B6 وغيرها

لهالسبب مننصح النساء اللي بستخدمو حبوب منع الحمل لفترة طويلة إنهم يتناولو مكملات غذائية بتحتوي على هالفيتامينات (فيتامين B المركب والفوليك أسيد )
لحتى يعوضو هالنقص اللي ممكن يسببلهم أعراض مزعجة متل ضعف عام ، دوخة ، نمنمة بالأطراف ، تأثير على الذاكرة وغيرها ..😣

16/10/2019

حتى نحصل على أفضل فعالية وأقل مخاطر للدوا مننصح بهالأمور :
👈 مننصح المريض إنه مايبلش ياخد هالكبسولات إلا بعد ما يعمل فحص ويستشير الطبيب.
👈 يلتزم بطريقة العلاج اللي وصفها الطبيب من ناحية عدد الكبسولات والفترة اللي لازم يضل ياخدهم لإنه طريقة العلاج بتختلف من مريض لتاني حسب درجة النقص.
👈 يفضل عمل فحص لمستوى الكالسيوم والفسفور في الدم كل أسبوعين من بداية العلاج أو بشكل دوري.
👈 بعد فترة من تناول الكبسولات إذا صار عنده أعراض متل :
فقدان الشهية ، غثيان ، قيء ، زيادة تعرق ، عطش ، دوخة ، طنين بالأذن ، تعب عام 😵😰😓 أو أي شي غريب استجد على حالته.. لازم يخبر الطبيب لإنه ممكن تكون أعراض تسمم من فيتامين د وبضطر إنه يوقف تناولهم.

16/10/2019

من الآثار الجانبية لبعض الأدوية إذا تم استخدامها لفترة طويلة إنها بتقلل من إفراز اللعاب 🤤وبالتالي ممكن تسبب جفاف بالفم 😲
وهالشي ممكن يساهم في حدوث تسوس في الأسنان والتهابات في اللثة وفطريات في الفم ..
طيب شو الحل؟
شرب كميات كافية من الماء🥛 ، أو مضغ علكة خالية من السكر ، مع الحفاظ على نظافة الفم والأسنان 🦷😁
👈 من الأمثلة على هالأدوية :
-مضادات الحساسة ( الجيل الأول )اللي أشهره allergon
Novitropan-
Elatrolet-
والقائمة تطووول📜

15/10/2019

لحتى يتم امتصاص الزنك بشكل أفضل وبالتالي تعطي فعالية أحسن :

يفضل نبعد فترة زمنية ساعتين على الأقل بين تناول حبة الزنك 💊
وبين الاطعمة اللي بتحتوي على كمية عالية من الكالسيوم والفسفور (متل الأجبان🧀 ، الألبان ، الحليب🥛 ، البوظة 🍨) وكمان مشروبات الغازية (متل الكولا🥤) والأغذية الغنية بالالياف والحبوب والبقوليات

15/10/2019

#نصيحة
#توعية


📢 كلنا منسمع عن أمراض العصر المزمنة واللي أهمها ارتفاع ضغط الدم والسكري وأمراض القلب والشرايين ..
ممكن هالأمراض ما إلها علاج سحري ومجرد ما حدا تشخص فيها ..مش بهالسهولة ممكن يتخلص منها..😦😵😰

#لكن كل مريض بقدر يضبط وضع هالمرض ويسيطر عليه 💪🏻😎..
حتى ما يخليه يتفاقم لمرحلة يعمله مشاكل صحية أكبر متل الفشل الكلوي ، الجلطات القلبية و السكتات الدماغية لا سمح الله 😔

طيب كيف ؟
فقط بالمتابعة والمراجعة من خلال الاهتمام بزيارات الطبيب👨🏻‍⚕️
وإجراء الفحوصات الدورية
وتناول الدواء بشكل منتظم 💊
واتباع نظام حياة صحي متل ( الأكل الصحي 🥗وممارسة الرياضة 🏃🏻‍♂️)

وكمان لأي شخص عم بكبر بالعمر ( مثلا تجاوز الأربعين ) حتى لو ما عم بعاني من شي .. مش غلط يشيك على وضعه الصحي بشكل عام ويعمل فحوصات شاملة كل فترة حتى يقدر يتابع أي شي ببداياته

06/05/2019

تبارك لكم صيدلية عينابوس الجديدة بحلول الشهر الفضيل...كل عام وأنتم بخير🌸

21/03/2019

💕❤️