Dr.rahaf_kayali

27/08/2022

10/06/2020

أشهر عشرة أخطاء في زمن الوباء - يا ريت لو انت دكتور 👨‍⚕️ ماتقعش فيها ⁦✋

1️⃣ ⛔ "اللي عندك مش كورونا، دي مجرد نزلة برد"
- نزلة البرد والكورونا أعراضهم متشابهة، ومفيش طريقة لنفي الكورونا غير المسحة. بكل بساطة حضرتك لما تطمن المريض في غير محله ممكن تتسبب في نشر العدوى.

2️⃣ ⛔ "محتاجين نعمل تحليل دم عشان نشوف لو عندك كورونا"
- تحليل الدم لا بيأكد ولا بينفي الكورونا. المصاب اللي وضعه مستقر بالذات مش محتاج تحليل دم بإذن الله.

3️⃣ ⛔ "عندك كورونا، وهنديلك زنك وازيثرومايسن وتافانيك وبلاكونيل"
- مفيش ولا دوا من دول أثبت فاعليته، وبعضهم أثبت ضررا مؤكدا، ولا أعلم ليه كتير من الدكاترة مازالوا بيوصفوهم ⁦🤷🏻‍♂️⁩

4️⃣ ⛔ "مناعتك ضعيفة ومحتاجين نقويها بغذاء ملكات النحل وأقراص فيتامين سي يوميا"
- المناعة مش ضعيفة عشان نقويها. (توضيح: لو شخص عنده نقص فيتامينات مش هيضر لو أخد، مع عدم وجود دليل علمي على فاعليتها.. ويا ريت نتأكد من الجرعة لأن بعض الناس فاكرين خطأ إن الزيادة في الفيتامينات مش ضارة.)

5️⃣ ⛔ "لو انتي بترضعي وقفي الرضاعة عشان خطر على ابنك"
- التوصيات العالمية كلها تتراوح بين تشفيط اللبن أو الاستمرار في الرضاعة المباشرة. محدش بيوصي بوقف الرضاعة خالص.

6️⃣ ⛔ "النهجان اللي عندك سببه ان مناخيرك مسدودة وحرارتك مرتفعة"
- غلط، النهجان في الكورونا علامة (غالبا) للالتهاب الرئوي، ومالوش علاقة بالأنف.

7️⃣ ⛔ "لازم نعمل أشعة صدر عشان نشخص الكورونا"
- هناك قلة فقط من المرضى من المعرضين للتدهور بيبقوا محتاجين أشعة فعلا لتقييمهم، لكن ده مش معناه نعمل أشعة عمال على بطال لكل مصاب، خصوصا اللي وضعه مستقر.

8️⃣ ⛔ "لازم تعيد المسحة عشان نتأكد إنها بقت سلبية"
- مش سليم. خبراء الكورونا، ومنهم د. فهيم يونس في ماريلاند وغيره، كتبوا مرارا إن إعادة المسحة مش ضرورية. يكفي مرور ١٤ يوما من بداية ظهور الأعراض + ٣ أيام من اختفاء الحرارة (كلام خبراء الأمراض المعدية، مش كلامي)

9️⃣ ⛔ "انت خفيت من الكورونا، لكن ممكن تجيلك تاني"
- مش صحيح. الأصل هو ان الكورونا بتعمل مناعة دائمة بإذن الله، وحالات إعادة العدوى الظاهرية= هي حالات استثنائية، ونادرة، ولها تفسيرات متعددة ليس منها إعادة العدوى.. ثم إنه: لو لم تحدث مناعة دائمة، ماكانت عشرات الشركات لتعمل حاليا على لقاح طالما مش بيعمل مناعة.

1️⃣0️⃣ ⛔ "طالما مفيش حرارة وكحة يبقى مش كورونا"
- غلط. الكورونا ممكن جدا تيجي من غير حرارة ومن غير كحة. الأعراض الأولية بتتفاوت بين الناس، من فقدان حاسة الشم، إلى وجع الزور، أو وجع العين، أو الكحة، أو الحرارة، أو التكسير، أو وجع البطن، والغثيان، او الإسهال، أو أي خليط من هذا كله.

23/04/2020

14/04/2020

02/03/2020

Unicef
فايروس الكورونا كبير الحجم حيث قطر الخلية 400- 500 مايكرو، ولهذا فإن أي قناع يمنع دخولها فلا داعي من استغلال الصيادلة للتجارة بالكمامات .

الفايروس لايستقر في الهواء بل على الأرض لذا لا ينتقل بواسطة الجو.

فايروس الكورونا عند سقوطه على سطح معدني فإنه سيعيش 12 ساعة لذا غسل اليدين بالصابون والماء بشكل جيد يفي بالغرض.

فايروس الكورونا عند سقوطه على الأقمشة يبقى 9 ساعات لذا غسل الملابس أو تعرضها للشمس لمدة ساعتين يفي لغرض قتله.

يعيش الفايروس على اليدين لمدة 10 دقائق لذا وضع المعقم الكحولي في الجيب يفي بغرض الوقاية .

في حال تعرض الفايروس لدرجة حرارة 26 - 27 مئوية سوف يُقتل فهو لا يعيش في المناطق الحارة. أيضا شرب الماء الحار والتعرض للشمس يفي بالغرض
والابتعاد عن المثلجات والأكل البارد مهم.

الغرغرة بماء دافئ وملح يقتل جراثيم اللوزتين ويمنعها من التسرب إلى الرئتين .

الالتزام بهذه التعليمات يفي بالغرض للوقاية من الفايروس .

UNICEF