14/08/2022
.
****************************
Assalaamu Aleeykum Worahmatullaahi Wobarakaatuh. Ashamaa Hawaasni Oromoo Muslima Biyya Germany fi Awroophaa guutuu keessatti argamtan hundi keessanuu jechaa, Eebba Kitaaba (ULEE GABRUMMAA INJIFATTE) jedhu kan Ustaaz Umaralfaaruuq Sheikh Aliyyii tiin barraa'e gaafa 20.8.2022 Biyya Germany Magaalaa Nürnberg Fürth irratti Sagantaa Eebbaa guddaa tahe xumurree yaamicha kabajaa yeroo isiniif dhiheessinu gammachuu guddatu nutti dhagahama!
Guyyaa kana Keessummoonni Kabajaa Ulamaa’ii fi Ustaazonni gurguddaan kan argaman taha. Akkasuma guyyaa sana Sagantaa mimmiidhagoo tahan kan qopheessinee isin eegnu taha! Keessummoonni kabajaa kan guyyaa sana argaman keessaa kanneen armaan gadii akka tahe kallattiin isin hubachiifna.
1ffaa: Hayyuu fi beekaa, akkasuma Munashidaa fi qaroo Saba keenyaa kan tahe Ustaaz Raayyaa Abbaa Maccaa Handhuura Oromiyaa Finfinnee irraa toora Onlinetiin kan argaman tahuun beekkamee jira
2. Sh Jamaal Aliyyii beekaa fi hayyuun guddaan guyyaa sana kallattiin Oromiyaa Finfinnee irraa kan dhihaatan tahu.
3. Ustaaz Suufyaan Usmaan gorsa isaanii bareedaa fi kan nama hawatuun finfinneedhuma irraa kan argaman tahu.
4. Ustaaz Ibsaa Hasan kan gorsi isaanii onnee nama seenu, isaanis Hiriyyoota isaanii woliin tooruma Online irratti kan argaman tahu.
5. 4ffaa Haafiza Qur’aanaa Kan Sagaleen isaanii Addunyaa hunda wol-gahee Sh Afiif Muhammad Taaj Biyya Sudaan Magaalaa Kaartuum irraa kan ergaa onnee nama seenu kan sagalee fi hojii isaanii fakkaatu nuuf dabarsuuf qophii akka xumuran isin beeksifna.
6. Sh Huseen Ahmad dura bu’aan Tokkummaa muslima oromoo Biyya Germany illee argamuun beekkamee jira.
7. Kabajamoo Abdo Qaadii Abbaa Jabal guyyaa sana dhimmoota addaa irraa gorsaa fi dhaamsa ergaawwan gaggaarii tahe qabatanii kan dhufan tahuu isin beeksifna.
Kana malees Sagantaa kana irratti Namoonni wolaloo fi Yadaloon nama buhaarsuun beekkaman kanneen akka Shaga Badiya, Muzayan Tafese fi Mubarik Abbaa Giddiis dabalatee namoonni Sagantaa Seena qabeessa kana irratti argamuuf jiran hedduu tahuun beekkamee jira. Eddoon Sagantaa Eebba Kitaaba Ulee gabrummaa Injifatte itti geggeeffamu 20.8.2022 sa'aatii 12:00 irraa kan eegalu ta'a!
Eddoo Sagantaa.
Germany Nürnberg Fürth, Masjida (Türkisch Islamisches Kulturzentrum)Steubenstr, 13 90673 Fürth.
Koree Qopheessituu Sagantaa irraa.
