Health coach

30/12/2025

💡 رحلة زيادة الوزن مش قليلة على الأقل في الوقت..

كل دقيقة كان في ظرف أو وضع معين في دنيتك ساهم بشكل أو بآخر إن وزنك يزيد..

حالة نفسية أو تجمع ما فتح شهيتك، أو قلق وتوتر حفز عقلك إنك تلجأ لطريق سهل.. هروب أو سعي للسيروتونين والدوبامين..

👈وأكتر طريقة مضمونة عشان تغير أسلوب حياتك ومترجعش للقديم:

تعرف وتدرك وتفهم إيه السبب والمشاعر والحالة اللي خلتك تلجأ لأكل غير صحي وغير مفيد..

راجع نفسك كل مرة روحت لبرجر أو بيتزا وأسأل نفسك:

أنا جعان؟.. طب جعان ليه؟.. إيه مخليني عايز آكل ده دلوقتي؟

هل لو جعان ممكن آكل سلطة تونة أو اي حاجه صحية؟ ولا جعان لده بالذات؟

طب أدركت إنه مش جوع؟.... إيه اللي حصل خلاني أحتاج ده؟

تقبلت إن ده مش جوع؟.... مبروك! أول خطوة تمت..

الإدراك والفهم إن احتياجك للأكل ده نفسي ولا بيولوجي! 🎉

ونبدأ الخطوة الجاية إن شاء الله..

جرب النهارده تسأل نفسك السؤال ده قبل أي وجبة.. وشاركنا في الكومنتات: إيه اللي اكتشفته عن نفسك؟ 👇💬

29/12/2025

الزهايمر أو الخرف المبكر ممكن يجيلك لو جسمك قابل ليه... أو في عمر كبير لقدر الله، لو كملت على عاداتك الغذائية الـ"جميلة" 😏 وأسلوب حياتك الكسول، ونومك المتدهور، وقلبك العجوز!

قبل ما تهاجمني، تعالى أشرحلك الكلام ده مبني على إيه... 🧠

الدراسات الأخيرة أثبتت إنك تقدر تحمي نفسك في العمر الكبير من تدهور خلايا المخ – حتى لو جسمك فيه قابلية للزهايمر – لو حركتك قليلة وقلبك "عجوز"، جسمك هيبقى معرض أكتر بكتير من الشخص الرياضي! 💪

لو أكلك كله سكر، دقيق أبيض، ودهون مصنعة... جسمك هيبقى معرض لأمراض الشيخوخة أسرع من اللي ملتزم بنظام صحي.
عقلك هيبقى أضعف في مقاومة المرض لو قعدتك كلها سوشيال ميديا، عن الشخص القارئ 📚
نومك المتدهور بيخلي عقلك قليل الاستشفاء والاستيعاب، عن اللي بينام نوم عميق وبالليل 🌙

اعتبر نفسك في امتحان... والنتيجة النهائية هي مستقبلك عامل إزاي؟
مستقبل بجسم صحي ورياضي، قادر على العطاء... ولا عجوز محني، حتى الصلاة بالنسبة له صعبة؟ 😔
اختار مستقبلك دلوقتي! 🔥

إيه رأيك؟ هتبدأ تغير إيه في حياتك من النهارده عشان تحمي عقلك وجسمك؟ شاركنا في الكومنتات أول خطوة هتعملها! 👇💬

29/12/2025

🚨 خسارة الوزن مش هزار خالص! 🚨

لو بتقول لنفسك: "هآكل اللي نفسي فيه دلوقتي وأحرقه في الجيم بعدين"، فكر تاني.. الموضوع مش كده أبدًا! 😏

عشان تحرق بس ٢٠٠ جرام مكسرات (حوالي ١٢٠٠-١٣٠٠ سعرة)، هتحتاج تتمرن ٣-٤ ساعات بشدة عالية جدًا!
يعني لو فضلت "تعك" في الأكل، التمرين مش هيقدر يغطي كل ده.

لكن.. تقدر تخس وزن كويس جدًا من غير رياضة خالص، لو بس خففت أكلك وعملت عجز سعرات (تاكل أقل من احتياج جسمك اليومي). هتشوف الفرق في الوزن، الشكل، والصحة! 🏆

الدايت هو الأساس، لأنه بيظبط حساسية الأنسولين، بيخليك تشبع أسرع، وبيحسن صحتك كلها.

الرياضة مهمة طبعًا، وبتديك قوة، تحمل، وشكل أفضل.. الاتنين مكملين لبعض! 💪

يعني باختصار: ٨٠% من الخسارة في الأكل والتحكم في السعرات، و٢٠% في الحركة والتمرين.

خليك واعي، رتب أكلك كويس، والرياضة خليها عشان صحتك وقوتك وجسمك اللي هيبقى زي الحديد! 🔥

دايت مظبوط + رياضة = جسم صحي وقوي مدى الحياة! ❤️

#لياقه #مصر

12/12/2025

🟢 لو كل مرة تعمل دايت بتخس ٨ كيلو في الأسبوع الأول، ٧ في التاني، ٥ في التالت...

مبروووك، إنت فعليًا بتدرب جسمك وعقلك إزاي يفشلوا في المرات الجاية بنسبة ٩٠%
👈 ليه؟

لأن أي نزول سريع جدًا = جسمك بيحس إن فيه مجاعة جاية في الطريق

فبيدخل وضع "الحفاظ على الدهون بأي تمن"

وبيبطئ الحرق، وبيقلل الهرمونات اللي بتساعد على حرق الدهون، وبيخليك جعان أكتر، وأول ما ترجع تاكل عادي... الوزن بيرجع ×٢

عقلك كمان مش هيسيبك في حالك

هيحاربك عشان يرجعك لـ"منطقة الأمان" بتاعته (الوزن اللي متعود عليه حتى لو زيادة)

عشان كده أي مدرب أو أخصائي تغذية فعلاً فاهم:

مش هيعملك عجز أكتر من ٥٠٠ سعرة يوميًا

وفي ناس كتير هنعملهم ٣٠٠ بس + رياضة = إجمالي عجز ٥٠٠-٦٠٠

وهيفهمك إننا لازم نخدع الجسم والعقل براحة... خطوة خطوة... على المدى الطويل

براحة يا وحش... خد الرحلة بهدوء

بلاش تنط من فوق ١٨ متر عشان في الآخر تسقط سقوط حر على رقبتك

الصحة في الوعي... والنتيجة اللي بتدوم في الصبر

#دايت

04/12/2025

🛑 لو لسه فاكر إن "الكارب عدوك" أو "الكارب حبيبك".. تبقي محتاج تراجع نفسك يا وحش!

الكارب مش عدو ولا حبيب..

الكارب هو الـ "صديق اللدود" زي البروتين والدهون بالظبط!

فيه كارب بيخسسك ويبني عضلك ويخليك مركز وفرحان وطاقتك عالية طول اليوم..

وفيه كارب بيخليك تتخن، نفسيتك وحشة، جعان كل ساعة، وبتدور على التلاجة بالليل زي الزومبي! 🧟‍♂️

الفرق؟

✅ الكارب الطبيعي (فواكه – خضار – بطاطس – بطاطا – شوفان – أرز بني – بقوليات)

= فيتامينات + ألياف + طاقة نظيفة + سعادة + هرمونات مظبوطة

❌ الكارب المصنع (خبز أبيض – معجنات – شيبسي – حلويات – عصير محلى – كورن فليكس)

= سعرات فارغة + إدمان + دهون متراكمة + اكتئاب + إنسولين بيضرب في السما

الكارب المصنع ده مش أكل.. ده "بيزنس" عشان تطلب تاني وتدفع فلوس تاني! 💸

القاعدة اللي هتغير جسمك وحياتك:

كُل كارب.. بس خلّي ٩٠% منه طبيعي كامل، والـ ١٠% متعة (شوكولاتة دارك – بيتزا homemade – آيس كريم بروتين).. وكده هتخس وتبني عضل وتنبسط وتعيش! 🔥

بس جرب تقطع الكارب خالص.. بعد 3 شهور هتيجي تقولي: "نفسيتي بايظة ومش عارف أركز وشعري بيقع" 😅

الكارب الطبيعي = وقود العقل والعضلات والسعادة

الكارب المصنع = سم بطيء علي شكل أكل

إنت مع مين؟... اكتب في الكومنت:

"أنا مع الكارب الطبيعي 💪" ولا لسه بتاكل سم وبتدفع فلوسك عشان تتخن؟ 😏

شير البوست ده لصاحبك اللي لسه بيقولك "الكارب حرام" 😂🔥

#كارب #دايت

30/11/2025

16/11/2025

#صحة

09/11/2025

❌❌ارجوك بلاش تروح لمدرب أو أخصائي تغذية وتقولّه: أنا عايز أخسس الكرش بس! 😅 هاتلي دايت أو وصفة أو تمرين عشان الكرش يخس!

بص يا سيدي، أنا ممكن أكبر العضلة في مكان معين لما أستهدف زوايا معينة ليها تساعد في نموها 💪🏻

لكن لو ممرنتش باقي جسمك، فـ أهلاً وسهلاً بالإصابات يا جميل 🤕

بس مفيش منطقة معينة بتخس بالجيم أو بالدايت أو حتى بوصفة للكرش! بالعكس، ممكن تشد أكتر شوية مع التمرين، لكن كل باقي جسمك هيخس 😊

مرّن جسمك كله، كل جسمك، وساعتها منطقة تجمع الدهون عندك هتبدأ تخس بالتدريج 🔥

ممكن أبطأ شوية، ممكن تلاحظ تغيير بسيط، بس التغيير هييجي 💯

ولو انت مصمم بقى 😏 خدلك كام ألف من التحويشة وروح اعمل ميزوثيرابي،

وهتخس المنطقة فعلاً… بس صدقني هترجع تاني لو اللايف ستايل بتاعك متغيرش 🌀


اللايف ستايل والمجهود والصبر هم المفتاح لكل حاجة 🔑

صحتك في وعيك ❤️

جرب النصايح دي وشاركنا تجربتك في الكومنتات! 👇 لو عايز/ه دايت أو تمارين تناسبك، ابعتلنا رسالة وهنساعدك! 💪"

30/10/2025

Don't skip the legs day 😁

26/10/2025

خسارة الوزن مبتجيش بالهزار، يعني لو فكرت تاكل اللي نفسك فيه وتقول هروح التمرين وأحرقه، الموضوع مش بالبساطة دي خالص.
عشان تحرق كمية صغيرة زي ٢٠٠ جرام مكسرات، محتاج تتمرن ٣ او ٤ ساعات بشده عاليه.
يعني لو فضلت تعك في الأكل، التمرين مش هيغطي العك ده. ❌

👈لكن تقدر تخس من غير ما تتمرن لو ظبطت أكلك وعملت عجز السعرات، يعني تاكل أقل من اللي جسمك محتاجه في اليوم، وفي الحالة دي هتخس وتشوف فرق في وزنك وشكلك وصحتك.
✅ الدايت هو الأساس في كل ده،⬅️لأنه بيظبط حساسية جسمك للأنسولين وبيخليك تشبع أسرع وتبقى صحتك مظبوطة.
التمرين مهم طبعًا، وفيه فايدة كبيرة للجسم في القوة والتحمل يعني الاتنين مكملين لبعض،

📌 ٨٠% من الموضوع في الأكل والتحكم في سعراتك، و٢٠% في الحركة والرياضة.

😉خليك واعي وخلّي أكلك منظم، والرياضة خليها عشان صحتك وقوتك وشكلك.

دايت مظبوط + رياضة = جسم صحي وقوي 💪💪

22/10/2025

نظام البتنجان الأسود الغني بالفيتامين والنيكوتين 😂
يعني تعمل دايت ودماغ في نفس الوقت 😁🍆
نظام متكامل من الآخر 😎

#لياقة

17/10/2025

العضلات "إيه المفاجأة دي؟ كل ده تسخين؟! 😁😁