انعقاد أول اجتماع للإدارة التنفيذية لمصنع العربية للأدوية للعام 2026
عُقد اليوم 15/02/2026بمباني مصنع العربية للأدوية بسوبا، أول اجتماع للإدارة التنفيذية للعام 2026، بحضور مدراء الإدارات المختلفة.
ناقش الاجتماع خطة العمل للعام الجديد، وخطة التسويق، إلى جانب استعراض الوضع الراهن للمصنع، والتحديات التي يمر بها، والحلول المقترحة، وخطوات تشغيل المصنع خلال المرحلة القادمة.
ويأتي هذا الاجتماع في إطار الجهود المتواصلة لإعادة تشغيل المصنع واستعادة دوره في دعم الصناعة الوطنية وتوفير الدواء.
13/02/2026
جمعة مباركة، نسأل الله أن يجعلها جمعة خير وبركة، وأن يتقبل منا ومنكم صالح الأعمال، ويكتب لنا ولكم السعادة والتوفيق
12/02/2026
اليوم التاني في معرض صنع في السودان 🤍
واللمة بقت أحلى، والوجوه المبتسمة كترت.
جناح مصنع العربية للأدوية بقى مساحة نلتقي فيها معاكم.
لسه قدامنا أيام كتيرة،
ونستناكم تزورونا في أرض المعارض – بري
من 11 إلى 25.
11/02/2026
مستمرين معاكم في معرض صنع في السودان 🤍
في أرض المعارض – بري الخرطوم
من 11 إلى 25 /فبراير 2026
أيام مليانة لقاءات جميلة ودعم بنعتز بيه.
لسه قدامنا أيام… ونستناكم تزورونا في جناح
مصنع العربية للأدوية
11/02/2026
تشرفنا اليوم بزيارة السيد وكيل وزارة الصناعة والتجارة لجناح مصنع العربية للأدوية في معرض صنع في السودان.
زيارة نعتز بها، ودعم نعتبره دفعة قوية لمواصلة مسيرة البناء والعودة أقوى بإذن الله.
11/02/2026
أهلنا وأصحابنا وحبايبنا… اشتقنا ليكم 🤍
بنكون معاكم في معرض صنع في السودان
في أرض المعارض – بري الخرطوم
من اليوم معاكم✨
وجودنا هناك ما بكمل إلا بوجودكم،
تعالوا زورونا، نسلم عليكم، ونحكي ليكم عن رحلة الرجوع والبداية الجديدة.
تلقونا في موقعين مع غرفة صانعي الادوية في صالة ٤وفي معرضنا الاساسي في صالة ٤ بوث ٥٥
وجودكم حوالينا قوة لينا ودعم كبير 🤍
نستناكم… خليكم قريب.
10/02/2026
جاهزين تلاقونا بكرة؟
خليكم قراب !!!
08/02/2026
اليوم شغلنا وصل المكاتب ، الاماكن دي كانت شاهدة أيام فرح وتعب،
شهدت ناس بتيجي الصباح بدري عشان تخدم، وناس بترجع آخر اليوم وهي راضية.
اليوم رجعنا ليها بعد غياب طويل،
بننضّفها بهدوء… وكأننا بنعتذر ليها عن كل الوجع الفات.
الغبار ما كان في المكان ،
كان في الذاكرة، وكان لازم ينمسح.
زي السودان كلو،
بنبدأ من الصفر، لكن بقلب مليان أمل.
خليكم معانا… لأنو الحكاية دي، حكايتنا كلنا.
06/02/2026
جمعة مباركة 🌸
اللهم بارك لنا في هذه الجمعة، واكتب لنا فيها الخير حيث كان
04/02/2026
اكيد شفتو حجم الدمار الحصل
واليوم من نفس المكان الاتغطى بالركام، الشغل بدا.
أيادي سودانية شغّالة، بتنضّف وبتبني وبتقول: لسه في أمل.
بداية جديدة وعهد جديد 💚
وزي ما السودان كلو بقوم، نحن قايمين معاهو.
مهندسينا واقفين في الخط الأول، بعلمهم وصبرهم بنرجّع المصنع خطوة خطوة
خليكم معانا وتابعوا رحلتنا يوم بيوم.
01/02/2026
مصنع العربية بعد الحرب… الحفر والانقاض كانت شاهدة على صمودنا.
واليوم، بإيدينا وفريقنا، كل زاوية قاعدة ترجع للحياة خطوة خطوة.
زي أي حتة في السودان، كل بيت وكل شارع قاوم الدمار ورجع يبني نفسه… وحالنا هنا في المصنع نفس القصة.
خليكم معانا وتابعوا رحلتنا يوم بيوم كيف نعيد للعربية الحياة
Be the first to know and let us send you an email when Arab Factory For Drugs مصنع العربية للأدوية posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Arab Factory For Drugs مصنع العربية للأدوية:
