29/11/2025
📌 منتجات التفتيح المشهورة: الأماليكو – ميلان فري – الكرتون (Carotone)
كتيرة في السوق وناس كتار بستعملوها بدون ما يعرفوا مخاطرها…
البوست دا للتوعية وبس 👇
⚠️ 1) أضرار كريم الأماليكو (Amalico)
معروف إنو فيهو هيدروكينون بتركيز عالي وأحياناً كورتيزون خفي.
أكتر المشاكل الشائعة:
- تهيّج وحرقان شديد
- اسمرار بعد الإيقاف (Rebound)
- تصبغات أزرق/أسود (Ochronosis)
- نحافة الجلد لو فيهو كورتيزون
- زيادة حساسية الشمس
⚠️ 2) أضرار ميلان فري (Mela n F / Melan Free)
كريم علاجي أساساً، ما مخصص للاستخدام التجميلي الطويل. مكوّن من:
Tretinoin + Hydroquinone + Mild Steroid
المشاكل الممكن تحصل:
- تقشير شديد، حرقان، إحمرار
- التهابات حول الفم
- اسمرار ارتدادي بعد الإيقاف
- نحافة الجلد لو استُخدم لفترة طويلة
- ممنوع للحامل والمرضع والبشرة الحساسة شديد
⚠️ 3) أضرار الكرتون / كاروتون (Carotone – كريتون)
أخطرهم لأنه:
في نسخ فيها هيدروكينون + كورتيزون قوي وبعض الأنواع فيها زئبق.
الأضرار:
- نحافة في الجلد وخطوط وتمددات
- اسمرار دائم بعد التوقف
- ظهور حبوب الستيرويد
- تسمم زئبقي (خطير على الكلى والجهاز العصبي)
- ضرر على الجنين والرضيع
❌ مشاكل مشتركة بين التلاتة
- حساسية وتهيج
- تقشير عنيف
- تفاوت لون الجلد
- اسمرار أسوأ من الأول بعد التوقف
- ترقق الجلد مع الاستخدام الطويل
- زيادة ظهور الشعر في بعض الحالات
- ضرر كبير لو استُخدمت في مناطق حساسة
✅ الخلاصة
الحاجات دي ما معمولة للتفتيح الروتيني اليومي.
استخدامها بدون إشراف ممكن يعمل مشاكل طويلة الأمد.
اختاري/اختار منتجات آمنة وابتعدوا من أي كريم ما معروف ومكوناتو ما واضحة.
In Words
