http://3409360552504950.sarhne.com/

Othman Yousif, Khartoum North (2025)

23/09/2025

رايك شنو في مقولة الإنسان ابن بيئته ؟
هل يعني لو انت نشأت في بيئة غير داعمة وسلبية ح تكون كذلك ؟!

23/09/2025

نرجع و نقول النية اهم من ظاهر العمل. ما هو لله لن يضيع.

22/09/2025

انت ك اختصاصي مختبرات لم تجيك فحوصات لطفل و قدر ما تجتهد و تعيدها كلها تطلع نضيفة ما تضايق ممكن يكون الطفل دا زي انا لم كنت صغير ..

بتذكر مرة و انا عمري 5 سنوات كنت لم ما احب اترسل بقول لامي اني عندي صداع.
مرة كترتها ف ساقتني المستشفى الله يحفظها امي و اتطلبت لي فحوصات تقريبا كانت Twbcs و فحص ملاريا .. الفحص سبحان الله طلع postive انو عندي ملاريا ..
طبعا حمدت الله انه ما طلعت فحوصاتي نضيفة و كذبي ينكشف 😂.

هو صح شكلو كان دكتور مهبلس بس يلا اتمنى يكون اتعدل بعدها 😂💔

21/09/2025

الصينين جابو علاج للتقدم في العمر !؟

علماء صينين في جامعة
Capital Medical University | Bejng
نشرو بحث علمي على مجلة "Cell press" بعنوان :
Senescen Risistant Human Mesenchymal Progenitor Cells Conter Aging In primates.

اولا كلنا عارفين انه السبب العام في التقدم في السن انه الخلايا الجزعية (stem cells) المسؤلة من تجديد الخلايا في الجسم بتقل سرعة عملها و قدرتها في التجدد و النمو مع مرور الزمن، ف العلماء ديل صممو نوع جديد من الخلايا الجزعية (stem cells) سموها "SRC" مصممة تعمل كانها من خلايا الجسم الجزعية بس لانها جديدة ف بتعمل ب كفاءة عالية جدا.

جربوها على قرود (Macaques) عمرها بين 60-70 في تجربة لمدة 44 اسبوع و على حسب البحث كانت النتيجة مبهرة جدا:
على مستوى الخلية عالجة ما يقارب 10 اعضاء داخلية (اسمائهم موضحة في الصورة)
حتى الخلايا العصبية حسنتها و ذادت من طولها و بالتالي سرعة النقل و ذادة التوصيلات العصبية، قللت الضخم البيحصل مع العمر في جدار الشريان الاورطي و حسنت عملية الاستقلاب كلها في الجسم بعد ال 44 اسبوع تمت القرود كانت صحتهم اتحسنت بمراحل كبيرة جدا كانهم اقل عمرا.
الجانب الجيد برضو انه ما كان في اعراض جانبية تذكر و لا حتى حمى على حسب ما اتذكر في البحث.

بس دا كان في القرود (البنتشارك معاهم 93% من الحمض النووي) بس هل دا بيعني انها ح تنجح لي البشر ؟!
هل ح يتطور العلاج اكتر و يبقى تاثيره حتى على الشكل الخارجي ؟!

20/09/2025

هل ال HYS يعتبر مريض حقيقي ؟!

جاتنا female عمرها في بداية ال30 بتشكي من صعوبة في التنفس او على حسب قولها اما اهلها فقالو قلبها بوجعها ..

اثناء الكشف كل العلامات الحيوية طبيعية حتى ال heart sounds و ال respiratory و ال GCS فوق ال 10
المهم عملنا كل ما يلزم ال management حقت ال cardiorepiratory كاملة
لسة المريضة بتتنفس ب نفس الطريقة (بتوقف تتنفس عادي شوية و شوية ترجع للطريقة الاولى)
الفحوصات طلعت ..
نضيفة طبعا!
المهم شكينا انها HYS ف جيت قلت ل اهلها قدامها بصوت عالي الزولة دي اخدت علاج القلب و التنفس هسي شوية بترتاح لكن بالله ما تضايقوها بالكلام الكتير!
البيشن طوالي قالت : اي و الله انا لم اتكلم كتير بتعب هنا انا اتاكدت شكوكي
المهم واصلت توصيات على جوها من نوع ادوها راحتها و خلوها تسوي النفسها فيه .. الخ
بعد شوية الزولة بقت فل الفل و براها قالت خلاص انا ارتحت.
خرجناهم ب كاونسلنق محترم ف الاخر.

بس السؤال ليه في ناس بتعمل كدا و بتعب نفسها و اهلها و احنا معاها زمن و resorses و تفكير لانو اعتقد صعب جدا انك تحكم على العيان انه HYS لانو لو حكمك غلط ح يروح فيها و انت ما ح تنوم تاني .. ف ليه الناس بتعمل كدا و هل عندك تجربة مشابه ؟!

18/09/2025

ح تكون منو بعد 5 سنوات من الان ؟!

ح تكون القرارات البتتخذها
الكتب البتقراها
التمارين البتتمرنها (و الما بتتمرنها)
الناس البتمشي معاهم ( ناس كويسة ول لا)
الاكل البتاكله (صحي ول لا)

انت خلاصة افعالك اليومية.

ف خلي بالك من عاداتك اليومية و أسأل نفسك انا لو واصلت في العادة دي هل ح اوصل لرغبتي ول ح ابعد عنها ذيادة !

17/09/2025

عمرها يقارب ال60 سنة جات ضغطها نازل محمومة و disoriented اخدت, DNS and paracetamol

ال vitals ظبطت و مفروض كل شي تمام في الفحص طلعت عندها ملاريا
اخدت artsunate و باقي اللوازم... و بقينا منتظرين الحاجة تصحصح
الحمى نزلت و الضغط ظبط كل ال vitals فل بقينا شغالين يا حاجة امنة في حتة واجعاك .. يا حاجة سامعاني .. يا حاجة عارفة نفسك وين ؟! و لا كاني بتكلم و الحاجة صاحية بتعاين لكن كانها ما هنا
عملنا ليها فحص سكر RBG طبيعي
حاجة امنة ما عايزة تصحصح

في الاخر لم الكوبيشن فهم انه كل شي طبيعي فجاة الحاج (تقريبا زوجها او ولدها الكبير) نادى ليه شاب من بعيد كدا اتكلم معاه فجاة طلع علبة سجاير (انا واقف بعاين ليه) طلع ولاعة و لع سجارة انا قلت ليه يا زول انت قايل نفسك وين ؟؟
نفخ السجارة ف وش حاجة امنة !!
انا : يا زول انت نصيح ؟!
مدى السجارة لحاجة امنة .. حاجة امنة استلمت السجارة و بدت تدخنها
حاجة امنة صحصحت
انا بعاين ليها و لاهلها بكل تعجب الدنيا و هم عادين جداااا

في الاخر طلعت بتدخن من سنة 80 و كل اولادها عارفين بشربو معاها القهوة الصباح و هي بتدخن معاهم اثناء القهوة عادي ...
ف يا جماعة لو البيشن ما صحى الناس ترجع تاخد تاريخ مرضي كامل او تتونس مع المرافقين .. ما عارف الحكمة في القصة دي شنو و الله لاني لسة مستغرب من الحصل دا 😂

16/09/2025

لم يكون عندك حالة صعبة او جديدة معقدة مثلا ك سنير او جونير بتساال وين او بتمشي لمنو مصدر موثوق ؟!

15/09/2025

يا رب.

15/09/2025

مشاركة من التعليقات

مرة من المراير قاعد وخلاص على اخر الشفت داير اقفل وانا زاتي تعبان وداقاني ملاريا واموري جايطة
المهم جاني بيشن و٣ مرافقين راجلين ومرة وماشاءالله تبارك الله احجامهم كلها الصلاة على النبي بس
اول ماخشو علي قالو لي هوي يازول دايرين نفحص ملاريا وضنك ف انا بكل تلقائية قلت ليهم خشو للدكتور اول حتى تعالو بفحص ليكم قال لي ماشغلتك يازول انا بقيت اتلفت..قلت ليهو اقعد طيب داير اسحب منو العينة بدا يتجرس ويفرفر ف سحبت منو على مرتين وطلع برا..اثناء ما شغال ضميري وجعني قلت اطلع اشوفو لانو كان مكدس وياريتني ما طلعت😂طلعتي كدا مسكني كبكبني من قميصي وقال لي انت دخلت لي هوا يازول والمرافقين المعاهو يهيجو الزول دا كان كويس لمن جاك لكن دخلت ليهو هوا انت في الحقنة وهسا بقا ماكويس..وانا الساعة ديك في التحلني منو😂😂😂ياخوانا دي شغلة شنو..كيف كيف ماعارف اقنعتو يخش الدكتور اداهو بندول وامورو راقت شوية وفعلا طلع عندو ملاريا وضنك والحمى طلعت ليهو في راسو وبقا يهضرب..وهضرب بي انا زاتي اليوم داك وبقت لي تووووبة تاني😂😂😂

14/09/2025

هي نصيحة بسيطة بس بتفرق جدا لم تتقال!
بالنسبة للمريض المصاب بالحمى المالطية " Brucellosis"

عشان ما يجينا تاني بنفس المرض!
بس قبل ما نقول النصيحة دي كيف تعرف مريض الحمى المالطية من الأعراض (clinical feature) ؟!
لو فتحت اي كتاب ح تلقى الأعراض vag جدا يعني بتشبه أمراض تانية او اي مرض حرفيا .. يعني حمى و فتور و ارهاق و عرق الخ ..
ف المساكة الح تساعدك شنو ؟!
اهم شي التاريخ المرضي لأن و غالبا المرض منتشر ف الولايات اكتر بسبب التربية الحيوانية و كدا ..
ف بديهيات ح تكون خاتيها ف بالك او لو انت اصلا ف حتى endemic !
لكن لو ما كنت عارف الحاجة دي عموما ف التاريخ المرضي ح تلقى انو بتجيه الحمى دي ليها فترة و ح يكون اخد كم علاج و برضو ما راحت !
و اهم شي و العيان غالبا بنسى يوصف ليك : ح يقول انو انو و الله بتجيني حمى و بعرق و ما بقدر انوم ..
المساكة ف الحمى و العرق ديل الغالب و ف الحالات المتأخرة نسبيا الحمى عند ناس ال brucella بتجي بليل اما العرق ف بكون كثيييييف لدرجة بيجبر الشخص يغير الملابس !!! ودي اهم علامة بالنسبة للبروسيلا!
الحاجة التانية اللبن لانو اصلا ف معظم الأحيان لو المريض ما عندو احتكاك بالحيوانات بكون بشرب لبن ملوث و من غير ما يغليه كويس ! ......

طيب بالنسبة النصيحة بالبتساعدنا نتخلص من المرض دا و ما يتصاب لينا بيه نفس الناس تاني :
لو هو عندو حيوانات ف البيت ينظف الزريبا دي اول حاجة يعملها و ينظفها بكمامة ع الاقل !!
تاني شي يطعم كل الحيوانات العندو من ال brucella.
و بكدا ح تكون عملت خطوة مهمة جدا لكن أهل البيت و الجيران و الناس البتشتري من العيان لو كان تاجر !

و ضيف ع انو العلاج بياخد من شهر ل اكتر ف الموضوع مرهق جدا انو تاني المريض يتصاب.
وبس.

13/09/2025

بالنسبة لفحص ال widal للتايفويد:
مرة يتقال انه يعتمد عليه و مرة لا و مرة تسمع انه الوزارة موقفاه و مرة لا ..

نفهم الاتي:
1.نسبة ال sensitivity and specificity فيه 70%.

2.بالنسبة للشك بخصوص ال reliability السبب انه معظم ال serotypes بتاعت ال salmonella عندها somatic antigen متشابه ف لم يكون في reaction دا ما دليل على انه دا النوع المعين من ال salmonella بل دا بيعني انه في نوع من انواعها او بكتيريا من فصيلتها موجودة و الحاجة دي بتتاكد او بتتحل عن طريق ال culture.

3.ال reagent بيحتوي على antigens ف بتفاعل مع Ab المريض و معروف انه ال Ab بخصوص ال salmonella نوعين IgG و IgM و ال reagent (Ag) ما بتفرق ليك بين هذا او ذاك يعني بختصار ما بتفرق بين عدوى قديمة او عدوى جديدة.

و بس ف ممكن نستنتج من دا انه يمكن يعتمد عليه لحد ما و في الظروف العادية بيختصر عليك و بيوجهك لحل مناسب نوعا ما باخذ التاريخ المرضي بعين الاعتبار.

المصادر في التعليقات..

Othman Yousif

23/09/2025

23/09/2025

22/09/2025

21/09/2025

20/09/2025

18/09/2025

17/09/2025

16/09/2025

15/09/2025

15/09/2025

14/09/2025

13/09/2025

Address

Website

Alerts

Contact The Practice

Shortcuts

Share

Category