Global Health

21/04/2023

حنحارب المِحَن بالسعادة و المحبة

تقبل الله منكم الشهر الكريم وجعلنا من عتقائه والفائزين برضاه وجنانه

عيدكم مبارك و كل عام و إنتو طيبين، آمنين و معافين ، تامّين و لامّين، لا فاقدين ولا مفقودين ، وسط أهلكم و أحبابكم.. و أمانيكم محققة.. ربنا يسعدكم و يرضيكم و يرضى عنكم

إن شاء الله ربنا يعيده علينا في وطن سالم وآمن ومعافى

21/04/2023

‏لأننا مُسلمون
وتعظيم شعائرِ الله فريضة
(ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ).

عيد مبارك ، وكل عام وأنتم بألف خير
و حفظ الله السودان و عاد الامن و السلام

17/04/2023

فيا الخرطوم إذا نامت عليك عيون
تشوف الضلمة في الضحى
و النَهار مخنوق
و لو غنيتِ و الغُنا للسلام مخنوق
أعرفي إنك الزمن اللى جاي شروق
و أعرفي إنك .. الزمن الحبيب و حنون

اللهم احفظنا فى اوطاننا

17/04/2023

في حالة وجود اصابات نزيف

الاستجابة في حال وجود إصابات نازفة

أولا: تأكد من سلامة وأمان الموقع و/أو حاول إزالة المصاب من مكان الخطر
السلامة الشخصية دائما في المقام الأول حتى لا يصبح المصاب مصابان

ثانيا: قم بتنظيف موقع النزيف ثم قم بالضغط على مكان النزيف بضمادة او قطعة قماش نظيفة لمدة 10 إلى 15 دقايق حتى يتجلط الدم ، وفي حالة امتلاء الضمادة أو القماش بالدم قم بوضع قطعة أخرى دون إزالة الأولى

ثالثا: حافظ على ثبات المصاب بقدر الامكان ورأسه ممدود على مستوى الجسم

رابعا: تجنب تقديم الطعام والشراب للمصاب خصوصا في حالات الإصابات الكبيرة أو عند تدهور وعي المصاب


خامسا: محاولة نقل المصاب بصورة آمنة وسريعة لأقرب وحدة صحية حتى يتلقى الخدمة الطبية المناسبة

سادسا: فقط في حال تعذر وصول المصاب لأي وحدة صحية ينصح بتغيير الضمادة أو القماش بأخرى نظيفة تقليلا للالتهابات

سابعا: يوصى بعدم محاولة إزالة الرصاص أو الشظايا من جسم المصاب تحت أي ظرف من الظروف ، وتترك حتى الوصول للوحدة الصحية

16/04/2023

اللهم احفظ العباد و البلاد

16/04/2023

نصائح ل مرضى الفشل الكلوى في ظل الاوضاع دي و استحالة الذهاب للمستشفى

ربنا يحفظ البلاد و العباد

- مريض الغسيل مفروض شرابه من كل السوائل في اليوم ما يتعدى ال ٦ كبابي صغيرة.. في وضعنا دا.. نقصوا كمية السوائل.. وممكن يخت تلجة صغيرة في فمه.. ب تبرد عليه و ترويه بدون ما يحتاج يشرب كوباية كاملة
- الأكل ال فيه بوتاسيوم ما ياكله.. اللي هو للأسف في أغلب الأطعمة.. بس كتير في الفواكه ومن الخضار في الطماطم.. قاعد برضو في الجزر والبطاطس بس ممكن تنقعوهم في موية نص ساعة أو تدوهم سلقة خفيفة وتدفقوا الموية وتستخدموهم
الزيتون والكوسة والأسود البوتاسيوم فيهم قليل وكذلك الخضار الورقية.. ف سلطة فيها خيار و خس وفلفلية وبصل مثلاً مع حتة ليمونة أو جبنة ح تكون كويسة
- اللبن ومشتقاته فيها الفسفور.. لو احتجتوا تكتروا منها.. خلوا العيان يقرش حبوب الكالسيوم بدل يبلعها.. بيساعد إنه يطلع من الجسم.. كترة الفسفور ب تعمل كاروشة بايخة
- لو ما مريض سكري.. النشويات ح تكون خيار كويس.. رز مكرونة فطاير
- ما تتوتروا.. واسعوا خلال الأيام دي تلقوا مكان للغسيل يكون آمن وشارعه آمن
- لو حافظتوا ممكن بعون الله يستحمل أيام كتيرة
ربنا يعافي ويلطف ...

15/04/2023

اللهم أحفظ السودان وجنب أهله الفتن ما ظهر منها وما بطن، ربنا إنا نستودعك بلادنا السودان أمنها وأمانها وأهلها وأرضها وسماءها فاحفظها اللهم من كل شر بعينك التى لا تنام، وبقوتك التى لا تُغلب

اللهم سلّم.

14/04/2023

جمعة مباركة

12/04/2023

أعراض نقص فيتامين "د"
•الإصابة بالمرض، خاصة نزلات البرد.
•التعب والإرهاق.
•آلام الظهر والعظام.
• الاكتئاب.
•ضعف التئام الجروح.
•تساقط الشعر.
•آلام العضلات.

12/04/2023

ماتول هي قرية خلابة تقع بالقرب من كانور. لها شريط طويل يبلغ طوله حوالي 9 كم. ويوجد بحر العرب في الغرب وأنهار فالاباتانام في الشرق. متوسط ​​عرضها نصف كيلو متر. منطقة الساحل بها إطلالات ساحرة مع إزهمالا على البحر الشمالي. إنها أرض ساحلية جميلة بها أشجار جوز الهند وساحل ضحل ، من أفضل الاماكن للنزهة وصيد الأسماك، و الاستجمام المناظر الطبيعيه تساعد جدا في الإستشفاء، لابد ل اي شخص يسافر للهند ان يزورها

11/04/2023

رمضان قرب يخلص ونحن دخلنا علي العشر الأواخر تقبل الله منا ومنكم صالح الاعمال يارب العالمين، في ناس بتشتكي من ريحة الفم المتغيره ونقول الكريهه احيانا لما تكون قاعد في المواصلات يجيهو اتصال ويبدا يتكلم تطلع ريحه من فمو جد تكون نفسك تساعدو يتخلص منها، يلا الريحه دي تكون اغلب الأحيان من عدم نضافه اللسان جيدا بتتخمر بقايا الاكل وتطلع ريحه الكبريت المميزه،والتسوس والجيوب اللثويه بتخمر الاكل. محتاجين نراجع طبيب الاسنان باسرع فرصه،في روائح ناتجه من أمراض باطنيه وعضويه زي السكري بطلع ريحه الاستون والتهاب الجهاز التنفسي العلوي وارتجاع المريئ،اللوزتين، و الجفاف و أمراض الكلي تشبه اليوريا، وامراض الكبد بتطلع رائحه زي البصل الفاسد والسمك
ناس المصران العصبي عندهم البكتريا في المعده بتكسر وتخمر وتعمل اليوريا في المعده عشان كدا ناس المصران خاصه ايام الصوم ابعدو عن البصل والحليب والالياف صعبه الهضم وكل المهيجات عشان لو عرف السبب بطل العجب صاح ومانكون ندمن حبوب اللبراكس طول الزمن ....
ناس جرثومه المعده برضوا اليوريا بتتفكك في المعده عشان كدا نبعد من مهيجات زي الشطه والحوامض وياجماعه الشاي زاتو ما بنفع من الصباح وتكون جيعان ....
عشان كدا بنقول دكتور الاسنان مهم عشان تعرف سبب الريحة شنو و عشان معرفة كيف تتسوك والمعجون والفرشة البتتناسب معاك عشان اللبان ما حل ولا الغسول ما حل .....

11/04/2023

كتير من مرضى السكري بظنوا انهم ممكن يصوموا رمضان بغض النظر عن نوع السكري العندهم وعن اذا كان السكر عندهم منتظم او لا ..
ما اي مريض سكري بقدر يصوم لانه في حالات ممكن الصوم يؤثر على صحته
قبل رمضان بشهرين لازم تتابع مع دكتور عشان يوريك كيف تقدر تصوم من غير ما يحصل ليك اي ضرر ويشوف معاك اذا محتاج تغيير في جرعات الادوية وينظم معاك وقت تناولها.
الخطورة بتعتمد على نوع مرض السكري العندك .اذا كنت بتاخد ادوية بتعمل هبوط في السكر زي الانسلين اكيد ما زي لمن تاخد ادوية ما بتعمل هبوط زي الحبوب المنظمة.
اذا كان عندك مضاعفات السكري زي مشاكل النظر والاعصاب والقلب والكلى ده بزيد نسبة الخطورة من الصيام وممكن حالتك تسوء أكتر
عشان كده مهم جدا انك تتابع مع طبيبك قبل رمضان.
كمان مهم جدا يكون السكر التراكمي في الدم عندك منتظم قبل الصيام
وماتنسى تختار الاكل الفيه قليل من الكربوهيدرات والسكريات يعني مثلا ممكن تختار الرز الاسمر بدل الرز الابيض بس برضو يكون بكميات معتدلة.
لازم تشرب سوائل كتيرة خالية من السكر ما اقل من 8 كبابي في اليوم لانه الجسم بكون معرض للجفاف وده ممكن يؤدي لضرر في الكلى خاصة لمرضى السكري
ما تنسى كمان انك تشيك نسبة السكر عندك بانتظام عشان ما تتعرض لهبوط في السكر او ارتفاع في نسبة السكر
في اعراض لو حسيت بيها لازم تقطع صيامك مباشرة:
اول شي
اذا كان نسبة السكر عندك اقل من4 ملي مول خلال الصيام
او اكتر من 16 ملي مول
تاني شي اذا حسيت باي من الاعراض التالية : رجفة , تعرق, زيادة في ضربات في القلب , جوع, دوخة أو ارتباك

لمن تقطع صيامك ما تجري طوالي على الاكل الدسم الغير صحي , اشرب كمية كافية من السوائل واخد ليك وجبة صحية .

واولا واخيرا ما تنسى قوله تعالى سورة البقرة اية رقم 185 (ومن كان مريضا او على سفر فعدة من أيام أخر يريد الله بكم اليسر
ولا يريد بكم العسر) صدق الله العظيم