MuzMed Rx

MuzMed Rx Contact information, map and directions, contact form, opening hours, services, ratings, photos, videos and announcements from MuzMed Rx, Medical and health, السودان, Khartoum.

Muzamil Rx
بنقدّم ليك الطب ببساطتو، والوعي بقيمتو.
🎯 حالات واقعية • توعية صحية • تبسيط
نخلي كل بيت سوداني أقرب للفهم… وأبعد عن الخطر.
📌 الصفحة دي لكل زول:
الأب، الأم، الطالب، المريض، وأي زول داير يعرف صحّتو وين ماشّة.
📚 تابعنا… وخلّي الوعي يكون عادة

Non human beingsAbsolute animals
03/12/2025

Non human beings

Absolute animals

13/07/2025

🔥 تعرف على عدو صامت اسمه “التايفويد” 🔥
(وخصوصًا في فصل الخريف والأمطار)

التايفويد مش مجرد “حمى”…
هو مرض
💉 شنو هو التايفويد؟
مرض بسببو نوع من البكتيريا اسمه Salmonella typhi،
وبيتنقل عبر:
🚱 مياه الشرب الملوثة
🍛 أكل مُعدّي أو محفوظ بطريقة غير صحية
👐 أو حتى من يدين ما مغسولات كويس بعد دخول الحمام

⚠️ أعراضه بتبدأ خفيفة… لكن تتطور بسرعة:
• حمى ترتفع تدريجيًا
• صداع مستمر
• تعب شديد
• ألم في البطن
• إمساك أو إسهال
• طفح جلدي أحيانًا

🚨 ولو ما اتعالج بدري؟
ممكن يعمل مضاعفات خطيرة زي:
➖ نزيف داخلي
➖ ثقب في الأمعاء
➖ التهابات في أعضاء تانية

🛡️ الوقاية؟ بسيطة لكن فعّالة:
✔️ اغسل يديك كويس قبل الأكل وبعد الحمّام
✔️ اشرب موية نظيفة ومفلترة
✔️ اتأكد من نظافة الأكل والبائع
✔️ طعِّم نفسك لو في منطقة موبوءة

📌 والمهم: ما تتهاون بأي حمى مستمرة لأكتر من يومين، أمش المستشفى فورًا.

الصحة تبدأ من الوعي…
🩺
مزمل الجيلي

09/07/2025

‼️حالة اليوم :-
حاج كبير جاء بشكي وقال :-
من دخل الخريف، بدأ يعطس كتير، خصوصاً في الصباح، ومعاه رشح شفاف، وما في سخانة ولا كحة..فقال لي :-
الحالة دي بتجيني كل بداية خريف أو إذا جاء غبار أو مشيت محل البهايم . ..لكن. قاعد آخد ليهو مضاد حيوي وبعدي أيام وأموري بتزبط ..فالسنة دي أول ما جاتني الحالة دي مشيت الصيدلية جبت لي حبوب موكلان 1000
لكن هسي عندي 3 أيام…بعد أخدت الموكلان 1000
العطاس زاد، والرشح ما وقف.

الحاصل شنو؟
دي حالة حساسية أنف موسمية – مش نزلة برد، ولا التهاب بكتيري!

أعراضها:
• عطاس متكرر خصوصاً الصباح
• رشح شفاف
• حكة في الأنف أو العيون
• أحياناً تنفس من الفم بسبب انسداد الأنف

والمضاد في الحالة دي:
❌ ما بفيد ‼️ما بفيد ‼️ما بفيد
❌ كمان ممكن يعمل مشاكل في الجهاز الهضمي
❌ ويزيد مقاومة المضادات الحيوية لو حصلت ليك عدوى بكتيرية في المستقبل.

✅ العلاج الصحيح:
1.مضاد هيستامين (شراب أو حبوب)
2.بخاخ أنف مضاد للحساسية
3.تجنب مهيجات الحساسية فإذا كان لا بد لبس كمامة على الأقل .
4.في الحالات المزمنة → متابعة مع طبيب أنف وأذن

⸻

💬 رسالة اليوم:

“كل عطسة ما التهاب…
‼️⛔️الحساسية بتحتاج مضادات الهيستامين ، وليس المضادات الحيويه ‼️!”

🩺Muz Med Rx
د.مزمل الجيلي

🚨 حالة جديدة | في صباح شديد الحرارة، جات أم شايلة طفل عمره ٦ سنين للمركز الصحي.الولد كان مرهق، عيونو غائرة، جسمو ناشف، و...
07/07/2025

🚨 حالة جديدة |

في صباح شديد الحرارة، جات أم شايلة طفل عمره ٦ سنين للمركز الصحي.
الولد كان مرهق، عيونو غائرة، جسمو ناشف، ولسانو ناشف

قالت:
“من امبارح العصر بقى يسهل موية ساااي…واستفراغ. والأم قالت أنا قلت ولدي اتسمم عشان أكل ليهو أكل ساقط (بارد) فقامت أدتو قرض وسدر وعلاجات بلدية كتيرة لمّن غِلْبت حيلة وحاله ماشي أسوأ بعداك قررت تجيبو المركز 💔

لما كشفنا عليه، لقينا عندو:
🔹 إسهال مائي شديد جدًا (rice water stool)
🔹 جفاف واضح
🔹 ضغط منخفض
🔹 دقات قلب سريعة
🔹 وعيه بدأ يقل

التشخيص؟
✅ كوليرا (Cholera) – عدوى بكتيرية حادة من نوع Vibrio cholerae

⸻

⚠️ شنو الحصل؟

واتضح الطفل كان شارِب موية من الخور ( جدول المياه) الجمبهم ، والموية شكلها ملوثة ببراز شخص مصاب بالكوليرا

⸻

💉 العلاج؟

طوالي أدينا الطفل:-
🩸- محلول وريد (IV fluids) بكميات كبيرة عشان نعوّض الجفاف
🩸-مضادات حيوية مناسبة
🩸 أول ما بدأ يتحسن خليناها يواصل في محلول الإرواء ORS

الحمد لله، بعد فترة زمنية قصيرة ، حالتو بقت أفضل بكتير.

⸻

📌 الدرس المهم هنا:
🎁-الكوليرا ما بس “إسهال ساكت” — ممكن تودي للوفاة خلال ساعات لو ما اتعالجت.
🎁-أهم حاجة الموية النظيفة وغسل اليدين.
🎁-أي زول يلقى إسهال مائي شديد، لازم يمشي للمركز الصحي فورًا.
🎁-ما تعتمد على العلاجات البلدية بالذات في فترة الكوليرا
دي حالياً في السودان .

🩺. د.مزمل الجيلي

MuzMedRx 🩺

جانا شاب عمره ٢٣ سنة، بيشتكي من سخانة بتقطع، مع صداع شديد ووجع في المفاصل، وقال “مرات بحس إني داير أقي، ومرات بعرق عرق ش...
07/07/2025

جانا شاب عمره ٢٣ سنة، بيشتكي من سخانة بتقطع، مع صداع شديد ووجع في المفاصل، وقال “مرات بحس إني داير أقي، ومرات بعرق عرق شديد”.

سألناه:
–أخدت أي علاج؟
قال: “أيوة،أخدت حبوب بندول، وبعد داك مشيت الصيدلية أدوني علاج ملاريا بدون فحص، لكن ما جاب نتيجة!”

عملنا ليهو فحص دم (Thick blood film) وطلع موجب (positive) لملاريا ثم استخدم الICT لتحديد نوع الSpecies وكان :- بلازموديوم فالسيبارم (P. falciparum).

المشكلة؟
إنو أخد علاج غلط، وما كمل الجرعة، فدخل في مرحلة خطيرة.

بدأ يعاني من ضعف عام شديد، تكسير في الدم (Hemolysis)، وبدا يظهر عليه أعراض فقر دم حاد.

دخلناهو للعنبر وأديناهو العلاج المناسب عبر الوريد (IV Artesunate)، والحمد لله تعافى.
⚠️ العبرة من الحالة دي:
• الملاريا ما لعبة! ممكن تقتل لو ما اتشخصت واتعالجت صح.
• لازم تعمل فحص قبل ما تبدأ أي علاج.
• مش كل سخانة = ملاريا، ومش كل ملاريا = نفس النوع

د.مزمل الجيلي
Muz Med Rx. .

Address

السودان
Khartoum

Website

Alerts

Be the first to know and let us send you an email when MuzMed Rx posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category