Roshetta روشتة

14/06/2023

Roshetta

14/06/2023

06/06/2023

Roshetta medical application 🤍

03/02/2022

شاعر أنك بتضغط في نفسك عشان تدخل في قالب شَكَّلُه ليك المجتمع حولك؟

وهو لو قالب ثلاثي الأبعاد فده هيّن، الأسوأ منه يكونوا عملوا ليك إطار - فريم - ثنائي الأبعاد تضطر معاه تممممسح أبعاد شخصيتك وتخليها عبارة عن ورقة مسطحة عشان تدخل جوة الفريم ده، أوووعك كمان يناولوك إستيكة تمسح بيها ما تبقى منك ومن شخصيتك على الورقة عشان تفضل الورقة سادة ومتماشية مع الفريم البدائي بتاعهم ده

انت ما ورقة ولا مجسم ثلاثي الأبعاد جامد ومتحجر، انت كائن حي ربنا حباك بقُدرات وأبعاد متعددة، وأداك المقدرة على النمو والتطور والإبداع

يبقى اسمح لنفسك وللآخرين باكتشاف وبلورة جوانب وأبعاد شخصياتكم المختلفة طالما ما بتعملوا في شي يغضب رب العالمين

وأدوا بعض مساحة آمنة للتعبير عن جوانبكم المختلفة واتعرفوا على نفسكم وعلى بعض كمان وساعدوا بعض على الإبداع، والاختلاف بيناتنا مكسب وسمة ربنا جعلها فينا، والمفروض نستفيد منها، لأنه ربنا تعالى قال:

"وجعلناكم شعوباً وقبائل لتعارفوا"

فأكييييييد ما كلنا واحد وأكيد ليس هنالك قالب موحد للجميع، واختلافاتنا دي هي سبب لإثراء مجتمعاتنا

@روشتة نقول لا للقولبة والتأطير
@روشتة نقول لا لقتل الإبداع
@روشتة نقول لا لقتل الرؤى والأحلام

28/01/2022

عايزين نتكلم أكثر عن السلوك العدواني السلبي لكن المرة دي بعفوية أكثر، بلهجتنا الحلوة، لأنه فايدة الكلام شنو لو ما وصّل الفكرة والإحساس؟!!

يلا في ناس لذيذة كده ودمها خفيف شديد وبيتصرفوا بعفوية، شي هزار، شي مشاغلة، وممكن يزعلوك من غير قصد ومن غير انتباه، أو حتى ممكن يكون الخطأ في تصرفهم من منظورك انت الشخصي فقط على فكرة، وتقوم انت كرد فعل عشان تحسسهم بغلطهم اللي في رأيك فادح تزعل وتنقبض منهم وتقبل وشك بعيييييد لما تشوفهم، يجوا يسلموا تقوم تسيبهم وتمشي، يتصلوا بيك ما ترد، يكتبوا ليك تتجاهل رسائلهم، تخليهم يهروا وينكتوا في نفسهم أنه الحاصل شنو يا رب؟! اللي زعلك منو؟! انت زعلان مني؟! أنا عملت شنو؟! وريني بس، أشرح لي، فهمني، قول أي كلمة عليك الله ما تسيبني محتار ومصدوم

وموقف تاني بيتكرر أنه انت زول كويس ووعدت زول تاني أنك حتعمل ليه حاجة معينة طلبها منك، وبعد ده ما قدّر وجا غلط في حقك مع إنه هو اللي محتاجك، نقول فعلاً احتمال كان قاصد يزعلك لأن به بعض الجهل، وبرضه نقول أنه احتمال ما كان قاصد، على كل حال انت زعلت وقمت من كتر الغيظ كرد فعل قلت ليه: غلطان أنا ذاته اللي وعدتك أعمل ليك أو أجيب ليك حاجتك يللا أنسى بعد ده أمشي شوف منو اللي حيعملها ليك! فتسيبه محطم ومنهار ومقهور

يا جماعة نتمنى أنه تقدروا تحلوا الموضوع بطريقة أبسط وأفضل من كده عشانك وعشان الطرف التاني، يعني إذا زعلت من زول فهمه بالواااااضح كده عدييييل أنه غلط في شنو من وجهة نظرك الشخصية، ما تستعجل تسفهه وتعاقبه وتدمر ليه نفسياته، فاهمين والله احنا أنه ممكن يكون هو اللي فعلاً ابتدا وزعلك، لكن برضه انتبه لأنه ممكن تكون انت اتحاملت عليه بزيادة، فخليك انت الواعي والكبير بعقلك وبسعة صدرك وحاول فهمه، قول ليه على فكرة انت زعلتني شديد لما عملت كده وكده ولو سمحت المرة الجاية انتبه لشعوري، واصبر شوف ردة فعله، إن شاء الله حيفهم ويعتذر ليك ويراضيك كمان ما انت ع العين والراس، وكده انت بتكون ما سبت ليه عذر ذاته المرة الجاية يزعلك، لكن برضه، عشان انت كبير القلب، لو زعلك تاني حتديه فرصة تانية وتالتة كمان يتعلم فيها وحتشرح ليه تاني وتالت، ما هم كلهم أهلنا وأحبابنا وأصحابنا وجيراننا وزملاؤنا ومعارفنا، ما احنا بشر بننسى وبنحتاج مرات تكرار حتى نتعلم، يعني العبد الصالح اللي لاقاه سيدنا موسى عليه السلام أدى سيدنا موسى بدل الفرصة تلاتة، فما بالك بينا احنا العاديين

فرفقاً ببعضنا البعض عشان نفسنا وعشان بعضنا

احنا في روشتة ما بس بتهمنا الصحة الجسدية ولكن بيهمنا المفهوم الشامل للصحة بجوانبه النفسية والاجتماعية، وجزء منها أنه نخلي تعاملاتنا أرقى مع بعض عشان صحتنا

فلو انت عانيت قبل كده أو حالياً بتعاني من سلوك الناس العدواني السلبي معاك فالبوست ده ليك عشان تعرف أنه احنا معاك وأنك ما براك وإن شاء الله لقدام نوريك كيف تتعامل مع العدوان السلبي بالذات إذا في ناس طوالي بتحاول تديك احساس أنك غلطان ويضغطوك نفسياً بالعدوان السلبي

ولو انت الطرف التاني وحتى لو ما "متعمد" تكون ردة فعلك بطريقة عدوانية سلبية (حسب التعريف الرسمي في البوست السابق)، ولكن بسبب عدم المعرفة (وليس عن سوء قصد) كانت ردة فعلك للزول اللي زعلك فيها تصرفات عدوانية سلبية، فالبوست ده برضه ليك ونتمنى أنه نكون وصّلنا ليك إحساس الضرر النفسي اللي ممكن تكون بتتسبب بيه من غير قصد لناس انت بتحبهم وأكيد يعني ما حيرضيك

واحنا في روشتة بنؤمن أننا احنا السودانيين أصيلين وكويسين بس محتاجين ننبه بعض بلطافة كده لبعض الأشياء عشان مجتمعنا يبقى أحلى وأحلى وكلنا نعيش فيه مرتاحين نفسياً مع بعض ونقدر نطور نفسنا فيه مع بعض وعشان بعض

Roshetta believes in kindness towards one another, respect for each other and patience with each other 🙏🏽

27/01/2022

ما هو السلوك العدواني السلبي (Passive aggressive behaviour)؟

هو سلوك متعمد من شخص ما يكون كرد فعل على انزعاجه أو غضبه من تصرفات شخص آخر، فيهدف برد فعله العدواني السلبي إلى الإيذاء بطرق غير صريحة تنفيساً عن مشاعره السلبية، ومن أنواع هذا السلوك على سبيل المثال لا الحصر:

1. تجاهل محاولات الآخرين في التواصل
2. الصمت (تسفَهُم يعني بلهجتنا 😅!)
3. التراجع عن تنفيذ وعود مقطوعة

وهو بهذا يكون نوع من أنواع العقاب والتحكم والتلاعب بالنفسيات.

@روشتة نقول لا للسلوك العدواني السلبي
@روشتة نقول لا للعدوانية
@روشتة نقول لا لأذية الآخرين بأي شكل من الأشكال

👍🏽 لايك إن كنت توافقنا الرأي 👍🏽

Roshetta believes in saying "NO 🚫❌⛔️" to passive aggression!

27/01/2022

روشتة - معاً من أجل سودان أكثر صحة.. سوادن أفضل لنا جميعاً

Roshetta - Together for a healthier Sudan.. a better Sudan for all of us

Roshetta - Ensemble pour un Soudan plus sain.. un meilleur Soudan pour nous tous

27/01/2022

الصحة هي حالة من اكتمال السلامة "بدنياً وعقلياً واجتماعياً"، وليس مجرّد انعدام المرض أو انعدام العجز. (منظمة الصحة العالمية)

Health is a state of complete "physical, mental and social" well-being and not merely the absence of disease or infirmity. (World Health Organization - WHO)

La santé est un état de complet bien-être "physique, mental et social" et ne consiste pas seulement en une absence de maladie ou d'infirmité. (l'Organisation mondiale de la Santé - OMS)

27/01/2022

فيديو ويبينار د. ريم مله عن كوفيد-19
Dr. Reem Mulla's webinar video on COVID-19