Shiny dental clinc

27/01/2023

❤️❤️❤️
حالة علاج جذور وتيجان زيركونيون عالية الجودة للثنانيا الرباعية 🌺
تواصل معنا عبر الماسنجر او الواتساب من الصفحة للتفاصيل عن عرض شهر اكتوبر ⁦❤️⁩
we help you to shine ✨

27/01/2023

21/01/2023

19/01/2023

اسمع مننا
اتسوك قبل تنوم ⁦❤️⁩🦷👅

19/01/2023

قبل مانتكلم ليكم ع بخاخ الشعر...(هير جرو)

عايزين نقول ليكي..

تخيلي في البيت عندكم شجرة ليمونة... الشجرة دي ماف زول مهتم بيها اطلاقا... قامت نشفت...والورق بتاعها بقى (يصفر) وخلاص دايره تموت...🙋

تقومي انتي فجاة كده تتذكريها... وتسقيها موية مبدئيا كده...تقوم تخضر..والصفار يقل...🙋

تقومي تقلبي التربه عشان التهوية وكده... الشجرة تكبر وتخضر اكتر...

تقومي تديها سماد..الشجرة تنور وتدي ليمون كتير...💁💁

يبقى دي ياها احتياجات الشجرة الطبيعية... يعني ما ممكن نقول... الموية خلت لينا الشجرة تجيب ليمون كتير... ما هو من غير الموية الشجرة ما بتجي نهائي...🤷🤷

يبقى شنو؟!🙋🙋

بنفس المقياس.. بصيلة شعرك دي..محتاجه لي فيتامينات كتيرة حسب الدراسات...💁💁

منها فيتامين سي..وفيتامين دال..وفيتامين E ومحتاجه لي عنصر الحديد..ومحتاجه لي اوميقا ثري واوميقا 6... ومحتاجه لي فوليك اسيد...🙋🙋

الفوق ديل كلهن كده مع بعض اعتبريهن ياهن الموية وياها الحوجة الطبيعية ب النسب اليومية المتاحة...💁💁

ونحن كلمانك قبل كده انك في فترات الدورة الشهريه وغيرو..بتفقدي مع الدم كميات كبيرة من الفيتامينات والمعادن..يبقى لازم تعوضيها مع بعض...وده ب انك تمشي الصيدلية وتقولي دايرة فيتامين(فيهو فيتامينات متعددة) زي الفوق دي...🤷🤷

الحاجات دي مع بعض..ضرورية شديد في انها تقلل تساقط الشعر وتحافظ عليهو بي شكلو الطبيعي...🙋

خصوصا في دراسات اثبتت انو نقص فيتامين دال ومستويات اقل من الفوليك اسيد والزنك ديل ممكن يتسببنا لبعض الفئات ب تساقط الشعر والثعلبة المناعيه الذاتية...💁💁

وفي دراسة اتعملت في 2015 على الاوميغا ثري والاوميغا 6 لقو انهن بيساعدن في الحماية من تساقط الشعر..وبيعززن من جودة فروة الراس بحيث انها تكون بيئة خصبة لنمو الشعر...💁💁

ف شنو؟!

الموية للشجر مهمة...🤷🤷

واعتبري الحاجات الفوق دي موية لي شعرك..يبقى لازم تتحصلي عليها..سواء في الاكل..ده لو كان انتي متبعه نظام غذائي مناسب بيحتوي على بروتينات وفيتامينات بتكفي الحوجة..اليومية بتاعتك.....او ك مكملات خارجية..ممكن تتحصلي عليها من الصيدليات.. 🙋🙋

نرجع للبخاخ...

يلا البخاخ ده بيستخدموهو ع فروة الرأس حسب التوجيهات... مرة او مرتين في اليوم...

بيعمل حاجتين:
بيحفز نمو الشعر...وبيمنع الشعر من التساقط...

بس في حاجه لازم تلتزم بيها..انو فعاليتو بتكون افضل وبتزيد كل ما استخدمنا معاهو علاج تاني ...زي الفيتامينات الفوق دي...لنمو الشعر ومنع تساقطه..

عايزين نقول ليكي ي محاسن والبلولة..انو عشان البخاخ ده يدي نتيجه غالبا بتاخد وقت..من 3 لحدي 6شهور...

ف متى ما بديت في استخدامه حتلاحظ بداية النمو ده كل يوم... بس وقت ماوقفتو الشعر حيرجع يتساقط..طالما ماملتزم ب التوقيت..وكذلك استخدام وسيلة اخرى لنمو الشعر...

البخاخ ده مرخص من منظمة الغذاء والدواء الامريكية منذ 1986 لغرض تحفيز نمو الشعر..وبيجي بي تركيز 2% واحيانا تراكيز اخرى..

بيستخدم لعلاج الصلع الذكوري... وكذلك الصلع الانثوي..

وبتصرف من غير وصفه طبية كذلك..في شكل سائل او رغوة...

عموما تفسير الطريقة الدقيقة اللي بيخلي بيها الشعر ينمو الى الان غير معروفة...

بس الارجح انو بيقلل الالتهابات..وبيوسع الاوعية الدموية..وده بيساعد بصيلة الشعر في النمو...

البخاخ بتاع (الهير جرو) مينوكسيديل ده..بيشتغل في نوع معين من انواع الصلع...

وبيشتغل في نوع معين من الصلع الوراثي.. خصوصا تساقط الشعر في قمة فروة الرأس...

ف كل ما لاحظت انو شعرك ماشي يتساقط وبديت فيهو طوالي..بديك نتائج افضل وسريعه...

ف لو اتجاهلت موضوع تساقط الشعر ده..ولحدي بقيت اصلع..فهنا ممكن ما ينفعك...

في عام 2002 في دراسة اتعملت في ذكور..لمدى 48 اسبوع... خخلوهم يستخدمو مينوكسيدل 5بالمئة...

ظهرت فيهم نتائج زيادة الشعر بي صورة رهيبة....تصل لي 45بالمئة..وكذلك منع التساقط...

ده غير انو الحاجه دي نفسيا كانت للمشاركين كويسة جدا وعززت من ثقتهم ب انفسهم..

المينوكسيديل ده..برضو ممكن يستخدمنو النساء لمنع التساقط...

في دراسة اتعلمت على النساء في عام 2004 اثبتت انو البخاخ ده بي جرعات 2 بالمئة او 5بالمئة..ساعدت النساء في التخلص من تساقط الشعر..

بس في نقطه مهمة..

لو كنتي بترضعي.. ف البخاخ ده غير آمن بالنسبة ليكي..ولو كنتي حامل كذلك..

وفي فئات برضو ما صح تستخدمو..

زي اللي عانو من تساقط شعر فجائي... او عمرهم كان اقل من 18 سنة..او تساقط الشعر بعد الولادة...

في دراسة اتعملت في 2003 اثبتت انو بخاخ المينوكسيديل(هير جرو) آمن تماما... بس فيهو بعض الاثار الجانبية...

ف لو بتعاني منها الافضل توقفو وتراج الطبيب...
زي تهيج فروة الرأس...

زي نمو الشعر في الجبههاو في العينين...

ف نصيحتنا ليكي ونصيحتنا ليك...

لما تستخدم البخاخ ده لي فروة الرأس..اوعى تخليهو يترش على وجهك..لانو ممكن يخلي الشعر ينمو في وجهك..وفي مناطق قد تكون مزعجه..زي الخدود او الجفون...

ماتنسى انو عشان تظهر نتايج بيحتاج من 3 شهور لي 6 شهور...

مممكن في بداية الاستخدام تلاحظ تساقط الشعر لمدة اسبوعين..وبعديهو بيرجع عادي... وزي ما قلنا ليك..عشان يديك نتائج ممتازة لازم تستخدم معاهو وسيلة زيادة للشعر اخرى..

زي تاخد فيتامينات...سواء تبلعها..او كريمات او منتجات بتحتوي على فيتامينات موضعية لتغذية فروة الرأس...

وقعت؟!



Ref:

الصورة مصدرها https://www.tabithafhair.com/post/is-minoxidil-right-for-you

لتبيين فعالية المنيوكسيديل لتساقط الشعر عند النساء..والصلع اللي بيكون في مقدمة الشعر..

https://onlinelibrary.wiley.com/doi/full/10.1111/1745-7599.12030
https://www.accessdata.fda.gov/drugsatfda_docs/nda/2006/021812s000TOC.cfm

https://pubmed.ncbi.nlm.nih.gov/34159872/

https://www.aad.org/public/diseases/hair-loss/insider/begin

https://linkinghub.elsevier.com/retrieve/pii/S0190962203036922

https://www.ncbi.nlm.nih.gov/pmc/articles/PMC6691938/

https://www.accessdata.fda.gov/drugsatfda_docs/label/2015/019501Orig1s029lbl.pdf

https://www.healthline.com/health/what-makes-hair-grow

https://pubmed.ncbi.nlm.nih.gov/25573272

19/01/2023

⭕الاسكرين شوت ده شكلو امس...:

قبل فترة قصيرة اتكلمنا عن انو في ادوية اسمها مضادات هستامين...

مضادات الهستامين دي حسب تحذير جهات عديدة بما فيها مراكز التحكم ب الامراض الامريكية CDC وحسب تقارير كتيرة اتنشرت...انها غير محبذة للاعمار دون السنتين..الا لو بمتابعه طبيب في مستشفى...

يعني حتى في ادوية الكحة بتاعت الاطفال...لو عمرهم مافات السنتين وعايزين تخففو ليهم الكحة..اوعاكم تمشو الصيدلية وتشترو ليهم مضادات هستامين ساي... عارفين ليه؟!

لانو قاتلة حرفيا كده وبتعمل حاجة اسمها Brain death اي بمعنى قاتلة لادمغة الاطفال دون السنتين.. والدراسات بتتكلم عن الحاجة دي وعندها تقارير حقيقية...

وفي نوع منها ما بيتاخد الا فوق لل 14 سنة...يعني غير آمن للاعمار الاقل من كده..حسب تقرير لمراكز التحكم ب الامراض..وحسب كتب علمية كتيرة ضمنها BNF...

التحذيرات دي اتخطت مرحلة انو تدوها الاطفال..لي مرحلة انكم لو بترضعو اطفالكم الافضل تستشيرو الصيادلة والدكاترة بخصوص اارضاعة...

يلا نجي للبمبي وكلام اختنا التحت...

البمبي ده اسم شائع..بس المادة العلمية اللي فيهو ياها ال Cyproheptadine...
المادة دي..تابعة لمضادات الهستامين اللي فوق...وممنوع تتاخد للاعمار دون السنتين..الا لو بي استشارة طبيب ومتابعة ل حالة مرضية خاصة...

⭕الاشكالية زي ما اتكلمنا قبل كده..انو في نسوان...بقولو اولادهم مزعجين..ف بقومو بكسرو ليهم الحبوب في العصير..او في الحليب شان ينوموهم ومتناسين الحاجات الفوق دي...

وياها النومة الابدية...

ياخ حتى الجرعة اللي بدوها ليهم بتكون جرعة عالية شديد...تقتل الكبير قبل الصغير..وتعمل ليهو مشاكل كمان...لانو بشتروها ك ادوية مهربة وبتجي في اابوتيكات وغيرو...

اختنا دي لخصت لينا كل كلامنا اللي قلناهو للاسف...والعاقبة كانت وخيمة جدا...

الله يرحم ولدها ويصبرها ويصبر ذويها...



Alshreef Alfadol Adam

19/01/2023

خيط الاسنان
موضوع ما صعب وبسيط لكن الفايدة كبيرة ⁦❤️⁩
خليهو جزء من روتينك اليومي

19/01/2023

18/01/2023

بعض العادات الضارة

دي اسمها اللهاة...💁

طبعا من العادات السيئة جدا اللي بيمارسوها بعض القبائل تجاه ابنائهم..انو بيقطعو ليهم (اللهاة)...😔

بيقطعوها براهم كده لي اطفالهم..من غير حوجة صحية للحاجة دي...او تتعمل بواسطة دكتور يعني...😔

لما نقول حوجة صحية بنقصد انو اللهاة دي ذاتها اساسا عندها دور معين... ما بيتم قطعها او ازالتها..الا لما تكون في اشكالية...🤷

دور اللهاء دي بيتمثل في انها لما انت تاكل بتمنع انو الطعام والسوائل انها. تصل لي انفك....💁

في حالات مرضية معينة وعن طريق اطباء معينين بيتم فيها عمليات جراحية لازالة اللهاء..ي جزء منها او كلها... ودي في حالات الانسداد النومي اللي بيتم فيهو قطع تنفس الطفل...💁

بس للاسف في اولياء امور بيمارسو العاددة دي في بعض القبائل الموجودة هنا في السودان وبيقطعو اللهاة للاطفال وبيجعلوهم عرضة للنزيف...ومنها الموت...😔

ده غير انو في ناس في مناطق معينة بيتم فيها قطع اللهاة للطفل في اليوم السابع من الولادة بي حجة التقاليد...عندهم اعتقاد انها بتمنع الموت...💁

للاسف الحاجة دي ضارة...وكتير من الاطفال بموتو بي سببها...وللاسف العادة دي ما زالت ترتكب ك جريمة في حق الاطفال ديل....💁

Alshreef Alfadol Adam



Ref:

https://jamanetwork.com/journals/jamadermatology/article-abstract/1557766

https://intermountainhealthcare.org/ext/Dcmnt?ncid=529310824

http://doi.org/10.1001/jamadermatol.2013.1128

https://www.ncbi.nlm.nih.gov/pubmed/29997076
https://www.sleepapnea.org/treat/sleep-apnea-treatment-options/sleep-apnea-surgery/

http://www.winchesterhospital.org/health-library/article?id=902800

17/01/2023

عرض التبييض من عيادة اسنان مجمع مريود ام درمان لفترة مخدودة

بمبلغ 40.000
للحجز والاستفسار : 0996080747