https://www.facebook.com/124043544129770/

Medical Posts By Riyan Salah, Nuri (2026)

01/10/2024

واحدة الفاينل بتاعها باقي ليهو إسبوع، فجأة جاها رشح وإلتهاب، أو ملاريا أو... 😂 كييف دي؟!!

_ مع التوتر وال stress بتاع الإمتحانات، دا stimulant للcortisol عشان يطلع من الadrenal gland ، من الZona fasiculata ، وال cortisol دا بيمشي بالإضافة لشغلو على مستوى الجلكوز( طبعا برفع مستوى الجلكوز في الدم) عن طريق mechanisms معينة، بالإضافة لكدة بمشي للimmune system ، ناس الmonocyte _ lymphocyte _ basophil بيثبطهم، ف هو بقلل ليك أعراض الinflammation وكدة لأنو بقلل leukotriens _interleukin وغيرهم.

ففي حالة الstress حيطلع وحيحصل تثبيط للimmune system وحتبقى عرضة للinfections .

_ الحل شنو؟! نوقف القراية العاملة stress دي😂.

_ هو عموما الstress هنا م مقصود بيهو stress القراية بس وكدة، عموما، حتى الtrauma بتعتبر stress.

_ ريان صلاح.

08/04/2024

بسم الله الرحمن الرحيم.

💢 تعال أعرف علاقة الtryptophan والNiacin على السريع كدة♡

الtryptophan دا عبارة عن amino acid بيتحول جزء منو لي فيتامين B3(niacin) في وجود co_enzyme إسمو B6 (pyridoxal phosphate).

60 mg tryptophan 🔜 1 mg niacin

التفاعل دا بيتم في وجود B6، ونقص الB3 بيسبب لي مرض إسمو pellagra، طيب من التفاعل الفوق دا متين بيكون عندي نقص الB3؟!

1- tryptophan deficiency

2-B6 deficiency

💢طيب متين ممكن يكون عندي pellagra؟!

1_ niacin (B3) deficiency.

2_ hartnup,s disease
دا مرض كدة بيكون فيهو مشكلة في tryptophan absorption والtryptophan reabsorption من الkidney بالتالي ماهيكون عندي tryptophan يتحول لي niacin.

3_ Argentinafenoma
عندي خلايا إسمها argentafin cells دي بتاخد جزء من الtryptophan تحولو إلى serotonin ، طيب لو حصل فيها tumor، بتشيل كل الtryptophan وتحولو إلى serotonin ، وبالتالي برضو ماحيكون عندي tryptophan يتحول إلى niacin.

4_ isoniazid
المصابين بمرض السل الرئوي وبيتعالجوا بالisoniazid معرضين لأنو يكون عندهم B3 deficiency ليه؟! عشان الisoniazid بيرتبط لي مع الB6 ويطلعو عن طريق الkidney و الB6 نحن محتاجين ليهو ك co_enzyme في التفاعل الفوق.

💢 لمحة عن المرض:
ال pellagra دا بنسميه مرض ال4ds، أربعة حاجات فيهو بتبدأ بحرف الd:
1_ diarrhea (GIT)
2_ dermatitis (skin)
3_dementia (CNS)
4_ death if not treated

# RaySal

# Vitamins

27/10/2023

بسم الله الرحمن الرحيم

_علاقة الspleen (الطحال) بالplatelets (الصفائح الدموية) شنو؟!!!

_بعد تصنيع الplatelets:
_70% من الplatelet بمشي الblood طوالي.
_30% من الplatelet بيمشي الspleen يحصل ليهو stored هنااك.

_فعشاان كدا لو مثلا زول عندو thrombocytopenia وعملوا ليهو splenectomy بنلقى أنو كمية الplatelet في الدم بتزيد !!! عشان نحن إستئصلنا المخزن بتاع الplatelet فبالتالي الكمية المتصنعة كلها هتنزل الblood.

by RaySal.

27/10/2023

بسم الله الرحمن الرحيم

_سرطان الدم غالبا بيكون في خلايا الدم البيضاء leukemia، ليه؟!!!

عشان الlife span (فترة الحياة) بتاعتها قصيرة جدا (8days)،وعددها قليل، عشان كدا بتكون طواالي في حالة تكاثر سريع، وإحتمالية أنو التكاثر دا يخرج عن المنظومة الطبيعية بيكون وارد.

_ لو جيت عاينت للbone marrow بتلقى %75 من الخلايا فيهو عبارة عن WBCs precursor، و %25 من الخلايا عبارة عن RBCs precursor، بالرغم من أنو عدد الRBCs أكتر من الWBCs، لييه؟!!

لأنو الWBCs الlife span بتاعتها قصيرة جداا مقارنة بالRBCs وأعدادها بسيطة برضو، فعشان كدا بيكون فيها precursor أكتر مقارنة بالRBCs في نفس الفترة.

by RaySal.

17/10/2023

بسم الله الرحمن الرحيم
🤍🔥 Fat Soluble Vitamins : 🔥vitamin D:

💢🔥إسمو calciferol أوcalcitriol.
🔥calciferol:

_ calci : فيتامين ليهو علاقة بالكالسيوم
_ ferol : فيتامين

🔥 calcitriol:
_calci : من الكالسيوم
_triol : الفيتمين فيهو تلاتة هيدروكسيل قروب

💢🔥Active form of Vitamin D:

🔥 1,25dihydroxycholicalciferol.

💢🔥 vitemers of VD: D2,D3

دي أشكال لي نفس الفيتمين، فيتمين D2 في الplant، وفيتمين D3 في الanimals.

💢🔥 provitamin:

_ 🔥 in plant (ergosterol)

_🔥 in animal and human ( 7 dehydrocholesterol)
كوليستيرول منزوع الهيدروجين من الكربونة السابعة.

💢🔥 sources of V D:

1_ ultraviolet rays of sun generate VD from provitamin ( ergosterol in plant) and from (7dehydrocholesterol in animal and human)

يعني الأشعة فوق البنفسجية لمن تسقط على الجلد بكون في فايتمين D لكن بكون in active ،
مثلا في الإنسان بكون في شكل 7dehydrocholesterol دا الprovitamin لمن تسقط عليهو الأشعة بيتحول ليcholicalciferol ومنها بيمشي الliver وفي الliver بيحصليهو hydroxylation بي إنزيم الhydroxylase لكن في الكربونة رقم 25 فبالتالي أسمو حيكون 25monohydroxycholicalciferol بعداك دا يمشي الkidney . طيب دي فيها 2 enzymes، واحد بيضيف هيدروكسيل قروب في الكربونة 24 ودا شكل غير نشط لي فايتمين D والتاني بيضيف هيدروكسيل قروب في الكربونة الأولى وإسم الإنزيم دا ألفا 1 hydroxylase، بينتج المركب 1,25dihydroxycholicalciferol ودا الactive form لي فايتمين D.

2_ liver, egg, yeast and fish liver oil.

💢🔥طيب وظائف الفيتامين دا شنو؟!

🤍🔥_normalization of serum calcium:

بيحفظ مستوى الكالسيوم الطبيعي في الدم اللي هو المفروض يكون 8,8_10,2 mg/dL ودي تعتبر أهم وظيفة ليهو.
💢🔥 لمن يقل مستوى الكالسيوم في الدم عن 8,8 بتسجيب الparathyroid gland وبتفرز هرمون PTH وبرضو بيزيد عندي مستوى فايتمين D وطيب الأتنين ديل المفروض يرجعو لي الكالسيوم لي مستواه الطبيعي، كيف؟!
1_ reabsorption of Ca2 from kidney.

2_ stimulate synthesis of calcium binding protein (calbindin) in intestine which responsible for calcium absorption.

🔥طيب نتكلم هنا شوية، قلنا كان مستوى الكالسيوم بسيط في الدم تمام؟! الparathyroid gland فرزت الPTH دا عايز يزيد نسبة الabsorption بتاع الكالسيوم من الintestine طيب حيعمل شنو؟! حيمشي ينشط الأنزيم اللي أسمو ألفا 1 hydroxylase القبيل قلنا بيحول ال25monohydroxycholicalciferol إلى 1,25dihydroxycholicalciferol طيب بالتالي كدا حتزيد كمية vitamin D 3 ودا بيشتغل شغل الGenomic action(معلومة: الfat soluble vitamins بيشتغلو كهرمونات ياهو بالGenomic action) طيب يعني VD3 حايعمل gene activation ويتصنع mRNA ودا يترجم لي بروتين إسمو calcium binding protein يعني البروتين اللي حايرتبط مع الكالسيوم عشان تتم عملية الإمتصاص، كدا زودنا الabsorption of calcium
🌚🔥.

3_ resorption of bone.
ايي عديل كدا تكسير العظام، طيب كيف ونحن عارفين أنو فايتمين D بيساعد في تكوين العظام؟! لأنو هنا نحن في حالة نقص الكالسيوم ومحتاجين نبقيهو في الرينج الطبيعي فبالتالي VD3حيمشي العظم يكسرو ويطلع منو الكالسيوم لأنو قلة الكالسيوم بتسبب مرض الtetany ودا بيؤدي للوفاة عادي عشان كدا الجسم بيلجأ للحل دا، ( أحسن ليك يتكسر عظمك وتتألم حبتين من تموت نهاي صح؟! 🌚).
🤍🔥 _mineralization of bone

ودي الوظيفة التانية لكن في حالية الكالسيوم في الدم طبيعي،بالتالي كمية VD3 حتكون موزونة ويمتص الكالسيوم والفوسفيت ويوديهم العظم، أما العكس تمااما لو كانت كمية فايتمين D كتيرة معناها في مشكلة في الكالسيوم معناها بدل يبني العظم حايكسرو.
🤍🔥_ absorption of phosphate from intestine.

🤍🔥_ synthesis of osteocalcin (calcium binding protein in bone)
عندي 1,25dihydroxycholicalciferol بيحفز تصنيع ال pro osteocalcin ، طيب البروتين دا لازم يكون فيهو 2 كربوكسيل قروب حتان يرتبط فيهو الكالسيوم الموجود في الbone، وهنا بيجي vitamin K وهو بيضيف الtwo كربوكسيل قروب يعني بيحولو من pro osteocalcin لي osteocalcin . يعني فايتمين D بيصنع الpro osteocalcin ودا بروتين بيرتبط بالكالسيوم في الbone.

💢🔥 طيب نفرق بين calindin والosteocalcin ( واحد في الintestine وواحد في الbone).
💢🔥طيب لمن الكالسيوم يكون كتير في الجسم عن المستوى الطبيعي يعني أكتر من 10,2 هنا بتستجيب ليهو الc cell الموجودة في الthyroid gland وبتفرز لي هرمون أسمو calcitonin ودا بيقلل مستوى الكالسيوم في الدم.

💢🔥 deficiency of VD causes:

🔥 demeniralization of bone leeds to rickets and osteomalacia.
1_ Rickets in children
وبيكون فيهو bone deformities

2_ osteomalacia in adult:
ودا بيكون فيهو bone fracture

3_renal rickets:
في حالات chronic renal failure بيكون في عدم قدرة على تصنيع vitamin D لأنو في decrease في إنزيم الألفا 1 hydroxylase بالتالي دا بيقود ليrenal rickets

💢🔥الحالات البتزيد فيها كمية vitamin D:

١_كمية الكالسيوم في الدم بسيطة hypocalcemia دا بيتسبب في إفراز الPTH واللي بزيد من كمية الفايتمين.
٢_كمية الفوسفيت في الدم بسيطة. hypophosphatemia ودا مباشرة بيزيد من كمية الفايتمين بأنو بنشط الألفا 1 hydroxylase.

💢🔥Requirement of vitamin D:

_400 IU/day

💢🔥Excess of vitamin D: leeds to abnormal Calcification of tissue and absorption of calcium and phosphate in different tissue : eg:(renal stone) .

# Biochemistry by RaySal.

08/10/2023

يا ولد جيب الأنسولين! 🔥

💢 تقريباً كلنا بنعرف مرضى سكري في البيت أو الحي، بس مشكلتهم شنو؟ وليه واحدين بياخدوا انسولين وواحدين لا؟

💢 السكري نوعين رئيسين:

1_ Diabetes Mellitus -1 :

🤍🔥 بحصل فيه تدمير عن طريق الخطأ لخلايا (بيتا) البتفرز الإنسولين، فالبالتالي الجسم ما بقدر يدخل الجلكوز للخلايا فحيزيد في الدم (سكر مرتفع).

بيحصل في الأطفال(30).
بس ممكن يظهر في الأطفال بنسميه MODY

🤍🔥 (Maturity Onset Diabetes of Young).

💢🔥 النوع الأول بياخد انسولين خارجي (exogenous insulin) عشان خلايا البنكرياس بتاعتو م بتقدر تنتج اساساً .

💢🔥 بينما النوع التاني بياخد خافضات السكري الفموية، والبنقول عليها المنظِمات.
بس الأنسولين زاتو انواعه كتيرة، والأدوية الفموية برضو كتيرة ممكن نتكلم عنها في بوست منفصل ان شاءالله.

💢 في انواع تانية تعتبر من السكري :

🤍🔥 Diabetes Insipidus :

_ السكري الكاذب بحدث نتيجة ل قلة هرمون مضاد التدرير (مضاد للتبول) (ADH) يعني لمن يقل حيحصل تبول كتير، ودا من أعراض السكري، لدرجة ممكن يصل ل ٢٠ لتر في اليوم (علماً بأنو طبيعي التبول ٢ - ٢.٥ لتر في اليوم).

🤍🔥 Gestational Diabetes:

_ ودا طبيعياً بظهر لبعض النساء في فترة الحمل وبيختفي بالولادة.

🤍🔥 Secondary Diabetes:

_ودا بظهر لي بعد مرض معين، المرض دا بكون أصاب خلايا (بيتا) في البنكرياس، لازم أعلاج المرض اول حتى اعمل management للسكري، أمراض زي cushing syndrome واضطرابات الهرمونات.

# medical posts

02/10/2023

: بسم الله الرحمن الرحيم
🔥Vitamin A: part 2

Functions of Vitamin A:

1_ vision
وحا أتكلم عنها بالتفصيل تحت.

2_ reproduction:

بيساعد في تكوين الsperm وبيساعد في طلوع هرمون الtestosterone والأندورجين من الtestis وبيساعد في حدوث الfertilization وبيساعد في المحافظة على الحياة الجنينية في فترة الحمل.

3_ Growth:

بساعد في الnormal growth وبساعد في الgrowth بتاع الteeth وال bone ( يعني ال osteoblast والosteoclast نشاطهم بعتمد على فايتمين A).

4_ maintainance of epithelial cells:

وطبعاالخلايا دي بتغطي الجلد وبتغطي الأجهزة الموجودة ف جسمنا حتى بتغطي الblood vessels.

5_ Anticancer:

بيحمي الأنسجة من التأثيرات الضارة بتاعت بعض المواد السامة الممكن تقود لي epithelial tissue cance.

◽في الباثولوجي عرفنا أنو الdeficiency في فايتمين A بيغير الepithelium الفي العين من simple squamous لي stratified squamous بنسمي الحالة keratomalacia وياها metaplasia ف لمن يكون الفايتمين كتير بتفادى الcancer دا،

_ وتاني أنو هو قلنا بساعد في الdifferentiation of epithelial cells ومثلا لو هو بسيط في العين معناها أنو الepithelial cells حيكون فيها مشكلة طيب الغدة الدمعية الفيها الepithelial cells حيكون برضو فيها مشكلة وم حتطلع دموع وبالتالي حيكون في جفاف في العين اللي هو بنسميه Xerophthalmia.

◽ طيب لمن يكون فايتمين A بسيط في الجسم بقودني لي شنو؟!

١_العمى الليلي Nyctalopia. وحنتكلم عنو بالتفصيل

٢_ جفاف العينXerophthalmia وذكرناها فوق.

٣_ بيعمل خلل في نمو bone and teeth.

🔥◽طيب لمن يكون كتير زيادة بيعمل شنو؟!

1_ CNS effects ( nausea, vomiting, anorexia,headache)

2_ dermatitis.

3_ Hepatomegaly.

4_Calcification of soft tissue.

◽ طيب نجي للنقطة المهمة في الدرس واللي هي نقطة ال vision.

طيب أصلا ي الretina في 2 receptor for vision:

1_cone cells:
ودي فيها pigment إسمها Iodopsin. ودي مسؤولة من الإبصار أثناء النهار ومن تمييز الألوان.

2_ Rod cells:
ودي فيها pigment إسمها Rhodopsin ودي مسؤولة من الإبصار في الضوء الخافت.

_ طيب كيف يعني فايتمين A بيساعد في الإبصار في الضوء الخافت؟! طيب نحنا قلنا البتساعد في الرؤية الليلية الrod cell واللي فيها الRhodopsin،
طيب الRhodopsin دا بيتكون من opsin وبيتكون من 11cis retinal، طيب لمن تسقط جزيئات الضوء الخافت على الRhodopsin بيقوم يتحول لopsin وال11cis retinal بتتحول لي all transe retinal
( يعني بالمختصر الفايتمين بدل كان بشكل 11cis يبقى في شكل all trans)
ويلا الall trans retinal عندو مقدرة انو يغير الpermeability of cell membrane of rod cells ودا بيسمح لي أيونات الكالسيوم انها تطلع برة الخلايا الفي الretina طبعا ودا بيعمل stimulate nerve impulse in optic nerve وبالتالي الbrain بيدرك الضوء ،

يعني كل ماكان عندي كمية كتيرة في جسمي من 11cis كل ما كان الإبصار كويس في الضوء الخافت،

طيب أنا حولت ال11cis retinal لي all trans retinal وتااني محتاج أرجع الall trans retinal دي زاتها لي 11cis retinal عشاان تاني يسقط عليها الضوء الخافت وأستمر في الإبصار يعني بالمختصر داير أولد من جديد ال11cis retinal،

ونحن عارفين أنو قبييل قلنا أنو عادي يتحولو بإنزيم الisomerase، طيب حلو، لكن الإنزيم دا في العين مااف إلا في الliver ي جدع،🔥 طييب نودي الall trans Retinol للكبد ويقوم الإنزيم برضو يقوليك أيوا أنا ممكن أحوليك الall trans لي 11cis لكن بالنسبة للRetinol بس،🔥 طيب ما مشكلة نحوليك ال all trans retinal لي all trans retinol ( طبعا من ألدهيد لي كحول بضيف ذرتين هيدروجين با retinal reductase وملاحظة أنو التفاعل دا عكسي) ، طيب بقى عندنا all trans retinol يلا يقوم الisomerase يحول الall trans retinol لي 11cis retinol لكن في الآخر أنا أصلا عايز ال11cis retinal عشان كدا بي نفس الإنزيم القبيل إستخدمناهو عشان نحول الretinal لي retinol تاني نستخدمو عشان العكس 🔥 ، بقى عندنا 11cis retinal يمشي الretina ويسقط عليهو الضوء الخافت ويحدث الإبصار وتاني تتكرر نفس العملية.

🔥لو الجسم فيهو كمية كافية من ال11cis retinal ما حا أنتظر لمن العملية الطويلة دي تتم طوالي حيتحول كل ال11cis retinal لي all trans وعشان كدا الزول العندو كمية كافية منو بيلقى أنو في الضوء الخافت بيعاين بإستمرار لكن اللي ماعندو كمية كتيرة منو حيعاين مرة وتاني حتجيهو فترة م يعاين فيها اللي فترة أنو يمشي الكبد ويتم التحويل هناك وكدا. 🔥

◾معلومة صغيرة: أنو pregnant women م ينفع تاخد supplement of vitamin A، لأنو هو short teratogenic يعني بيعمل تشوهات خلقية في الجنين.

🌚 خلصنا فيتمين A، يلا م تنسو المساكة او كلمة السر في فيتمين A هي الرؤية الليلية Night vision.

* أي سؤال عن الفيتمين دا أكتبو في الcomments.

# medical posts

02/10/2023

بسم الله الرحمن الرحيم

🔥نواصل في الFat Soluble Vitamins

🤍🔥 Vitamin A : part 1

اول من تسمع فايتمين A دا طواالي اربطو بالنظر بالليل تمام؟! بس محل يلاقيك فايتمين A ولا زول يسألك أهم حاجة تقوليهو والله يااخ فايتمين A دا مهم جدا جدا في الرؤية الليلية.

💢 Vitamin A structure:

يلا التركيب حقو بيتكون من حلقة إسمها beta ionone ring ومعاها two isoprene units

الisoprene unit دي عبارة عن أربعة ذرات كربون، بين الأولى والتانية( اللي هم السابعة والتامنة في ترتيب المركب كلو لأنو ح أبدأ العد من الحلقة والحلقة سداسية ) في رابطة ثنائية، وبين التالتة والرابعة (اللي هم التاسعة والعاشرة) في رابطة ثنائية، معناها كدا الفايتمين كلو فيهو أربعة double bonds لأنو قلنا فيهو two isoprene unit.

_🔥طيب الstructure دا لو في الآخر مرتبط مع CH2OH (كحول) بنسمي المركب Retinol.

🔥_ لو مرتبط مع CHO( ألدهيد) بنسمي المركب Retinal.

_🔥 لو مرتبط مع COOH (كربوكسيل) بنسمي المركب Retinoic Acid .
التلاتة ديل (retinol, retinal, retinoic acid) بنسميهم vitemers. يعني أنهم التلاتة أشكال لي فايتمين A.

◾عندي من كل مركب two isomers:

_all trans:

يعني كل الهيدروجينات الفي المركب المرتبطات مع الكربونتين البينهم الرابطة الثنائية متعاكسات ف الإتجاه ( وحدة فوق والتانية تحت)

_ 11cis:

معناها أنو كل الهيدروجينات المرتبطات مع ذرات الكربون البيناتهم الرابطة الثنائية في شكل trans ما عدا الرابطة بين 11،12 في شكل cis يعني ذرتين الهيدروجين على نفس الجهة.

وبرضو الشكلين ديل (all trans, 11cis) أيزومر. يعني ممكن أحول من شكل للتاني بإنزيم الisomerase.

🤍🔥Sources of Vitamin A:

(فايتمين A ممكن آخدو مباشرة في شكل فايتمين A ودا مابلقاهو في مصدر نباتي، إلا ف مصدر حيواني فقط، وممكن آخدو ف شكل carotene اللي هو الprecursor لفايتمين A ودا بلقاهو ف النباتات)

1_ Animal source: egg, milk and liver...

2_ plant source: carrots, potato and tomato.

🤍🔥من خصائص فيتمين A أنو heat stable يعني مثلا لو عرضت حاجة محتوية علي فيتمين A او على الprecursor للنار م بيتكسر الفاتيمين، يعني عادي اسة مثلا البيض فيهو الفيتمين دا لو عرضتو على النار وجيت أكلتو برضو الفيتمين قاعد وقيمتو الصحية نفسها🔥.

نتكلم شوية عن الcarotene داقلنا دا precursor لي فايتمين A،
يلا هو بتكون من two ionone ring و4 isoprene unit ، يلا الحلقتين ديل بالضرورة وحدة فيهم لازم تكون beta ionone ring والتانية ممكن تكون ألفا وممكن تكون بيتا وممكن تكون قاما.

يلا نحن قلنا انو الحلقة الفي فيتمين A هي beta فبالتالي لو الcarotene دخل الجسم ودخل الintestine بحصل ليهو تكسير بي carotene dioxygenase

_طيب في حالة الحلقة التانية الفي الcarotene برضو تكون بيتا هنا الcarotene لمن يتكسر ف الجسم بديني two molecules من فايتمين A وبسميهو بيتا كاروتين.

_ طيب لمن الحلقة التانية تكون ألفا، الكاروتين لمن يتكسر ف الجسم حيديني one molecule من فايتمين A وهنا بسميهو ألفا كاروتين.

_ ولمن الحلقة تكون قاما كذلك حيديني one molecule من فايتمين A وبسميهو قاما كاروتين. وقعت؟! 🔥

طيب لو أنا أخدت الفايتمين من مصدر حيواني حيكون في شكل Retinol ester ( اللي هو retinol ومعاهو palmitic acid) طيب كدا الوزن الجزيئي بتاعو بكون كبير والintestine م حتقدر تمتصاهو عشاان كدا بيحصلو hydrolize لي Retinol براهو وpalmetate ، تقوم الintestine تمتصى ال Retinol ولمن يدخل intestinal mucosal cells تااني بلاقي ليهو palmetate وبيتحد معاهو عشان يكون تاني الRetinol ester وبيقوم يمشي من خلال الlymph vessels داخل الgeneral circulation لحد يصل الliver وبيتخزن فيها لمن الجسم يحتاجو تاني بيتحلل لي Retinol و fatty acid، الliver بتصنع لي بروتين إسمو Retinol Binding Protein(RBP) طيب دا بيشيل الRetinol ويوديهو لي باقي أعضاء الجسم المحتاجاهو.

طيب ليه إلا الRBP هو يحمل ال Retinol، ليه ال Retinol ماايمشي بالدم عادي؟!!🌚
لأنو ياشاطر نحن قبيل قلنا أنو فايتمين A هو water insoluble والدم 90٪ منو عبارة عن water عشان كدا م ينفع،

طيب لمن يمشي الretina هناك الRetinol بيتحول لي retinal وبساعد في الإبصار، ولمن يمشي لي باقي أنسجة الجسم بيتحول لي retinoic acid ودا بيعمل binding with nuclear receptors ومع بعضهم كدا الRetinoic acid receptor complexes بعملو gene activation.

🤍🔥يلا عشان م نطول البوست نقيف هنا ونواصل في بوست جاي.
# medical posts

02/10/2023

بسم الله الرحمن الرحيم

🔥micronutrient:

🔅أصلا الnutrient (المواد الغذائية) ليها two types:

➖ Macronutrient
وديل ناس الكاربوهيدرات والبروتين والدهون.

➖Micronutrient
وديل زاتهم نوعين:
1_ Vitamins فيمتمينات

2_ minerals معادن

🔥🤍 حنتكلم عن الVitamins:

١_أول شي هي عبارة عن organic compounds essential for many biochemical reactions
عبارة عن مواد عضوية ضرورية للتفاعلات الكيميائية الحيوية.

٢_ اغلبها بشتغل ك co enzyme ( يعني عوامل مساعدة للإنزيمات)

٣_ بنحتاجهم بي كمياات بسيطة، عشان كدا م كتير بنلقى ناس ناقصين في الvitamins.

٤_ ما بيدخلو في تركيب الأنسجة.

🤍🔥Provitamin

ودا precursor للفايتمين، دايما pro دي لمن تكون prefix للكلمة معنى الكلمة بكون حاجة بدائية، أو حاجة حاليا خاملة محتاجة تنشيط عشان تبقى نشطة، يلا حاليا دا حاجة كدا قبل الفايتمين، لمن يدخل الجسم بواسطة إنزيمات معينة بيعطيني الفيتمين المطلوب. تمام؟!
مثلا عندي فيتمين A ال provitamin ليهو إسمو carotene.

🤍🔥 Vitamers:

دي عبارة عن different forms of one vitamin، يعني أشكال مختلفة لي نفس الفايتمين، أو صور عديدة لكن لي نفس الفيتمين، مثلا عندي فيتمين D الvitamers ليهو D2,D3.

🤍🔥 classification of vitamins:
على حسب الsolubility قسمنا الvitamins لي:

1_ Fat Soluble Vitamins.(A, D, E, k)

2_ Water Soluble Vitamins (C and B complex).

🤍🔥البوست الجاي حنتكلم عن الfat soluble vitamins (Vitamin A).

# medical posts

29/09/2023

بسم الله الرحمن الرحيم

Biochemistry , Carbohydrate (CHO): part 1

🔅التعريف definition:
aldehyde or keton derivatives of polyhydric alcohols or any substance derived from them.

عبارة عن مشتقات ألدهيدية (تحتوي زمرة ألدهيد CHO-) أو كيتونية(تحتوي زمرة كيتون C=O) لمركبات كحولية عديدة الهيدروكسيل CH-OH.

🔅 الكاربوهيدرات دي ليها forms (أشكال) :
١- sugar
2- starch نشا
3- fibers ألياف

🔅 أهمية الكاربوهيدرات:
١_أهم حاجة ليها أنها أهم مصدر للطاقة في جسم الإنسان (sugar, starch) .

٢_ عندنا الfibers مهمة للintestinal motility (حركة الإمعاء) كيف دي طيب؟! أسة موش بقولو لي الزول العندو إمساك constipation انو ياكل موز؟! بس ياهو عشان الموز فيه fibers ودي بتزيد الintestinal motility.

٣_عندنا الglycoprotien(عبارة عن carbohydrate combined with protein يعني كربوهيدرات مع بروتين وحتلاقينا لي قدام) . and glycolipids( carbohydrate combined with lipids)
المركبات دي بتدخل في تركيب الcell membrane وبتكون لي ground substance بين الأنسجة.

🔅مصادر الكاربوهيدرات:
1_ starchy food ( potatoes, pasta and grains ) .
2_ fruits and vegetables.
يلا النباتات بتصنع الcarbohydrate عن طريق الphotosynthesis (التمثيل الغذائي).
3_ milk and milk products.

🔅 classification of CHO:

1_ Monosaccharides
ودي أبسط units of CHO،ما ممكن أحصل منهم على مركبات أبسط منهم ، اللي همglucose, fructose, mannose, galactose

2_ disaccharides: two unit of sugar
يعني عبارة عن two monosaccharides إتحدو مع بعضهم.( lactose, sucrose, maltose).

3_ polysaccharides: more than 10 sugar units.
أكتر من عشرة وحدات سكر متربطة ببعضها.
(starch, glycogen, cellulose)

🔥 يلا عشان م نطول الكلام لحد هنا دا بارت one بإذن الله نواصل في البوست الجاي عن الmonosaccharides.

# medical posts

25/09/2023

تعال يا ولد قيس لي ضغطي دا"
"يا دكتورة والله حاسة ضغطي دا مرتفع"
"حاسي اني مهبط"
"حاسي بشنو؟ عندي صداع داير اشوف الضغط"
سيناريو اليوم وكل يوم😂!

عارفين انو ال Blood pressure من أهم ال vital signs البقيم بيها الحالة الصحية و مرض ارتفاع الضغط (Hypertention) من اكثر الأمراض شيوعا واللي يكاد لا يخلو بيت منها..

فيا عزيزي الطالب الطبي؛
محتاجين نعرف عن الضغط كم معلومة كدا مهمة ف خليك معاي..

اول حاجة يعني شنو hypertention?

Sustain high blood pressure (BP more than 140/90)
و نركز في كلمة sustain

بمعنى انو عملت للزول fallow up و لقيتو دائما أعلى من 140/9، هنا بشخص الزول بي HTN.

-طيب ثواني النورمال كم؟

=ح اقول ليك انو range يعني بكون داخل مدى معين وعليه انا ممكن اقول هل دا طبيعي؟ هل هو مرتفع؟ هل هو منخفض و هكذا...
نوضح اكتر
الضغط الطبيعي للانسان 120‪/80
و ممكن يرتفع او ينقص بعوامل كتييييرة حتى ال emotional state بتأثر عليه

فيا سيد يا جيد
جاك زول م عندو ضغط قبل كدا و قست ليه و لقيتو over 140‪/90 هل كدا طوالي عندو ضغط؟

لا انت ح تعمل ليه حاجة اسمها
Home blood pressure monitoring
محتاج حوالي 14 قراءة يعني ح تقيس لمدة ٧ ايام مرتين فاليوم او ح تقيس لمدة ٣ ايام ٣ مرات فاليوم و تاخد المتوسط لو لقيتو اكتر من 140/90 هنا ح تنصحو يقابل أخصائي لانو احتمال كبير عندو ضغط.
طيب لو لقيتو
BP < 139‪/89
و اكتر من ال 120‪/80
هنا ح تعمل للبيشنت
Life style modifications
ح تنصح العيان انو يبطل ياكل ملح و يقلل وزنو و م يشرب قهوة و غيرو

-طيب لو كان عاالي عاالي شديد؟

= ممكن يكون أعلى من او يساوي 180‪/120‪
والحالة دي اسمو
Hypertensive urgancy وقد يكون معاه علامات end organ dammage ف بنسميه
Hypertensive emergancy و الاتنين بحتاجو تدخل طبي عاجل.
-تمام تمام وقعت...

اها بالنسبة للهبوط؟متين بقول الزول دا محتاج اديه fluid؟
= بنقول انو الزول دا hypotensive لو لقيت ال BP اقل من 90/ 60
أعلى من الرينج دا ممكن تعوض ليه بال oral intake ياكل حاجة مالحة ويشرب سوائل.

بالإضافة لانو لازم نخت بالنا انو العمر والحالة الصحية مهمين شديد في متابعة الضغط

لو كان عمرو اقل من 20 او اكتر من 50 بالإضافة للحوامل بحتاجو متابعة اكبر و رعاية طبية لصيقة

فخليك دكتور واعي و لو زول قال ليك قيس لي الضغط تديه النصيحة الملائمة 💙
(و عشان امك تتبوبر بيك في قعدة الجبنة😉💙)..

لمعلومات اكتر ننصح بالمراجعة من :
Oxford clincal medicine
Pathoma
Bord and beyond
Sudan Medical emergencies protocols approval workshop.

24/09/2023

بسم الله الرحمن الرحيم

عارف/ة يعني شنو حرقة المعدة؟! 🔥 بتحس/ي بحاجة سااخنة في المرئ وطعمها مر؟!! بسس ياها زااتها حرقة المعدة..

🔅سببها شنو:

➖رجوع الحمض الفي المعدة.

🔅الحمض دا زاتو يرجع ليه؟!

➖عندنا المرئ طبعا هو البيوصل لينا الأكل والشراب للمعدة، في عضلات كدا محيطة بأسفل المرئ يلا العضلات دي أول من الزول يبتلع الطعام بترتخي عشان الطعام يدخل المعدة وبعدين تنقبض تاني،طيب إذا هي م رجعت إنقبضت تاني أو م أشتغلت شغلها الطبيعي بيقوم الحمض يطلع من المعدة للمرئ وياهو هو بسبب الحموضة البنحسها دي.

🔅سألت نفسك ليه الحمض دا طيب م بيأثر على المعدة بينما لو مشى المرئ بحرق؟!

لأنو جدران المعدة فيها خلايا معينة( goblet cell) بتفرز طبقة مخاطية( mucous) يمنع وصول الحمض للجدران الداخلية للمعدة .

🔅الأعراض:

➖ ألم في الصدر والإحساس بطعم مر في الفم.

➖ الأعراض دي بتزيد بعد الأكل وبالليل وعند الإنحناء.

🔅 في أكلات معينة بتزيد الحرقة دي:

الشاي، البصل، الأكلات الساخنة، الحوامض، منتجات الطماطم، المشروبات المحتوية على الكفايين (القهوة) ، المشروبات الكحولية والغازية، النعناع.

🔅 حرقة المعدة دي لو إستمرت لفترة متواصلة كتييرة بتؤدي لسرطنة المرئ وفي الآخر تدخلات جراحية " حمانا الله وعافى المصابين "

🔅 العلاج:
تعالج حموضة المعدة بعدد من أدوية مضادات الحموضة اعتمادا على المسبب بعد الفحص ومعاينة الطبيب.

🔅 طيب حرقة المعدة دي بنلقاها كتييرة في الناس البستخدموا مضادات الإلتهاب اللاإستيرودية NSAIDS ليه؟!

عشان الأدوية دي بتمنع تصنيع البروستغلاندين(prostaglandin ) ودا ليهو دور في تصنيع المخاط .

🔅السؤال: مهمة الحمض في المعدة شنو؟! 🤍
🤍دمتم في صحة وعافية.

Medical Posts By Riyan Salah

01/10/2024

08/04/2024

27/10/2023

27/10/2023

17/10/2023

08/10/2023

02/10/2023

02/10/2023

02/10/2023

29/09/2023

25/09/2023

24/09/2023

Address

Telephone

Website

Alerts

Shortcuts

Share

Category