15/10/2025
ဗီယက်နမ်ကော်ပြန့်လိပ် (𝗩𝗶𝗲𝘁𝗻𝗮𝗺𝗲𝘀𝗲 𝘀𝗽𝗿𝗶𝗻𝗴 𝗿𝗼𝗹𝗹)
✧•✧•✧•✧•✧•✧•✧•✧•✧•✧•✧•✧
ဒီတပတ်အတွက် တင်ဆက်ပေးမယ့် Healthy plate လေးကတော့ ချက်ပြုတ်ဖို့ အချိန်မရှိတဲ့ ရုံးသမားတွေ ခေးမေတွေအတွက် အရမ်းကို
လုပ်ရတာလွယ်ကူရိုးရှင်းပြီးစားလို့လဲကောင်းတဲ့ ဗီယက်နမ်ကော်ပြန့်လိပ် (Vietnamese spring roll) လေးဖြစ်ပါတယ်ရှင်။
ဒီကော်ပြန့်လိပ်လေးဟာဆိုရင် ကိုယ့်မှာရှိတဲ့ ဘယ်အသီးအရွက်နဲ့မဆို ထည့်ပြီးလိပ်စားလို့ရပါတယ်ရှင့်။
ဆီ လဲမပါတာမို့ ကယ်လိုရီလဲ နည်းပြီး ဝိတ်ချချင်တဲ့သူတွေအတွက် အရမ်းကိုသင့်တော်ပါတယ် ☺️☺️
ပါဝင်ပစ္စည်းများ
►►►►►►►
1.Rice paper
2.ပုစွန်
3.ကြက်သား
4.ဝဥကြာဇံ တစ်ခွေ
5.ခါကြက်ဥ
6.သခွားသီး
7.ဆလပ်ရွက်
8.ပူစီနံ
9.ပင်စိမ်း
ပြုလုပ်နည်း
►►►►►
🌯 ပုစွန်ကို သန့်စင်အောင်ဆေးကြောပြီး ပန်းရောင်ဆားအနည်းငယ်ထည့်ကာပြုတ်ထားပေးပါ။
🌯 ဝဥကြာဇံ တစ်ခွေကို ရေဖြင့် ခဏစိမ်ထားပြီး ပြန်ပြုတ်ပေးထားပါရှင့်။
🌯 အသီးအရွက်များကို ဆားရည်ဖြင့်သေချာစွာ ဆေးကြောပြီး ကိုယ်လိုချင်သောပုံစံလှီးဖြတ်ထားပေးပါနော်။
🌯 Airfryer နဲ့ကြော်ထားသောကြက်သားကို (၁၀၀ g ) /၆ ကျပ်သားလောက်ယူပြီး ဖြင်ထားပေးပါ။
🌯 ပြုတ်ထားသောပုစွန်ကို အခွံခွာပေးထားပါ။
🌯 အားလုံးအဆင်သင့်ပြင်ဆင်ထားပြီးပြီဆိုရင်တော့ rice paper ထဲကိုထည့်လိပ်ပါတော့မယ်ရှင့် ။
🌯 Rice paper တရွက်ကိုယူပီး ရေထည့်ထားသောခွက်ထဲကို 5 sec လောက်ပဲစိမ်ပါမယ်ရှင့် တရွက်လုံးရေစိုသွားရင်ရပါပြီ အကြာကြီးမစိမ်ပါနဲ့နော်။
🌯 ပြီးရင်တော့ ကိုယ်ပြင်ဆင်ထားတဲ့ အသီးရွက် နဲ့ အသားကို ထည့်ပီးလိပ်စားပေးလိုက်လို့ရပါပြီရှင့်။
➤ ကြက်ဥကို အိုးကပ်လေးကြော်ပြီးထည့်လိပ်စားရင်လဲကောင်းပါတယ်။
➤ ကျွန်မကတော့ ပုစွန် နဲ့ ကြက်သားကိုပဲ သုံးထားပါတယ်ရှင့်။
➤ ဒီနေရာမှာ ကျွန်မက ကစီပါဝင်မှုလျော့ချချင်တာမို့ rice paper ကို အရွက်သေးပဲ သုံးပေးထားပါတယ်ရှင့်။
➤ ဘေးတွေရော အကုန်လုံအောင်ထုပ်ချင်ရင်တော့ အရွက် ကြီးတာလေးနဲ့မှ အဆင်ပြေပါမယ်နော်...
➤ ဒီ spring roll လေးဟာဖြင့်ရင် ကယ်လိုရီ အနေနဲ့ တခုမှ 50 cal လောက်ပဲရှိပီး အချိန်ကုန်လဲ အရမ်းသက်သာတာမို့ ညကတည်းက ပြင်ဆင်ထားပြီး ရုံးသွားခါနီး ဒါမှမဟုတ် ရုံးပြန်ချိန်မှ ကော်ပြန့်ရွက်လေးကို ရေစိမ်ပြီးထည့်လိပ်စားလိုက်ရုံပါပဲရှင့်။
ရုံးမှာစားဖို့ထည့်သွားလဲ အဆင်ပြေပါတယ်နော်။
➤ Sauce ကို တော့ကိုယ်ကြိုက်နှစ်သက်ရာနဲ့ တွဲဖက်စားသုံးနိုင်ပါတယ် ရှင့်။
ချစ်ခြင်းများစွာဖြင့်
Dr.Mar Mar Min
DrHtar- Third Assisting
#ကျန်းမာလှပစေကြောင်းနည်းလမ်းကောင်းများ
