https://www.facebook.com/723448804738396/

Dr.khalid mo, Hargesa (2026)

19/07/2019

DENTAL BRACES ( ilko xidhista )

Waa maxay biraha ilkaha lagu xiro?
Biraha ilkaha lagu xirto waa qaab ka mid ah daaweynta ilkaha, waana cilmi si gooni ah ay ugu takhassusaan dhakhaatiirta ilkaha, cilmigaasoo loo yaqaano "Orthodontics", qofka ku takhassusayne loo yaqaano "Orthodontist", biraha waxaa loo xiraa si ilkaha loo toosiyo, meelaha banaan loo baab'iyo, qaniinyadane lagu saxo hadi khalad kale jirana loogu saxo.

Qofka ilkaha xirayo waa inuu noqdaa qof takhassus u leh, maadaama ay ka dhalan karaan cillado badan haddii ay wax qaldamaan, sidoo kalane ay jiraan waxyaabo badan oo la tixigeliyo inta aan biraha la xiran taasoo hoos aan ku faahfaahin doonno, dhakhaatiirta ilkaha markay shahaadada 1-aad qaataan ayay 3 illaa 4 sano sii bartaan cilmiga biro-xerista, aduunka kalane lagama ogola inuu xiro qof aan takhassus u lahayn.

Dhakhtarka ilkaha guud wuxuu kuu sheegi karaa inaad u baahan tahay ilkox-xeris, kadibne wuxuu kuu xawilayaa dhakhtarka ku shaqada lahaa, isagaa markaa kadib kuu diri doono wixii baaritaano la xiriira farsamadaas iyo qaabka ugu haboon ee lagugu samayn karo.

Sidee loo xiraa biraha?
Hadafka biraha loo xirayo waa in ilkaha cadaadis la saaraa si booskooda loogu celiyo ama la isla ekeysiiyo waana howl markay ugu yaraato 2 sano qaadanayso,
waa inaad dhakhtarkaaga si joogto ah ula socotaa si mar walba ilkaha loo nadiifiyo, loona dhuujiyo siliga biraha isku hayo, mararka qaar waxaa loo baahdaa in caag ilkaha isku celiyo in laguu sii geliyo si loo sii cadaadiyo ilkaha, dhuujintaas iyo cadaadis saarista ilkaha lagu samaynayo waa mid qiyaas ku socota iyo xisaab, haddii kale waxaa dhici kara in ilkaha liqliqdaan ama soo siibtaan, waxaa taasi ka daran in ilkahaaga hal dhinac u wada leexdaan taasoo loo yaqaano 'midline-shift', taasoo qofka wajigiisa oo idil foolxumaynayso.

Mararka qaar waxaa loo baahdaa in qofka loo geliyo waxyaabo ilkaha booskodoa ku sii celiya loona yaqaano "retainers" markii biraha iyo siliga laga furo 2 illaa 3 sano kadib, sababtoo ah waxa dhacda in ilkaha booskoodii ku soo laabtaan.

Maxay dhibaato keeni kartaa biro-xerista?
Waxaa jira waxyeello si caadi ah uga dhalan karo biro-xerista ayne muhiim tahay in dhakhtarkaaga isha ku haayo si uu uga hortago, waxaana ka mid ah:
1 in ciridka dhaawac gaaro,
2 in kaalsiyamta ilkaha dhamaatoo taasoo lagu dareemi karo saliilyo aadan horay u lahaan jirin, 3 in jiridka iligga uu dabco,
4 in kalagosyka daanka uu waxyeelloobo,
5 in ilkuhu dabcaan, kadibne markii biraha lagaa furo ay soo daataan,
6 in lafta daanka uu dhaawac gaaro
7 in ilko muhiim u ah tiirinta afkaaga in la siibo iyadoo lagugu qanciyo in loo baahan yahay in la abuuro boos ay ilkaha galaan,
8 in ilkahaaga uu balance-ga ka lumo

iyo kuwa kaloo badan.

Ilkaha xarago ahaan ma loo xiran karaa?
Maya, xarago ahaan ilkaha biro looguma xiro waana qalad bulshadu laga dhaaddiciyay,
Dawo aanu qofku u bahnayn haduu qaato saamaynta dawada ayu ka dhaxlaya dawana xarago loma qaato waana waxa ugu badan ee dadkena lagaga ganacsado iyada oo an cidna loo aabo yeeleyn.

Maxaan sameeyaa haddii si qaldan la iigu xiray?
Waxaan kugula talinayaa
1.inaad raadsatid dhakhtar "orthodontist" ah si uu tala kaaga siiyo biraha kuu xiran iyo haday dhib kuu keeneen inta ay kuu xirnaayeen iyo sida ugu fudud ee lagaaga furi karo hadduu qalad jiro.

DR.khalid mohamed
Ref, somalidoc

02/07/2019

Human international colleg .
New classes

22/06/2019

XANUUNKA SHIMBIRKA .

WAA MAXAY XANUUNKA SHIMBIRKA AMA AFQALOOCA(Bell's Palsy)

Xanuunka loo yaqaan shimbirka oo ah xanuun ku dhacah neerfaha 7aad ee 12ka neerfe ee maskaxda ka yimaadah dareenkana u sidah murqaha wajiga taas oo keentah koontarool la,aan murqaha wajiga ah.

CALAAMADAHA XANUUNKA SHIMBIRKA

>Waxaa adkaatah in qofku isku qabsadoh isha xanuunku saameeyay.
>Waxaa dhinac u leexsamah afka.
>Waxaa adkaatah dhaqdhaqaaqa murqaha wajiga barbarka xanuunku saameeyay.
>waxaa ilmaysah isha xanuunku saameeyay.

MAXAA SABABAH XANUUNKA SHIMBIRKA

Waxa rasmiga ah ee sababa xanuunkaan lama yaqaan laakiin waxaa ka qayb qaatah.
>Caabuqa ku dhashah neef mareenka.
>Jug gaartah wajiga iyo madaxa.
>Faayras ( virus)
> dhaxal qofku xanuunku ka dhaxloh faraciisa.

DADKA U NUGUL XANUUNKA.

>dadka qabah xanuunka sokorta.
>Dadka uu ku dhacah caabuqa neef mareenka.

KA HORTAGA IYO SIDA LOOLA TACAALOH

xanuunka shimbirka ma leh wax ka hortag ah
>Waa in lala tacaaloh bukaanka uu ku dhacoh xanuunku.
>Waa in uu booqdaa dhaqtar.
>Waa in jimicsi loo sameeyaa afka isagoo qofku calashanayoh xanjo.
>Waa in uu muraayadaha indhaha isticmaaloh si looga ilaaliyo isha dabaysha iyo qoraxda.
>Waa in duugis loo sameeyaa murqaha wajiga.

UGU DAMAYN LOOMA BAAHNA QOFKA IN AFKA LAGA GUBOH.

Dr. Khalid mohamed.

11/06/2019

Waa Maxay Kansarka?

Kansarku waa cudur saameeya dad aad u fara badan. Dad badan ayaa marka ay maqlaan cudurkan waxaa gala baqdin. Cabsidaas ayaa mar marka qaarkood dadka ku dhiirigelisa inay wax ka ogaadaan cudurkan ayna wax ka qabtaan si ay uga hor tagaan. In aad wax badan ka barato kansarka ayaa ah wado kuu sahlaysa in cabsida kansarku kaa yaraato.

Kansarku wuxuu ka mid yahay koox badan oo cuduro ah, waxaana lagu gartaa in unugyada jirka ka tirsan ay u shaqeeyaan si aan caadi ahayn. Jirka dadku wuxuu ka kooban yahay bilyanno unugyo yaryar. Unuga ayaa ayaa abuura qeyb kasta oo jirka ka tirsan, sida maqaarka, lafaha, wadnaha, sambabada, iyo xubno kale. Caadi ahaan unugada ayaa iskood u tarma si ay u kaalmeeyaan koriimada iyo qeybaha kale ee jirka.

Marka unugu bilaabo inuu u tarmo ama ukala qaybsamo si aan caadi ahayn, waxaa taa loo yaqaan buro (tumor). Burado waxay noqon kartaa buro aan kansareysanayn ama buro kaansareysan. Burada aan kansareysanaynway kortaa laakiin kuma fido qaybaha kale ee jirka. Waxay keeni kartaa dhibaatooyin la taaban karo, sida is-hortaag ama waxay u ekaan kartaa wax aan caadi ahayn, laakiin badanaa waa la qalaa, dibna uma soo baxo.

Burada kansareysan waa kansar. Burada ayaa ku qaada weerar ama duulimaad qeybaha kale ee jirka. Waxay ku fidi kartaa qeybaha kale ee jirka, iyadoo abuuraysa burooyin cusub (midan ayaa la yiraahdaa metastasis). Marka buradu kansareysan tahay, unugyada ayaa u koraya si aan la xadidi karin. Mar marka qaarkood, hadii xataa buradii ugu h**eysay qaliin lagu jaro, cudurka ayaa weli ku sii kori kara meeshii uu ka bilawday ama qaybo kale oo jirka ka tirsan hadii burooyin kansar ah ay horayba ugu faafeen.

Maxaa keena kansarka?

Kansarku wuxuu sameysmaa marka isbedal uu ku dhaco qeybta unugga ee maamusha dib u taranka unugyada cusub ama kala qeybtinta unugyada kale ee jirka.
Isbedaladaan waxay abuuri karaan cudurro kale, sida Cagaarshawga B ee ku dhaca beerka, ama cudurada laga qaado cabidda sigaarka. Culumada Sayniska ayaa isku raacday in dadka uu ku dhaco kansarka qaarkood marka ay si isdaba joog ah amaba waqti dheer la kulmaan mid ama dhawr ka mid ah waxyaabaha la yiraahdo kansar-keene.
Kansar-keeneyaasha ayaa unugyada jirka u ogolaada inay u koraan si aan caadi aheyn. Tusaalooyinka kansar-keeneyaasha waxaa ka mid ah sunta cayayaanka lagu buufiyo, raajada, sunta kiimikada, iyo daamurka ku jira sigaarka. Waxaa kaloo sii dheer taas cabidda badan ee sigaarka ayaa kuu keeni karta inuu kugu dhaco kansarka sambabka, dhuunta ama kaadi-haysta. Kansarka qaarkiis sida ka mindhicirka, ka qanjirka xiniinyaha, ka naasaha iyo ka maskaxda illaa iyo hadda ma cadda lamana garanayo sababaha keena.
Sidoo kale lama garanayo sababta dadka qaarkii ay u qaadeen noocyadaas kansarka ah halka dadka kale uusan ku dhicin.

Daaweynta cudurka cagaarshawga ee beerka ku dhaca (hepatitis), iska ilaalinta qoraxda jirka gubta ama joojinta cabidda sigaarka ayaa kaa yareyn doona fursadda inuu kansar kugu dhaco. Baarid waqti h**e (screening) oo lagu raadinayo kansarka (marka kansarku uu yar yahay, uusan ku fidin jirka qeybahiisa kale) ayaa keeni karta in la bilaabo daweynta kansarka taasoo kaa bogsiin doonta kansarka, kaana joojin doonta dhimashada kansarka ka timaada.

Waxyaabaha keena kansarka qaarkood ayaa lays qaadsiin karaa, laakiin kansarka laftiisa laysma qaadsiiyo. Ma qaadaysid kansar haddii aad ag joogto qof qaba cudurka.
Noocyo kansarka ka mid ah, sida ka Naaska ama mindhicirka, ayaa layska dhaxli karaa oo reerkaaga aad ka dhaxli kartaa. Khatar heer sare ahna waxaad u tahay inuu kugu dhici karo noocyadaa mid ka mid ah hadii dad ama qof reerihiina ah uu ku dhacay mar h**e.

Calaamadaha digniinta u ah ee lagu garto kansarka waxaa ka mid ah:

1.Culays badan oo aad lumisid adigoo aan wax jimicsi ah sameyn.
2.Qufac aanan dhamaan qaaxana aan aheyn (TB) iyo Matag dhiig wata,
3.qufac dhiig leh ama saxaro wadata dhiig oo kaa timaada
4.Dhiiga aan caado aheyn oo ka yimaada xubinka taranka ee gabadha
5.Isbeddalo aan caadi aheyn oo baro baro ah ama ka muuqda maqaarka.
6.Dhaawaca soo gaara maqaarka oo aan bogsan.
7.Dareemid daal fara badan iyo tabar darro aan sabab laheyn.
8.Burooyin kaa soo baxa ama kugu soo kordha
9. Xanuun aan la garaneyn meel uu ka yimid

Haddii aad isku aragto calaamadahaan micnaheedu ma ahan in aad kansar qabto.
Waxaa keeni kara waxyaabo kale.
Hadii aad qabto hal ama in ka badan caalaamadahan la xariir dhakhtar si aad u ogaato sababaha keenay.

Daryeelka caafimaadka ee ka-hortagga ah iyo daweynta kansarka -
sameynta waxayaabaha hagaajiya caafimaadka.

Daryeelidda caafimaadku waa wax aad muhiim u ah, waxaana lagaa doonayaa oo laga maarmaan ah inaad cunto cunno dheelitiran, jimicsi, aadna fiiro u yeelato jirkaada haddii aad dooneyso inaad caafimaad qabto. Waxaa kaloo aad muhiim u ah inaad dhakhtarkaaga aragto markaad isku aragto calaamadaha digniinta u ah kansarka ama wixii kale ee la xiriira dhinacyada kale ee caafimaadka. Dhakhtarkaaguna wuxuu kuu diri karaa baaris ku saabsan dhinaca kansarka adigoon iskuba arag calaamadaha uu leeyahay kansarku. Waxa dhici karta in dhakhtarkaagu aanu kaa helin kansar, laakiin cudurka marka h**e loo helo waxay taasi kordhinaysaa suurogalka in cudurka la daweeyo ama la xukumo.

Waxaa jira noocyo kale duwan oo kansarka ah. Kansarka qaarkiis way fududahay in la daweeyo marka la barbar dhigo cudurada kale. Daweynta kansarku way soo fiicnaatay. Waagii h**e sidii loo daweyn jiray kansarka waxay dadka ku reebi jirtay ama u keeni jirtay dhibaatooyin kale weyna ku adkeyd bukaanada. Hadda waxaa jira siyaabo kala duwan oo cusub oo lagu daweeyo kansarka oo kuwii h**e ka waxtar badan. Hadii kansarka goor h**e la arko, dhaqaatiirtu waxa ay isticmaali kara daaweyntan cusub ee dhibka yar una fudud bukaanka. Hadii la arko kansarka goor h**e, dhakhaatiirtu waxa ay fursad wacan u helaan inay si guul leh cudurka u daaweeyaan. Qabida kansarka micnaheeda ma aha in aad u dhimaneysid kansar ama in ay tahay amar ilaah in aad kansar u dhiman doonto. Dadka qaba kansarka badanaa waa laga daweyn karaa umana dhimanaayaan kansarka. Hadii aad qabto kansar, ha rajo dhigin. Waxaa muhiim ah in aad daawo doonato maxaa yeelay kansarada badankood waa la daweyn karaa.

Talo soo jeedin.

1. Ka hortaga aya ka wanagsan cafimadka

Haddii aad qabto wax su'aalo ah oo ku saabsan warka halkan ku qoran ama aad dooneysid inaad wax dheeraad ah ka barato kansarka iyo baariddiisa goor h**e, la xiriir dhakhtarka qoyskaaga oo ballan ka sameyso. Haddii aad iska dareentid in aad qabtid calaamado aan caadi aheyn aadna u maleyneysid kansar, ballan la sameyso dhakhtarkaada.

DR. Khaalid mohamed

03/05/2019

Halista ka dhalan karta goobaha cafimaad

Fool ayaa qabatay kaddib waxay tagtay hospitaal ku yaala Magaaladda Muqdisho weyna ku dhashay oo waxay dhashay wiil intii ay ku jirtay dhalmada ayaa waxaa la ogaaday in ay qabto cudurka oo ah cudur ku dhaca dhiga difaaca wuxuuna hoos u dhigaa difaaca jirka

waa cudur halis ah HIV waxaa loo kala qeybiyaa HIV 1iyo HIV 2 ugu danbeyna wuxuu isku badalaa AIDS

Sidoo kale waxaa la ogaaday wiilka ay dhashay asagana in uu ku dhashay HIVka 😥

Hooyadu waxay leedahay labo ilmo oo kale waxaa lagu sameyey baaritaan iyagana waxaa la ogaaday in aysan qabin cudurka HIV ee dilaaga ah alxamdullahi,

Kaddib waxaa la baaray aabaha ka dhalay ilmaha oo ay kala tageen 2 bilood ka hor nasiib wanaag asagana wuxuu noqday negative.

Baaritaan dheeri ah oo lagu sameyey hooyada ayaa lagu oogaday hooyadan in ay HIVka ka soo qaaday goob lagu daweeyo ilkaha ama lagu hagaajiyo ilkaha (Dentist)

Goobaha cafimaadka wey sahlan yihin in laga qaado cudurada dilaaga ah sida HIVka , hepatits c iyo wixii la mid ah waa haddii aysan laheen qalabka lagu dilo jermkska

Haddaba goobaha cafimaadka waxaa laga doonayaa in ay isticmalaan qalbka lagu dilo jermiska ka hor qalniinka iyo sameynta ilkaha si loo helo badqabka cafimaadka ee bina aadamka.

Ilahay ha nagu amaaneysto goobaha cafimaadka

Dr. KHaalid mohamed abdirahman

02/05/2019

Suusku waa cudur ku dhaca ilkaha kaas oo burburiyaha qaybaha adag ee iliga.
Waana uu si socdaa ilaa uu gaadho qaybta nool ee iliga . Waxana fiican inta ka horaysa in la qabto oo dhakhtarka lala gaadho si loo xakameyo si socdkisa.

Dr.KHalid mohamed

28/04/2019

MAXAAD KA TAQAAN CIRID DHIIGA?

Dad badan ayaa waxaa laga yaaba inuu ciridkoodu dhiigo marka ay cadayanayaan ama marka kaleba, xaaladaasi marka ay ku soo wajahdo ma is waydiisay waxa keenaya dhiiga mise waxaad u aragtay xaalad yar oo fudud oon dhib badan kuu gaysan Karin?

Dhiiga ka yimaad ciridka iyo muuqa ciridka oo isbadalaa waa calaamad sheegaysa in uu xanuun jiro, mar marka qaar waxaa dhici kara in jugi keento dhiiga taas oo ka imanaysa nooca cadayga aad isticmaalayso ama qaabka aad u isticmaalayso.

Intabadanse waxa ay u badan tahay in uu ka imanayo xanuun ku dhaca ciridka oo loo yaqaano “Gingivitis” kaas oo ay keenayso bacteria ku dhex jirta huurada “pluque”. Bacteriyadu waxa ay kudulsamaysanta ciridka iyo iligu meesha ay iska galaan, ayada oo quudanaysa cuntooyinka aynu cuno isla markaana waxa ay soosaartaa sun “toxins” dhib u gaysata ciridka iyo ilikahaba.

Waxaa kale oo laxiriiri kara hadii uu qafku leeyahay xanuuno guud oo jirka ku dhaca sida “leukima” I.W.M xaladaas ookale waxaa cadayn kara baadhitano dhakhtar. Inta badan xaaladani dadka ay saamayso aad ayey u yartahay, waxase inta badan keena xaaladaas aynu kor ku soo sheegnay.

Marka xaaladani ku soo wajahdo waxaa aad ku garanaysaa in aad isku aragto calaamadahan oo kale

Ciridka oo ku barara Midabka ciridka oo isku badala casaan Xanuun aad ka dareento ciridka iyo taabashada oo ku dhibta Ciridka oo ku dhiiga wakhtiga cadayga iyo marka kaleba Urr aan haboonayn oo ka soo baxada afkaaga.

Ku wani waa calaamadaha aad isku arki karto marka uu ciridkaagu bukoodo taasi oo u baahan in daawayn dag dag ah aad lagaarto lana xidhiidho dhakhtar ilkood si uu ula tacaalo, hadii xaalada caafimaad ee ciridkaagu mudo sidan ku sii jirto maxaa dhacikara?

Xaaladaasi waxay keenaysaa in bacteriadu ku sii badato ayna hoos gasho ciridka hoostiisa halka ay markii h**e ay dushiisa ka saarneyd taasina waxa ay keenaysaa in uu xanuun ku isu badalo mid ku faafa unugyada taageraya iliga sida: Lafta, lakabka isku xajinaya iliga iyo lafta “periodontal ligament”, dahaadhka iliga qaybta jirida “cementum”. Xaaladaan waxaa loo yaqaanaa “periodontitis” waxa ay intabadan timaada marka la dawyen waayo bukaanshihii koobad ee ciridka, waxa ayna keentaa in dhagaxan "Calculus" kusamaysanto ilkaga iyo ciridka dhexdooda ciridkuna uu ku yimaado dib ubax, ugu danbayna uu iligu waayo taageerihii ku adkaynayay afka dabadeedna uu lilgligto ugu danbana iska dhaco ama xanuun darted lagaaga saaro.

Dhibaatadan soo wajahda ciridka waxaa unugul qofkasta oo laga helo xaaladahaan oo kale sida:

Daryeel fiican oo aanu qofku siin afka iyo ilkihiisa Nadaafada ilkiha qofka oo aad u liidata Cabida sigaarka Iskubuuqa “Stress” Isbadalka dheecanada jidhka “sida xiliga hooyadu uurka qaado”

Waxaa muhiim ah in aynu ogaano sida aynu uga hortagi karno xanuunkan, uma muuqato mid adag in aad samayso qaabka aad uga hortagi karto lakiin waxaa intabadan la arkaa in aanay dadku kudhaqmin xataa iyaga oo garanya qaabka looga hortagi karo.

Waxaan is waydiiyay sobobta? Tolow ma caajisbay ka tahay mise laqabsi laa’aan iyo ilowsho. Sikastaba ha ahaatee ogow wax yar oo aad laba daqiiqo ku qaban kartid hadii aad dhayalsato in ay dhibaato badna kuu keeni karto. Markastana maskaxdaada ku hay in uu ka hortagu ka fiican yahay daaweynta.

Hadii aad raacdo talooyinkan waxaa hubaal ah in aad dhabadda saartay dariiqii aad kagga hortagi lahayd xanuunkan ku dhaca ciridka iyo kuwo kale ee saameeya afka iyo ilkahaba…

Ku dadaal nadaafada afka oo caday maalintii labo jeer "subaxdii & habeenkii" adoo isticmaalaya dawada cadayga. Findhicil ilkahaaga dhexdooda si aad uga saarto wasakhda dhex gasha iyo wasakhda aanu cadaygu ka saari Karin, adigoo isticmaalaya dunta loogu talogalay oo looyaqaano (dental floss), isticmaalka qoriga soomalidu intooda badan isticmaasho waxaa uu ku haboonyahay dadka ilkahoodu aanay isku dhaganeyn ee wax yar udhexeeyaan, dadkase ilkahoodu is haystaan ee anay waxba u dhaxayn isticmaalka qoriga ooy ay adeegsadaan mudo badan waxa uu keenaan in ay kala durqaan ilkuhu oo ay unuglaadaan in ay siyar oo fudud cuntadu ugali karto ilkaha dhexdooda. Ku luqluqo dawooyinka loogu talo galay oo loo yaqaano “mouthwashes” taasi oo uu dhakhtarku kuu soo qoro. Hadii aad tahay qof dumar ah oo xaamilo ah waxaa haboon in aad la socoto daryeelka afka iyo ilkahaaga kuna dadaasho nadaafadooda lana xidhiidho dhakhtarka ilkaha mudada aad uurka leedahay dhawr jeer si uu uga war hayo caafimaadkooda. Booqo goobta caafimaadka ilkaha si aad uga hesho talooyin iyo daawaynba. Waxa aad kaheli doontaa warbixino badan oo wax ku oola.

Waxaa laga yaabaa in dad badan ay la ildaranyihiin cudurkan isna waydiinayaan in ladaweyn karo iyo inkale, jawaabtu waxa ay tahay waa ladawaynkaraa waxayna ku xirantahay sida aad ula xidhiidho dhakhtar ilkood marka aad isku aragto xaaladahaa aynu kor kusoo xusnay.

Qalinki. DR. KHaalid mohamed abdirahman

Dr.khalid mo

19/07/2019

02/07/2019

22/06/2019

11/06/2019

03/05/2019

02/05/2019

28/04/2019

Address

Telephone

Website

Alerts

Contact The Practice

Shortcuts

Share

Category