Community care center polyclinc & pharmacy

03/10/2025

11/05/2023

Kuso dhowaaw adeeg wacan iyo dawo Tayo sare leh

30/04/2022

Cudurka duumada

Cudurka duumada waa cudur halis ah.
Si uu qoyskaagu uga nabad galo cudurka duumada, bar waxyaabaha keena cudurkaan iyo sida looga hor tago, una sheeg in baadhitaan dhiig ka dib la qaato daawo uu Dhakhtarku u qorey muddo loogu talo galey.
Cudurka Duumada/Malaariyada amma Kaneecada, waa cudur ku
dhaca unugyada dhiigga cas oo loo yaqaanno RBC (Red Blood Cells), waxa uu cudurkaani aad ugu badan yahay meelaha biyo degeennada ah iyo guryaha huurka ah.

MAXAA SABABA DUUMADA?Cudurka duumada waxaa sababa abuure ili-ma-qabato ah oo loo yaqaanno Protozoa, waxaana keena amma ay ka dhashaan afar (4) Plasmodium oo kala ah:-
Plasmodium Falciprum
Plasmodium Vivax
Plasmodium Ovale
Plasmodium Malaria.

Waxaa la og yahay in PF (Plasmodium Falciprum) uu yahay midka ugu daran.
Haddaba, cudurka duumada, waxaa uu ugu horeyntiiba burburiyaa unugyada cas cas ee dhiigga (RBC), ka dibna, jeermiska ayaa si fudud ugu faafa wareega dhiigga, waxaana ilaa iyo hadda la og yahay, in PF-tu ay tahay mid adkeysi u leh daawada Chloroquine (Chloroquine resistant).

CALAAMADDAHA
Qarqaryo
Qandho uu garaadkeedu sarreeyo
Beer-ka-yarada oo soo bararta
Labo labo iyo matag

XILLI HUURISKA
(Incubation Period)
Xilli huuriska cudurka duumadu, wuxuu gaadhaa ilaa 28 cisho

KA HORTAG (Prevention)
* In la dareeriyo dhammaan biyo dageennada (meelaha ay biyuhu
fadhiistaan), laguna daro oolyo (olyada laga badaley baabuurta)
amma kiimiko loogu tala galay.
* Waa in la nadiifiyaa weelasha ay biyuhu ku jiraan, kuwaas oo
yaala guriga iyo deegaanka.
* Marka la jiifanayo, Waa in la isticmaalo maro kaneeco amma
sinsiyeeri.
* Waa in lagu buufiyo guryaha sunta kaneecada, saacado ka hor
inta aan lagu hooyan, waxaana guryaha lagu shidi karaa qiiq
iyada oo la isticmaalayo geeddo gaadh ah (tusaale; qolaf liin
dhanaan oo qalaley).

SIDA AY KU BAAHDO
(Rout of Transmission)
Cudurka duumada, waxaa faafiya nooc kaneecada ka mid ah, oo loo yaqaanno
(Female Anopheles Mosquito) waana nooca dheddig ee kaneecada, taas oo soo qaniinta qof qaba cudurkaan, ka dibna kaneecada ayaa bukoota, kaneecadaas bukta oo qaraab raadis ah baa qaniinta qof kale oo caafimaad qaba, waxaanay ku reebtaa daris ku noolihii Plasmodium-ka ahaa, sidaas buuna qofkii ku qaadayaa cudurka duumada.
Chemoprophylaxis, waa ka hortag dadban oo daawo qaadasho ah, waxaana la isticmaalaa chloroquine tab 150mg 2 xabo toddobaadkii, marka uu qofku aadayo meel ay kaneecadu ku badan tahay, iyada oo la siin karo hooyada uurka leh*

CHLOROQUINE RESISTANT.
Waxaa jirta in plasmodium-ka uu adkeysi u yeesho daawada Chloroquine, waxaana la sheegaa in Chloquine resistant uu yahay midka waddankeena ka ah Pf (Plasmodium falciprum).

FANSIDAR
Waa kaniini loo isticmaalo dabar goynta cudurka duumada, waxaana la siiyaa qofka 20mg oo hal mar ah (single dose) waxaana la siin karaa hooyada uurka leh iyo dhallaanka ka yar hal sanno (waa in uu Dhakhtar u qorey).

Daaweynta:**
Chloroquine tab 150mg
Quinine tab 300mg
Aspirin tab 300mg.
OGSOONOW:
Kuma aynan xusin halkaan qaadashada daawada.
Waxaa jira cirbaddo aynan iyaguna halkaan ku xusin.

DIGNIIN:

*Waa in uu daawada qoraa Dhakhtar baadhey qofka.
**Ha qaadan daawooyinka halkaan lagu tusaaleeyey.

ramadaan kareem

xigasho :-

Noocyada Duumada

07/03/2022

Waa diyaar qofkii ubaahan

07/03/2022

Qofki ubaahan waa diyaar

Waa kaniini u fiican

07/03/2022

Sababaha Keena Dhagaxaanta Kilyaha (Kidney Stones) Iyo Calaamadaha Lagu Ogaado

Dhagaxaanta kilyaha ku samaysma (kidney stones) ayaa kamid ah xaaladdaha ugu badan ee saameeya in badan oo kamid ah bukaanada lagu arko goobaha caafimaadka. Dhagaxaantaan ayaa ah qurubyo yaryar oo ka samaysan macaadiinta kala duwan kuwaasoo ku dhaga inta badan meelo kamid ah kilyaha ama mararka qaar xubno kale oo kamid ah habka kaadi mareenka. Waxay la fahansanyahay inay yihiin elementiyo (Macdano) kala duwan kuwaasoo ku aruuray meel kamid ah killada, kadibna adkaada kuwaasoo ugu danbeyn keena in uu isbadal ku yimaado habka shaqada ee kilyaha.

Kilyaha ayaa usamaysan inay qabtaan shaqooyin kala duwan kuwaasoo muhiimad gaar ah u leh jirka, waxaana kamid ah shaqooyinka kilyaha, Inay saaraan wasaqda kasoo harta ficilladda uu jirku ku samaynayo cunadda si uu uga sameeyo tamar, taasoo ay kamid yihiin yuriya iyo yuric asid oo loo saaro kaadi ahaan, kilyahuhu waxay kontoroolaan heerka isku dheeli tirnaanta elementiyada jirka waxayna xadidaan inuu ku yimaado farqi saamayn ku yeelanaya shaqada jidhka, waxay saxaan pH-ka jirka kaasoo hadii uu ku yimaado farqi ama isu dheeli tirnaan la’aan ay dhacayso xaaladdo ama xanuuno soo wajaha jirka. Waxay si joogta ah u kontoroolaan heerka cadaadiska ee dhiiga iyo xadkiisaba. Waxay soo daayaan hormoono qayb muhiim ah ka qaata shaqada kale ee jirka, sida kuwa sameeya unugyada dhiiga cas iyo kuwa joogteeya dib u nuugista biyaha iyo cusbada.

Xanuunada ama cillada ku dhaca kilyaha sida dhagxaanta ku samaysma qayb kamid ah killida waxay keenaysaa in isbadul uu ku yimaado inbadan ama dhamaanba shaqooyinka ay qabtaan jirku taasoo ugu danbeyn keena karta heer ay ku gabaan shaqadooda.

Cabirka ama baaxada dhagaxaanta ayaa kala duwanaan kara, waxaa suurgal ah in hadii uu yaryahay cabirka dhagaxu uu soo raaco kaadida, iyadoo uusan sababin xanuun ama cilad baahsan. Hadiise ay baxadiisu ay weyntahay waa ay adagtahay inuu soo raaco kaadida.

Maxaa Sababa dhagaxaanta Kilyaha

Waxaa la aaminsanyahay in sababta ugu weyn ee marxaladaani ay tahay markii walxaha ay ka samaysantahay kaadidu sida Kalshiyam iyo yuric asid ay bataan cadadkoodu ayna ku ururaan qaybta dhexe ee kellida ama qaybta hoose ee ay ka baxaan kanaalada qaada kaadida. Sidoo kale waxaa yar dheecaanka ama biyaha mili kara walxahaan taasoo qayb baaxad leh ka qaadata inay samaysmaan. Qodobada kale ee lala xiriiyo dhagaxaanta ayaa waxaa kamid ah cayilka, dhaxal, fuuqbaxa, qalliinka mindhicarada, daawooyinka qaar, iyo cunooyinka ay ku badantahay elementiga loo yaqaan sodiyam.

Waa maxay Astaamaha Dhagaxaanta Kilyaha

Dhagaxaanta kilyahu waxaa macquul ah inaysan keenin wax astaan ilaa ay u ugudbaan qaybta dhexe ee killida (medulla) ama kanaalka ka baxa kelida ee kaadida geeya kaadi-haysta. Astaamaha la dareemo waxaa kamid ah,

xanuun laga dareemo qaybta dhexe/hoose ee dhabarka kuna fidiyada qaybta hoose ee caloosha iyo gumaarka

Xanuun la dareemo xilliga kaadida

Cadadka kaadida oo ka yar mararka caadiga ah

Adkaanshaha in la sugo ama la dheereeyo waqtiga kaadida.

Kaadida oo midabkeedu uu is badal ku yimaado una ekaado basali

Urka kaadida oo siyaado noqdo

Dhiig soo soo raaca kaadida

Lalabo ama matag

Qandho la dareemo hadii uu infekshan la socdo

Iyo xanuunka oo is badbadala kuna ekaan hal meel.

Noocyada Dhagaxaanta Kilyaha

Calcium Oxalate: waa nooca ugu badan ee lagu arko bukaanada lasoo darsa marxaladaan, lana xariira walaxda loo yaqaano ogsalate taasoo laga helo noocyo kamid ah cunada, qudaarta iyo miraha, lawska iyo shukulaatada. Beerka ayaa sidoo kale soo saara walaxdaan. Waxyaabaha ay ka imaan karto oo kale waxaa kamid ah qaadashada joogtada ah ee Vitamin D iyo qalliinka lagu sameeyo mindhicaraha. Qodobadaan dhamaantood ayaa keeni kara in cadadka ogsalate ay siyaado kadibna ku ururto kilyaha/kaadida maadaama ay kilyuhu nadiifiyaan dhiiga iskuna dheeli tiraan heerka macaadiinta jirka.

Struvite Stones: noocaan ayaa yimaada markii uu jiro infekshan ku dhaca hab ka kaadi mareenka ee jirka. Dhagaxaanta noocaan ah ayaa u kori kara si xawli ah iyadoo uu cabirkoodu siyaado, mararka qaar ma jiraan wax astaan ah oo muujinaya.

Uric Acid Stones noocaan ayaa ku dhici kara dadka aan cabin biyaha ku filan ama cuno cunnooyinka ay ku badantahay borotiin, ama dadka qaba gout-ka. Waxaa sidoo kale dhacda inay la xariiraan dhaxal.

Cystine Stones noocaan ayaa ku yimaada dhaxal waxuuna ku dhacaa dadka kilyahoodu ay saaraan noocyo kamid ah amino acids, waana xanuun ku yimaada dhaxal

Sidee looga hortagi karaa

Waxaa kamid ah siyaabaha kala duwan ee looga hortagi karo dhagaxaanta kilyaha, in la joogteeyo cabida biyaha, in la cuno cunooyinka aysan ku badnayn maadada cusbada taasoo qayb kanoqon karta habka ay dhagxaantu u samaysmaan, in la yareeyo cunooyinka ubadan hilibka kuwooda gaduudan ee xoolaha, in la yareeyo ukunta iyo waxyaabaha ay ka imaan karaan dhagxaantu sida shukulaatada shaaxa, iyo lawska.

05/03/2022

Faaiidooyinka Sanjabiisha & Xanuunada Ay Daawayso

Sanjabiil waa geed caleemo yar yar leh oo la beerto. midhahiisa wuxuu ku sameystaa jirrida hoose waa sida lowska oo kale dherer ahan k**a weyna sida uu u baxo bariiska ,marka aad aragto k**a duwana dhirta kale ee caadiga ah,

Caalamka oo dhan ma jirto wadan aan laga isicmaalin sajnabiisha heerer kal duwanna waysoo martay hadaba warbixintan kooba waxaan ku soo qaadan doonaa 7 faa’iido oo ay leedahay sanjabiisha iyo 10ka wadan ee ugu horeeya aduunka.

Hadaan ku hormaro wadamada ugu horeeya warbixin ay soo saartay hay’ada cuntada aduunka qaramada midoobay u qaabilsan cuntada yo beeraha ee FAO ( food Agriculture Organization ) 2008dii ayey ku sheegtay in wadanka koowaad ee ugu horeeya soo saarka sanjabiisha in uu yahay dalka HINDIYA, waxaa ku xiga CHINE waxaa ku sii xiga INDONESIA waxaa ku si xiga NEPAL waxaa ku si xiga THAILAND waxaa ku si xiga NIGERIA waxaa ku si xiga BANGALADESH waxaa ku si xiga JAPAN waxaa ku si xiga PHILIPINE waxaa ugu danbeeya CAMEROON.

Hadaba maxaa ka mid ah faa’idooyinkiisa ? Sanjabiisha waa geed loo adeegsan karo siyaabo kala duwan sida uunsigii iyo sidoo kale tayooyinka leysku daweeyo . waxaa loo isticmaali karaa habab kala duwan oo mar budo ayaa laga dhigtaa waa sida soomaaluda u isticmaasho oo shaaha iyo qaxwaha ay ku darsato , midna waa la qalajiyaa oo saliid ayaa laga shiidaa , midna sida biyaha oo kale ayaa laga dhigaa dhamaantoodna waa kuleyl.

Halkan waxaan ku soo qadimayaa tododoba waxyaabood uu dawo u yahay sanjabiisha:

1-Anti-Cancer

Shaaha lagu daro sanjabiisha misana si gaar ah loogu soo daro waxey ka hortagtaa KANSARKA 17 daraasadood oo kala duwan oo sahmin loogu sameeyay sanjabiisha ayaa dhamaantood gunaanadkii soo jeediyeen in qofka badsada sanjabiisha ay ka hortag fiican u tahay KANSARKA. Sidoo kale boqol iyo kow kale oo cuduro ah ayey dawo u tahay sanjabiisha.

2. Relieve nausea

Cabid la cabo hal koob oo shaaha sanjabiisha leh ka hor inta aadan socdaalin gelin waxey kaa caawisaa in aadan dareemin yalaalugo ( labbo labbo ) iyo matag la xidhiidha dhaqdhaqaaqaada .daraasado ay saynisyahano DENISH ah sameeyeen ayey ku ogaadeen 80 ruux oo lagu tijaabiyay hal garaam oo budada sanjabiisha mudo afar saacadood ah in ay ku ogaadeen dhamaan dadkii la siiyay in ay caafimaad dareemeen.

3. Improve stomach performance

Aad ayey ugu fiican tahay sanjabiisha dheefshiidka waxeyna ku siisaa in aad wax badan ka qaadato raashiinka .

4. Reduce inflammation

Sanjabiisha waxey yareysaa bararka ,waana daaweynta ugu fiican ee muruqa , waxaa ku jirta maado la mid ah mida kaniiniga lafaha loo isticmaalo, Waxaa kaloo ku jira afar shey oo ah, gingerols, paradols, shogaols, iyo zingerone kuwaas oo la sinji ah si loo yareeyo xanuunka. cilmi baadhis ayaa lagu ogaaday in marka dhibaato xanuun soo gaadhay muruqa la siiyay sinjibiil, waxaana la dareemay horumar.

5. Fight respiratory problems

Sanjabiisha waxey la dagaalantaa dhibaatooyinka neefta.

Shaah sinjibiil leh waxuu kaa caawin kara in laga nafiso ciriiriga la xidhiidha hargabka caadiga ah. Isku day inaad koob shaah ah sinjibiil cabto waxey yareyneysaa calaamadaha neef mareenka la xidhiidha xasaasiyada.

6. Improve blood circulation

Sanjabiisha waxey hagaajisaa wareega dhiiga,.fiitimiinada, macdanta iyo acids iyo shaah sinjibiil leh waxey caawin karaan in uu hagaajiyo wareegga dhiigga inay hoos u dhigto dhibaatooyin wadnaha , sanjabiisha waxaa la yidhaa waxey ka qeyb qaadataa yareynta baruur dhigaalka ee xididdada yar si looga hortago wadne iyo stroke kugu dhaca

7. Relieve menstrual discomfort

caadada : Tani waa mid u gaar ah duwmarka waxeyna ka helayaan degenaan , xillga caadada dumarka waxey dareemaan daal, dhabar xauun, mindhicirka oo aad u xanuuna , caajis ,casiraad, hadaba si aad u dareento raaxo nafsiyan ah sidan samee soo qaado tuwaal yar ama shukumaan yar sanjabiil diiran ku shub dhamaantii ku qoy dabadeed iska saar qeybta hoose caloosha koob shaah sanjabiil lagu daray in yar oo malab ahna qac ka sii, baadhayaasha waxey leeyihiin waxey kaa caawin kartaa in laga nafiso xanuunkii iyo in murqaha kuu nastaan .

Intan oo kaliya kuma eka faaiidooyinka sanjabiisha laga qoray tanina waa qeyb ka mid ah qoraalada aan ka soo ururiyay bogaga caafimaadka qaastan kuwa wax ka qoray sanajabiisha.

Xigasho:-

warbixintan kooban waxaan ku soo qaadan doonaa faaiidooyinka sanjabiisha iyo tobanka wadan ee ugu isticmaalka badan sanjabiisha,