Dr shuceeb Aalow

27/07/2023

HEPATITIS B ( Beer Xanuun)

=Wacyi galin cafimaad

Hepatitis B (Cagaarshow ama beerxanuun) xanuunkani waa xanuun aad u halis ah oo ku dhaca beerka , Waxana keena nooc kamid ah ilimaqabtayga loo yaqaanno Virus (fayras) laguna magacaabo Hepatitis B ( Beer Xanuun) . Xanuun dhaliyahani waxa uu kamid yahay kuwa beerka asiiba kana kooban lix nooc oo la isku yidhaahdo hepatitis Viruses.

=Sida uu ku gudbo xanuunkani
1. Qofka oo galmo la sameeya qof kale oo jidhkiisa xanuun dhaliyahani ku jiro.
2. Hooyada uurka leh islamrkaana xanuunkan qabta oo uurjiifka madheerta ugu gudbisa.
3. In lawadaago qalabka caafimaadka sida irbadaha IWM.
4. In qofka lagu shubo dhiig qof xanuunkan qaba laga shubay.
5. In aad taabato qof xanuunkan qaba iyadoo jidhkaaga meeshaa aad ku taabatay furantahay ama jeexantahay (dhaawacantahy).
6. In lawaago agabka guriga sida qalabka xiirashada loo isticmaalo cadayga iwm.

=Waxyaabaha aan xanuunkan lagu kala qaadin waxa kamid ah:
1. In aad salaanto qof xanuunkan qaba haddaanu jidhkiisu dhaawacnayn.
2. In aad wax la cunto qof xanuunkan la nool. .
3. In uu kugu neefsado ama kugu qufaco qof xanuunkan qabaa.

=Dunida siduu ku yahay xanuunkani
Sida ururka caafimaadka adduunku (WHO) qorayo, xanuunkan dadwaynaha adduunka ku dhaqan waxaa la nool in kabadan 250 milyan oo qof taas oo udhiganta boqollay ahaan 3.5% (boqolkiiba 3 iyo badh dadka adduunka ku nool). Tiro koobkan la sameeyay meelaha ugu badan waxaa ka mid ah dhulka ay soomaalidu degto.

=Calaamadaha lagu garto xanuunkan
Lixda bilood ee h**e dadku ma yeeshaan calaamado sax ah oo lagu garto xanuunkan, balse waxay yeeshaan caalmado ay xanuunnada qaar iskaga mid yihiin (Non-specific symptoms).
1. Xummad.
2. Yalaalugo iyo matag.
3. Midabka kaadida oo madow isu bedela.
4. Midabka saxarada oo cadaan khafiif ah noqda.
5. Indhaha oo midab huruud ah yeesha.
6. Cunto xumo daba dheeraata.
7. Xanuun uu kadareemo qofku halka caloosha ka saraysa.
8. Daal iyo tamardarri qofku dareemo.

=Xanuunada uu qofku ku dambeeyo waxa kamid ah
1. Liver cirrhosis (beerka oo shiiqa, shaqadana gaba).
2. Hepatocellular carcinoma (kansarka beerka ).
3. Fulminant hepatitis (unugyada beerka oo dhinta).
4. Hepatic encephalopathy (suntii beerku saarayay ayaa maskaxda ku ururaysa keenaysana koomo inuu qofku galo).
5. Hemorrhagic diathesis (inuu qofku dhiig baxa u nuglaado).

=Sida xanuunkan loo baadho
1. In xanuun dhaliyaha laga baadho dhiigga qofka (HBsAg test).
2. In dheecaannada beerka shaqadooda la eego ( sare ma u kacsanyiin}.
3. In borotiinka Albumin laga eego dhiiggaaga in uu dhacsanyahay.
4. In qalabka loo yaqaan ultrasound lagu eego beerka inuu wax is beddel ahi kuyimid.

=Daawo ma leeyahay xanuunkani
Ilaa hadda daawo sax ah xanuunkan looma hayo ,laakiin daawooyin taageero (supportive) ah ayaa la helaa . Haddii qofku uu waqti badan hayo xanuunkani (chronic stage) kaliya in beerka la beddelo ayaa xal ah,

=Ka hor tag ma leeyahay xanuunkani
Warka farxadda leh waxa weeye in uu xanuunkani leeyahay tallaal wax tar leh oo waqti xaadirkan laga heli karo dhulka soomalidu degto,Tallaalkan waxaa la dhahaa (Recombivax) waxaana uu qofku qaadanayaa 3 jeer oo kala duwan.

Akhriste:
1. xanuunkanu maadaama uu bulshadeenna ku badanyahay,
 marka h**e istallaal adigu.
 Haddii aad da’yar ama aad dhallinyaro guur rajaynaya tahayna lamanahaaga iska tallaal.
2. Waydii xogo caafimaad oo intan kabadan dhakhaatiirta magaaladaada ku nool.
3. Ka digtoonow hab kasta oo xanuunkan aad ku qaadi karto kuwaas oo aynu kor kusoo xusnay.

World Hapititis Day 🌎
28/7/2023

20/04/2023

Ðhaman umada musliminta meel walba ey dunida ka joogan qasatan ummada somalia 🇸🇴
Waxan leyahay
Eid Mubarak
تقبل الله منا ومنكم صالح الأعمال 🤲
كل عام وانتم بخير❤️🌙

22/03/2023

اللَّهُمَّ بَلِّغْنا رَمَضَانَ وَأَعِنَّا عَلَى وَقِيَامِهِ عَلَى الوَجْهِ الّذِي
.🤲يُرْضِيكَ عنا

.🖤اللهم صل وسلم وبارك على سيدنا محمد ﷺ

30/01/2023

Waa maxay buro biyood( ovarian cyst)

Buro biyoodku waa qeeb yar oo bararta kuna aruuraan biyo oo ka sameysanta ugxanta.
Waa xaalad aad u badan sameysantana xiliga wareega caadada.

□Nooc buro biyoodka

Buro biyoodka waxaa ugu caansan laba nooc

1) Burada ugxanta xirta oo loo yaqaano ( FOLLICULAR CYSTS ) waxa ay dhacadaa buradaan marka ay ugxanta ukunta ay sameysay kuna soo deyn weydo tubooyinka si ay u bacrimto ama dhiig caado looga bedelo markaa ukunta qaangaartay ee aan la soo deyn ayaa isku badaleysa buro biyood.

2) Burada dahaarka ee loo yaqaano

CORPUS LUTEUM CYSTS marka ay ugxanta ukun qaangaaratay ay soo saarto ka dibna ay ku soo deyso tubooyinka si ay falgal u sameyso meesha ugxanta ukunta ka soo deyso waxaa ku hara xuubkii dahaarayay ukunta ka dibna marka ukunta lagu soo daayo tubooyinka waa uu shuuqaa dahaarka si uu usoo diyaariyo ukun kale lkn hadii uu shuuqi waayo waxaa gala biyo waxa uu noqdaa buro ka dibna caadada waa ay weysaa gabadha.

Waxaa kaloo jira kuwo aan aad u badneen oo ay kenaan xanuuno kale sida unugyada minka oo ku abuurma ugxanta

□Maxaa keena buro biyoodka?

Waxaa keena buro biyoodka
1) cilado ku yimaada hormoonada dhalmada
2) Caabuq ku yimaada minka
3) infection-ka galmada ku faafa

□Calaamadaha lagu garto buro biyoodka

Buro biyood sida badan calamaado sooma saarto lkn hadii ay aad u bararto oo xaalad qatar ah ay gaarto waxaa lagu garan karaa

1) calool xanuun
2) kaf xanuun
3) dhabar xanuun
4) xanuun xiliga isku taga lamaanaha
5) xanuun xiliga caadada
6) xili aan caado jirin dhiig ay xubinta ka yimaado
7) kaadida oo soo noqnoqota

Hadaad isku argto dhaaman wax yaabaha aan kor ku soo sharaxnay Fadlan dhaqtar la xiriir

10/04/2022

𝗕𝗹𝗲𝗽𝗵𝗲𝗿𝗶𝘁𝗶𝘀

aa caabuq ku dhaca isha baarkeeda,caadiyan caabuqaani wuxuu ku dhacaa caarada h**e ee baarka isha (eyelids) meesha tintu ka soo baxdo.xaaladaanid waxay korartaa markii ay xirmaan qanjidhada yaryar ee ku yaal mesha ay tintu ka sobaxdo ee isha baarkeeda h**e,taasoo keenaysay.
1-barar
2.Gaduudasho
3.cuncun

𝗖𝗮𝗮𝗹𝗮𝗺𝗮𝗱𝗮𝗵𝗮 (𝗦𝘆𝗺𝗽𝘁𝗼𝗺𝘀)

1-isha oo aan la isu hayn karin.
2-ilin iyo isha oo gaduudata.
3-cun-cun
4-baarka isha oo rifma ama tifma.
5-isha oo hurta dareentana mudid.
6-isha oo u muuqata imd duxleh.

𝗗𝗮𝗮𝘄𝗮𝗱𝗮 (𝗧𝗿𝗲𝗮𝘁𝗺𝗲𝗻𝘁)

1-Nadiifi malinkasta ado istimalaya maro nadifa ah iyo biyo diiran.
La xirir dhaqtarkada oo la wadaag xanuunka si ow kugu qora dawooyin

09/04/2022

𝐇𝐨𝐨𝐲𝐢𝐧𝐤𝐮 kolkey 𝐮𝐮𝐫𝐤𝐚 qaadaan waxaa dhacda inay qaarkood ay maraan xaalad aad u adag taasoo ay keentoo uurka, oo waxaa ku imaado isbadal xaga jirka,caafimaadka, dabecada iyo guud ahaan Hab-nololeedka.

Shareecada Islaamku waxa ay hooyada Nuujisa ama uurka leh fursad u siisay in aysan soomin ama soonka iska dayso oo ay dib ka qallayso markey awoodo.

Sidoo kale caafimaad ahaan ma wanaagsano in ay soonto Hooyada uurka leh maxaa yeelay, waxaa ku dul nool naf kale si ay u sii nolaadan oo ay caafimaad ugu dhashaan waxey u baahanyihiin noocyada kala duwan Ee Nafqada sida: burotiinka, fitamiinada noocyadoda kala duwan sida fitamiinA,C,D,E, macdanata sida zinc, kaalshim-ka iyo guud ahaan nafqada.

Guud ahaan Nafaqada aya u baahnyihin ilmha caloosha ku jira ama uurjifa waxey ka helaan hooyada, hooyadana waxaa wajib ku ah in ay qaadato cunooyin isku dheeli tiran si ay uurjifka u helaan nafaqo ku filan oo ay qaadataa daawoyinka uurka caawiya oo dhakhareda u qoray.

Hadii ay dhacado hooyada uurka leh in ay soonto waa in ay la tashataa dhakhtar-keeda si loo hubyo xaaladeeda caafimaad iyo xalada guud ilmha ay caloosha ku sido, isla markaasana ay u hesho talooyin ku aadan soonka iyo wax yaabaha laga doonyo.

Sidoo kale hooyada uurka leh waxaa wajib ku ah in ay qaadato talooyinka dhakhatarkaaga, hadii uu kuu shegay in aadan soomi Karin, ha ku madax adeegin in aad soonto waxaa khatar gali karo caafimaadkaga iyo caafimaadka ilmhaaga (uurjifka).

Hooyada ma soomi karo hadii ay jiraan xaaladahaan soo socdo:
• Hadii hooyada uurka leh tabar daranatahy ama dhiiga HB uu yarayahy.
• Madax xanuun aad u daran iyo barara hareerha indhaha, gacmaha iyo lugha
• Dhaqdhaqaaqa uurjifka yarado.
• Hadii ay hooyada u socdaan daawoyinka sida kuwa uurka caawiyo.
• Labo labo ama Matag tawar dari iyo gariir.
• Sidoo kale hadii hooyada uurka leh uu garaaca wadanheda uu bato ma soo mi karto.
• Hadii Gaaraca wadanaha uu sareyo iyo
• xaalada kale oo badan oo dhakhatar-kaaga kaga digay.

𝐌𝐀𝐗𝐀𝐀 𝐋𝐀𝐆𝐀 𝐃𝐎𝐎𝐍𝐀𝐘𝐀𝐀 𝐈𝐍 𝐄𝐄𝐘 𝐒𝐀𝐌𝐄𝐘𝐒𝐎 𝐇𝐎𝐎𝐘𝐀𝐃𝐀 𝐔𝐔𝐑𝐊𝐀 𝐋𝐄𝐇?

Hadii ay dhacdo in aad soomi kartid sidoo kale dhakhatar-kaagaana kuu fasaxay soonka, maxaa kula gudboon in aad sameyso:

• waa in aad ku afurtaacuntooyin isku dheeli tiran oo ay ku jiraan guud ahaan Nafaqada uu jirka iyio kan uujifka u bahaanhay sida: burotiinka, fitamiinada noocyadoda kala duwan sida fitamiinA,C,D,E, macdanata sida zinc, irin-ka, kaalshim-ka.
• waxaa wanaagsn in aad ku afurto qaar ka mid ah cuntoyinkaan, sida kalunka, digaag, qudaarta cagaaran sida koostada, xulbada, beedka am ukunta, nooyada kala duwan fruit-ka sida mooska, liinta, qaraha iyo guud ahaan qudaarta. Looska, saliida kaluunka.
• afurka ha wada qadaanin xadi badan hal mar, waxaa wanaagsn in aad inyar inyar u cunto, hankeda dhan ha noqodo in aad afka aad ku heyso qudaarta.
• Isla markii aad Cuntada ka kacdo ha korin gogsha, ugu yaraan 30 daqiiqo soo soco.
• Sidoo kale cab biyo badan gaar aahn biyaha laga sameyo qudaarta dalka.

𝐊𝐀 𝐅𝐎𝐆𝐎𝐖

Hooyada uurka leh waa in ay ka fogtaa sheyadaan hoos ku xusan:

• Meelaha lagu cabo muqaadaraadka sida sigaarka iyo shiishada.
• cuntooyinka sokorta iyo basbaaska ay ku badanyehn
• sidoo kale waa in aad ka fogtaa cuntooyinka dufunta ay ku badanyihn.
• ka fogow in ay caloshada marnaato
• Ha seexan meel kala koraysa oo qeybta h**e jirkaga sida madaxa hoose ha u raaricin
• sidoo kale hooyada uurka leh Waa in aad ka fogtaa waxyaabha ay ku jiraan maadada cofien-ka sida coffe-ga ama xaqwada

𝐅𝐚𝐝𝐚𝐥𝐚𝐧 𝐇𝐨𝐨𝐲𝐨 𝐃𝐚𝐠 𝐝𝐚𝐠 𝐤𝐮 𝐠𝐚𝐚𝐫 𝐗𝐚𝐫𝐮𝐦𝐚𝐡𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐄𝐞 𝐮𝐠𝐮 𝐝𝐡𝐨𝐰 𝐡𝐚𝐝𝐢𝐢 𝐚𝐚𝐝 𝐢𝐬𝐤𝐮 𝐚𝐫𝐚𝐚𝐠𝐭𝐨 𝐪𝐚𝐚𝐫 𝐤𝐚 𝐦𝐢𝐝 𝐚𝐡 𝐜𝐚𝐥𝐚𝐦𝐚𝐝𝐚𝐡𝐚𝐚𝐧.

1- Xanuun caloosha ah.
2- Baraar Hareerha Indha
3- Xumada aad u sarreysa.
4- Barar wejiga iyo gacmaha.
5- Madax xanuun daran.
6- Gariir
7- Miyir beelid.
8- Matag daran oo sii socda ilaa bisha sedxaad Ee uurka.
9- Dheecaan ka imanaya saxaaxa oo leh ur qarmun.
10- Dhiigbax oo ay la jiraan tabar yari iyo dareemid daal, dawakhid gaar ahaan marka aad ka soo kaco fadhi ,fadhiya ama jiifka iyo neefta oo ku qabata ama neefsashada oo ku adkaata.
11- Si tartiib tartiib ah inu u koro cabirka jirka, gaar ahaan caloosha.
12- Dhaqdhaqaaqa uurjiifku wuu yaraaday ama maqan yahay.

02/04/2022

Faa,iidooyinka Caafimaad Ee Xiliga Soonka

Maadama oo aynu ku guda jirno bishii barakaysnayd ee Ramadaan waxa aynu qormada todobaadkan ku milicsan doonaa faa,iidooyinka iyo isbedelka ku dhaca jidhka qofka sooman, Sannad walba malaayiin Muslimiin ah oo daafaha dunida ku kala nool ayaa bisha Ramadhaan sooma 30 maalmood oo xidhiidh ah qorraxdu inta aanay soobixin ila inta ay ka dhaceyso.

Sannadihii u dambeeyey waddamada qaar wuxuu Soonka bisha Ramadhaan uu ku soo beegmayaa xilliga xagaaga, in kasta oo sannadkan ay ku soo beegantahay xili guya oo rooban.

Sidoo kale Soonku waa tiirka afaraad ee shanta tiir ee Islaamka, wuxuuna ka mid yahay cibaadooyinka kuwa ugu fadliga badan. Sharciguna wuxuu soon u yaqaannaa in marka h**e la niyaysto iyadoo Alle loogu dhowaanayo, lagana tagayo oo la iska daynayo waxyaabaha Soonka burriya, inta u dhexaysa marka waagu baryo iyo marka qorraxdu dhacdo.

Hadaba haddii aynu u soo degno u jeedada qormadeena Marka la eego jidhka banii aadamka sida uu u shaqeeyo jidhkaaga xaalad soon ma galayo ilaa 8 saacadood ay ka soo wareegto xilligi kuugu dambeysay cunto.

Saacadahaasi oo loo badiyo xilliga uu jidhka dhameysanayo nafaqadi ugu dambeysay ee uu ka helay cuntadii kuugu dambeysay ee aad cuntay.

Wixii siddeedda saac ka dambeeyana wuxuu jidhkeennu billaabayaa inuu tamar ka soo qaato kulukoosta ku keydsan beerka iyo seedaha jidhkeenna.

Tamarta kulukoosta haddeey dhammaatana wuxuu jidhka tamar ka raadsanayaa baruurta jidhkeenna ku keydsan.

Jidhka marka uu billaabo inuu baruurta ku keydsan uu gubo, waxay qofka ka cawineysaa inuu miisaankiisa dhimo, inuu dufanka jidhkiisa ku jira uu yaraado iyo inay yaraato khatarta uu macaanka ugu jiri lahaa.

Inkasta oo sokorta dhiigga ku jirta oo yaraata ay keento tabar darro iyo dhibaatooyin kale, hadana waxa laga yaabaa inaad la kulanto madax xanuun, wareer (dawakhaad), lallabbo iyo neefta aad neefsaneysid oo isbeddel uu ku yimaaddo, Waxayna inta badan arrimahasi dhacaan marka gaajada ku haysa ay aad u badan tahay.

Marka uu jidhkaagu billaabo soonka, baruurta jidhkaaga ku jirta ayaa gubaneysa waxayna isu beddeleysaa sokorta dhiigga.

Hadaba Isticmaalka dareeraha waa inaad ku dadaashaa inta aad ku jirto bisha soonka, haddii kale waxaa dhici karto inaad la kulanto fuuq bax oo ay caafimaad darro ku soo wajahdo.

Cuntooyinka aad isticmaaleysid xilliga afurka waa iney ahaadaan kuwa ay u dhan yihiin ‘cunnooyinka tamarta’ iyo xoogaa baruur ah.

• Cunidda Saxuurta:-Muhiimad weyn ayay leedahay saxuurta, waana wada ognahay dhammaanteen sidoo kale waa sunne in la saxuurto, balse akhriiste caafimaadkaaga ayay muhiim u tahay in aad cunto fudud cunto xilliga Saxuurta.

• Iska yaree dufanka: – midda kale Cuntada dufanku ku badan ayay aad u isticmaalan Dadka Soomaaliyeed, taasina waxay qeyb weyn ka tahay cuntada aadka loo isticmaalo xilliyada afurka iyo cashada, laakiinse waxaa muhiim ah ama aan soo jeedinayaa in aadan badsan dufanka xilliyada aad afureyso.

• talada nabiga (nnkh) :– Xadiis Saxiix ah ayuu Nabigu ku yidhi Calooshaada u qeybi 3 meelood, qeyb cunto ah, mid biyo ah iyo tan seddexaad oo ah qeyb hawo ah, taasina waxaa loola jeedaa in aad noqon qof iska dharga oo aad iska badiso Cuntada iyo Cabitaanka, kadibna aad neefsan weydo.

Sidoo kale Waxa aad u wanaagsan inaad cunto isku dheellitiran sida borotiinka, cusbada iyo biyaha. Qaybtan markaad marayso, waxd arkeysaa isbeddel wanaagsan oo ku yimaadda jidhka maadaamaa uu la qabsanayo Soonka.

Dr Razeen Mahroof, oo dhakhtar ku takhasusay dawooyinka suuxdinta iyo daryeelka caafimaadka oo ka shaqeeya Isbitaalka Addenbrooke ayaa sheegay in soonku uu faa’idooyin kale uu leeyahay. “Maalmaha caadiga ah ee soonka ka baxsan waxaan isticmaalnaa cuntooyin kala duwan oo aad u badan, taasoo ka hortageyso in jidhku uu sida ku habboon u shaqeeyo.””Balse arrimahaasi oo dhan jidhka waa uu saxayaa, wuxuuna awood u yeelanayaa inuu howl maalmeedkiisa caadiga ah uu qabsado.” “Marka soonku wuxuu jidhka ka faa’idayaa inuu ka hortago infection jidhka ku dhici lahaa.”

Shan iyo tobanka dambe ee Ramadaan wuxuu jidhka qofku si buuxda u ula qabsanayaa marxaladda soonka.

Soonka marka uu halkaasi marayo xiidmaha, beerka, kalliyaha iyo maqaarkaba waxay billaabayaan inay iska saaran sunta ku jirta oo horay ugu uruursaneyd.

Lahaanshaha

“Caafimaad ahaan soonka marka uu halkaasi marayo xubanaha jidhka oo dhan waxay u shaqeeynayaan sida u wanaagsan. Waxaana si weyn kor ugu soo kacayo xusuustaada iyo dareemahaaga marka waxaad u baahan tahay inay cunnooyin aad tamar badan ka heleysid aad qaadato.” ayuu yidhi Dr Mahroof.

“Soonka caafimaadkeenna wuu u wanaagsan yahay sababta oo ah wuxuu naga caawinayaa inaan ahmiyadda siinno waxa aan cunayno iyo xilliga aan cunayno. Si kastaba ha ahaatee, soonka sanadkii hal bil la soomaa waa uu wanaagsn yahay.

Like 👍 comments share
Ramadan mubarak

01/04/2022

Dhaman ummada musliminta meel walba dunida ka joogan waxan ugu hampalyeynayaa
Bisha barakeysan ee Ramadan.

Iney ku sooman cafimad iyo cimri dheeri
Allaha naga aqbal camalka wanagsan.

06/01/2022

Su.aasha jumcaha ka jawaab kanafaaideyso
U share garee asxptada kana qeyb qaado

30/12/2021

22/11/2021

Baro Muhiimada Quraacda – 7 Faa’ido ee Quraacda Leedahay

Dadka badankoodu ma jeclo quraacada maxa yeelay ma oga faa’idada ay leedahay cuntada subuxii la cuno. Quraacdu waa cuntada ugu muhiimsan ee qofku qaato maalintii.

Quraacdu waxay muhiim u tahay jirka iyo maskaxda.

Nafaqada quraacda ku jirto waxay qofka ka caawinee in uu jirkiisa qurxoonaado caafimaadkiisana saxmo ama joogto ahaado. Quraacadu waxay yareysaa dhibaatada caafimaada ee qofka soo gaari lahayda.

7 Faa’ido ee quraacda leedahay:

1. Quraacdu waxaa kor u qaadaa dheef-shiid kiimikaadka caloosha.
2. Quraacda waxay saxdaa ama joogtaysaa heerka sonkorta jirka.
3. Nafaqada iyo caafimaadka quraacada waxay yareeyaan dhibaatada caafimaad.
4. Quraacadu waxay kaa caawinee in aada heshid tamar kugu filan iyo in miiskaan kaaga saxmo.
5. Quraacada isku dheeli tiran waxaad ka helee fatamiin, poratiina iyo miniraala intaba waxay kaa caawinayaan in aada si sax ah ugu datid waajibaadkii malin laha ahaa.
6. Quraacadu jirka oo kali muhiim ma u ahan balse sidoo kale maskaxda ayay muhiim u tahay oo waxay ka qeyb qaada taa in maskaxdu si sax ah ugudato shaqo maalmeedkeeda.
7. Qofkii haduu katago waxuu dareemaa caajis iyo firfircooni daro. Maxaa yeelay maskaxda waxaa ka dhammaanayo tamartii ay ku shaqeynaysan.

Write ✍ Dr shuceeb
Like 👍 share
Lawadaag asxaabtada oo u faaidey