Dr Khadar Abdirahman

08/07/2022

Zollinger-Ellison syndrome waa xaalad naadir ah Oo hal ama ka badan oo burooyin ah ay ka sameysmaan xameetida ama qaybta sare ee xiidmahaaga yar (duodenum). Burooyinkan ayaa loo yaqaan gastrinomas, kuwaas Oo soo daaya xaddi badan oo hormoonka gastrin ah, kaas oo keena in calooshaadu soo saarto asiidh Aad u badan. Aash*tada xad-dhaafka ah waxay markaa keentaa boogaha peptic, iyo sidoo kale shuban iyo calaamado kale.

Cudurka Zollinger-Ellison wuxuu dhici karaa wakhti kasta oo nolosha ah, laakiin dadku waxay caadi ahaan ogaadaan inay saameeyaan da'da 20 iyo 60. Daawooyinka lagu yareeyo asiidhka caloosha laguna bogsiiyo boogaha ayaa ah daaweynta caadiga ah ee Zollinger-Ellison syndrome.

Qaliinka lagaga saarayo burooyinka ku dhaca Zollinger-Ellison waxa uu u baahan yahay dhakhtar qalliin oo xirfad u leh sababtoo ah burooyinka inta badan way yaryar yihiin wayna adagtahay in la helo. Haddii aad leedahay hal buro oo keliya, dhakhtarku waxa laga yaabaa inuu awoodo inuu si qalliin ah uga saaro, laakiin qalliinku ma noqon karo ikhtiyaar haddii aad leedahay burooyin badan oo ku faafay beerkaaga. Dhanka kale, xitaa haddii aad leedahay burooyin badan, waxaan kugula talinayaa inaad ka saarto hal buro Oo kaliya.

Haddaad ka faa'iday qormadaan Follow dheh Dr Khadar Abdirahman Una sii share-garee Asxaabtaada 🙏

07/07/2022

Haddii Aad leedahay xummad (qandho) Aad u sarayso, qabow Aad u daran iyadoo ay jirto kulayl, Madax xanuun saa'id ah iyo miyir la.aan xitaa hadduu yaryahayba,

Waxay tilmaamaysaa inay jirto xanuunka duumada (malaria) oo Aad u daran waa inaad iska dawayso adigoo dhiiga lagaa qaadayo kadibna lagu siinayo daawooyinka malariyada lagu tala galay.

Haddii la daawayn waayo waxay keentaa marxaalad dhimasho.

Haddii Aad ka faa’iday Share-garee si Asxaabtaada kale ugu faa’ideystaan 💯👏

Dr Khadar Abdirahman Follow Our Page 👍

04/07/2022

Dhiig karka waa xanuun dilaa ah oo isla markaana qofka baabiya noloshiisa haddii aanu xakamayn oo aani dhakhtar xidhiidh toos ah aanu la yeelan.

Xanuunkan waxyaabaha keena 90-95% malaha, halka 5% la garanayo waxaa keena ayna tahay khalkhal ku dhaca hormoonada sida thyroidka ee cunaha ku yaala ( Hyperthyroidism) iyo ta kalena waxaa weeye in halbowlayaasha kilyaha mara oo dhuuban oo loo yaqaano ( renal hypertension ama renal artery stenosis)

Waa inaad xakamayn karto dhiig karka waana xanuun la qabsi ah oo muddo la noolaanayo qofku ( rehabilitative).

Waa inaad xidhiidh toos ah la yeelataa dhakhtarkaaga oo sadex jeer iska cabirtaa.

Daaawoyinka hoos u dhiga dhiigkarka aad qaadato sida atenolol, enalpril, metaprolol, sidoo kalena kaadi badiye waa in la siiyo sida ferusemide, hydrochlorothiazide 25mg.

Qaabka kaloo loo xakameeyo aya jirta oo bila daawo ah sida:

1. Sigaarka cabistiisa jooji.
2. Miisaanka yaree.
3. Jimicsiga aad ugu dadaal.
4. Milixda cuntooyinka ay ku badan tahay yaree.

Follow Our Page Dr Khadar Abdirahman 🙏💯

02/07/2022

"Rezak" Waa daawada fluoxetine hydrochloride Oo capsules ah, waxaana loo isticmaalaa niyad jabka soo laalaabta Oo wehliso welwel iyo cillada maskaxda ku taagan Ee OCD.

Dawadaan waxay keentaa kacsi yari iyo hammi la'aan, haddii daawada la joojiyane waxay jirka ku sii jirtaa muddo dhan 5 isbuuc ah. marka in aad ka soo kabto cilladaan kacsi la'aanta waxaad filan kartaa 5 isbuuc ka dib.

Haddii cillada kacsi la'aanta ay sii jirto muddo ka badan labo bil oo awalna horay isugu arki jirin, waxaa habboon in aad la xiriirto takhtar si lagaaga daaweeyo.

Dr Khadar Abdirahman Follow Our Page 👍💯🙏

01/07/2022

Priapism:- Waa xubinta taranka ragga oo adag ama taagnaata muddo dheer iyadoo ay wax dareen kacsi ah uusan jirin, waxaa keena badanaa cillad ka dhalato isticmaalka daawooyinka qaar sida kuwa loo qaato diiqada iyo kuwa awoodda galmada lagu xoojiyo qaarkood.

Waxaa xaaladaan lagu gartaa in xubintu kacsanaato in ka badan 4 saacadood, taaso qofku dareemayo xanuun iyo damqasho siyaado ah.

Waa in qofka xaaladaan haysato loo fidiyaa gargaar degdeg ah iyadoo baraf la saarsaaro, haddii taasi ay wax tari wayso waa in qulqulka dhiigga ee xubinta ku xanniban si dhakhso ah looga saaraa haddii kale xubinta ayaa dhimanayso, kacsi dambane ma jiri doono.

Dr Khadar Abdirahman Follow dheh una sii share-garee Asxaabtaada 👍👏

30/06/2022

Scurvy:- Waa xanuun ka yimid yaraanshaha vitamin C. Calamadaha ugu h**eya Waa in waaxyaha ku xanuunaan sida gacmaha iyo lugahaba, daal fara badan, daciifnimo iyo cuduro badanna Uu kugu keeno.

haddii Aan la daawayn wuxuu keenaa in dhiig ka imaado Maqaarka, inay kaa dhintaan unugyadii soo saarayay dhiiga cas cas (RBC), Cuduro ku dhaca gowsaha iyo kuwo badanba.

Xanuunkaan Waxaa lagula tacaalaa waa in cuntada la saxo vitamin C la badsado laguna dadaalo Cunista Miraha insha allah.

Dr Khadar Abdirahman 👍🙏

11/12/2020

Qaybta 9_aad

Taxanaha Caafimaadka

Hysteria (Xanuun iska yeelyeelid Oo Maskaxiyan ah)

1. Histiiriyada "Hysteria" waa xanuun maskax ahaan u yimaado Oo lagu garto kacsanaan niyadda Oo Aan kontarool lahayn kaasoo isku badalo xanuun muuqaaleed Oo laga arki karo jirka, wuxuuna Aad ugu badan yahay dhalinyarada Qaas ahaan dumarka.

2. Histiiriyada waxay dhaqaatiirta qaar ku tiriyaan xanuunada dhimirka, meesha qaar kale ay Aaminsan yihiin inuu iska yeelyeel ku yimaado iyadoo qofka Uu rabo inuu dano u gaar ah ku gaaro.

3. Waxyaabaha ugu badan Ee qofka lagu arko histiiriyada qabo waa, Suuxdin: waa suuxdin qofka Uusan jawaab u celinayn dadka la joogo iyadoo ka duwan suuxdintii la yaqiinay, dhaqaatiirtu way kala garan karaan suuxdinta histiiriyada ah iyo midda runta ah, Hilmaan: Qofka Oo hilmaan isku rido sida magacyada dadka guriga kula nool, wadadii iskuulka ama suuqa loo Aadi jiray iyo waxyaabo kale Oo nolol maalmeedka ka tirsan.

4. Curyaamid: qofka Oo curyaan iska dhigo isagoo qeyb jirkiisa ka mid ah Uu u muujiyo inuu dareenka ama dhaqaaqa ka tagay, Qallal: jarayn ama gariir sidii qallalka Oo kale, waa nooc ka mid ah siyaabaha histiiriyada lagu arko, wayna ka duwan tahay qalalkii caadiga ahaa, Kacsanaan xad dhaaf ah: qofka Oo Ooyin aan kontaroolnayn, iyo dabci aan horay loogu aqoon jiray lagu arko.

5. Waxaa kaloo ka mid ah Indho beelid ama Dhagoolnimo: Qofka Oo jilo wax arkis la'aan ama in Uusan waxba maqlaynin, taasoo qoyska aysan fasiri karin sababta keentay, Naqaska Oo ku dhagan: qofka wuxuu la imaan karaa xanuun sida Neefta ah Oo Aanan cillad ahayn iyadoo qofka Uu xiiq isku yeelayo, Astaamahaas Aan kor ku soo xusay iyo kuwa ka badanba waa astaamo qofka Uu iska yeelyeelanayo Ee ma ahan wax si xaqiiqo ah u jira.

6. Magacyada loo yaqaano histiiriyada waxaa ka mid ah "conversion disorder" Oo ah macnaheeda astaamo dhimireed isku badalo astaamo jireed, Waxaa kaloo loo yaqaanaa "somatoform disorder" Oo ah macnaheeda astaamo muuqaaleed Aanan xanuun jir ahaan lagu fasiri karin.

7. Histiiriyada waa cillad weligeed soo jireen ahaa, waxaana la Aaminsan yahay in waqtigaan Aan hadda joogno ay ka yar tahay waqtiyadii h**e, Dhakhaatiirtu waxay sheegaan in histiiriyada ay keento laba sabab oo waweyn kuwaas oo kala ah:

8. Midda Kowaad Waa Cabbur iyo kacsanaan maskaxeed oo qofka uu kontarooli waayo, tusaale ahaan waa in qofka dhalinyarada ah qaas ahaan gabadha ay la kulmaan wax Aad ay u dhibsayaan, qoyskane ay la fahmi la'yihiin sidaas awgeedne ay hysteria iskugu ridaan si ay u dareensiiyaan dhibaatada ay ku jiraan qaab xanuun ahaan iyadoo Aanan sheeganin waxa saxda ah Ee jiro.

9. Midda labaad ayaa ah Soo jiidashada dareenka waalidka iyo qaraabada, tusaale ahaan qofka dhalinayrada ah Oo loo diido ama Uu waayo wax Uu rabo waxay keensanaysaa inuu iska yeelyeelo dhibaato qoyska foojignaatoodu Uu ku heli karo iyo daryeel maadaama Uu Aaminsan yahay in Aanan la jaclayn ama laga fakarayn ama la necebyahay ama laga jecel yahay qof kale.

10. Aniga ahaan Inta xaalad Ee Aan la kulmay Ee histiiriyada qabto boqolkiiba 90% waxay ahaayeen dumar da'doodu u dhaxayso 15 illaa 25 jir, waana da'da ugu badan Oo qofka Uusan go'aan u gaar ah Uusan gaari karin, Haddii Aan u fiirsadayne waxay salka ku haysaa qaabka qofkaas loogu soo dhex koriyay qoyskiisa ha ahaato qaab cagajugleyn Uusan qofka awood u lahayn inuu caddeysto waxa Uu doonayo ama Aanan fursad yaraantisia loo siinin inuu wixii naftiisa ku meeraysanayo inuu si cabsi la'aan ah u sheegi karo Oo la wadaagi karo qoyskiisa iyo qaab koolkoolin xad dhaaf ah oo qofka lagu soo koriyaya in wixii dalbadaba la siiyo illaa uu la kulmo wax Aan loo yeeli karin, iyo cabsi dhinac waalidka ah oo qofku hadduu qalad galo Uusan waajihi karin iyadoo Uu ka cabsanaayo dhib Uu ka soo gaaro, taasina ay keensanayso in qofka Uu arrin ka wayn Uu ku hilmaansiin karo waalidka inuu la yimaado.

11. Histiiriyada waa dhibaato qoyska waxyeello gaarsiin karta, haddii Aad u fiirsatid inta qaab Uu qofka ku imaan karo isbitaalka waa waxyaabo nadtin leh Io waalidka hoyaad iyo hurdaba u diidi karo, waxayna badanaa xalaadahaan la keenaa isbitaalada xilli saqdhaxe ah maadaama Uu rabo qofka inuu welwel iyo shock ku rido qoyska si howlihiisa ugu hagaagaan waa sida Uu Aaminsan yahaye.

12. Dhibka kale Ee dhaqaatiirta la kulmaan ayaa ah, in markii dhaqtarku ogaado in aysan wax cillad ah jirin in Uusan qoyska ka dhaadhicin karin in gabadhooda ama wiilkooda Uusan dhib qabin ayna iska yeelyeel ay tahay, taasoo keento in waalidku ka xumaado Oo Uu dhowr isbitaal isku maro isagoo Aanan quusanin halkaasne lacag badan uga baxdo illaa Uu quusto.

13. inta badan Waa loogu cudur daarayaa waalidka maadaama qof fiirsan karo caruurtiisa Oo paralysis ama indhobeelid ama qallal qaba ay dhib tahay in la Aamino inuu waxba qabin, gurina lagu celi karin.
Sidaa daraadeed dhaqaatiri dhif ah ayaa isku taxallujiyo in waalidka ay u sharxaan Oo ay fahansiiyaan cillada jirto iyo waxa keeni karo illaa indhaha lagu tusiyo in arrintaan aysan cudur dhab ahayn laakiin iska yeelyeelis u badan tahay.

14. Waxaa kaloo muhiim ah in waalidku ogaado qofka histiiriyada qabaa inuusan ogolayn inuu wax dhibaato ah is gaarsiiyo Oo is ilaalinaayo xittaa hadduu isbitaalka jiifo waana astaamaha ay dhaqaatiirta ku ogaadaan inuu qofkaan histiiriya qabo, laakiin sida caadiga ah hadduu qofka Uu xanuun intaa la eg qabo waxyaabaha kale ma daryeelo ama maba dareemayo.

15. Sida loo xalliyo Histiiriyada waa nooc ka mid ah cillad nafsaani wuxuu qofka ka cabanayo u baahan yahay "counselling" wada sheekaysi iyo waraysi si looga sal gaaro cilladaha jiro, inta jeer Aan arkay dhibaatooyinkaan asbaabaha keenay Ee Aad ka naxayso ma filan kartid, waxa qarsoon Ee Uu qofkaan gaarsiiyay heer inuu waxaa sameeyo hadane ku adkaysto maalmo ama usbuucyo wax sahlan ma ahan, in Aad waalidka ku tiraahdid dhib ma jirto ma ahan xalka rasmiga Ee waxaa habboon in Aad si gooni ah u waraysato wiilka ama gabadha xanuunsan, waalidkane gooni Aad u waraysatid.

16. Ugu danbeyn Dhaqtarkasta waa inuu awood u leeyahay inuu xallin karo dhibaatooyinka ay bulshadu la timaado xarumaha caafimaadka ha ahaato mid xanuun jireed ama cillad noloshooda ku saabsan waa haddii Aadan heli karin qofka "psychologist" ah Oo ku xeeldheer arrimahaan oo kale.

Adigu weligaa ma la kulantay Qof Qaba Hysteria Qodobkees'e ku Aragtay ?

Akhriste haddii Aad akhrisatay qormadaan Waad ku mahadsantahay.

Haddii Aad garaysana way kasii fiican tahay, walalahaa kale ayay faa'iido u tahay Anagana dhiiragalin ayay noo tahay.

Mahadsanid.

18/11/2020

Dadka Uu dhaafay Taxanayaashii Caafimaadka Qeybahoodii h**e Inta hakala socdaan,

Si Aad ula socoto Like Saar Follow-na soo dheh Mahadsanidiin Walaalayaal.

https://www.facebook.com/khadarAbdirahman833/

"Shaqo la qabto waxaa ugu wanaagsan midda la joogteeyo, haba yaraatee."

16/11/2020

Qaybta 8_aad

Taxanaha Caafimaadka

1. Daawada ugu fiican Ee lagula tacaalo quummanka ma ahan in qallajiye Aad isku daldasho, ku luqluqo maalintii saddex waqti biyo diiran oo cusbo leh, xanuunka quummanka muddo kooban ayaad isku macasalaamayn doontaan insha allah.

2. Sanqororka ama sanka oo dhiig uu ka yimaado waxyaabaha sababta u ah waxaa ka mid ah in beerka ama dheefshiidka qofka ay cillad ka jirto amaba ay jirto dhibaato xaga xinjirowga dhiiga iyo calcium-ka oo qofka ku yar sidaa darteed hubi caafimaadka beerkaaga, iyo awooda uu dhiigaagu ku xinjirobi karo inta ay la eg tahay, hadi calcium ku yar tahayna badi cabista caanaha xoolaha.

3. Biya baxa dagdaga ah Ee Ragga waxa ugu badan ee keena waa isticmaalka gacanta taas oo ka dhalata in qofku si iskiis ah isugu abuuro shaki badan sida tayada biyahaaga way yar yihiin, gogosha Armaa ku fashilantaa? Amaa dhali waysaa iyo waxyaaho kale, jooji isticmaalka gacanta Maadaama diin ahaan iyo caafimaad ahaan Aysan kuu fiicneen.

4. Haweenka marka ay yeeshaan uurka ay sokortoodu kacdo cudurada sababta u ah in sokortu kacdo waxaa ka qatar iyo halis badan miisaanka qofta uurka leh sidaa darteed uurka ka hor iyo ka diba ku dadaal in miisaankaaga aad dhinto si sokort uurka iyo mida caadiga ahba Aad uga nabad gasho.

5. Qaladka ugu wayn Ee waalidku ka galaan caruurtooda ayaa ah in cunuga ay baraan hal daawo marka la qabtana isla daawadaas ay usoo qaadaan waa mamnuuc sababtoo ah hadii daawadaas suuqa ka baxdo waalid adigu ma tihid warshadii samayneysay daawadaas, isku day in Aad u kala badasho caruurta daawooyin isku shaqo qabanaya balse magac ahaan iyo muuqaal ahaan kala duwan si cunuga mid gaar ah u qabatimin.

Waxan rajaynayaa in Aad wax badan ka faa'iiday, la wadaag Asxaabta kale si ay uga faa'iidaystaan

15/11/2020

Qaybta 7_aad

Taxanaha Caafimaadka

1. Qudaarta ugu fiican Ee dadka qaba finanka ay cuni karaan waa koostada bagalka, iyo Ansalaatada sababtoo ah waxaa ku jirta maadooyin liishe ka dhiga maqaarka qofka.

2. Dadka qaba gaaska cabitaanka ugu fiican Ee ay cabi karaan waa koostada iyo sinsinta waayoo waxay hoos u dhigaan gaaska, dibiryada, iyo Oodimaha.

3. Bakteriyada cuntada gasha sida ugu fudud Ee lagu dili karo waa in cuntada la kululeeyo taas oo cadaynaysa waxba waxa ay ka kulul yihiin in ay ka jeermis yar yihiin, waxba waxa ay ka qabow yihiina in ay ka jeermis badan yihiin.

4. Sokorta iyo macmacaanka dadka cuna waa kuwa ugu badan Ee infakshanka ama caabuqa uu ku dhaco xitaa dhakhsi ma raystaan marka uu dhaawac gaaro dadka.

5. Sida ugu fiican Ee haweenku uga hortagi karaan kansarka ku dhaca naasaha waa in hooyadu nuujiso dhalaanka sababtoo ah daraasad la sameeyay ayaa xaqiijisay 82% dumarka uu kansarka naasku ku dhacay in ay ahaayeen kuwa caruurta nuujiyay wax ka yar hal sano.

6. Tima guranka sababta ugu wayn Ee keenta ma ahan nafaqo darro xaga timaha haysata waa qofka oo shanleeya timaha iyaga oo qoyan ama uu shukumaan ama maro ku tirtiro iyada oo qoyan, marna ha shanlayn timahaaga oo qoyan, si iskeed ah in ay tintu u qallasho ayaa kun jeer ka fiican in aad ku qalajiso shukumaan, maro iyo wixii la mid ah.

7. Wadada ugu fiican ee dibiryada caloosha Aad ku yarayn karto waa in Aadan hadlin inta Aad cuntada cunayso iyo in afkaaga oo xiran aad calaaliso cuntada si Aysan hawo u galin dheefshiidkaaga maadaama dheefshiidku xiligaasi uu furan yahay.

Waxaan Rajaynayaa In Wax Badan Aad Ka Faa'iiday Saaxiibaadada La Wadaag Oo dheh.

14/11/2020

Qaybta 6_aad

Taxanaha Caafimaadka

1. Haddii dhiig bax gudaha ah Aad isku aragto haka fakirin infection kaliya in uu ku haayo, marka laga soo tago gabadha Uurka leh, dhibaato xaga Hormone-da ah ayaa keeni karta qoyaanka iyo dhiig bax hoosaadka, isku day in Aad kala hadasho dhakhtarkaaga suuragalnimada hadii la ogaan karo in dhibaato ka jiraan hormones-kaas iyo in kale.

2. Haddii midabka kaadidaadu ay noqoto mid u eg midabka shaah caleentiisu qafiif tahay ogow kilyahaagu xaalad Aan fiicneen ayay ku sugan yihiin waxaad u baahan tahay in Aad cabto ugu yaraan 6 galaas oo biyo ah maalintii si kilyahaagu uga baxaan dhibaatada ay ku sugan yihiin shaqadooduna si fiican u wataan.

3. Haddii saxaradaada Aad ku aragto dhiig micnaheedu kaliya ma ahan in baabasiir ama gaas uu jiro, inta badan qofka marka Beerkiisa dhibaato caafimaad soo wajahdo waxaa saxarada lagu arkaa dhiig, ka fogow wax kasta oo cadiin ama baruur ah iskuna day in aad cunto quraacda halka saac ka hor waliba Aad u cab shaaha sanjabiilka iyo qarfuhu ku badan yahay maadama labaduba sifeeyaan beerka.

4. Haddii Aad isku aragto kabaabiyo lugaha ah, hilmaasho zaaid ah, Gariir ama Dubaax jirka ah sida inaad is dhahdo mobile ayaa dhacayo oo Aad istaataabato iyo hurdada oo kusoo naxdo waxaa waajib kugu ah in aad iska yarayso isticmaalka taleefanka, daawashada dhalada iyo in Aad joojiso mugdiga aad ku isticmalayso teleefanka sababtoo ah shucaaca kaso baxaya taleefanka ayaa dhaawici kara neerfayaasha jirka qaybo ka mid ah.

5. Haddii kilyaha Aad ka dareemayso xanuun ama dhagaxaan ay kaaga jiraan ka fogow cabitaanada Aash*tada leh waxay kilyaha ku ridaan caabuq sidoo kale cabitanada noocaas ah waxaa ku jirta maado kilyaha ku samaysa quruurux ama dhagaxaan, Daraasado la sameyay ayaa lagu ogaaday qofka qofka kale uu ka Aash*to isticmaal badan yahay wuu ka kilya xanun badan yahay.

6. Haddii cuncun jirka ah isku aragto ma ahan waxa ku haayo xasaasiyad oo kaliya waxaa cuncun qofku uu dareemaa marka xameetidiisa dhib ka jiro, Cuncunkas inta Uusan imaan waxaa isku arki doontaa Oodin garabka midig kaaga taagan, dibiryo, cuntada saliida leh oo ku dhibta iyo xanuunadaada oo habeenkii Aad u daran. La xiriir dhakhtar si loo hubiyo hadii xameetidada ay caabuq qabto ama dhagax Uu ku jiro.

Waxan rajaynayaa in Aad wax badan ka faa'iiday, la wadaag Asxaabta kale si ay uga faa'iidaystaan