Qardho General Hospital

12/02/2026

Bismillah,
Maamulka Cisbitaalka Guud ee Qardho iyo Howlwadeenada Cisbitaalka oo isku duuban waxay hambalyo u dirayaan Agaasimaha Cisbitaalka Guud ee Qardho Dr. Husen Muse Nuuh, iyo marwadiisa Iqro Ahmed Faarax oo Xafladda Meherkoodu maanta ka dhacday Magaalada Qardho.
Guud ahaan Howlwadeenadu waxay u ducayanyaan mar labaadna u hambalyaynayaan qoyskan cusub ee kusoo biiray umada islaamka ah.
بارك الله لكما، وبارك عليكما، وجمع بينكما في خير

31/01/2026

31/1/ 2026. Maalin Sabti ah waxaa Tababar aqoon kororsi ah loo qabtay howlwadeenada Waaxda Hooyada iyo Dhallaanka ee Cisbitaalka Guud ee Qardho.

Tababarkan oo cinwaankiisu ahaa Principles of Safe delivery and IUCD MIRENA aya waxa ka faaidaystay guud ahaan howlwadeenada waaxdaas.
Tababarka waxa bixisay Dr Amal Farah oo kamid ah Dhakhatiirta ka howlgasha Cisbitaalka Guud ee Qardho.

Maamulka Cisbitaalka Guud ee Qardho waxa ka goan tababarida iyo aqoon kordhinta guud ahaan howlwadeenada Cisbitaalka Guud ee Qardho.

Alla Mahadle

21/01/2026

21 January 2026
Neonatal Intensive Care unit ( NICU )

Dr. Fayes Al- Abdullah Dhakhtarka Caruurta iyo dhallaanka ee Cisbitaalka Guud ee Qardho wuxu Maanta fasaxay ilmo ku dhashay isaga oo aan dhamaysan Sidkiisa, kuna dhashay 1 kilogram. Ilmaha ayaa lagu daryelayay dhalada lagu koriyo Ilmaha ee Incubator ka mudo dhan 16 Bari waxana loo fidiyey adeeg Caafimaad oo Dhamaystiran.

Maamulka Cisbitaalka Guud ee Qardho wuxu u Mahadcelinayaa Dr Fayes Al Abdulla iyo Dhamaan Nursing ka Qaybta NICU ga oo 24/7 uso jeeda badbaadinta dhallaanka ee ku dhasha xaalado Caafimaad oo khatar ah.

Dr. Fayes Waa Consultant Specialist in Paediatrics and Neonatologist oo Leh 26 Sano oo khibrad ah una adeegay bulshada reer qardho iyo guud ahaan bulshada soomaliyeed.

Alla Mahadle.

20/01/2026

15/01/2026

15/1/2026 Habeen Jimce ah waxa dib loo furay Masaajidka Cisbitaalka Guud ee Qardho oo lagu sameyey balaarin iyo dib u Casriyayn.

Dhismaha Masjidka waxa ku tabarucay Agaasimihii h**e e Cisbitaalka Cismaan Cabdi Awmuse, oo u waqfay Hooyadii eebe ha u raxmade Mumino Bulxan.

Munaasabada Furitaanka Masaajidka Cisbitaalka waxa kasoo qayb galay Gudoomiye Kuxigeenka Gobolka Karkaar Abdiaziiz Yusuf Caamir, Gudoomiye Kuxigeenka Degmadda Qardho Mohamed Saeed Xayaf Gudoomiyaha Gudiga Horumarinta Degmadda Qardho Abdirashiid Mohamud Yusuf isuduwe Kuxigeenka Wasaarada Caafimaad Gobolka Karkaar iyo qaar kamid ah Culimada Al Azhar Shariif ee kuso sugan Qardho iyago halkaas ka jeediyey khudbado iyo ducoyin.

Masaajidka ayaa lagu soo kordhiyey qayb ay ku tukadaan Dumarka taas oo ay u qabeen baahi wayn.

Alla mahadle

09/01/2026

09/01/2025 maalin jimce ah.
Doctorka Carurta Cisbitalka Guud ee Qardho Dr.Fayez Alabdalla, iyo howlwadeenada waaxda NICU ga cisbitaalka ayaa ku guulaystay badbaadinta iyo korinta ilmo oo ku dhashay isaga oo aan sadkiisa dhamaysan, kuna dhashay xaalado caafimaad oo khatar ah.

Ilmahaan ayaa ku dhashay miisaan dhan 1.2 kg, oo ah mid ka yar sida caadiga ah, kuna dhashay xaalado Caafimaad oo tiro badan sida naqaska o ku dhagan iyo sonkorta oo dhacsan. Dhakhtar Caruurta Cisbitaalka Guud ee Qardho Iyo Kalkaaliyayaasha waaxda Daryeelka Caruurta ayaa dadaal badan ku bixiyey badbaadada Ilmaha ku dhashay Isaga oo aan dhamaysan sidkiisa.

Tan iyo intii lasoo kordhiyey Waaxda Daryeelka Caruurta Cisbitaalka Guud ee Qardho waxa sabab u noqotay badbaadada Ilmo tiro badan oo ku dhashay xaalado Caafimaad oo kala duwan.

Alla Mahadle.

08/01/2026

Campaign-ka Qaliimada Guud iyo Lafaha.

Cisbitaalka Guud ee Qardho waxa imanaya Dhakhaatiir ka hawlgasha Cisbitaalka Carafat Garoowe kuwaas oo fuliya Qaliimo bilaash ah muhiimna ah.

Dhakhatiirta ayaa kala ah.

1. Dr abdisamad Dhunkaal Dhakhtarka Qaliimada Guud iyo laparascopiga.
2. ⁠Dr Sahal Ahmed Dhakhtarka lafaha, isgoysyada iyo jugaha.
3. ⁠Dr Ahmed Yusuf Dhakhtarka Qaliimada Guud.

Labada Cisbitaal ayaa iska kaashan doona fulinta qalliimadan hoos ku xusan:
1. Bukaanada ay ku jiraan BIRAHA LAFAHA ee waqtigi laga saari lahaa gaaray, Waxa looga saarayaa si bilaasha ah.
2. Waxa sidoo kale bilaash ah bukaanada ay ku dhaceen xabaduhu lagana saari doono.
3. Qalliimada guud sida feexaha, eernada, baawasiirka, qabsinka, qalliimada xameetida, qalliimada Naasaha, iyo qalliimada qanjirka Thyroidka.

Hadaba, bulshada reer qardhood, bulshada Gobolka Karkaar, iyo guud ahaan bulshada reer Puntland ugu baaqaynaa inay ka faaidaystaan fursadaan.

Isdiwaangaalintu waxay ka socota Cisbitaalka Guud ee Qardho.

Alla Mahadle.

25/12/2025

25/12/2025 maalin khamiisa waxaa waaxda Qalliink Cisbitaalka Guud ee Qardho lagu fuliyay qalliin Cessarean Section ah oo loo sameeyay hooyo lahayd Afar qalliin oo h**e.
Qalliinka waxa fuliyay Dr Abdiqadir Osman iyo Dr Ibrahim Ahmed iyo guud ahaan teamka Operation theaterka.
Waxa xusid mudan Hooyada iyo ilmaheeduba wa ay caafimaad qabaan.

18/12/2025

18/12/2025 Maalin Khamiis ah. Maamulka Cisbitaalka Guud ee Qardho ayaa qalab Caafimaad kala wareegay hay’adda UNHCR qalabkaas oo muhiim u ah Adeeg Caafimaad ee u bixiyo Cisbitaalka Guud ee Qardho.

Munaasabadda la wareegida Qalabka waxa kasoo qayb galay Gudoomiye Kuxigeenka Gobolka Karkaar C/casiis Yusuf Caamir Gudoomiye Kuxigeenka Degmada Qardho Mohamed Said Xayaf isuduwaha Wasaarada Caafimaadka Gobolka Karkaar Cabdullahi Cartan Kowsar Cabdulqaadir oo wakiil u ahayd hay’adda iyo Maamulka Cisbitaalka Guud ee Qardho qaar kamid ah Dhakhaatiirta ka hawlgasha Cisbitaalka.

Maamulka Cisbitaalka Guud ee Qardho wuxu u Mahadcelinayaa Hay’adda UNHCR oo qalabkaan soo gaarsiisay Cisbitaalka Si loogu Adeego bulshada Gobolka Karkaar.

Alla Mahadleh.

17/12/2025

Baahi dhiig AB+

Waxa Cisbitaalka Guud ee Qardho loga baahan yahay dhiig noociisu yahay AB+

Fadlan, hadii nooca dhiigaagu yahay AB+ badbaadi bukaanka u baahan dhiigas lana xiriir waaxda shaybaarka Cisbitaalka.

وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا.

Alla Mahadle.

15/12/2025

Maadaama ay wajahaan caruurtu xaalad Nafaqadarro xiliyada abaaruhu jiraan waxaa Waaxda Quudinta Caruurta ee Cisbitaalka Guud ee Qardho kugu diyaar ah adeeg caafimaad oo dhamaystiran bilaashna(free) ah oo lagu daryeelayo caruurtaas.
Adeegyada bilaashka( Free) ah waxa kamid ah:
1. Waraysi dhakhtar xili kasta oo la keeno ilmaha.
2. shaybaaridda ilamaha dhiigisa, saxaradiisa iyo kadidisa.
3. Cabirka dhererka iyo miisaanka ilmaha.
4. Dawaynta ilmaha iyo siinta dawooyinka loogu talagalay.
5. Quudinta ilamaha iyadoo la siinayo cunto iyo caano loogu talagalay.
6. Quudinta Hooyada la socota ilmaha.
7. Daryeelka ilmaha guud ahaan mudada uu ku jiro cisbitaalka.

Hadaba, nafaqada darada caruurta waa wax laga hortagi karo, lagana dabatagi karo oo la dawayn karo waliba badata xiliyada abaaraha ee an wajahayno xiligan.

Fadlan, horay u gaar Cisbitaalka Guud ee Qardho.
Alla Mahadle.

Wasaaradda Caafimaadka Puntland
Save the Children in Somalia

14/12/2025

Waxa Horumarin iyo Casriyayn lagu sameyey qaybta Dhalooyinka Caruurta ee NICU laguna koriyo Caruurta aan sadkooda dhamaysan, laguna daryeelo kuwa ku dhasha xalaadaha Caafimaad ee khatarta ah. Waaxda waxaa lagu soo kordhiyay dhalooyin cusub (Incubators) iyo adeeg Caafimaad oo muhiim u ah daryeelka caruurta.

Tan iyo inti la hawlgaliyey Qaybta Daryeelka Caruurta Cisbitaalka Guud ee Qardho waxay sabab u noqotay badbaada Dhalaan tiro badan oo intooda badan loo diri jiray magaalooyin kale si ay u helaan gargaar degdeg ah.

Cisbitaalka Waxa ka hawlgala Dr. Fayes Al Abdullahi oo ah Dhakhtar ku takhasusay Daryeelka dhallaanka iyo caruurta oo leh Khibrad 25 sano ah.

Maamulka Cisbitaalka Guud ee Qardho wuxu u Mahadcelinayaa Shaqaalaha Waaxda NICU ee 24/7 u taagan daryeelka iyo badbaadinta caruurta.

Alla Mahadleh.