https://www.facebook.com/643705842159709/

Dr-Rawan Assaf, Baniyas (2026)

17/02/2026

#اليرقان عند حديثي الولادة
⬅️أي ظهور لليرقان خلال أول يوم من الولادة هو مرضي ويجب فحص الطفل
⬅️التغذية المبكرة (ارضاع طبيعي أو حليب صناعي )والمتكررة جدا أساسية ومهمة في معالجة اليرقان
(يعني إذا الأم لسا مااجيتا الدرة هاد مابيعني نترك الطفل يتجفف 🫠)
⬅️المي والسكر مانها بديل أبدا🚫 عن الحليب 🍼
⬅️العلاج تحت ضو النيون بالبيت أبدا مانو علاج (خرافة)
⬅️العلاج يكون بالتغذية الجيدة والعلاج الضوئي بالمشفى 🏨حسب قيمة البيلروبين
⬅️حليب الأم ممكن يكون سبب اليرقان وبهيك حالة ضروري ندعم الطفل بالحليب الصناعي
⬅️حبة اليرقان #ممنوعة وبالعكس ممكن يكون الها تأثيرات عصبية سلبية على الطفل
⬅️ضروري جدا مانستهون باليرقان ومتى ماشفتي طفلك بلش يصفر > لازم تاخديه عالمشفى لان الارتفاع الشديد ممكن يعمل مشاكل عصبية نحنا بغنى عنها
دمتم بخير💛
د.روان عساف
#صحة #أطفال #طبيب #علاج #مرض #يرقان

16/02/2026

كتير ماميات بلاحظو انو طفلن وقف نفسو شوي وبعدا رجع تنفس
وهادي الشي ممكن يكون مقلق عند الامهات 👩‍🍼
بس بحب طمنك انو هاد الشي طبيعي عند الاطفال حديثي الولادة 👶
⬅️منسميه #التنفس #الدوري
بيتوقف نفس الطفل من ١٠ ل٥٠ ثانية تتبع بعدها بحركات تنفس سريعة لمدة ١٠ل١٥ ثانية
طبعا #ضروري اذا لاحظتي اي تغير بطفلك مع هيك حركات متل زرقة او شحوب تخبري طبيبك لان وقتا ممكن يدل على شي مختلف تمام 👍
دمتم بخير💚
د.روان عساف

10/02/2026

#عادات #خاطئة
✨️مو كل رشح أو كريب بحاجة لصاد حيوي (دوا التهاب🙂) الا بحال اختلاط جرثومي
✨️أكتر شغلة غلط انو نوقف الدوا مباشرة بعد الشعور بالتحسن وهالشي رح يسبب مقاومة البكتريا للصادات
✨️مو كل إسهال بحاجة لفلاجيل
الاهم تعويض السوائل
✨️ليس كل ارتفاع حرارة بحاجة لصاد حيوي🙂
#أمومة
د.روان عساف
دمتم بخير🩷

24/01/2026

كتار منكن سمعانين عن مرض اسمو #الداء #الزلاقي أو مايعرف ب #حساسية #القمح 🌾🌾ياترى شو هوي هاد المرض ؟؟وشو علاجو ؟؟
الزلاقي هو مرض يجعل جسم الطفل لا يتحمل مادة اسمها الغلوتين الموجودة في القمح والشعير.
🔸 ماذا يسبب؟
يؤدي إلى تعب الأمعاء وعدم امتصاص الطعام بشكل جيد.
⬅️أهم الأعراض:
إسهال أو إمساك متكرر
انتفاخ البطن
نقص وزن أو ضعف نمو
فقر دم
تعب وشحوب
⬅️التشخيص يكون من خلال تحاليل دموية إضافة للخزعة
(مافي شي اسمو ابني معو داء زلاقي من غير إثبات 🙂)
⚜️العلاج:
لا يوجد دواء شافٍ، لكن العلاج الأساسي هو:
✅ حمية خالية تماماً من الغلوتين #مدى #الحياة
يعني الطفل ممنوع ياكل مشتقات القمح 🌾أو الشعير
مسموح مشتقات الذرة والشوفان ☺️
دمتم بخير
أي استفسار فيكن تسألوني بالتعليقات او عالخاص
#صحة #طفل #طب #طبيب #مرض #الزلاقي #علاج
د.روان عساف

11/01/2026

كيفكن🥰
اليوم بدي احكيلكن عن حالة عند الاطفال👶
كتير ماميات بينتبهو انو طفلن ماعم يمد لسانو لبرا أو انو حركتو مقيدة تقريبا متل يلي بالصورة ⬇️👇
هي الحالة منسميها #لجام #اللسان أو #اللسان #المربوط👅
👈طبعا هي الحالة مابتخوف
بس ممكن تعمل مشاكل بالرضاعة عند الطفل بسبب عدم القدرة على الامساك بالحلمة بشكل صحيح
👈صعوبة في رفع اللسان أو تحريكه جانبيًا
·👈 مشاكل في النطق لاحقًا (خاصة الأحرف التي تحتاج لحركة اللسان)
⚜️العلاج عادةً يكون بسيطًا من خلال عملية قص بسيط للجام اللسان والتي تستغرق دقائق قليلة، وغالبًا لا تحتاج تخديرًا عامًا للأطفال الصغار.
⚜️طبعا ليس كل الحالات تحتاج لعلاج طالما لايوجد تأثير على الارضاع أو الحركة
دمتم بخير🧡
د.روان عساف🧡
#صحة #طفل #طبيب #لجام #اللسان #علاج

08/01/2026

#التسنين عند الأطفال 🦷🦷
مساالخير اليوم حابة احكيلكن عن فترة كتير مهمة وحلوة وصعبة بنفس الوقت🥺
مرحلة التسنين من المراحل المهمة في نمو طفلك وممكن تكون مصحوبة ببعض الصعوبات🥺
⚜️علامات التسنين الشائعة:
· زيادة إفراز اللعاب🤤
· تورم واحمرار اللثة
· فرك اللثة أو العض على الأشياء
· البكاء والانزعاج😭
· ارتفاع طفيف في درجة الحرارة🌡 (ليس أكثر من 38 درجة مئوية)
· اضطرابات في النوم😴
⚜️نصائح لتخفيف الانزعاج⚜️
1. العضاضة المبردة🧊: ضعي عضاضة نظيفة في الثلاجة لتقديمها للطفل
2. تدليك اللثة: باستخدام إصبع نظيف أو قطعة شاش مبللة
3. الأطعمة الباردة: مثل شرائح التفاح🍏 أو الجزر المبردة🥕 (تحت إشراف كامل)
4. المناشف النظيفة: اتركي الطفل يعض على منشفة نظيفة مبللة بماء بارد
#ملاحظة التسنين لايحتاج بالضرورة لعلاج دوائي لكن يمكن استخدام بعض المسكنات بعد استشارة الطبيب
#من #الضروري استشارة طبيبك
· إذا استمرت الحرارة فوق 38.5 درجة مئوية
· ظهور طفح جلدي أو إسهال
· استمرار الأعراض الشديدة لأكثر من يومين
· عدم ظهور أي سن بعد بلوغ الطفل 18 شهراً
#صحة #أطفال #تسنين #طبيب #صحة #الطفل
د.روان عساف

05/01/2026

#البرتقال #للأطفال
كونو نحنا بموسم البرتقال 🍊🍊رح احكيلكن عن فوائدو للأطفال👶
البرتقال فاكهة رائعة ومفيدة جدًا للأطفال، وهو مصدر غني بالعناصر الغذائية الأساسية لنموهم منها :
⚜️فيتامين c الذي يساعد بتقوية المناعة 💪وامتصاص الحديد
⚜️الألياف الغذائية التي تساعد في تخفيف الإمساك
⚜️مضادات الأكسدة التي تساعد بحماية خلايا الجسم من التلف
⚜️فيتامين B9 الضروري لنمو الخلايا وتكوين الدم
⚜️مصدر للطاقة والسكريات الطبيعية
🍊فينا نبلش نعطيه للبيبي من عمر ٦أشهر 🍊
دمتم بخير 🧡
د.روان عساف
#صحة #أطفال #برتقال #فوائد #مرض #وقاية

03/01/2026

صباح الخير 💚
اليوم حابة احكيلكن عن أجهزة الارذاذ واستخداما عند الاطفال 👶
✳️أجهزة الإرذاذ هي أجهزة طبية تحول الدواء السائل إلى رذاذ ناعم يمكن استنشاقه، مما يسمح للدواء بالوصول مباشرة إلى الجهاز التنفسي.
✳️حالات تستدعي استخدام هذه الاجهزة :
1. نوبات الربو الحادة
2. التهاب القصيبات - خاصة عند الرضع
3. التهابات الجهاز التنفسي المصحوبة بضيق تنفس
4. التليف الكيسي - لإذابة الإفرازات
#تنويه
هذه الاجهزة لاتسبب ✖️اعتياد الطفل عليها كما هو شائع لدى بعض الأمهات
⬅️طبعا من الضروري استشارة طبيبك قبل الاستخدام لتقييم الحالة بشكل صحيح
دمتم بخير💚
د.روان عساف
#صحة #طفل #إرذاذ #جهاز #تنفسي #مرض

22/12/2025

👶🦠 الإنفلونزا عند الأطفال👶🦠

تشهد هذه الفترة انتشاراً للإنفلونزا بين الأطفال، وخاصة في الحضانات والمدارس، وتظهر غالباً بالأعراض التالية:
🔹 حرارة مرتفعة
🔹 سعال وزكام
🔹 تعب وبكاء غير معتاد
🔹 نقص الشهية
🔹 إقياء أو إسهال أحياناً

⚠️ انتبهوا:
▪️ الإنفلونزا مرض فيروسي → المضادات الحيوية ❌ لا تعالجها.
▪️ أغلب الأطفال يتحسنون خلال عدة أيام مع العلاج الداعم والراحة.

🛡️ كيف نحمي أطفالنا؟
✅ غسل اليدين بشكل متكرر
✅ عدم إرسال الطفل المريض إلى الحضانة أو المدرسة
✅ تهوية الغرف جيداً
✅ الإكثار من السوائل والرضاعة
✅ الالتزام بالجرعات الصحيحة لخافضات الحرارة فقط

🚨 راجع الطبيب فوراً إذا لاحظت أحد ما يلي:
🔸 صعوبة أو سرعة في التنفس
🔸 خمول شديد أو نعاس غير طبيعي
🔸 رفض الرضاعة أو الشرب
🔸 حرارة عالية لا تنخفض
🔸 اختلاجات
🔸 ازرقاق الشفاه أو الوجه

💊 تذكير مهم للأهالي:
لا تُعطى أدوية السعال أو المضادات الحيوية للأطفال دون استشارة الطبيب.

📌 وعي الأهل = حماية أطفالنا
#أطفال #طبيب #مرض #دواء #انفلونزا
د.روان عساف

09/12/2025

أحيانا بيولد البيبي👶 وعلى ضهرو هي البقعة وهووون مو بس الام العيلة كلا رح تخاف 🥺
بس تعو خبركن شو هي البقعة وياترى بتخوف أو لا 🤔
#البقع #المنغولية
هي بقع مسطحة زرقاء أو رمادية مائلة للزرقة تظهر على جلد الأطفال حديثي الولادة، وتشبه الكدمات.
سببا تجمع لخلايا الميلانين في طبقة الأدمة أثناء التطور الجنيني.
✳️ أشيع الأماكن : أسفل الظهر، الأرداف، وأحياناً الكتفين أو الساقين.
✳️ #الأهم أنو هيي حالة #حميدة ولاتحتاج أي علاج ولا تسبب أي ألم
✳️تتلاشى مع الوقت: تبدأ بالاختفاء عادة في أول 4-5 سنوات من عمر الطفل.
⚜️صح منسميها بقع منغولية #لكن ليس لها أي علاقة بمتلازمة داون
طبعا مامننسى ضرورة مراجعة الطبيب بحال وجود ارتفاع عن سطح الجلد أو تقرح .
دمتم بخير🩷
د.روان عساف
#طبيب #صحة #أطفال #بقع #منغولية #دواء

05/12/2025

إعطاء العسل🍯 قبل عمر السنة عند الاطفال👶 :
✖️ممنوع إعطاؤه تحت أي ظرف تحت عمر السنة
العسل يحتوي على نوع من البكتريا (تعرف باسم المطثية الوشيقية )
الطفل بهذا العمر جهازه الهضمي والمناعي غير ناضج بشكل كافي لمحاربة هذه البكتيريا التي تسبب تسمم غذائي خطير قد يؤدي إلى الموت
إذ تظهر الأعراض خلال ١٨ ل٣٦ساعة بعد تناوله على شكل إمساك قد يكون أول الأعراض وضعف عام وصعوبات تنفسية وصولا الى فشل تنفسي بالحالات الشديدة
لذا يمنعةإعطاؤه أو إعطاء اي منتجات تحوي على العسل
🩷الوقاية خير من العلاج🩷
د.روان عساف

30/11/2025

موضوعنا لليوم عن #الإسهال عند الأطفال
✳️الإسهال هو خسارة السوائل والشوارد من الجسم ويلي بسبب زيادة بعدد مرات التبرز وتغير بالقوام (ممكن يكون رخو زممكن سائل )
✳️أسبابه كتيرة منها التهابات معدة وأمعاء وتسممات غذائية وممكن التهاب زائدة
طبعا في حال كان الإسهال مستمر لفترة طويلة ضروري جدا ندور عالسبب ونعالج السبب
✳️من المهم جدا ننتبه لعمر الطفل
الطفل الرضيع بيتعرض للتجفاف أسرع من الاطفال الأكبر لهيك مالازم نتأخر بالعلاج
#ملاحظة
مافي شي اسمو دوا بوقف الإسهال🙂
العلاج الأساسي يكون بتعويض السوائل المفقودة من الجسم (فموي أو وريدي حسب الحالة السريرية )إضافة للحمية الغذائية
وبرجع بأكد على علاج السبب 👍
د.روان عساف

Dr-Rawan Assaf

17/02/2026

16/02/2026

10/02/2026

24/01/2026

11/01/2026

08/01/2026

05/01/2026

03/01/2026

22/12/2025

09/12/2025

05/12/2025

30/11/2025

Address

Website

Alerts

Shortcuts

Share

Category