Internal Medicine Clinic. Dr. Fatima Alhamed Alduihi

Internal Medicine Clinic. Dr. Fatima Alhamed Alduihi الصفحة طبية لتقديم معلومات طبية وتوجيهات بسيطة تستهدف جميع فئات المجتمع المعنية بالصحة العامة

13/11/2025

خرافات ترتبط بالداء السكري
١. انا ما باخد انسولين جارتي اخذته وماتت بازمة قلب ! الانسولين في دراسات بتشير انه مرضى الداء السكري النمط الثاني الي عادة بيتعالجوا بادوية غير الانسولين بالعادة ممكن ارتفاع مستويات الانسولين عندهم يزيد خطر الاصابة القلبية
٢. الميتفورمين بينقص الوزن لذلك لازم اخذه : الميتفورمين بينقص الوزن عند الاشخاص الي عندن مقاومة انسولين ما عدا ذلك بينقصلك ال b12 😂
٣. السكري يمنع حدوث الحمل : لا ابدا وممكن للسيدة المصابة بالسكري الحمل بس بدها مراقبة دقيقة والسكري الحملي هو نمط سكري مختلف عن السكري الي تصاب فيه السيدة قبل الحمل والنتائج عالجنين تختلف
٤. مرض السكري معدي : خرافة بالطبع السكري مرض مزمن وليس معدي
٥. مريض السكري ما بيصير ياكل فواكه 🤔 مين قلك ممكن ياكل حبة فواكه باليوم طبعا يراجع الطبيب لوضع نظام غذائي يمشي عليه
د. فاطمه الحامد الضويحي

13/11/2025

مساء الخير
يصادف ١٤ تشرين الثاني اليوم العالمي للداء السكري
ف حبيت سلط الضوء على كم نقطة بهالخصوص
١. النشاط الفيزيائي يساهم كثيرا في ضبط مستويات سكر الدم . ابسط نشاط فيزيائي هو المشي ، اذا كنت مريض سكري امشي واصلا حتى لصحة القلب ينصح بالمشي ١٥٠ دقيقة اسبوعيا ما يقارب ٢٢ دقيقة يوميا
٢. بعض ادوية ضبط السكر وخلينا نقول بالعامية منظم السكر لانه بدنا نميز بين المنظم والخافض وهون بشكل خاص بحكي عالميتفورمين والمتوفر بالسوق الدوائية السورية بعدة مسميات تجارية : غليكوميت ، ميتفورال ، غليسفاج ، .. الخ ينعطى مع او بعد الطعام وما بينعطى على معدة فاضية ابدا والغرض التخفيف من التحمل الهضمي او الاعراض الجانبية الهضمية مثل النفخة ، حس الامتلاء ، الاقياءات
٣. خافضات السكر زمرة السلفونيل يوريا تتسبب بهبوط السكر وممكن تعمل نوب هبوط سكر اذا ما الواحد اكل بعدا وبالمختصر ما تاخذ حبة الصبح وتنسى الفطور بعدها . الحديث عن ادوية السكر يطول بس حبيت اذكر هالدوائين
٤. ملاحظة هامة جدا : انت او حدا بالعيلة عنده سكري ومعتمد عالانسولين ، فجأة صار عندك ضعف شهية الام بطنية ، اقياء قست السكر طلع اكثر من ٢٥٠ ، رجااااء اعمل تحليل بول فورا او توجه للمشفى
د. فاطمه الحامد الضويحي

26/10/2025

معلومات عامة (اوقات محددة)
- الاسبرين بعد الغداء
- الستاتينات : اتورفاستاتين ، روزوفاستاتين : بعد العشاء
- ادوية الضغط وخاصة للي الها عمر نصف جيد يغطي اليوم مثل الفالسارتان : تؤخذ صباحا
- المدرات وبشكل خاص اللازكس : حبة صباحا حبة عصرا : نتجنبها قدر الامكان مساء بالذات للمرضى كبار السن حرام يقضيها رايح جاي عالحمام ما ينام
- دواء خافض حمض البول في صنفين مشهورين الالوبيرنول الي اله مسمى تجاري (زيلوريك) والفيبوكسوستات (الكزانتريك) ومع انه الثاني يعتبر اكثر امانا للكلية الا انه الاول اكثر امانا لمرضى الداء القلبي الاكليلي
- دواء قصور الدرق او الليفوتيروكسين : صباحا قبل الطعام ب ٣٠ دقيقة على اقل تقدير وعادة ينصح قبل ساعتين

26/10/2025

سلمات
كونه جايين على شتوية وموسم حساسية
شوية معلومات عامة
المشي بالهواء الرطب او البارد ممكن يحرض نوب ربوية بدنا ننتبه واذا عندك طفل ربوي لبسه لفحة
- ادوية الحساسية بشكل عام ما تنعطى للاطفال تحت عمر السنتين
- ادوية الحساسية المتوافرة بالسوق الدوائية السورية متعددة وليست جميعها امنة بالمطلق للحوامل ، الافضل مراجعة الطبيب وبشكل عام ال loratidine 10mg امن للحوامل
- ادوية الحساسية في معظمها تسبب النعاس لذلك ينصح باخذها ليلا . ليش نذكر بهالمعلومة : ينصح بعدم قيادة السيارة او المركبات بعد تناول ادوية الحساسية
- فيما يتعلق باستهلاك الصادات الحيوية : ليس كل سعال بده (ازيترو واوغمنتين) وهذا الاستهلاك العشوائي للصادات الحيوية مسيء اكثر ماله مفيد
- اخيرا مو كل ما حدا صار عنده احتقان عالسريع ديكلون وديكسا او روس وديكسا ...

26/08/2025

حافظ على التوازن الحراري لجسمك في هذه الأجواء الحارة
احرص على تناول كمية جيدة من الماء لتجنب التجفاف
يوصى بعدم التعرض لأشعة الشمس المباشرة في اوقات الذروة

20/08/2025


- كيف صار المريض ؟
ضايج والله يا دكتور
- عم تعطوه دواه ؟
اي والله بس ما عم نعطيه #المميع
- ليييييش؟
قالولنا مريض الجلطة الدماغية او النزف ما بينعطى اسبرين
- مين هني ؟
العالم
- مين هالعالم ؟ اطباء ؟
لا
وكم قصة تشبها قلي فلان وقالتلي فلانة

20/08/2025

دكتور انا عندي القلب وبدي اقلع ضرس
جارنا قلي لازم وقف #المميع خمس ايام
هي الجملة ال على طول نسمعا
شوف عزيزي عالقصة تعتمد على :
١. شو هو #المميع ال عم تستخدمه لانه مو كل المميعات تتوقف خمس ايام ، اي اي في مميعات تتوقف يومين
٢. شو هي الحالة القلبية ال عندك
في حالات قلبية تتطلب وخطر ايقاف للتمييع اكبر من اي خطر تاني قد ينطوي عليه بقاء ضرسك العزيز
لذلك
ما تجتهدوا على شو قال فلان وشو قالت فلانة
توجه للدكتور لطلب #الاستشارة
د. فاطمه الحامد الضويحي

20/08/2025

كيف الصور يا دكتور ؟
قريبا حتشوفي زوجك يا مدام -
المرحوم عاطيك عمره
بعرف -

20/08/2025

انت دكتور #باطنة
اي نعم
يعني بتفحص #بطن
اي نعم
طيب شوفلنا صبي ولا بنت

20/08/2025

فيتامين دال ينحل بالدسم
يعني ما تاخده عالريق وتسأل ليش عندي
مو حبة #معدة هاد

20/08/2025

بزماناته زميل قلنا لما كنت بالمشفى
كبير اشقيا الجراحين قلي يا ابني وانت تقرا رسم القلب
لو كله لفوق اتوكل على الله واشتغل
لو كله لتحت اطلب استشارة كارديو
لو خط واحد يبقى المريض مات
#سهل أهو
وانتوا احكولنا شو تعرفوا عن

20/08/2025

#صح #خطأ
احكولنا عن عادات صحية كنتوا تعتقدوا انها #صح وطلعت #خطأ وبالعكس

Address

Deir Zzor

Website

Alerts

Be the first to know and let us send you an email when Internal Medicine Clinic. Dr. Fatima Alhamed Alduihi posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Internal Medicine Clinic. Dr. Fatima Alhamed Alduihi:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category