بسم الله الرحمن الرحيم
يعلن تجمع شفق الطلابي التطوعي عن استئناف العمل بمبادرة طلاب طب الأسنان لتشخيص ومعالجة الآفات السنية
ابتداء من يوم الجمعة 4-11-2022
حيث يتم استقبال وتشخيص الحالات في عيادة الدكتور محمد عبد الحليم حرك الكائنة في الساحة العامة فوق مطعم أبو النور
كل خميس وجمعة من الساعة الواحدة ظهراً وحتى الرابعة عصراً
ومعالجة الحالات في مشفى حلب الجامعي لجراحة الفم والفكين
ملاحظة: استمرارية المبادرة مرتبطة باستقبال المشفى للحالات ولذلك المبادرة فصلية وغير مستمرة
والله من وراء القصد
#شفق
24/03/2022
يعلن تجمع شفق التطوعي في نبل والزهراء عن
استئناف العمل بمبادرة طب الأسنان لتشخيص و معالجة الحالات التالية :
•ترميم الأسنان
•سحب عصب
•قلع
•معالجات أطفال
•تقليح و تنظيف الأسنان و معالجة اللثة
•تيجان و جسور
•بدلات سنية
📌المعالجة مجانية أو شبه مجانية حسب نوع المعالجة
التشخيص: في عيادة الدكتور يحيى محمد ابرص الكائنة في مدينة نبل-الساحة العامة- نزلة أبو الكنج
المعالجة : في مشفى حلب الجامعي لجراحة الفم والفكين
الزمان : يوم الجمعة من كل أسبوع
من الساعة : الواحدة حتى الثالثة ظهراً
📞للتواصل والاستفسار
(اتصال+واتساب): ٠٩٣٤٤٥٩٦٤٥
14/02/2022
⁉️
#شفق
هل تعلم أن عد النجوم بالسما ✨ ليس له علاقة بالثآليل الجلدية المعروفة بالعامية بالتالول☺️👌
هالثآليل بتنجم عن الإصابة بفيروس HPV
وبتنتقل بالعدوى عن طريق ملامسة جلد شخص مصاب فيها😱
ولله شكلك ماتعلم 😅❤️
تقديم: د.بيان السفراني
المصدر : في أول تعليق
10/02/2022
🙎♀️يا سلاام... الجو اليوم شو رايك نطلع مشوار
🙋♀️لا لا دخيلك شو مشوار.. ما رح اطلع من البيت لتروح هالحبوب من وجهي.. طلعوا لحالن و شو ما عم اعمل ما عم يروحوا 😞
👩⚖️ خليني شوف 🧐🔍
هاد يا صديقتي اسمو حب الشباب (العَدّ الشائع) Common Acne
بينصاب فيه أكثر من 80٪ من الشباب، لهيك اسمو العَدّ الشائع.
بيصير لما بيزداد إفراز الغدد الدهنية وخاصة بالوجه و الصدر والضهر وبكون على شكل إما:
🔴 زئوان (رؤوس بيضاء أو سوداء)
🔴 تورمات متقيحة(زيوان حمرا مؤلمة)
🔴 كيسات (حويصلات متقيحة مؤلمة)
💁♀️ وشو السبب معقول من الكريم الجديد أو من الشوكولا يلي كنت عم آكلها هيك سمعت من رفيقتي 🤔
👩⚖️ لا بنتي لا 😄 .. في عدة عوامل ممكن تأثر منها :
* الوراثة 🧬
* البشرة الدهنية
* الجراثيم
* التغيرات الهرمونية عن الجنسين
* الاضطرابات النفسية والعصبية
* التعرض للغبار او استعمال مواد زيتية للبشرة
* الحمل
* قبل الدورة الشهرية
👩⚖️ بالدرجة الأولى والأخيرة لازم تسألي دكتور أخصائي جلدية،
(يُحدِد الطبيب العلاج حسب شدة الحالة)
◼️الطبيب اللي رح يخبرك بالعلاج ممكن يوصفلك ادوية ، مواد تجميلية وممكن يعمل تقشير للبشرة، أو الليزر 🤷♀️
🎀 لدوام _إشراقة_ونضارة_وجهك_عزيزتي...
من المهم..
◼️ الاستحمام بعد التمارين الرياضية
◼️ ما تستعملي مواد التجميل بشكل مبالغ فيه، وضرورة إزالتها قبل النوم
◼️استعمال غسول خاص للوجه مرتين يومياً، مع منشفة ناعمة
◼️ عدم لمس أو حكّ او الضغط على المنطقة المصابة
◼️ ما توقفي الدوا الموصوف قبل انتهاء المدة اللي حددها الطبيب
◼️ مافي وصفة تخلي حب الشباب يختفي بين ليلة وضحاها لازم نكون صبورين وملتزمين بالعلاج
كلمة أخيرة... 🎗️
((العلاج اللي ناسب صديقتك أو جارتك من الممكن ما يناسبك ويزيد تفاقم الحالة))
👨🔬 ضرورة الزيارة المبكرة للطبيب لتقييم الحالة والعلاج المبكر قبل ظهور الندبات
التأخر في العلاج بينتج عنه ظهور ندبات بيصعب علاجها.
دمتم بخير.. 🌸
تقديم: د.زينب علي يونس
المصدر : في أول تعليق
07/02/2022
غالبية الناس بتعاني من شي اسمو (الصرير🤔) يلي متعارف عليه باسم /الكز على الأسنان/
مجرد ما الناس تشوف طبيب أسنان بتقلو دكتور أغلب الأحيان بفيق من النوم بحس عضلات وجهي متشنجة وخدودي عم توجعني يا دكتور شو السبب؟؟☹️
أو دكتور سناني عم تقصر وتمح وتختفي شو السبب يا ترى ؟؟🤔
أو بيجي مريض بقلك لما كون عم آكل بحس بألم وصوت طقطقة ؟؟......
هون بقا بيجي دورك كطبيب لتخبرهن أنو هاد يلي عم يصير معهن سببو الصرير يلي هوي عبارة عن عملية إطباق شديد على الأسنان وطحنها بتأدي بالنهاية إلى قصر في طول تاج السن
ممكن يصير أثناء النوم أو اليقظة
وغالباً بصيب المراحل العمرية الصغيرة وبزول في مرحلة البلوغ
أسبابه: القلق😟_ الضغط العصبي😓_ التوتر😣_ إحباط_ غضب😤
طبعاً بزيد خطر الإصابة بالصرير عند الأشخاص العدوانيين😈
ومن العوامل التالية :
بعض مضادات الاكتئاب 🙁😞💊
التدخين🚬
الكحول🍾
المشروبات الحاوية على الكافئيين☕🫖
أمراض متل الصرع والخرف وباركنسون وانقطاع التنفس اثناء النوم
أعراضه : قد يؤدي الصرير مع تطور الحالة إلى :
1️⃣ آلام شديدة بالوجه أو الفك أو الرقبة
2️⃣ احتكاك الأسنان وتلفها وقد يصدر صوت كافي لإيقاظ شخص ينام معك بنفس المكان
3️⃣ صداع توتري
4️⃣ اضطراب بالمفصل الفكي الصدغي
وسماع صوت قرب الأذنين أثناء حركات الفتح والإغلاق للفك وأثناء عملية مضغ الطعام
5️⃣ ألم وحساسية للأسنان🧊🍦
6️⃣ ألم قد تشعر أنه من الأذن لكن بالواقع المشكلة ليست من الأذن وهناك أسباب أخرى عديدة.....
العلاج: صرير الأسنان الطفيف لا يحتاج لعلاج لكن يستدعي زيارة الطبيب عندما يكون متكرر وشديد مترافق مع أحد الأعراض المذكورة
يتم علاج الحالات المتفاقمة ب
_جبائر وواقيات فم لفصل الأسنان عن بعضها
_مرخيات عضلية
_أدوية للقلق والتوتر أو إيقاف أدوية أدَّت للصرير واستبدالها بأدوية أخرى.....
*****************
نصيحة👀: يجب على الأهالي الانتباه لأطفالهم👧🏼👶🏼في حال وجود عرض من أعراض الصرير وذكره للطبيب لعلاجه قبل تفاقم الحالة🤗
دُمْتُم بِخير🌸😊🌸
تقديم: د.ريم نجار
المصدر: في أول تعليق
03/02/2022
الشقيقة أو الصداع النصفي؟! 💁♀️
اسمها هيك علمياً لأنو بتصيب شق واحد من الجمجمة !🙂
بس فعليّا هي اسمها هيك لأنها بتشق الجمجمه بالنص !
هيك أوقات ..
بقرر فيها جزء من راسي الانفصال بشّدة عن الجزء التاني ، كيف
وليش ماحدا بيعرف .. بلحظة غضب بقرروا ينفصلوا
لأ مو بس هيك كمان🙄
تلقائياً عيني بتقرر تنفصل مع هالجزء 💁♀️
بهاللحظات أنا ماعاد عندي قدرة شوفك ولا حاكيك وبفضل ماتحاكيني ، او تقعد معي لأنك رح تشوفني عم اخبط راسي بأي شي بيطلع بوشي ، رح تشوفني عم ابكي واتقلب يمين شمال ، واحتمال كبير استفرغ قدامك .. رح تسمعني عم اعرض عليك تساعدني بأني اتخلص من راسي بأي طريقة ، وقتها أنا مستعدة تماماً لأستغني عنو بشكل كامل للأسف💔
هاد كان باختصار مجرد مشهد من الدراما الحزينة يلي بيتكرر مع كل نوبة شقيقة.
ف أنا ومن هالحكي كلو في رسالتين هدفي وصلهن لكل الناس..
🔹الأولى أنو بس يكون عندكن هيك قصة وهيك أعراض لازم و ضروري جداً تتوجهوا لعند طبيب عصبية مختص ليعالجكن أبكر.. بترجاكن ما تاخدوا مسكنات من راسكن لأنو العلاجات غير النوعية هيي السبب الأول والأهم لتحول الشقيقة من نوبية إلى مزمنة
🔹الرسالة التانية رجاءً ما تستهينوا بأي حدا عندكن بالبيت معو شقيقة وحاولوا عنجد تقدّروا وضعو بهاد الوقت
وصحيح انو نسبتو عالمياً تقدر ب ٢ ل ٣ ٪ من السكان وهي نسبة مهمة كتير بس بدكن تديروا بالكن ع النساء لأنو بصيبهن بنسب أكتر.. 💔
ف رفقاً بهنّ الله يخليكن😊
🌸 شوية نصائح لتخفيف وجع الشقيقة أنتو وبالبيت..
لما تجيك النوبة قعود بغرفة هادية وعتمة.. دلك فروة راسك.. وحط قطعة قماش باردة على جبينك او على رقبتك من ورا..
وبعّد عن العوامل المؤهبة لحدوث النوبة.. يلي هي :
_الأطعمة الحاوية على التيرامين، جبنة شوكولا مكسرات
_الأضواء💡 والتحديق بالشاشات والأصوات العالية📺
_الدورة الطمثية والانفعال العاطفي
_الصيام والجوع
_تناول الأدوية وأهمها حبوب منع الحمل💊
_مشاكل النوم والسهر لوقت طويل
_الشعر المبلل ممكن يحرض الشقيقة عند البعض.
هيك بتكون قدر الامكان قدرت تخفف من النوبة وتصير أحسن انشالله😊
وماعلى قلبكن شر.. ❤️
تقديم: د.فاطمة الزهراء علي بلوي
المصدر: بأول تعليق
27/01/2022
🤱
ما المفضل لدى السيدات!! الإرضاع الوالدي أم الإرضاع الصناعي؟؟ 🤔🧐
حليب الأم: يحوي على مزيج مثالي من البروتين والفيتامينات والمعادن والأضداد المناعية التي تحمي الرضيع من الأمراض.
بماذا ينصح الأطباء؟👩⚕️
ب الإرضاع الوالدي لأن :
✒حليب الأم يحمي الطفل من أمراض عديدة فيحميه من التهابات الاذن و الاسهال والسكري من النوع الأول وسرطانات الدم في مرحلة الطفولة والتهاب الجلد التأتبي لدى الأطفال.
✒يقوي الرابط بين الأم والرضيع فالاتصال الجسدي مهم لحديثي الولادة ويشعرهم بالأمان والدفء والراحة.🤱
✒يحافظ على مخزون الحديد عند الأم فلا تصاب ب فقر الدم.
✒يقلل من نسبة الإصابة بسرطان الثدي.
👀لماذا يفضل الطب حليب الأم عن باقي أنواع الحليب؟👀
لأن حليب الأم معقم،مجاني،مريح للأم، كما أنه سهل الهضم ويقي الرضيع من الإمساك... أما الأنواع الأخرى فتحتاج تعقيم ووقت لهضمها وتسبب الإمساك لبعض الرّضع.
ماهي المدة المثالية للإرضاع ؟؟
الإرضاع الوالدي هام في أول ستة أشهر حتى تمام السنة، ويمكن للسيدة الإرضاع لمدة عامين.
ويمكن من عمر الستة أشهر إدخال الأطعمة مثل الارز المسلوق والخضراوات والفواكه.
💡هل يمنع الإرضاع حدوث الحمل؟
يعتبر الإرضاع الطبيعي مانع ضعيف للحمل.
💡هل يمكن للأم المنجبة في سن الأربعين الإرضاع؟
الإرضاع طبيعي ومثالي كالسيدة المنجبة في سن العشرين لافرق.
💡هل يمكن للمصابة بسوء التغذية الإرضاع؟
في مجاعة الصومال لم ينجو سوى الأطفال الرّضّع.. فلا يعيق سوء التغذية لدى الأم الإرضاع.
😁😜وبس تكبر رح تسمعك أمك بحق الحليب وبتطلع بنت الجيران يلي حبيتها أختك بالرضاعة😑😐 🤷♀️
ودمتم بألف خير 💙
تقديم: د.هبة كعدة
المصدر: في أول تعليق
24/01/2022
#شفق
صار عندي صلعة ولساتني باول عمري 😱
🙍🏻♀️ دكتورة لحقيني اذا بتريدي
شعراتي صاير فيهن فراغات و عم خبيهن بالزور و خايفة يروحو شعراتي كلهن
👩🏻⚕️طيب طولي بالك و حكيلي ع مهل شو صاير معك
🙍🏻♀️كنت عم مشط شعري و انتبهت لبقعة فاضية فيها شعرات متل شعر البيبي الجديد نطرت فترة و ما طول ف خفت كتير
👩🏻⚕️المهم انو في شي التهاب او حبوب بهدول البقع ؟
🙍🏻♀️ لا بس هيك شعرات قصار
👩🏻⚕️طيب لقلك انو شعراتك رح يطولو و يرجعو متل قبل و أحلى
بس أنتي انتبهي للشي الي بدي قولو 💛
انتي انتقلتلك عدوى فطرية
و هالعدو الفطري اسمو ميكروسبورم و بسبب مرض السعفة الجازة الشعرية الجافة
"هالعدو الصغير" بأثر ع الكيراتين بالجلد وبصيب بصيلات الشعر ف بتسبب جز للشعر و بصير متل الشعر اول طلوعو بس ما بيطول ابدا
و فيها شوية توسفات متل القشرة بس سليمة
الأهم أنو مافي تقيح و التهاب
هالعدو الصغير بكون بالتربة
و بيجي كائن لطيف للبعض و حقير للبعض الآخر 😅 قطة أو كلب أو أي حيوان آخر
بينقل هالفطر للإنسان (أطفال أو بالغين) و بسببلو هالصلعات الصغار
هون نحن بيجي دورنا 😌
العلاج الي منعطيه للمرضى هو الغريزيوفولفين (Griseofulvin )
و هالدوا المكافح الجبار بيدخل بنسيج الشعرة و هي عم تنمو و بخليها تصير مانها مناسبة للفطر لحتى يعيش
ف لهيك منخلص منو و منرجع متل ما كنا و أحلى
🙍🏻♀️طيب دكتورة اذا مالقينا هاد الدوا ؟
👩🏻⚕️ ولووو معنا كلشي الو بديل 😎
في عنا الخط الدفاعي التاني اذا ما توافر الغريزيوفولفين
عنا ال terbinafine او ال Itraconazole
💡بس هون بدنا ننوّه لشغلة ضرورية أنو عنا أكتر من مرض جلدي فطري و اعراضو مشابهة بس الأدوية مو بالضرورة تكون نفسها (استشارة طبيب او صيدلاني يُفضّل قبل استخدام اي علاج )
و بالأخير نحن دايما مننصح بالنظافة الشخصية و إذا كان عنا حيوانات نتأكد من نظافتهن و نتقيد بمناشف خاصة فينا و ما نشارك الأغراض الشخصية مع حدا تاني و هيك منكون وقينا حالنا و غيرنا و شعراتنا بيبقو متل ماهنن و ما منخاف نخسرهن 💛
تقديم : د.فاطمة كزو
فاطمة ح. كزو
المصدر : بأول تعليق
20/01/2022
😴_ بتكون نايم بأمان الله فجأة بتفيقك بنص الليل بدها كيوي، والدنيا ربيع 🤷♀️
🙎♂️_يا بنت الناس وين بدي لاقيلك كيوي هلأ 🙄
🤰_مادخلني أحسن ما تطلع بعين الصبي 😐😶
🤦♂️_أستغفر الله بس 😒😒 ماشي نازل ..😈
🤷♂️_ألوووو ... السلام عليكم حكيم آسف عالإزعاج بس وآخرتها مع قصة الوحام يعني!! مابدنا يطلع ولي العهد مشوه لاقيلنا تدبيرة😶😐
👨🏼⚕️_ المشكلة عند مدامتك أنا شرحتلا الفكرة أكتر من مرة ولهلأ بتضل تدلل ..
#شو بقول الطب:
الوحام الحملي هو أمر طبيعي بيصير عند الحوامل خلال الثلث الأول من الحمل يعني أول ثلاث شهور وممكن يستمر أكتر حتى لبعد الولادة وممكن ينتهي بالشهر السابع ..
🧐السبب هو التغيرات الهرمونية والفيزيولوجية والنفسية يلي بتمر فيها الحامل، ومتل أي سلوك في الجسم الشهيّة رح تستجيب لهالتغيرات فبتصير السيدة تشتهي شغلات 🤩وتنفر من شغلات تانية😖
الوحام الحملي آمن تماماً على الجنين ولايشكل أي خطر على الأم أو شكل الجنين.
أما الوحمات يلي بتظهر على أحد مناطق الجسم لدى الأطفال منذ الولادة أو بعد شهور قليلة من الولادة فهي شيء آخر( لاااااا يتعلق بالوحام الحملي🙊🤠🥳 )
السبب: غير معروف ممكن يكون بسبب البروتينات يلي بتفرزها المشيمة أو خلال عملية اتساع وانقباض الأوعية الدموية.
أنواع الوحمات:
📎 وحمات وعائية: لونها أحمر او أرجواني أو وردي.
📎وحمات مصطبغة: بني أو أسود أو رمادي.
📎بقع القهوة بحليب.
📎الشامات يلي ممكن تكون صغيرة وتكبر أو يظهر فيها أشعار.
📎البقع الزرقاء أو الرمادية.
📌هالوحمات مؤذية؟؟؟
غير مؤذية ولا تحتاج رعاية وقد تزول مع الزمن لوحدها.
📌كيف منتعامل معها؟؟
إخبار الطفل بأن الناس لا يقصدون الاستفزاز أو الوقاحة ودعمه وتعزيز ثقته بنفسه، وإخباره بأن الوحمة ميزة إضافية.
ولازم نتعلم نتعامل مع الناس باحترام ورقي.
🙂_طيب دكتور هلأ أدّور ع كيوي ولا أروح أشرحلها هالكلام؟!
👨🏼⚕️_دوّر ولا ترجع إذا ما جبتلها 😂😂
بكرى بيجي الولد مشتهي عالكيوي 😎😎
"مرق سنة ع رحيله .. ولسا الألم بحجم اللحظة الاولى ..
عم أهرب من الذكريات .. عم خاف واجها
بس المشكلة إنها عم تلاحقني كل الوقت .. حتى وأنا نايمة! 😔
بتعرفي انو هيدي السنة ما ترفعت .. ولا قدرت ارجع للنادي او للرسم
ما عم أقدر أتقبل حالي ولا الناس ..
انا يا نور ما عدت انا ! "
اضطراب الكرب التالي للصدمة ( PTSD )💔
طبيعي جداً نمر بمشاعر مشابهة بعد الصدمات القوية اللي منتعرضلا باالحياة..
لكن استمرار هيدي المشاعر لشهور او سنوات وإعاقتها لنشاطاتنا اليومية ممكن يعني اصابتنا بال PTSD
اذا كنت عم تمرق بهاد المنعطف :
* احط نفسك بالعائلة والاصدقاء ..
مو غلط ابدً تطلب الدعم من أشخاص بتعرف تماماً بمحبتن الك واستعدادن ليكونوا جنبك بأيا وقت..
*شارك تجربتك مع اشخاص مروا بتجارب مشابهة .. يمكن يكونوا انعكاس الك من المستقبل ويخبروك انو العالم رح يرجع لطيف من جديد 🌼
*دلل نفسك ..
اعتبر انو عندك طفل صغير محتاج رعاية واهتمام ومشاوير واكلات طيبة .. وطبعاً الكثيير من الحب♥️
*استعين بطبيب أو مرشد نفسي..
هاد الشخص قادر يخليك تتعامل مع المشاعر السلبية والصعوبات اللي عم تمنعك ترجع للحياة .
ومعه فيك تجرب نوع تاني من العلاج وهو العلاج بالتعرض .. بمعنى آخر المواجهة
مواجهة الحادثة الاليمة والذكريات المرتبطة فيها بشكل تدريجي لتقدر تتكيف معها بطريقة احسن .
واخيراً .. العلاج الدوائي مو غلط .. وأحيانا ضروري .. بس المهم يكون تحت إشراف الطبيب .
كتار مننا حضرانين مسلسل ليالي الصالحية وبيعرفوه للمعلم عمر ومرته سعدية، سعدية المسكينة يلي كانت طول المسلسل حابة تحمل وتصير أم..
وبيوم من الأيام بلشت سعدية بالوحام وقلة المروة وبلش بطنها يكبر🤰
والمعلم عمر انبسط وفكر رح يصير أب🧑🍼
حتى اجت الداية أم زهور وقالتله أن مرتك مو حامل وهاد بسموه "الحبل الكذابي أو الشيطاني" 🧟♂
خلينا نحكي عنه شوي:
هو حالة عاطفية نادرة، بتظن المرأة نفسها أنها حامل وبتقعد بتعد الأيام وبتنطر ابنها.. 🤰
خلال هالفترة رح تعاني من معظم أعراض الحمل الحقيقي يعني دوخة و وحام ولعية النفس والإقياء ومغص البطن.. مو بس هيك ورح يكبر بطنها كمان ويصير عندا ألم بصدرها "الأثداء" والأهم من كل هاد أن رح توقف عندها الدورة الشهرية..
أسباب الحمل الكاذب:
السبب الرئيسي لهلأ مو معروف بس الأطباء قالوا أن العوامل النفسية هي يلي عم تقنع المرأة بأنها حامل..
-يعني حاجتها للشعور بالأمومة ... رغبتها الشديدة انو يكون عندها طفل وتشكيل عيلة او خوفها من أن زوجها يطلقها، أو يتزوج عليها ..
نتيجة هالعوامل عم يعمل الجسم ردة فعل وببلش هون "الحمل الكاذب"
التشخيص:
بكون بالإيكو عند دكتور/ة نسائية ومنشوف أن البطن كبير بس الرحم صغير وفاضي.. يعني مافيه بيبي 👶
العلاج:
نوعين.. الدوائي وهاد شغل الدكتور👩⚕
والعلاج النفسي وهاد شغلنا كلنا.. بأن ندعم المرأة ونوقف جنبها لتتخطى صدمتها لما تكتشف أنها مو حامل وأنها تأملت ونطرت ابنها يلي مارح يجي أساساً 💔
ولازم الزوج يكون متل المعلم عمر لما قلا لسعدية الخايفة أن يتزوج عليها "شوفي يا سعدية أنا إذا بفكر أتزوج وحدة تانية، رح أتزوج سعدية مرة تانية"
وأنت عزيزي الرجل كمان عندك حمل كاذب👨🍼
أي أي ويلي بسموه الحمل الودي أو متلازمة التضامن (كوفاد)²
ويلي بتصير عند الأزواج يلي زوجاتهم حوامل ..وبعيشوا معهن جو الحمل والوحام والأكشن من باب التضامن..
كم أنت عظيم أيها الرجل 😂
تضلوا بخير ع طول ❤️
مع دخول موسم الشتاء حبيب الملايين💙
بتبلش فيروسات الرشح والكريب تلعب لعبتا
ونحن هون متل الطير الطاير عالصيدلية🏃🏃
منجيب البطل الشهم يلي منفكره رح يخلصنا من الرشح والكريب
يلي هو :
حب التهاب💊💊
بس هون لازم نهدي شوي💆♀💆♀
لأنو للأسف طلع حب الالتهاب عم يضحك علينا وطلع مابفيدنا 😪😪
طيب ليش؟
رح نقلكن..
حب الالتهاب الذي يسمى علمياً
*المضاد الحيوي*
متل مامشهور منه أزيترومايسين .. أوغمنتين..
تستخدم لمقاومة الجراثيم والبكتيريا 🦠🦠
أما الرشح والكريب متل مامنعرف سببها فيروسي
طيب بيجيك حدا بقلك أنا مابقتنع بحكي الدكاترة ورح استخدم حب التهاب شو رح يأذيني❓❓
في شي اسمو مقاومة الصادات الحيوية
يعني أنت اذا استخدمت الصادات بشكل عشوائي رح توصل لمرحلة مارح يستجيب جسمك عليها 😱
ووقت تحتاجها فعلا مارح تلاقيها جنبك وفي حالات بتوصل للموت بسبب المقاومة ☠️☠️
لهيك لاتبعزقوا مصرياتكن سيد راسي 😁
ولاتاخدوا المضاد الحيوي دون وصفة طبيب👨⚕
ولمابتعانوا من الكريب عليكم بالراحة 🛌 ودفوا حالكن وعصروا 🍊🍊🍋🍋
ونشالله ماعقلبكن شر ❤️
Be the first to know and let us send you an email when Shafaq شفق posts news and promotions. Your email address will not be used for any other purpose, and you can unsubscribe at any time.
