25/10/2025
🔴
دكتورة، بنتي عمرها شهرين، من يومين لاحظت على لسانها بقع بيضا مثل الحليب…
مسحتها وما راحت 😟
وصارت تبكي وقت الرضاعة، وما عم ترضع مني مثل قبل!
👩⚕️ طيب يا ماما، في ألم عندك بالحلمة؟
اي والله، بتحرقني وقت الرضاعة وبعدها شوي 😢
(بعد الفحص...)
👩⚕️ تمام ما تقلقي يا ماما ، هي اسمها ، وهي حالة شائعة جداً عند الرضع بهالعمر.
💡 السبب:
في فطر اسمه كانديدا ، بيعيش طبيعي بالفم، بس ممكن يتكاثر إذا المناعة ضعفت أو بعد استخدام مضادات حيوية.
وغالباً بينتقل بين الأم والطفل وقت الرضاعة، يعني ممكن كل واحد يعدي التاني 😅
💊 العلاج:
👈🏻 بنعطي جل أو قطرات مضادة للفطريات.
👈🏻ضروري نعالج الأم بنفس الوقت، حتى ما ترجع العدوى.
👈🏻 لازم تعقيم اللهاية وزجاجة الرضاعة بعد كل استخدام.
👈🏻 غسل وتجفيف الحلمة قبل وبعد الرضاعة.
⚠️ ملاحظات مهمة:
🚫 الرضاعة أبداً يا ماما ، العلاج آمن وبيخلص بسرعة.
✅إذا ظهر طفح أبيض أو محمّر بمنطقة الحفاض، غالبًا هو نفس الفطر وبدّو كريم مضاد.
👈🏻بعد الشفاء، استمري بتعقيم الأدوات كم يوم حتى ما ترجع الإصابة.
👩⚕️ بكرا إن شاء الله البقع بتخف… أهم شي نحافظ على النظافة والتعقيم، ونتابع العلاج للآخر 💗
د. علا سليمان ديبو
أخصائية بأمراض الأطفال والرضع والخدج وحديثي الولادة
بورد سوري بطب الأطفال
