.. المخبر يلي اله أثر وطابع ما بينتسى، مخبر التصوير والألوان المميزة والمناظر الحلوة يلي ما منشوفها بأي مخبر تاني🌵🌿🪻
وأكتر مخبر بتحس فيه أنو بيتك التاني بالنضافة😂💚
المخبر يلي بيوصل علم الكيمياء مع علم الصيدلة🤍
فيه منكشف عن وجود المواد الطبية كالفيتامينات والبنسلينات ومعايرتهم كيميائياً (كمياً ونوعياً)💜
وفيه منشتغل التجارب يلي الطلاب بتحبها وبتتحمسلها كتير🤭
معجون الفيل🌪️
الدم الكاذب🩸
البرق بالأنبوب🧪
تجربة الحرباء🦎
متذكرين كيف عملناها ولا بس منظر وتصوير❓🌚
وأهم شي تسكر المريول فيه ياطالب/ة أحسن ما تكتر عندك الـ ➖➖
احكولنا عن تجربتكم بهالمخبر المميز، وأكيد الكل عنده صور فيه بعتولنا ..
وكنتوا تحبوه ولا لا⁉️🤍
وياترى مين درسكم، وأخدتوا منه هدايا من دكتوره ولا ما كان الكم حظ😁
/ة
27/10/2025
ولنكمل بسلسلة المخابر رح نبلش بمخابر السنة الثالثة
" المخبر الأول"
مخبر الأدوية١
لمحة عن المخبر
مادة الادوية ١ قسم النظري بشكل عام هي قسمين
قسم عام بيحكي عن الحركية والتأثير
وقسم خاص بيحكي عن الأدوية الودية ونظيرة الودية وأدوية الصرع والاكتئاب
والقسم العملي بيتضمن دراسة الادوية على حيوانات التجربة اللي هني( ضفادع وأرانب غالبا)
يعني دراسة ما قبل سريرية للمواد الدوائية
مثل البنزوديازبينات والباربيتورات والمخدرات الموضعية والعامة ..
مخبر حلو كتير وفيه أكشن ما بتروح من عقل الطلاب
حكولنا شو الكم ذكريات فيه، وكنتوا تحبوه ولا لا🌝
ويا ترى مين درسكم⁉️
01/10/2025
المخبر 11؛
💊 عقاقير وكيمياء العقاقير1
من مخابر السنة الثانية
بشبه مخبر النباتية لكن في توسع أكثر
العقار هو نبات الطبي أو جزء منه، فيه مادة أو مواد فعالة الها أثر فيزيولوجي معين..
مندرسه ومنشوف شكله تحت المجهر
خلال دراسة المادة منكتشف أخطاء شائعة وتنبيهات مثل:
••خطأ كبير نعطي الطفل الصغير يانسون مشان ينام ويهدأ، لأن اله تأثير على الجملة العصبية وهاد التأثير ممكن يستمر معه
مادة مهمة ومو صعبة
احكولنا شو في معلومات فاجأتكم🫣
وشو محتفظين بصور مجاهر..؟😊🌷
/ة
28/09/2025
المخبر العاشر؛
💊مخبر الحاسوب
من مخابر السنة الثانية
مشترك لكن بغير فصل
عبارة عن أقسام، يلي بتاخدوه بالنظري بتطبقوه بالعملي
بداية من نظام الحاسوب لبرامج الأوفيس (وورد، إكسل، بوربوينت)
مخبر سهل وممتع وجميل
وبنفس الوقت كتير مهم الكم يكون عندكم خبرة خاصة مع تطور التكنولوجيا😉
وبس
احكولنا أصحاب الخبرة عن هالمخبر
منلاقي كم تامة معنا..؟!
/ة
25/09/2025
25/9🩵
"بمناسبة عيد الصيادلة العالمي"
كل عام وأنتم جامعي العلم والرحمة والعطاء الصامت والدور الجليل لتخفيف آلام الناس في مهنتكم.
لكل صيدلاني يحمل هذه الرسالة بقلب نقي، وضمير حيّ، كل عام وأنتم بخير، كل عام ونحن نداوي، ونعين، وننفع، بلا رياء ولا انتظار مقابل🩵
كل عام وأنتم الخير والأمل والدواء🩵
25/09/2025
المخبر التاسع؛
💊مخبر صيدلانيات1 و2
من مخابر السنة الثانية
أول مخبر اختصاصي ويلي منبدأ نتعرف على المفاهيم الصيدلانية والدساتير.. ونبدأ تحضير أشكال صيدلانية مثل المساحيق والحثيرات و.. بالفصل الأول والشرابات والمعلقات والمستحلبات وفوارات وكريمات... بالفصل الثاني
بتحسوا أنكم بمعمل أدوية، بس غضوا نظر شوي عن الأدوات هي بسيطة لأن مخبر يعني كل المنتجات غير صالحة للاستهلاك البشري😅😂
المخبر الثامن؛
💊مخبر الكيمياء العضوية1 و2
من مخابر السنة الثانية
مخبر الروائح الحلوة🤣🫣
مندرس فيه تفاعلات عضوية، كشف عن عناصر، طرق فصل وتنقية مثل التقطير وغيره، تحضير مواد معينة،...
منتعرف على أجهزة مثل ساكسولييه وجهاز التقطير الدوار
بشكل عام تجاربه طويلة، المشاهدة أكثر من الشغل
نذكركم بالدعاء لدكتورنا عبدالكريم عبدالحميد رحمه الله، صاحب الحكمة والشجاعة جزاه الله عنا خير الجزاء وجعل علمه لنا صدقة جارية
حكولنا عن مغامراتكم فيه ⚗️
وحبيتوه أو لا⁉️
/ة
17/09/2025
المخبر السابع؛
💊مخبر الكيمياء التحليلية1 و2
من مخابر السنة الثانية
وبعبارة ثانية.. مخبر عشر جلسات = عشر مذاكرات🤗
📍كيمياء تحليلية1 أول جلسة مذاكرة
ما أخذنا شي.. ما بأثر شقوا ورقة وتوزعوا مذاكرة من السنة الأولى🤷🏻♀️
وكتير عادي أنكم تاخدوا أحياناً 0
كلها معايرات.. يلي بخطر ببالكم ويلي ما بخطر كمان منعايره
شو بدكم ألوان.. موجود🤣
يوم امتحان العملي...❤🩹 رح نتركلكم التعبير الكم🫱🏻🫲🏻🫱🏻🫲🏻
📍كيمياء تحليلية2 الحق يقال المذاكرات أخف😅
بس التجارب أطول
مختلفة شوي.. فصل وكروماتوغرافيا يلي هو الأسهل من المادة
عادة ما الها امتحان عملي، بس معلش لعيون الدفعة التاسعة ما بخجلوا🤣💔
شو بدكم تحكولنا تفضلوا..🫣
/ة
13/09/2025
المخبر السادس؛
💊مخبر الكيمياء الحيوية 1، 2
من مخابر السنة الثانية
مشترك
من اسم المادة الكيمياء معناها عم نحكي عن تفاعلات
حيوية معناها تحدث داخل الأنسجة الحية
بالكيمياء الحيوية1 مندرس التحليل النوعي
يعني منكشف إذا المحلول يحوي سكر أو لا
يحوي بروتين أو لا
طبعاً بكواشف مخصصة
بالكيمياء الحيوية2 مندرس التحليل الكمي
يعني التركيز
بشوف نسبة السكر، نسبة الكولسترول
بتسحبوا دم من متبرعة وبتقيسوا باستخدام جهاز سبكترو
المخبر صعب وممتع
رح تكون رحلتكن مميزة مع الأستاذ الطيب Osama Ghannam 🌷
بيعطي بأسلوب فيه فكاهة وبثبت المعلومة وروح حلوة
المخبر ماله معنى بدونه🥹🫣
حكولنا عن تجربتكم الحلوة فيه
وشو صار معكن مواقف ما بتنسوها بهالمخبر⁉️
/ة
10/09/2025
المخبر الخامس؛
💊مخبر الفيزياء الطبية
من المخابر المشتركة
طبعاً رح تقولوا شو دخلنا بالفيزياء..! بكل تجربة عندكم بآخرها فائدة طبية رح تعرفوا ليش تعلمتوها
تجارب الفيزياء الطبية بتفسر كتير من الظواهر الصيدلانية يلي رح تمر معنا
مثلاً بالصيدلانيات ليش لون المستحلب أبيض.. هاد أمر متعلق بانكسار الضوء، لهيك نحن بحاجة نفهم الأمر أكثر
مخبر مانه صعب..
احكولنا عن تجربتكم وشو أكثر تجربة حبيتوها🤗
03/09/2025
💊المخبر الرابع؛
"مخبر الكيمياء الفيزيائية"
بشكل عام هي أصعب حبتين من العامة بس بكون شوي أخذنا عالجو
التجارب فيها أطول، بتصيروا تحسوا كانوا عم يضحكوا عليكم بالعامة🫣😅
بس الحلو أنها بتشرح كتير من القواعد يلي أخذناها بالبكلوريا
مثلاً: "تزداد سرعة التفاعل بازدياد التركيز" بتطبقوها بشكل عملي بتفهموها كتير منيح
أحد مخابر السنة الأولى، وأيضاً مشترك
مندرس فيه الخلايا الحية والنسج وأنواعها وخلايا الدم
طبعاً باستخدام المجاهر رح نشوف أنسجة الجسم.. كبد، طحال،...
مخبر بسيط وممتع
وفيه ذكرى لطلاب الدفعة السادسة؛ الدكتور عمار الله يرحمه ويغفرله ويجعل علمه صدقة جارية❤️🩹
مين كان مُدرّسكم..؟
احكولنا كيف كانت تجربتكم فيه وحبيتوه!🤗
ومين مصور كريات دمه⁉️🫣🫣🌷
Be the first to know and let us send you an email when مذكرات صيدلاني/ة posts news and promotions. Your email address will not be used for any other purpose, and you can unsubscribe at any time.
