What are the opening hours?

Monday 10:30 - 16:00 Tuesday 10:30 - 16:00 Wednesday 10:30 - 16:00 Thursday 10:30 - 16:00 Saturday 10:30 - 16:00 Sunday 10:30 - 16:00

https://www.facebook.com/619354267937603/

Dr laila jafar

Home
Syria
Jableh
Dr laila jafar

أخصائية في التوليد وأمراض النساء وجراحتها
معالجة عقم - تجميل نسائي - جراحة تنظيرية
+963 988 197 397
جبلة - الكراج القديم - شارع الملعب الجنوبي

03/03/2026

هاد يا سادتي يا كرام
البارحة و بعد نطرة ١١ سنة
رحبت مريضتي ببنوتة متل القمر 🌙 سمتها ماريا 😍
ماريا كانت حمل عزيز إجت بعد عقم ثانوي 🫢
و قد ما كانت مستعجلة توصل و تشوف أختها و أهلها
هيي فاتت مامتها بالتاسع والبنت قالت يلا صار وقتي.. و اضطرينا نفتحلا مجال عبر قيصرية إسعافية 🫡

يا هلا و غلا بماريا و الله يبعتلك أيام حلوة بتشبهك وكلها سلام و سعادة يارب 🙏🏻🩷🩷

01/03/2026

رحبنا اليوم بشكل عاجل و مفاجئ بهدية من الله 😍

مامتها اليوم فاتت بشهرا و إجاها مخاض و قررت 🩷 هبة 🩷 إنو حان وقت الخروج وما تركتلنا مجال غير نلبي طلبها و نوصلها عبر قيصرية إسعافية 🫡

يا مية هلا وان شاءالله عمر من السعادة والهنا يارب 🙏🏻💜

22/02/2026

✨ حل الجفاف المهبلي✨

كتير نساء بعانوا من الجفاف المهبلي اللي بيحصل لأسباب عديدة منها:
• بعد الولادة
• بسبب تغيّرات هرمونية
• أو مع التقدّم بالعمر

⚠️ وهالموضوع ممكن يسبب انزعاج، حرقة، أو ألم أثناء العلاقة… وما لازم نعتبره شي طبيعي وما ضروري نتعايش معو.

👩🏻‍⚕️ من الحلول الحديثة والآمنة لهالمشكلة الغليظة هوي حقن البلازما الغنية بالصفائح الدموية (PRP)

🌿 شو بتعمل البلازما؟
• تحفّز تجدد الخلايا
• تحسّن الترطيب الطبيعي للمهبل
• تزيد المرونة
• وتخفف الانزعاج أثناء العلاقة

💉 والأهم.. البلازما مأخوذة من دم السيدة نفسها، يعني:
✔️ إجراء آمن
✔️ مضاعفاته قليلة
✔️ نتائجه طبيعية

🪷 رسالتنا: ما بصير تتنازلي عن راحتك ولا تتعايشي مع شي زاعجك، خاصة وقت بكون علاجو موجود و سهل، وما في داعي للحرج أو التأجيل… الحل موجود، بس بدو تقييم صح.

20/02/2026

رمضان مبارك على الجميع و كل عام وانتوا وأحبابكن بخير و صحة و سلامة

للي عم يسأل عم مواعيد الدوام بالعيادة بهاد الشهر الفضيل..
من ال١١ صباحاً وحتى ال٤ عصراً
🪻💜🙏🏻

15/02/2026

أنقى و أصدق حب بالدنيا هوي حب الأم لأطفالها
ومبارح بعيد الحب نور علوش الجميل حياة أهلو 😍💙
علي هوي الابن التاني وإجا بعملية قيصرية سلسة وكانوا أهلو وأخوه كتير متحمسين ليلتقوا فيه 🤩🥰

الله يديم على هالعيلة الحلوة الحب والصحة والله يبعتلن أيام كلها هنا و استقرار 🙏🏻🫂

11/02/2026

✨️ حالة من عيادتنا ✨️

راجعتنا سيدة عمرها 43 سنة 🌸
عندها سوابق قص جائر للشفرين الصغيرين عند طبيب آخر، وكانت شكواها:
• عدم رضا عن المنظر العام للمنطقة الحميمة
• وجود ندبة واضحة واسمرار بمكان العملية السابقة
• ترهّل بالشفرين الكبيرين
• شعور بعدم الراحة النفسية والجسدية

👩🏻‍⚕️ بعد تقييم الحالة ومناقشة التوقعات، قررنا إجراء:
🔹 شدّ للشفرين الكبيرين لتحسين الشكل
🔹 إزالة الندبة السابقة وتحسين مظهر الجلد

الحمد لله، العملية تمت بنجاح 🙏🏻
بمساعدة الكادر الطبي: Dr.Yasmine Abd Alhamid & Dr-Waad Hassan

💬 رسالتنا من هالحالة: التجميل النسائي إلو طرق وأساليب تختلف من طبيب لآخر ومن مريضة لأخرى.. مافيه حل واحد بينطبق عالجميع و قبل القيام بأي إجراء لازم تناقشي خياراتك مع طبيبك بوضوح و شفافية.
اتأكدي إنو طبيبك / طبيبتك فهمانين الحالة، صريحين معك بالتوقعات، و عندن خطة مدروسة هدفها راحتك قبل أي شي تاني🪷

إذا عندك تجربة سابقة أو قلق من مظهر أو ندبة قديمة، الاستشارة الصحيحة هي أول خطوة 🤍

07/02/2026

✨️ للأمهات… خلّوكن مطمئنات ✨️

تخبّط الدورة الشهرية عند البنات بأول سنين البلوغ شي طبيعي جداً 🌱
الجسم بهالفترة لسه عم يتعرّف على حالو وبدّو وقت لحتى ينظم هرموناتو 🥰

🔸 شو الطبيعي بهالمرحلة؟
• تأخير أو تقديم موعد الدورة
• تجي شهر وتغيب شهر
• اختلاف بكمية الدم من دورة للتانية

كل هالقصص واردة وما بتدل لحالها على مشكلة 🤍

⚠️ أيمت لازم نقلق ونراجع الطبيبة؟
• نزف غزير أو مطوّل
• غياب الدورة أكتر من 3–4 أشهر
• تعب شديد، دوخة، أو ألم قوي
• أعراض مو طبيعية متل:
– شعر زائد
– زيادة وزن سريعة وغير متناسبة مع الأكل

🩺 شو بصير بالفحص؟
• فحص سريري بسيط
• إيكو عند الحاجة
• التأكد إنو ما في سبب مقلق
• علاج فقر الدم إذا موجود
• تنظيم التغذية ونمط الحياة
• إعطاء موقّفات نزف عند الضرورة فقط

❗نقطة مهمة كتير: العلاج الهرموني مو خيار أوّل
وما منلجأ إلو إلا بحالات محدودة وبعد تقييم كامل 👩🏻‍⚕️

❌ وأكيد ما لازم ناخد أي أدوية هرمونية بدون استشارة طبية.

🪻 رسالة العيادة: الاطمئنان، المتابعة الصح، والفحص البسيط دايماً أحسن من القلق أو العلاج العشوائي 💜

06/02/2026

✨️ متابعة للبوست السابق…
بعد ما حكينا عن أعراض الحمل اللي بتخوف أحياناً لكنها غالباً آمنة 🌸
اليوم رح نحكي عن الجهة التانية من الصورة 👇🏻
🚨 أعراض بالحمل ما لازم تنترك أبداً
وإذا صارت، لازم تراجعي طبيبتك فوراً بدون تأجيل 👩🏻‍⚕️

⬅️ نزيف مهبلي واضح
ممكن يكون تهديد إجهاض أو مشكلة بالمشيمة

⬅️ ألم شديد ومفاجئ بأسفل البطن أو الظهر
مو مغص حمل عادي… ممكن يدل على تهديد إجهاض أو حمل خارج الرحم

⬅️ صداع قوي مع تشوش بالرؤية أو طنين بالأذن
احتمال ارتفاع ضغط الحمل أو ما قبل الارجاج

⬅️ تورّم مفاجئ بالوجه أو اليدين
مو تورم حمل طبيعي، وبيحتاج تقييم

⬅️ قيء شديد ومستمر
ممكن يسبب جفاف واضطراب بالأملاح وبيأثر عليك وعلى الجنين

⬅️ حكة شديدة خاصة براحة اليدين وباطن القدمين
أحياناً بتكون علامة لمشكلة كبدية خلال الحمل

🪻 رسالة العيادة: متل مافيه أعراض طبيعية وما بتخوف .. فيهوالعكس
مو كل شي بالحمل طبيعي، ومو كل شي لازم نتحمّله و نصبر عليه وننتظر 🤍

📌 المفروض تراجعي طبيبتك عند أي عرض قوي، مفاجئ، أو عم يزداد لضمان الأمان إلك وللبيبي 🤰🏻

04/02/2026

✨️ أعراض الحمل و شو بتعني✨️

كتير حوامل بعيشوا قلق يومي بسبب أعراض بتحسّسهم إنو في شي غلط أو ما زابط .. وخاصة بأول حمل🤰🏻

في أعراض شائعة بتبين بتخوف بس هيي بأغلب الأوقات طبيعية وما فيه داعي تقلقي منها🤍

👩🏻‍⚕️ من أكتر الأعراض اللي بنشوفها بالعيادة:

⬅️ شد أو مغص خفيف بأسفل البطن
غالباً سببو تمدد الرحم أو الأربطة الداعمة إلو

⬅️ وجع أسفل الظهر وحوالي عضم العانة
طبيعي مع تغيّر وضعية الجسم وزيادة الوزن وكمان بصير بسبب تمدد الأربطة بتأثير هرمونات الحمل

⬅️خفقان بالقلب أو إحساس بضيق نفس خفيف
نتيجة التغيرات الهرمونية وزيادة ضخ الدم

⬅️دوخة خفيفة أو تعب
شائع خاصة ببداية الحمل أو مع فقر دم بسيط

⬅️ إفرازات مهبلية شفافة أو بيضاء بدون رائحة
جزء طبيعي من التغيرات الهرمونية

🌸 طيب أيمت لازم ننتبه ونراجع الطبيبة فوراً؟
إذا ترافق أي عرض مع:
❗ نزف
❗ ألم شديد أو متزايد
❗ حرارة
❗ قلة حركة الجنين
❗ دوخة قوية أو إغماء
هون ما بننتظر، وبنراجع فوراً للاطمئنان 🙂‍↕️

🪻 رسالتنا لكل حامل: القلق طبيعي… بس الخوف المبالغ فيه مو صحي
اسمعي جسمك، وتابعي بانتظام، ولا تترددي تسألي عن أي شي مخوفك أو قالقك🙆🏻‍♀️

20/01/2026

✨ حالة من عيادتنا ✨

راجعتنا سيدة بعمر 44 سنة 🌸
كانت عم تعاني من ألم بأسفل البطن ونزف طمثي غزير،
لكن متل كتير سيدات متجاهلة الأعراض ومعتبرتها طبيعية🙄

🔍 أثناء الفحص وبالصدفة عبر الإيكو،
تبين وجود ضخامة رحمية مع عدة أورام ليفية
وهي السبب الحقيقي لكل الأعراض اللي كانت عم تعيشها.

👩🏻‍⚕️ بعد شرح الحالة ومناقشة الخيارات،
تقرر إجراء استئصال الرحم مع المحافظة على المبايض حتى نحافظ على الوظيفة الهرمونية ونأمن راحة طويلة الأمد للمريضة.

العملية تمت بسلاسة، الحمدلله، والمريضة اتخرجت بحالة ممتازة وارتاحت من النزف والألم اللي كان مأثر على حياتها اليومية.

🪻 رسالتنا من هالحالة:
جسمك دايماً بيعطي إشارات…
تجاهل الألم أو النزف الغزير ما بحل المشكلة ولا بخليها تروح، بل بعقد المشكلة وبأخر الحل.
الفحص المبكر بوفّر تعب انتي بغنى عنو وبخلّي القرار العلاجي أوضح وأسهل 🤍
كل الشكر للكادر الجميل وللدكتورتين Yasmine Abd Alhamid Dr-Waad Hassan

16/01/2026

مبارح وصلت أسيل و نورتنا🩷
أسيل هيي أول بيبي بالعيلة ف ماميتا كانت كتير متحمسة لتلتقي فيها 😍
و متحمسة كمان لينزل بوست و نحكي عنها 🤣
هالبيبي الجميلة إجت بعملية قيصرية
كالعادة كانت سلسلة و بدون تعقيدات والبيبي و إمها صحتهن ممتازة الحمدلله 🥰
الله يبعتلن أيام كلها حب و سلام و طمأنينة يارب🙏🏻🤍

Address

Jableh

Opening Hours

Monday	10:30 - 16:00
Tuesday	10:30 - 16:00
Wednesday	10:30 - 16:00
Thursday	10:30 - 16:00
Saturday	10:30 - 16:00
Sunday	10:30 - 16:00

Website

facebook.com

Alerts

Be the first to know and let us send you an email when Dr laila jafar posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Jableh?