Dietitian Savina Nasser _ أخصائية التغذية ساڤينا ناصر, شارع الحرية (2026)

11/01/2024

❤اللي بيفرطلك رمان أبداً لا تفرط فيه❤

لأنو الرمان
🖐️ غني بمضادات الأكسدة، بيحافظ على صحة القلب والأوعية الدموية و بيخفض ضغط الدم المرتفع ومستوى الكوليسترول السيء في الدم.
👌 بيساعد بالوقاية من السرطانات و بالأخص من سرطان البروستات.

🖐 كمان الرمان من الفواكه الهامة جدا للحفاظ على البشرة والوقاية من التجاعيد ومظاهر التقدم في السن
🖐 يقلل من افراز الجسم لهرمون الكورتيزول ولهالسبب بيخفف من تمركز الدهون بمنطقة وسط الجسم
🖐 بيساعد على الوقاية من الزهايمر.

03/11/2023

كيف يمكن تعزيز صحة العظام والمفاصل.. ❓

ما هي العناصر الغذائية التي تحتاجها لصحة العظام ❓

للحصول على صحة عظام مثالية نحتاج إلى مزيج من العناصر الغذائية المتعددة :

-- الكالسيوم.
-- فيتامين د .
-- فيتامين ك.
-- المغنيسيوم.

🟣 -مصادر الكالسيوم :
الحليب و اللبن و منتجاتهم / السمسم / القرع / السردين / السلمون / اللوز / الخضار الورقية الداكنة / الفاصولياء الحب / التين / فول الصويا / بذور الشيا

🟣 - مصادر فيتامين د :
الأسماك / الفطر / البيض / الحليب - اللبن / عصير البرتقال / كبد البقر /

🟣 -مصادر فيتامين ك :
الكرنب / السبانخ / الخردل / القرنبيط / الكاجو / الجزر / فول الصويا / البامية / الصنوبر / التوت / الرمان / العنب / زيت الزيتون

🟣 -مصادر المغنيسيوم :
البروكلي / السبانخ / الموز / البطاطا / حبوب النخالة / الارز البني / البامية / التمر الهندي / السلق / الحمص / الفاصولياء الحمراء / اللوز و الكاجو / زبدة الفول السوداني / بذور اليقطين و الكتان والشيا / سمك السلمون / الورقيات الداكنة
اهتموا بتناول هذه الاغذية .. لسلامة العظام و المفاصل

13/07/2023

🍉بيقولو "إذا طل البطيخ بَطُلَ الطبيخ" 🍉

وفعلاً كتار اللي بيقضو الصيف طالعين فايتين ع المطبخ عم ياكلو بطيخ وناسيين الأكل كلو على بعضو.
بس يا ترى هالشي صحي؟؟

🍉البطيخ فاكهة عصارية بامتياز لأنو اكتر من ٨٥% منها مي وهالشي بيعني انو هي فاكهة الصيف الأفضل لأنها بتعوض نقص السوائل اللي بيصير بسبب التعرق خلال فترات الشوب...

🍉وكمان بيحتوي البطيخ على مضادات أكسدة بكمية كبيرة

🍉ومجموعة فيتامينات رائعة متل فيتامين (A , C , B6) بالإضافة لكمية جيدة من البوتاسيوم والمغنزيوم.
يعني ببساطة البطيخ فاكهة رائعة للحفاظ على صحة البشرة والعين والكلى والأمعاء ومناسبة للحوامل و لمرضى الضغط وبتساعد كمان بتقوية المناعة.

🍉أما بالنسبة لمرضى السكري والأشخاص اللي حابين انهن يخففو وزن فضروري ينتبهو للكميات اللي عم ياكلوها لأنو هالفاكهة غنية بالسكريات وكل ١٠٠ غرام منها بيحتوي على حوالي ٦ غرامات سكر و ٣٠ سعرة حرارية تقريباً.
يعني لازم ينتبهو من الاسراف بالكميات ويعرفو انو كل كوب بطيخ يعتبر حصة فواكه 😊

23/05/2023

🖐️🖐️🖐️
بهالأيام صرنا نسمع كتير بكلمة ديتوكس...
يا ترى شو هو الديتوكس وهل هو فعلا مفيد ولا لأ؟؟

الديتوكس هو مي منضيف الها فواكه او خضار او اعشاب حسب الرغبة بس غالباً منضيف ( ليمون ، قرفة ،غريفون ، توت ،فريز ، خيار ، نعنع ، تفاح ،خل ، أناناس ، زنجبيل ....).
الديتوكس بالعموم فينا نعتبرو شغلة ظريفة ومفيدة للبشرة والشعر والصحة عموماً.

☑️و بالنسبة للناس اللي ما بتحب تشرب مي خلال النهار ممكن يكون الديتوكس خيار جيد ليعطي للمي طعم محبب ويعطي احساس بالانتعاش ..

☑️الشغلة التانية أغلب الفيتامينات بتكون ذوابة بالمي يعني وقت نشرب ديتوكس رح يكون حاوي على كمية من الفيتامينات مو موجودة بالمي العادية...

وبما انو الديتوكس مانو عصير فهو مشروب قليل السعرات يعني إذا كنا عاملين دايت ممكن نحس حالنا شربنا شي طيب بس بدون ما نكون عم ناخد سعرات أبداً.

☑️هاد غير انو الديتوكس بيرفع مستوى المناعة بالجسم وخصوصي اذا استخدمنا الفواكه اللي فيها مضادات اكسدة عالية.

ملاحظة صغيرة:
يفضل انو ما نبلش نهارنا بالديتوكس وخصوصاً إذا كان فيه ليمون أو خل ، يعني فينا ناكل أي شي بالأول و بعدين نبلش بالديتوكس😉

03/05/2023

صباح الخير🤍🤍

بما انو التغذية الصحية بتأثر ع كل حياتنا وصحتنا فهي اكيد رح تأثر على جمال وجهنا وبشرتنا

لهيك اليوم رح اذكرلكن شوية شغلات ممكن ناكلها لنحفز انتاج الكولاجين بالبشرة :

💚 الخضار اللي لونها أخضر غامق متل السبانخ والسلق والبروكلي والفليفلة والبقدونس .

❤ الخضار اللي لونها أحمر متل البندورة والشوندر والفليفلة كمان و بالمناسبة هي الخضروات بتحوي مركب اسمو ليكوبين بيعطي تاثير واقي من الشمس

🧡 الخضار اللي لونها برتقالي متل اليقطين والجزر والفليفلة كمان...

🧄 الثوم اللي بيحوي احماض امينية مهمة بتكوين الكولاجين

🤍كل منتجات الصويا اللي بتحوي انزيمات مقاومة لشيخوخة البشرة🤍

🍊🍋🍍 الفواكه الغنية بفيتامين سي متل البرتقال والليمون والغريفون والاناناس

🐟 الأسماك بكل انواعها بس اكتر شي التونا والسلمون

🥚 البيض لأنو بيحوي كل الاحماض الامينية الضرورية لتشكيل الكولاجين وبيحتوي بنفس الوقت على الكبريت الهام لتعزيز انتاجو.

وأهم أهم نصيحة لنضارة وجمال البشرة اشربو مي لأنها بتحافظ ع ترطيب البشرة و ع سلامة الياف الكولاجين
يعني كل الاكلات السابقة بدون مي ما رح تعطينا النتيجة المطلوبة....

#كولاجين
#بشرة

24/04/2023

نتيجة جديدة لأشخاص مميزين😍
بلشنا بوزن 69.50kg قدرنا خلال فترة قصيرة نوصل عالوزن المثالي
نزول مقياس الورك 14mm🤩
بالتوفيق زنزون❤️❤️

27/03/2023

لاا تنسووا ...🙅‍♀️
رياضة بدون دايت⬅️ ثبات وزن واحيانا زيادة وزن
دايت بدون رياضة⬅️ ترهل وممكن ثبات وزن
لادايت ولا رياضة ⬅️ زيادة وزن ومشاكل صحية
دايت مع رياضة⬅️ جسم مشدود وزن مثالي وصحة ممتازة😍

23/02/2023

مساء الخير ..💕💕
بعد نهار طويل من التعب بيجي المسا لنعمل سهرة حلوة ورايقة

🌸 حبيت ضيف لمسة صحية لسفرتكن وذكركن بأكلة شتوية طيبة وبصراحة حرام نروح موسما بدون ما ناكلا هي الشوندر😋

✅للولاد مفيدة كتير و مرغوبة وأحسن من أي نقرشات جاهزة
✅للحامل غنية بحمض الفوليك
✅للكبار بتحمي القلب والشرايين وبتنزلن ضغطن
✅للصبايا بتحافظلن ع بشرتن وبتقوي الشعر
✅ اللي معن فقر دم ياكلوا الصبح والمسا
✅ وبيرفع المناعة كمان
وفوائد كتيرة غيرن

_ممكن ناكلوا
👍 مسلوق سادة بدون اضافات
👈متبل مع طحينية وتوم

03/01/2023

صباح الخير ❤️
حبيت ابدا معكن السنة ب 7 نصائح خفيفة وعملية لتساعد تكون كل ايامنا منتجة ورايقة

📵حاول تبعد عن شاشة الموبايل أول ما تفيق من النوم وقبل ما تنام... التعرض لضوء الشاشة بالوقت الخاطئ بأثر على عدد ساعات ونوعية نومك بشكل سلبي.

💭التفكير السعيد... كلنا منسعى للسعادة ومنرغب نعيشها... لهيك حاول تفتكر ذكرياتك الحلوة وخليك عقناعة أنو في مستقبل أفضل ناطرك، واترك أفكارك الحلوة تكون ملهمة لحياتك.

🏃فيق وتنشط... حاول بعد ما تفيق من النوم تعمل تمارين خفيفة...يوغا... مشوار قصير، وهيك رح تشعر بحيوية أكتر لتكفي نهارك بحماس أكبر.

⏳حاول تعيش اللحظة وتقضي كل ثانية من يومك بأحلى طريقة ممكن تقدر عليها.

🛋️رتب غرفتك ومحيط المكان يلي انت فيه... هي العادة رح تخليك أكتر إنتاجية تجاه نمط حياتك وبتساعدك لتشعر بالانتعاش والحيوية.

🥗كافئ نفسك بأكلة طيبة وصحية... حاول تبدأ نهارك بوجبة فطور صحية وخفيفة لترفع من طاقتك وتعزز قوتك وتبلش نهارك وشغلك بحماس أكبر.

💌ونصيحتنا الأخيرة والأهم... عبر عن امتنانك...
❤️أول وأهم شخص بيستاهل حبك وتقديرك هو نفسك، خليك فخور بتجاربك ... حب حالك وعزز ثقتك بنفسك لتصير منجز أكتر.
❤️عبر عن حبك وامتنانك للأشخاص حواليك... أهلك... رفقاتك... ساعد نفسك وغيرك على نشر الإيجابية من حولك لتكفي نهارك بأحلى طريقة.

بتمنالكن سنة حلوة مليانةحب وسعادة 🌄

14/12/2022

وشو في اطيب من كاسه مته بهيك جو😍

🧋بتسلي
🧋بتنشط القلب والاعصاب
🧋بتخفف الصداع
🧋بتخفف الاحتقان وبتساعد الجسم على مقاومة الرشح
🧋بتقوي مناعة الجسم
🧋مدرة للبول
🧋بتسهل عملية الهضم
🧋خالية السعرات الحرارية وبتعطي شعور بالدفء

مساكن كاسة متة سخنة مع شوية نقرشات صحية😄

30/11/2022

متابعة حالة اون لاين لمدة شهر
قدرنا خلال هالفترة القصيرة انو نخسر ٦ كيلو من الوزن الزائد عن طريق الالتزام بالدايت وتغيير بعض العادات الغذائية الخاطئة💪

بالتوفيق نورا 😍❤️

10/10/2022

الجووع وألف تباً للجوع😪

👍 خربطة الهرمونات: هرمون الجريلين هو الهرمون المسؤول عن الاحساس بالجوع وهو مسؤول عن زيادة كمية الطعام اللي مناكلها بنسبة٣٠%
بينما هرمون اللبتين هو الهرمون المسؤول عن الشبع وفينا نقول أنه هنن الهرمونين الأساسيين بتنظيم احساس الجوع والشبع ..

✌ الاجهاد والتوتر وكمان قلة النوم: و هدول من العوامل اللي بتسبب كمان خربطة هرمونات بالجسم وزيادة بمستوى الكورتيزول وبالتالي بيزيد الرغبة بتناول السكريات والأكل الدسم

👌 العطش: أحياناً الجسم ما بيعرف يميز صح بين شعور العطش والجوع لهيك لازم نعطي الجسم حاجتو من المي

✌✌ الأنظمة الغذائية الخاطئة واللي كمية البروتين فيها قليلة جدا أو اللي بتعطي الجسم سعرات أقل بكتير من حاجتو بتسبب الارهاق الشديد وبتعمل ردة فعل عند الجسم...
يعني بمجرد ما بيوقف الواحد هالنظام رح يحس إنه الجسم صار يطلب الأكل بشراهة ومهما كانت الكميات كبيرة ما بيشبع

🖐 مقاومة الأنسولين: وهون رجعنا كمان ع دوامة الخربطات الهرمونية اللي بتخلق أحاسيس كاذبة بيفسرها الجسم ع اساس انها جوع وطبعاً هي فينا نقول انها صارت حالة صحية رح نحكي عنها بتحتاج تشخيص وعلاج...

👍🖐الفراغ العاطفي
وهاد الشي مثبت علمياً فشعور الوحدة الناتج عن عدم وجود شريك بيخلق خلل بالمشاعر وغالباً بيتجه الشخص للطعام باعتباره نوع من أنواع المسكنات الكاذبة اللي ممكن تملأ الفراغ، وبيكون الاتجاه لتناول الأكلات قليلة الفائدة متل الحلويات والشوكولا

Dietitian Savina Nasser _ أخصائية التغذية ساڤينا ناصر

11/01/2024

03/11/2023

13/07/2023

23/05/2023

03/05/2023

24/04/2023

27/03/2023

23/02/2023

03/01/2023

14/12/2022

30/11/2022

10/10/2022

Address

Telephone

Website

Alerts

Shortcuts

Share