29/09/2025
✨ بزمن هوس "الجسم المثالي"، عم تنتشر حبوب ومكملات بأنواع وأشكال تجارية مختلفة بهدف خسارة أو زيادة وزن سريعة.
🔸وأكيد رغم السؤال المتكرر عنها عم أرفض التعامل معها و بحاول قدر المستطاع انصح المشتركين بالإبتعاد عنها .
👈ليش ؟
🔴رح نحكي عن النوع الأول :
🔺 حبوب التنحيف
✅مدرات بول ومليّنات بتسبب نزول وزن عن طريق خسارة الماء يلي بالحسم وبالتالي الخسارة مو دهون، والوزن رح يرجع.
✅مثبّطات شهية بتخرب التوازن الهرموني وبتسبب نوبات جوع وزيادة وزن لاحقاً.
✅محفزات (كافيين وغيره ) بتسبب أرق، قلق، وتسارع ضربات قلب.
✅حتى الأدوية المرخّصة مثل Orlistat إلها آثار جانبية عديدة على الجهاز الهضمي، ومن أخطرها الإسهال الدهني .
❌وما مننسى الأعراض الجانبية يلي أكيد رح تكون موجوده عند تناول هالأدوية :
◾اضطرابات القلب وارتفاع ضغط الدم.
◾تلف في الكبد والكلى مع الاستخدام الطويل.
◾اضطرابات نفسية (توتر، قلق، اكتئاب).
◾ظاهرة “اليويو دايت” (زيادة الوزن مجددا بسرعة بعد التوقف) وطبعا هي الأكثر شهرة ويلي عم نشوفها عند كل الناس .
🔴النوع الثاني :
🔺حبوب التسمين
✅متل الهرمونات أو الكورتيزون: تؤدي إلى احتباس سوائل وزيادة وزن زائفة، وتخلِّف اضطرابات هرمونية حادة.
✅وكمان فاتحات الشهية الصناعية: يلي بتزيد الرغبة بالأكل دون تحسين القيمة الغذائية، مما يسبب تراكم دهون ضارة.
✅ مكملات عالية السعرات ترفع الوزن بسرعة على شكل دهون فقط وليس عضلًا أو كتلة صحية.
❌وبالتالي ما في أي "حبوب سحرية" بتغير وزنك بشكل صحي وسريع. الطريق الصحيح هو:
✔️ نظام غذائي متوازن حسب احتياجات جسمك.
✔️ نشاط بدني منتظم وساعات نوم كافيه.
✔️ إشراف طبي عند وجود مشاكل صحية.
⚠️ المنظمات العالمية (FDA وWHO) بتحذّر من المكملات المجهولة خاصة عبر الإنترنت.
💡 وبالنهاية صحتك أهم من أرقام الميزان و الإعلانات الوهمية هدفها الربح أما التغيير الحقيقي بيبدأ من فهم جسمك واحترامه.
#ريجيم
#رياضة #رشاقة
