เว็บไซต์คืออะไร?

https://www.facebook.com/461760877013338/

Lantern For The Lost, Bangkok (2026)

05/01/2026

ကိုယ့် Page ကို Follow လုပ်ထားတာ ကြာတဲ့သူတွေ အရင်က Post တွေကို ပြန်ဖတ်ဖူးတဲ့ သူတွေဆို သတိထားမိကြမလားတော့ မသိဘူး၊ Page မှာ Relationship နဲ့ ပက်သက်တဲ့ Post တွေ၊ Reading တွေ တင်တာ အတော်လေး ရှားပြီး Relationship နဲ့ ပက်သက်တဲ့ Reading Packages တွေတောင် ခု 2026 မှ စတင်ပေးဖြစ်တာပေါ့နော်။

ဘာလို့လဲဆိုတော့ Relationship မှာ အဆင်ပြေချင်ရင် လုပ်ရမယ့် အလိုအပ်ဆုံး အရာက Self-love ရှိဖို့နဲ့ ကိုယ့်ကိုယ်ကို သိဖို့ပါ။ အရင်ဆုံး ကိုယ့်ကိုယ်ကို သိပြီး ချစ်ပေးမှသာ ဒီ Relationship မှာ ကိုယ်က ဘာလိုချင်ပြီး တစ်ဖက်သူဆီက ရနိုင် မရနိုင်တွေကို နားလည် သဘောပေါက်ပြီး ဘယ်လမ်းကို ရွေးရမလဲ နားလည်နိုင်ပါလိမ့်မယ်။

တစ်ဖက်သူက ကိုယ့်ကို ရွေးမှာလား ပြန်လာမှာလား ဆိုပြီး သူများ ပြန်လာကောက်မှာကို မျှော်တလင့်လင့်နဲ့ ရောက်ရာနေရာမှာ ငုတ်တုတ်ထိုင်စောင့်နေရတာ မဟုတ်ပါဘူး။ Self-love ရှိမှအပေးအယူမျှတဲ့ Relationship တစ်ခုကို တည်ဆောက်နိုင်လာပြီး ကိုယ့်ဘက်ကပဲ အမြဲပေးနေရတဲ့ လိုသုံးဘဝက လွတ်မြောက်ပါလိမ့်မယ်။ ဒါကြောင့် 2025 မှာ ကိုယ့်ကိုယ်ကို အလုပ်တွေ လုပ်နိုင်အောင် အရင်ပြောပြပေးခဲ့တာ ဖြစ်ပါတယ်။

ဒီ 2026 မှာတော့ Relationship နဲ့ ပက်သက်ပြီး သင်ယူစရာတွေ Testတွေ ကြုံရတော့မှာ ဆိုတော့ အချစ်ရေးနဲ့ ပက်သက်ပြီး Post တွေ Reading တွေဖတ်ရင်း နှလုံးသားထဲက အမှိုက်တွေ ရှင်းလင်းနိုင်ကြစေဖို့ ရည်ရွယ်ထားပါတယ်။

Relationship နဲ့ ပက်သက်တဲ့ Reading တွေက တကယ်ဖတ်မယ်ဆို အရမ်းကို ရှုပ်ထွေးနက်နဲပါတယ်။ အပေါ်ယံ ဖတ်ရုံနဲ့ဆို အပေါ်ယံဆန်တဲ့ ဒီ cycle တစ်ခုထဲမှာပဲ ပြန်ပိတ်မိနေစေတဲ့ အဖြေတွေ ထွက်လာတတ်ပါတယ်။ ကိုယ်ရှာနေတဲ့ Clarity တစ်ခု၊ ထွက်ပေါက်တစ်ခုကို ရှာမတွေ့နိုင်ပဲ Relationship မှာ အတူရှိနေတာတောင် မပျော်နိုင် ခံစားရရင်း အဆုံးသတ်သွားတတ်ပါတယ်။

ဘာလို့လဲဆိုတော့ လူတစ်ယောက်တည်းမှာတင်ကို ဝိရောဓိတွေ အရမ်းများပါတယ်။ စိတ်ထဲက ခံစားရတာက တစ်မျိုး၊ တစ်ဖက်သူကို ထုတ်ပြဖြစ်တာက တစ်မျိုး၊ ပေးတဲ့ ကတိတွေက တစ်ခု၊ ပတ်ဝန်းကျင်ကို ပြောတာက တစ်မျိုး၊ အမျိုးမျိုးကို ဖြစ်နေတော့တာပါပဲ။ လူတစ်ယောက်ထဲမှာတင် အမျိုးမျိုး ဖြစ်နေတာဆိုတော့ နှစ်ယောက်ပေါင်းတော့ တစ်ယောက်နဲ့ တစ်ယောက် နားမလည်နိုင်ဖြစ်ပြီး ပြဿနာပေါင်း သောင်းခြောက်ထောင် ဖြစ်လာကြပါတယ်။

ဒီလိုမျိုး အမျိုးမျိုး ဖြစ်နေရတဲ့ အကြောင်းအရင်းတွေက Self-love အားနည်းတာ၊ ငယ်စဉ်ဘဝ မိသားစုမှာ ကြုံတွေ့ခဲ့ရတဲ့ Inner Child Wounds, Mother Wounds, Father Wounds တွေ၊ Ancestors ‌တွေဆီက လက်ဆင့်ကမ်း ခံထားရတဲ့ patterns တွေ၊ မှားယွင်းနေတဲ့ mindset တွေ၊ ပြီးခဲ့တဲ့ Relationship က ရခဲ့တဲ့ trauma တွေ၊ သူနဲ့ ကိုယ့်ကြား အတိတ်ဘဝက ပေးစရာရှိတဲ့ အကြွေးတွေ၊ Soulmate, Karmic, Twin flame, Kindred စတဲ့ အကြောင်းအရာ မျိုးစုံကြောင့် Relationship က အမျိုးစုံ ကြုံနေရတတ်ကြတာပေါ့။

ဒါတွေကြောင့်ပဲ မချစ်ပါပဲနဲ့ စကားချိုချိုလေးတွေ သုံးပြီး ချစ်တယ် ပြောတတ်ကြတယ်။ ချစ်ရက်နဲ့ ဖုံးကွယ်ဖို့ ကြိုးစားကြတယ်။ ပြန်လာချင်ပေမယ့် အဝေးကို ထွက်သွားဖို့ ရွေးချယ်ရတယ်။ ကိုယ့်အပေါ် မကောင်းတဲ့ သူကိုမှ တမ်းတမ်းစွဲ ချစ်မိတတ်ကြတယ်။ Commitment Issues ရှိလာကြတယ်။ လူတစ်ယောက်က ကိုယ့်ကို တကယ် ချစ်ပေးလာတဲ့အခါ အချစ်ခံချင်ပါရက်နဲ့ ထွက်ပြေးမိတတ်ကြတယ်။

အတူရှိနေကြပေမယ့် တစ်ယောက်နှလုံးသားထဲက စကားသံကို တစ်ယောက် မကြားနိုင်တော့ အမြဲရန်ဖြစ်ကြ အထင်လွဲကြနဲ့ ပူလောင်ကြတယ်။ Relationship တစ်ခုက မေတ္တာနဲ့ ထုံမွမ်းထားတဲ့ အေးချမ်းရာ နေရာတစ်ခု ဖြစ်မနေပဲ ရုန်းမထွက်နိုင်တဲ့ ပူလောင်မှုတွေနဲ့ပဲ ပိတ်မိရင်း ကျိန်စာ တစ်ခုလို ဖြစ်လာကြပါတယ်။

ဒီအရာတွေကို သေချာသိနားလည်ဖို့က အပေါ်ယံ မေးခွန်း‌လေး တစ်ခုကို ကတ်လေး ၃ကတ်လောက်ချပြီး ဖတ်မယ်ဆို နက်နဲတဲ့ အဖြေတစ်ခု ထွက်ပေါက်တစ်ခုကို ရဖို့ ခက်ခဲပါလိမ့်မယ်။ ဒါကြောင့် ဒီနှစ်ထဲမှာ Relationship နဲ့ ပက်သက်ပြီး Healing ရလာအောင် ပြောပြပေးဖို့တော့ စဉ်းစားထားပါတယ်။

ဒါပေမယ့် အနာဂတ်ကို အရမ်းကြီးတော့ အတည်မယူနဲ့ပေါ့နော်။ ကိုယ်က ဘာမှ ကြိုမစီစဉ်ထားပဲ intuition ရတာ ကောက်တင်ပေးတဲ့ သူမို့လို့ပါ။ သေချာတာကတော့ လမ်းပျောက်နေတဲ့ အခါတိုင်းမှာ အချိန်အခါအလိုက် Energy အလိုက် လမ်းညွှန်ပေးသွားပါမယ်။ ကိုယ့် Page ရဲ့ Lantern For The Lost ဆိုတဲ့ နံမည်အတိုင်း ဒီ နှစ်မှာလည်း လမ်းပျောက်နေတဲ့ သူတွေကို အဖော်ပြု လမ်းပြရင်း အတူရှိပေးသွားပါမယ်။

လောလောဆယ်တော့ His Thoughts & Actions ဆိုတဲ့ Reading ကို TikTok မှာ တင်ပေးထားပါတယ်။ နောက်ရက်တွေမှာတော့ Healing, Solutions, Clarity ပိုင်းတွေကို Focus ထားပြီး ဆက်ဖတ်ပေးထားပါမယ်။ Money နဲ့ Soul Calling ကိုလည်း Reading ဖတ်ပေးမယ်လို့ ပြောထားသေးတယ်နော်။ ဒါဆို နောက် Post တွေမှာ ပြန်‌တွေ့ကြပါမယ်။ 🌸🤍

04/01/2026

A Healing Reminder for Today 🌸

ဒီနေ့အတွက် ရလာတဲ့ Card လေးက Commit to Self-care Rituals တဲ့။ ဒီနေ့က တော်တော်များများ အလုပ်တွေ ပိတ်ကြတဲ့ ရက်လည်း ဖြစ်တယ်ဆိုတော့ နားရက်လေးမှာ ကိုယ့်ကိုယ်ကို ဂကုစိုက်ကြည့်ပါ။

မနက်ပိုင်းလေးမှာ ယောဂ လုပ်တာ၊ နေပူစာ လှုံတာ၊ Herbal Tea လေးတွေ သောက်တာ စသဖြင့် လုပ်ရင်း Slow Morning လေးကို ဖြတ်သန်းကြည့်ပါ။

တစ်နေ့တာမှာတော့ Digital Decluttering လုပ်ဖို့ ဖုန်းကို တတ်နိုင်သမျှ လျှော့သုံးကြည့်ပါ။ ကိုယ့်အိမ်ကို သီချင်း‌တွေ နားထောင်ရင်း သန့်ရှင်းရေး လုပ်ကြည့်ပါ။ ကိုယ့် စိတ်ထဲမှာ ပေါ်လာတဲ့ အတွေးလေးတွေ message တွေ ကို journaling လုပ်ရင်း ချရေးကြည့်မယ်ဆို clarity တွေ ရလာပါလိမ့်မယ်။

ရေချိုးတဲ့အခါ စိတ်နဲ့ ကိုယ်ကို သန့်ရှင်းကြည်လင်သွားအောင် အမွှေးနံ့သာ၊ ဆား၊ Herbs, Crystal ရှိတာတွေ ရောစပ်ပြီး ရေကို intentions နဲ့ ချိုးကြည့်ပါ။

ညနေခင်းမှာတော့ ကိုယ့်စိတ်ထဲမှာ ရှိနေတဲ့ ဝမ်းနည်းစရာတွေ၊ စိုးရိမ်စိတ်တွေ၊ ပူလောင်မှုတွေကို စာရွက်ပေါ်မှာ ချရေးရင်း Emotional Release လုပ်ကြည့်ပါ။ ငိုချင်လာတဲ့အခါ ငိုချလိုက်ပါ။

ညမအိပ်ခင် အချိန်လေးမှာတော့ meditation music လေးတွေ Nervous System ကို အနားပေးတဲ့ Music လေးတွေ နားထောင်ပြီး အိပ်ကြည့်ပါ။ (Telegram Channel မှာလည်း ပို့ထားပေးပါမယ်။) ဒါက ကိုယ့်အတွက် တစ်နေ့တာ Self-care Rituals ပဲ ဖြစ်ပါတယ်။ ဒီနေ့အတွက်မှ မဟုတ်ပဲ အသုံးလိုတိုင်း ဒီ post ကနေ လိုတာကို ယူသုံးလို့ ရပါတယ်။

03/01/2026

A Healing Reminder for Today 🌸

ဒီနေ့အတွက် ရလာတဲ့ ကတ်လေးက Align Your Intentions With Your Actions တဲ့။ ဒီနှစ်မှာတော့ ဘာတွေ ဖြစ်အောင် လုပ်မယ်ဆိုတဲ့ intentions တွေ ရှိတာတော့ ဟုတ်ပါပြီ။ ဒါပေမယ့် ကိုယ် တစ်နေ့တာမှာ လုပ်နေတဲ့ actionsတွေ daily habits တွေက ကိုယ့်ရဲ့ intentions နဲ့ တကယ်ပဲ Align ဖြစ်ရဲ့လား ပြန်စစ်ပြီး ပြုပြင်သင့်တဲ့ အချိန် ဖြစ်ပါတယ်။

ဒီနေရာမှာ လမ်းညွှန်ပေးချင်တာက အရင်ဆုံး အကြမ်းချရေးထားတဲ့ Habits Tracker လေး အရင် ပြင်ဆင်ထားဖို့ပါ။ ပြီးတဲ့အခါ ကိုယ်တစ်နေ့တာမှာ လုပ်ဖြစ်တဲ့ Habits တွေက ကိုယ့် intentions နဲ့ Align ဖြစ်ရဲ့လား၊ ကိုယ်က ကြိုးစားချင်စိတ်တွေ ရှိနေပေမယ့် daily habits တွေကို နေ့တိုင်း အကုန် ပြီးဆုံးအောင် လုပ်နိုင်ရဲ့လား ပြန်စစ်ဆေးပြီး Adjust လုပ်သင့်တာ လုပ်ရမှာ ဖြစ်ပါတယ်။

‌Daily Habits တွေထဲမှာ မဖြစ်မနေ ထည့်သင့်တာ တစ်ခုက Self-care ပါပဲ။ ကိုယ့်ကိုယ်ကို ဂရုစိုက်ဖို့ အချိန်ပေးမှ ကိုယ်က Growth ဖြစ်ဖို့ Bloom ဖြစ်ဖို့ Expand ဖြစ်လာဖို့ Space ရှိလာမှာ ဖြစ်တယ်။ ဒါမှသာ ကိုယ့်ရဲ့ Intentions တွေအတိုင်း အလွယ်တကူ လျှောက်လှမ်းနိုင်သွားမှာ ဖြစ်ပါတယ်။

02/01/2026

January လအတွက် Pick a Pile ပဲ ဖြစ်ပါတယ်။ Reading ကိုတော့ TikTok မှာ ဒီနေ့ တင်ပေးထားပါမယ်။

General ကိုမှ ၃မိနစ်လောက်ပဲ‌ ပြောဖို့ အချိန်ရတာဆိုတော့ နည်းနည်းတိုသွားလို့ နောက်ရက်တွေမှာ Money, Relationship နဲ့ Soul Calling ဆိုပြီး ထပ်ပြီး Reading တွေ တင်ပေးသွားပါမယ်။

Reading တွေကို TikTok မှာ အတင်များမှာမို့ TikTok Acc () မှာ စောင့်ကြည့်လို့ ရပါတယ်။

Facebook မှာကတော့ ရေးထားတဲ့ Postတွေပဲ အတင်များပါလိမ့်မယ်။

01/01/2026

နှစ်သစ်တစ်ခုကို ရောက်လာတဲ့အခါ ရှေ့ဆက်ပြီး ဘာလုပ်ကြမယ်၊ ဘာတွေ ဖြစ်ချင်တယ်ဆိုတဲ့ ဆန္ဒတွေ ကိုယ်စီ ရှိကြပါလိမ့်မယ်။ တချို့တွေကတော့ New Year Resolution တွေနဲ့ အသင့်ဖြစ်နေကြပြီး တချို့တွေကတော့ နှစ်အကူးအပြောင်းကာလရဲ့ energy changes တွေကြားမှာ ပင်ပန်းနေတာ ဝမ်းနည်းသလို ခံစားနေရတာတွေ ဖြစ်နေပြီး အနားယူဖို့ လိုအပ်နေတုန်းပဲ ဖြစ်ကြမှာပါ။

အရှေ့က post တွေမှာတော့ အလုပ်လုပ်ဖို့ action ယူဖို့တွေ ပြောခဲ့ပေမယ့် ဒီတခေါက်ပြောပြချင်တာကတော့ လုပ်ယူနေတာတွေ ရပ်တန့်လိုက်ဖို့ မကြိုးစားတော့ဖို့ ပြောပြချင်တာပါ။ တခုခုကို ရချင်စိတ် ဖြစ်လာတဲ့အခါ ရအောင် လုပ်ယူရတာ ပင်ပန်းတယ်။ ရချင်တာကို မရလာတဲ့ အခါမှာလည်း ပင်ပန်းတယ်။ လုပ်ချင်တာနဲ့ လုပ်နိုင်တာက ကွာခြားနေပြီး လုပ်ချင်တာကို မလုပ်နိုင်ပဲ အတားအဆီးတွေ ရှိနေတော့လည်း ဝမ်းနည်းရပြန်တယ်။

လိုချင်စိတ် ဖြစ်လာတိုင်း ဇောတွေနဲ့ ပြေးလိုက်ရင်း မောပန်းရသလို လိုချင်တိုင်း မဖြစ်လာတဲ့အခါ ဒေါသနဲ့ ပူလောင်ရပြန်တယ်။ ဖြစ်ပြီးရင် ပြန်ပျက်သွားတဲ့ လောကကြီးမှာ ရနေတာကို ဆက်ပြီး ရှိနေအောင် ထိန်းသိမ်းထားရတာလည်း ပင်ပန်းတယ်။ ကိုယ့်အတွက် မဟုတ်တဲ့ သူနဲ့ အတူရှိချင်ရတာလည်း ပင်ပန်းတယ်။ မရှိတာကို ရှိအောင် လုပ်ယူနေရတာလည်း ပင်ပန်းပါတယ်။

ဒီတော့ ဒီကနေ လွတ်မြောက်ဖို့ လုပ်နိုင်မယ့် နည်းလမ်းကတော့ ထပ်ပြီး မလုပ်ယူတော့ဖို့ မကြိုးစားတော့ဖို့ပဲ ဖြစ်ပါတယ်။ တစ်ခုခုကို ရအောင်ဆိုပြီး လုပ်ယူမနေပဲ အဲ့ပန်းတိုင်ကို လှမ်းကြည့်ပြီး အလုပ် လုပ်မနေပဲ တစ်နေ့ချင်းစီ moment တစ်ခုစီတိုင်းမှာ ကိုယ်လုပ်သင့်တဲ့ အရာကိုသာ လုပ်နိုင်သလောက် အကောင်းဆုံး လုပ်သွားပြီး လုပ်ပြီးတာနဲ့ပဲ ထားခဲ့လိုက်ဖို့ ဖြစ်ပါတယ်။ ကိုယ် လုပ်လိုက်တဲ့ အရာတစ်ခုကနေ ဘာကိုမှ လိုချင်စိတ်၊ ဘာဖြစ်မှ ရမယ်ဆိုတဲ့ စိတ်တွေ မထားတော့ဘူး။

ကိုယ်လုပ်တဲ့ အရာကနေ ကောင်းတာလည်း ဖြစ်ချင် ဖြစ်လာမယ်၊ ဆိုးတာလည်း ဖြစ်ချင် ဖြစ်လာမယ်။ ကိုယ့်မှာ ဘာလိုချင်တယ် ဆိုတဲ့စိတ် အစကတည်းက မထားတော့တဲ့အတွက် ဘာပဲဖြစ်လာဖြစ် လက်ခံနိုင်လာမယ်။ ဒါဆို လုပ်နေစဉ်ရော လုပ်ပြီးတဲ့ အချိန်ရော၊ နောင်ကာလမှာရော ကိုယ့်မှာ မပင်ပန်းတော့ဘူးပေါ့။

2026 ကနေစပြီး အလုပ်တွေ အများကြီး လုပ်ကြရမှာပါ။ ဒီတော့ လမ်းမမှားရအောင် ကိုယ်ဘာကို လုပ်သင့်လဲ ဆိုတာ သိဖို့ လိုပါတယ်။ ကိုယ်ဘာကို လုပ်ရမလဲ ဆိုတာ သိဖို့က ကိုယ့်ကိုယ်ကို သိဖို့ လိုပါတယ်။ ဒီတော့ ကိုယ့်ကိုယ်ကို သိအောင် Reflection လုပ်ဖို့ TikTok မှာလည်း တင်ပေးထားပါတယ်။ ဘာလုပ်ရမလဲ သိပြီဆို လုပ်သင့်တာကို လုပ်ပြီးတာနဲ့ အဲ့နေရာမှာပဲ ထားခဲ့လိုက်ပါ။ ဘာကိုမှ ရဖို့ ထပ်မကြိုးစားပါနဲ့။ ဒါဆိုရင် 2026 ကို ပင်ပင်ပန်းပန်း မဟုတ်ပဲ being နဲ့ပဲ အလုပ်တွေ လုပ်ရင်း ဖြတ်သန်းနိုင်သွားပါလိမ့်မယ်။

30/12/2025

2026 ကို မရောက်ခင် ၂ရက်မျှသာ လိုတော့တဲ့ အချိန်မှာ လုပ်သင့်တဲ့ အရာကတော့ Stillness and Reflection ပါပဲ။

ရှေ့ဆက်ပြီး ဘာတွေ လုပ်ရမလဲဆိုတာ clarity ရလာဖို့ 2025 ကနေ သင်ယူခဲ့ရတာတွေ Reflect လုပ်နိုင်ဖို့ ခဏလောက် Mindfulness နဲ့ နေကြည့်ပါ။

အသက်ရှူသွင်း၊ ရှူထုတ်ကို ဖြည်းဖြည်း လုပ်ရင်း ဝင်လေ ထွက်လေလေးမှာပဲ အာရုံစိုက်ပြီး စိတ်လေး ငြိမ်သွားတဲ့အထိ ထိုင်ကြည့်ပါ။

အတွေးတွေနောက်ကို လိုက်မသွားပဲ လွှတ်ချထားလိုက်ပါ။ ကိုယ် သိဖို့ လိုအပ်နေတာတွေကို သိလာရပါလိမ့်မယ်။

ဒီနှစ်အကူးအပြောင်းကာလမှာ နားထောင်ဖို့ Meditation Music တွေကိုလည်း Telegram Channel မှာ ပို့ထားပေးပါမယ်။

29/12/2025

Present Moment တစ်ခုချင်းစီတိုင်းကို အကောင်းဆုံး လုပ်ဆောင်ပြီး ဖြတ်သန်းမှသာ ကိုယ့်အတွက် အကောင်းဆုံး ရလဒ်တွေ ရလာမှာ ဖြစ်ပါတယ်။

ဒါကြောင့် ကိုယ့်ရဲ့ Present Moment ကို ဘယ်လိုနည်းလမ်းနဲ့ အကောင်းဆုံး ဖြတ်ကျော်နိုင်မလဲ သိရအောင် Embrace the now reading လေး ဖတ်ပေးထားတာ ဖြစ်ပါတယ်။

Collective Reading ဖြစ်တာကြောင့် ကိုယ်နဲ့ ကိုက်တဲ့ အချက်ကိုပဲ ယူပေးပါ။ မလိုတာကို ထားခဲ့လိုက်ပါ။

27/12/2025

Collective Guidance Message 🌻

အခုချိန်ဟာ Action, Movement, Freedom, Expansion, Transformation ဆိုတဲ့ ကာလကို ရောက်လာနေပြီ ဖြစ်တဲ့အတွက် တေ‌ွဝေနေရမယ့်အချိန် အ‌တွေးများနေရမယ့်အချိန်မဟုတ် ကိုယ်ဖြစ်ချင်တဲ့ အရာကို ဖြစ်အောင် လက်တွေ့ကျကျ တည်ဆောက်ရမယ့်အချိန် အလုပ်လုပ်ရမယ့် အချိန် ဖြစ်ပါတယ်။

ကြုံလာရသမျှ အခြေအနေတွေကလည်း ကိုယ့်ကို expand ဖြစ်ဖို့ တွန်းပို့နေတာမို့ ဒီအခြေအနေက ကိုယ် ဖြစ်ချင်တဲ့ ပုံစံမျိုး ဖြစ်ချင်မှ ဖြစ်နိုင်ပေမယ့် ဘာပဲ ဖြစ်လာလာ Gratitude နဲ့ လက်ခံကြည့်ပါ။ ဒီအခြေအနေကနေ ကိုယ့်အတွက် ဘာအကျိုးအမြတ် ရအောင် ယူနိုင်မလဲ ရှာဖွေကြည့်ပါ။

ကိုယ့်မှာ stuck ဖြစ်နေတဲ့ အခြေအနေတွေ ခက်ခဲနေတဲ့ အချိန်တွေ ရှိနေရင်တောင် အခုချိန်မှာ ကိုယ် action ယူ လုပ်ဆောင်သမျှက အပြောင်းအလဲ တစ်ခုကို ယူဆောင်လာပေးပါလိမ့်မယ်။ 2025 မှာ ဘယ်လောက် ကြိုးစား ကြိုးစား အလုပ်မဖြစ်ခဲ့သမျှက 2026 မှာတော့ လုပ်သမျှ ဖြစ်တဲ့အချိန် ကောင်းကောင်းမွန်မွန် တည်ဆောက်နိုင်တဲ့အချိန်ကို ရောက်လာပြီ ဖြစ်ပါတယ်။ ကိုယ့်ဘက်ကလည်း အလုပ်တွေ လုပ်နေဖို့ လိုအပ်ပါတယ်။

ဒီလမ်းပေါ်မှာ ကိုယ်တစ်ယောက်တည်း လျှောက်နေရတာ မဟုတ်ပဲ လိုအပ်တဲ့အချိန်တိုင်းမှာ အကူအညီတွေ Signs တွေ ရောက်လာပါလိမ့်မယ်။ ဒါတွေကို သတိပြုမိဖို့ illusion တွေ အတွေးတွေထဲမှာ ပိတ်မိမနေပဲ present moment မှာနေပြီး လုပ်ရမယ့် အလုပ်ကို ရွေးချယ်လုပ်ဆောင်ပါ။ ဖြစ်လာသမျှ အခြေအနေတိုင်းကို gratitude နဲ့ လက်ခံကြည့်ပါ။ ဒါဆိုရင် ကိုယ်လိုချင်တဲ့ results တွေ အခွင့်အလမ်းတွေက မထင်မှတ်ထားတဲ့ နေရာကနေ ပေါ်ပေါက်လာပါလိမ့်မယ်။

တစ်ခါတစ်လေမှာ ကိုယ်ဖြစ်ချင်တာတွေ မဖြစ်လာသေးရင်တောင် စိတ်ရှည်ရှည်နဲ့ စောင့်ဆိုင်းပေးပါ။ ကြုံလာရသမျှ အခြေအနေတိုင်းကို ပျော်ပျော်ပါးပါးနဲ့ အကောင်းဆုံး ဖြတ်ကျော်သွားမယ် အလုပ်လုပ်သွားမယ်ဆို 2026 က ကိုယ့်အတွက် အကောင်းဆုံးနှစ် တစ်နှစ် ဖြစ်လာပါလိမ့်မယ်။

25/12/2025

2026 က အလုပ်တွေ အရမ်းများမယ့် နှစ်ဖြစ်တယ်လို့ ပြောခဲ့တဲ့ အတိုင်း လုပ်စရာတွေ ကလည်း ပြန့်ကျဲနေအောင် ပေါ်လာမှာ ဖြစ်သလို ကိုယ့်ကို အာရုံပျက်ပြားစေမယ့် Distractions တွေကလည်း ရောပြီး ပါလာမှာ ဖြစ်ပါတယ်။

မြင်းနှစ်လည်း ဖြစ်တဲ့အပြင် Capricorn Season လည်း ဝင်နေပြီ ဖြစ်တဲ့အတွက် ကိုယ် အခုချိန်မှာ consistency ရှိရှိနဲ့ စနစ်တကျ တည်ဆောက်သမျှဟာ ကိုယ့်အတွက် ထိုက်တန်တဲ့ ရလဒ်တွေကို ပြန်လည်ယူဆောင်လာပေးပါလိမ့်မယ်။ ဒီတော့ ကိုယ့်ရဲ့ အိပ်မယ်တွေ၊ ဖြစ်ချင်တာတွေ၊ ကိုယ်လိုချင်တဲ့ Lifestyle ကို အခုချိန်မှာ စတင် တည်ဆောက်သင့်တဲ့ အချိန်ကောင်းပဲ ဖြစ်ပါတယ်။

ဖြစ်ချင်တာကို တည်ဆောက်နိုင်တဲ့ အချိန်ဆိုပေမယ့် ကိုယ်ကရော ကိုယ်တကယ် ဖြစ်ချင်တာကို သေချာ သိပြီလား? သိတဲ့ အတိုင်းရော အာရုံစိုက် Focus ထားပြီး Consistency ရှိရှိ တည်ဆောက်နေပြီလားက အဖြေကို ပြောင်းလဲသွားစေနိုင်ပါတယ်။ ကိုယ်ဖြစ်ချင်တဲ့ လမ်းကနေ တခြားအရာတွေမှာပဲ အချိန်ကုန်သွားအောင် လုပ်မယ့် distractions တွေကလည်း လာမှာမို့ ကိုယ် ဘယ်အရာတွေမှာ အချိန်ကုန်နေမိပြီလဲ ဆိုတာ သိဖို့ Energy တွေ ပြန့်ကျဲသွားတဲ့အခါ သတိထားမိဖို့ လိုအပ်ပါတယ်။

အရာအားလုံးက အရမ်းကို မြန်ဆန်နေတာမို့ ကိုယ်က Control လုပ်တာထက် ဖြစ်ပေါ်လာတဲ့ အရှိန်တွေကြားမှာ မျောပါသွားပြီး ‌လုပ်ဆောင်ရတာမို့ ကိုယ်က မလိုအပ်တွေပဲ လုပ်နေမိမယ်ဆို မလိုချင်တဲ့ results တွေပဲ ထွက်လာမှာ ဖြစ်ပါတယ်။ မကောင်းတဲ့ ရေလှိုင်းနဲ့ မျောပါသွားပြီး မကောင်းတာတွေနဲ့ပဲ အာရုံတွေ ရှုပ်ထွေးရင်း ပိတ်မိတတ်တယ်။ တချို့တွေ Level ပြန်ကျတတ်တယ်။

ဒါကြောင့်မို့ ပတ်ဝန်းကျင်မှာ ဘာတွေပဲ ပေါ်လာပါစေ ဘယ်လို ရေလှိုင်းတွေပဲ ရိုက်ခတ်ပါစေ ကိုယ် ကျင့်သုံးနေတဲ့ အကျင့်၊ ကိုယ်လျှောက်‌နေတဲ့ လမ်းကနေ ချော်မထွက်သွားစေပဲ အလိုက်သင့်လေး မျောပါရင်း လိုက်သွားတတ်ဖို့ လိုအပ်ပါတယ်။ ပေါ်လာတဲ့ အရာတွေ အလုပ်တွေ ကြားမှာ အာရုံတွေက အတိတ်နဲ့ အနာဂတ်ကို ပြေးနေလိုက် လုပ်စရာ ရှိတာတွေကို တွေးတော ကြံစည်နေလိုက်နဲ့ ‌စိတ်ထဲကနေ ပြေးလွှားမနေပဲ moment တိုင်းကို awareness, mindfulness နဲ့ ဖြတ်သန်းပါ။

ပြင်ပက လူတွေ၊ အမှုကိစ္စတွေမှာ ဝင်ရောက်စွက်ဖက် ပါဝင်မနေပဲ ကိုယ့်အလုပ် ကိုယ် အာရုံစိုက်ပါ။ တစ်နေ့တာမှ ကြုံလာရသမျှကို against လုပ်မယ့်အစား Gratitude နဲ့ လက်ခံပြီး acceptance ကို ရွေးချယ်ပါ။ ရှေ့ရက်က post မှာလည်း တစ်နေ့တာကို မစတင်ခင်မှာ mindfulness နဲ့ စတင်ဖို့ ပြောပြပြီး ဖြစ်ပါတယ်။ နောက်ရက်ကျရင်တော့ Embracing the now ဆိုတဲ့ Pick a pile Reading ဖတ်ပေးပါမယ်။ ဒါမှသာ ရေလှိုင်းထဲမှာ သတိလက်လွတ် မျောပါမသွားပဲ ကိုယ် သွားရမယ့် direction ကို လမ်းမလွဲပဲ အလိုက်သင့်လေး ရွေးချယ် တည်ဆောက်နိုင်သွားမှာ ဖြစ်ပါတယ်။

တကယ်တော့ December တစ်လလုံးမှာ တင်ခဲ့သမျှ Post အားလုံးက direction မှန်စေဖို့ရော သိဖို့ လိုအပ်တာတွေ ပြင်ဆင်နိုင်ဖို့တွေ အားလုံးထည့်ပြောပြထားတာ ဖြစ်ပါတယ်။ Reading Package အသစ်တွေလည်း update လုပ်ထားပေးတယ့်အပြင် initiation gift အနေနဲ့ December လကုန်ထိ 15% off ပေးထားတာမို့ ကိုယ်လက်ရှိကြုံနေရတဲ့ ကိစ္စရပ်တွေအတွက် Clarity တစ်ခု ရစေမှာပါ။

18/12/2025

ပြီးခဲ့တဲ့ လတွေနဲ့ ယှဉ်ကြည့်မယ်ဆို ဒီ December လက ခပ်မြန်မြန်ပဲ ကုန်ဆုံးနေပြီး အလုပ်တွေ ရှုပ်နေရင်းနဲ့ပဲ လကုန်ရက်ကို နီးကပ်လာတာ ခံစားမိကြမှာပါ။ ဒါပေမယ့် ဒီလရဲ့ အလုပ်တွေ ရှုပ်ရင်း အချိန်ကုန် မြန်တယ် ဆိုတာက လာမယ့် 2026 Energy ရဲ့ အစမ်းသဘောလောက်ပဲ ရှိပါသေးတယ်။

လာမယ့် 2026 ကတော့ Fire Horse Year ဆိုတဲ့အတိုင်း အတော်လေး အလုပ်တွေ ရှုပ်ရင်း အချိန်တွေ အလျင်အမြန် ကုန်ဆုံးသွားမှာပါ။ ဒီတော့ အရာအားလုံးက အလျင်အမြန် ဖြစ်ပွားနေပြီး ခဏလေး ရပ်တန့်ပြီး အနားယူချိန်၊ reflect လုပ်ချိန်၊ အသက်ရှူချိန်၊ release လုပ်ချိန် အရမ်းကို နည်းပါး လွန်းလှပါတယ်။

Release & Reflect လုပ်ဖို့ အချိန်မရှိတဲ့အခါ ကိုယ့်ရဲ့ စိတ်၊ ကိုယ့်ရဲ့ Energy မှာ အမှိုက်တွေ စုပုံ လာတတ်တယ်။ ကိုယ်သွားနေတဲ့ လမ်းက မှန်ရဲ့လား စဉ်းစားချိန်မရတော့ပဲ ပေါ်လာတဲ့ အရာတွေ နောက်ကိုပဲ ပြေးနေရတတ်ပါတယ်။ Fire Horse Year မို့ ကိုယ်က မြင်းတစ်ကောင် ပြေးနေသလို စဉ်းစားကြည့်မယ်ဆို ဘယ်လမ်းကို ဖြတ်ပြေးနေပြီး ဘယ်လို အရာတွေနဲ့ ထိတွေ့နေမလဲ ဆိုတာ ကိုယ့်ကိုယ်ကို မြင်ယောင်ကြည့်ပါ။

ကိုယ်က အရှိန်နဲ့ ပြေးနေတာမို့ ဈေးလမ်း ရှုပ်ရှုပ်ကို ဖြတ်ပြေးမယ်ဆို ဈေးပစ္စည်းတွေ၊ ဆိုင်ခန်းတွေ၊ လူတွေကို တိုက်မိရင်း ကိုယ့်ဆီမှာ ကပ်ညိ ပါလာမယ်။ အမှိုက်တွေ ရှိတဲ့ လမ်းကို ဖြတ်ရတဲ့အခါ အမှိုက်တွေ၊ အနံ့ဆိုးတွေ ကပ်ပါလာတယ်။ ရေထဲကို ဖြတ်ရရင် ရေတွေ စိုလာပြီး ပန်းခင်းထဲကို ဖြတ်ရရင် မွှေးရနံ့တွေ ကပ်ပါလာ ပါလိမ့်မယ်။ ဘယ်ကိုပဲ ဖြတ်ပြေးပြေး ကိုယ်က မနားတမ်း အလုပ် လုပ်နေရမှာမို့ ပြန်သန့်စင်ချိန်၊ လမ်းမှန်ကို သွားနေရဲ့လား သေချာ ပြန်စဉ်းစားချိန် အလွန်နည်းပါးပြီး အရှိန်ကြောင့် ရပ်တန့်ဖို့ လမ်းပြောင်းဖို့ အလွန်ကို ခက်ခဲနိုင်ပါတယ်။

မကောင်းတာတွေ လုပ်နေမိတဲ့ လမ်းပေါ်ကိုသာ ရောက်သွားပြီဆို လမ်းမှားကြီးပေါ်မှာပဲ ပြေးရင်း ဒုက္ခဆီပဲ ရောက်သွားတတ်ပါတယ်။ ဒါကြောင့် ကိုယ်က ဘယ်လို အရာတွေနဲ့ ထိတွေ့နေမိလဲ ဆိုတာ အခုကတည်းက သတိထားဖို့ အလွန် အရေးကြီးပါတယ်။ ကိုယ်ဟာ တစ်ခုခုနဲ့ ထိတွေ့ပြီးတဲ့အခါ ကိုယ့်ဆီမှာ ဘာတွေ ကျန်ခဲ့လဲ သတိထားကြည့်ဖူးလား။

ကိုယ်နဲ့ တကယ် သင့်တော်တဲ့ ကောင်းမွန်တဲ့ အရာတွေနဲ့ ထိတွေ့ပြီးပြီဆို ကိုယ့်ဆီမှာ ကောင်းမွန်တဲ့ Energy တွေ၊ စိတ်ခံစားချက်တွေ၊ Wisdom တွေ၊ တွေးခေါ်ပုံတွေ၊ စတဲ့ ကောင်းတဲ့ အရာတွေဟာ long lasting ဖြစ်ပြီး ကျန်ခဲ့ပါတယ်။ ဒါပေမယ့် မကောင်းတဲ့ အရာတွေကတော့ သူနဲ့ ထိတွေ့နေတုန်း ခဏမှာတော့ ပျော်ရွှင်ဖွယ်ကောင်းတယ် ခံစားရနိုင်ပေမယ့် ပြီးဆုံးသွားတဲ့အခါ မကောင်းတဲ့ စိတ်ခံစားချက်တွေ၊ Energy ရှုပ်ထွေးတာ‌တွေနဲ့ သူနဲ့အတူ မကောင်းတဲ့ ကံတွေ ပြုခဲ့မိတာကိုပဲ တွေ့ရပါလိမ့်မယ်။ ကောင်းကျိုးထက် ဆိုးကျိုးပဲ ရှိနေပါတယ်။

ကိုယ် ဘယ်လို အရာတွေနဲ့ ထိတွေ့နေမိလဲ ဆိုတာ ကိုယ် တစ်နေ့တာမှာ ဘာတွေ လုပ်လဲ၊ ဘာတွေနဲ့ ထိတွေ့မိ‌နေလဲ ဆိုတဲ့ အသေးအဖွဲလေးကအစ ပြန်စစ်ကြည့်ပါ။ ဒီကနေ ကိုယ့်အတွက် ကောင်းတာ မရစေဘူး ပညာမှ မရစေဘူးဆို လှည့်ထွက်ခဲ့ပါ။ မြင်သာအောင် ပြောပြရရင် Facebook က မဆုံးနိုင်တဲ့ conversation တွေပေါ့။ အနှစ်သာရ ကင်းမဲ့သလို မှားယွင်းတဲ့ တွေးခေါ်ပုံတွေ အပြည့်ပဲ။ အဲ့လိုပဲ အပြင်မှာလည်း လူစုံရင် အတင်းပြောတတ်၊ မကောင်းပြောတတ်တဲ့ သူတွေ နေရာတွေမှာ ထိုင်အချိန်ကုန်မနေဖို့ လိုအပ်တယ်။ အတူ အချိန်ကုန်ဆုံးဖြစ်တဲ့ အပေါင်းအသင်း သူငယ်ချင်းတွေရဲ့ အကျင့်စရိုက်၊ တွေးခေါ်ပုံနဲ့ ဉာဏ်ပညာကို ပြန်တွေးကြည့်သင့်တယ်။

ကိုယ်က ရုပ်ရှင်တွေ သီချင်းတွေ ရွေးချယ်ရင်တောင် ကြည့်နေတုန်းတော့ ကောင်းတယ် ခံစားရပေမယ့် ပြီးသွားချိန်ကျ ကိုယ့်မှာ ကျန်နေခဲ့တာက အကျိုးမရှိပဲ စိတ်ကို ညစ်နွမ်းစေတဲ့ အရာတွေ အတော်လေး များပါတယ်။ ကိုယ် ထိတွေ့နေရတဲ့ အရာက ပညာရစရာ မပါဘူးဆိုရင် ကိုယ် ကြံစည်၊ တွေးတော၊ လုပ်ကိုင်နေသမျှနဲ့ အာရုံ၆ပါး တိုက်နေသမျှက တကယ့် ကောင်းမွန်တဲ့အရာ ပညာပါတဲ့အရာ စင်ကြယ်တဲ့ အကြောင်းအရာ ဖြစ်မနေရင် အခုကတည်းက ကြိုတင် ပြင်ဆင်သင့်နေပါပြီ။

ဒါကြောင့်လည်း ဒီ December လမှာ Direction မှန်စေမယ့်၊ ရှေ့နှစ်မှာ အကျိုးရှိစေမယ့် လိုအပ်တာတွေကို ပြောပြထားတာ ဖြစ်ပါတယ်။ True Liberation Path post က Spiritual Journey မှာ လွတ်မြောက်ရာ အစစ်အမှန်ကို ညွှန်ထားတယ်။ ပုံပြင်တွေအကြောင်း post က ကိုယ့်အနားမှာ Mentor တစ်ယောက် တစ်ချိန်လုံး ရှိနေပြီး ပညာသင်ပေးနေတာ လမ်းမှန်ကို ညွှန်ပြနေတာကို ရနိုင်အောင် ဖြစ်တယ်။ Spiritual အလုပ်တွေနဲ့တင် မပြီးပဲ ဘဝကို Physical Reality မှာပါ Balance ညီညီ တည်ဆောက်နိုင်အောင် Spiritual Escapism Post မှာ နည်းလမ်းတွေ ပြောပြခဲ့တယ်။ PAP ကိုလည်း Spiritual Cleansing နဲ့ ပက်သက်ပြီး Reading ဖတ်ပေးခဲ့ပါတယ်။ နောက်ရက်တွေမှာလည်း post နည်းနည်းလောက်နဲ့ ပြောပြချင်တာတွေ ရှိပါသေးတယ်။

အခုချိန်ကတည်းက ကိုယ့်အတွက် ကောင်းမွန်တဲ့ အရာတွေနဲ့ပဲ ထိတွေ့တာ ဖြစ်နေဖို့ သေချာစီစစ်သင့်ပြီး အခုကစ နောင်နှစ်ထဲထိ ကိုယ့်ရဲ့ Daily Habit အနေနဲ့ လုပ်သွားစေချင်တဲ့ အရာတစ်ခုကတော့ တစ်နေ့တာကို မစတင်ခင် အလုပ်တွေ မလုပ်ခင်မှာ ကိုယ့်အတွက် စိတ်ငြိမ်စေမယ့် ‌အေးချမ်းစေမယ့် အရာကို အချိန်ပေး လုပ်စေချင်တာ ဖြစ်ပါတယ်။ ကိုယ်က သန့်ရှင်းရေးလုပ်ပြီးလို့ အလုပ်မသွားခင်လေးမှာ သေချာလေး ဘုရားကို ရှိခိုးဖို့ပါပဲ။ အမြန်သုံးကြိမ်လောက် ဦးချတာ မဟုတ်ပဲ သေချာလေး အာရုံစိုက်ပြီး ဘုရားစာတွေကို ရွတ်ကြည့်ပါ။ ဘုရားရှိခိုးပြီးတဲ့အခါ Conscious Breathing လေးနဲ့ တရားထိုင်တာ ဖြစ်ဖြစ် ပေးထားတဲ့ Audio File နဲ့ 10 min ခန့် တရားထိုင်တာ ဖြစ်ဖြစ် လုပ်ဆောင်ပြီးမှ တစ်နေ့တာကို စတင်ပါ။ ( Link in Comment 📩)

ဒါဆိုရင် လာမယ့် မြင်းနှစ်မှာ Exhausted ဖြစ်ရင်း ပြေးရင်း လွှားရင်း တစ်နှစ်တာကို ကုန်ဆုံးမသွားပဲ ကိုယ့်အတွက် ခဏလေးလောက်တော့ အနားယူချိန်လေး၊ အသက်ရှူချိန်လေး၊ ထွက်ပေါက်လေး ရစေပါလိမ့်မယ်။

16/12/2025

ဘဝတစ်ခုကို သေချာကြည့်ကြည့်မယ်ဆိုရင် သတိထားမိတဲ့ ဒုက္ခတွေရော သတိမထားမိတဲ့ ဒုက္ခတွေရောနဲ့ ပြည့်နှက်နေပါတယ်။ တချို့တွေဆို ဒီဒုက္ခတွေရဲ့ ပူလောင်မှုကြောင့်နဲ့ပဲ Awaken ဖြစ်လာကြပြီး အေးချမ်းရာ လမ်းတစ်ခုကို ရှာဖွေကြရင်း Spirituality ဘက်ကို ရောက်လာကြပေမယ့် Spirituality ကို escapism အနေနဲ့ပဲ အသုံးချရင်း လမ်းလွဲနေတာကို အတော်လေး မြင်တွေ့မိပါတယ်။

ဒုက္ခတွေက လွတ်မြောက်ချင်ကြတာ ဟုတ်ပေမယ့် Spirituality က ဒုက္ခကနေ လွတ်မြောက်အောင် လုပ်ပေးတာ မဟုတ်ပဲ ဒုက္ခကို တည့်တည့် ရင်ဆိုင်ရဲသွားအောင် သင်ပေးတဲ့ ပညာရပ်တွေသာ ဖြစ်ပါတယ်။ ဒါကြောင့်မို့ ကိုယ့်ရဲ့ shadow တွေ dark side တွေကို ပြန်ကြည့်ရတယ်။ တစ်သက်လုံး မေ့ထားချင်မိတဲ့ အကြောင်းအရာတွေကို ပြန်တွေးရတယ်။

ကိုယ့်မှာ မကောင်းတဲ့ စိတ်တွေ အကျင့်စရိုက်တွေ ရှိနေကြောင်း မှားယွင်းတဲ့ လုပ်ရပ်တွေ ရှိနေကြောင်း ကိုယ့်ကိုယ်ကို ဝန်ခံရဲရတယ်။ နောက်ဆုံးမှာတော့ ကိုယ့်မှာ လက်ရှိ‌ကြုံနေရတဲ့ အခက်အခဲတွေကို ကိုယ့်အလိုအတိုင်း မပြင်ဆင်နိုင်တာကို accept လုပ်ရပြီး ဒီအရာက ကိုယ့်ကို တိုက်စားသွားတာကို surrender ချပြီး လက်ခံပေးလိုက်ရတာတွေ လုပ်ရတာ ဖြစ်ပါတယ်။

တချို့တွေ ထင်နေသလို Spirituality က ကိုယ် ဖြစ်ချင်သမျှ အားလုံး ဖြစ်သွားလို့ ဘဝက ပျော်ရွှင်လာရတာမျိုး မဟုတ်ပါဘူး။ ဒါပေမယ့် ဘယ်လိုမျိုး အထင်မှားနေကြလဲဆိုတော့ ကိုယ့်မှာ တစ်ခုခု လိုအပ်နေတဲ့ အလို ရှိနေတဲ့ အရာတွေကို သူ့အလိုလို အလွယ်လေး ရလာမယ်၊ အခြေအနေတွေ အခက်အခဲတွေကို ကိုယ်ဖြစ်ချင်သလို ပြုပြင်ပြောင်းလဲ နိုင်မယ်၊ ဒီလို ထင်နေတတ်ကြပါတယ်။

တချို့ မိသားစုနဲ့ ဖြစ်စေ၊ ပတ်ဝန်းကျင်နဲ့ ဖြစ်စေ ဆက်ဆံရေး အဆင်မပြေတဲ့သူ၊ သိမ်ငယ်တတ်သူ၊ confidence အားနည်းသူတွေက ဒီ spiritual အလုပ်တွေ လုပ်နေရုံနဲ့ ကိုယ်က တခြား သူတွေထက် သာလွန်တဲ့ မဟာလူသားလို့ အထင်ရှိကြပြီး သူများတွေကို ကိုယ်သိထားတဲ့ ပေတံနဲ့ လိုက်တိုင်းပြီး ဝေဖန်တတ်လာတယ်။ သူများတွေ ဘာပြောပြော ငါလုပ်တာမှ အမှန် ဆိုတဲ့ သူတွေ ဖြစ်လာတယ်။

ဘာမှ မလုပ်ပဲ ထိုင်နေပြီး ဓာတ်တွေ၊ နတ်တွေ နဲ့ universe က ပေးလာမယ့် divine timing စောင့်နေသူတွေ၊ Emotions တွေကို ရင်မဆိုင်ရဲတဲ့အခါ Spiritual အကြောင်းပြ ဟန်ဆောင်တတ်သူတွေ၊ တစ်ခုခု ဖြစ်ပြီဆို ကံကြောင့်၊ Karma ကြောင့်လို့ လွှဲချပြီး responsibility ကို ရှောင်လွှဲသူတွေ၊ ကိုယ်ပိုင် စဉ်းစားဆင်ခြင် နိုင်စွမ်း တာဝန် ယူနိုင်စွမ်း ကင်းမဲ့သွားပြီး Reading, Ritual, Signs စတဲ့ Spiritual Tools တွေကိုပဲ စွဲစွဲလမ်းလမ်း အားကိုး နေမိတာ၊ Healer, Starseed, mystic စသဖြင့် Spiritual Identity တစ်ခုကို ဆုပ်ကိုင်ပြီး ငါက သူများထက် သာလွန်တယ် ထင်နေတာ ဒါတွေ အားလုံးဟာ Spiritual Escapism ပဲ ဖြစ်ပါတယ်။

ဒါကြောင့်မို့ Energy Work တွေကို Spiritual Escapism အနေနဲ့ပဲ အသုံးချရင်း လမ်းဆုံးမနေပဲ ကိုယ့်ဘဝမှာ လိုအပ်နေတာ၊ လုပ်ဖို့လိုအပ်နေတာတွေကို ပြုပြင်တည်ဆောက်ဖို့ တစ်ခုခု ရလာချိန်ကို ထိုင်စောင့်မယ့်အစား tangible action ယူနေဖို့ လိုအပ်ပါတယ်။ ကိုယ့်ဘဝမှာ လိုအပ်တဲ့ ငွေကြေး ဥစ္စာ၊ ပညာ၊ လူမှုဆက်ဆံရေး စတဲ့ အရာမှန်သမျှကို ကောင်းမွန်စွာ တည်ရှိ‌နိုင်ဖို့ ကိုယ်တိုင်လည်း Action ယူ တည်ဆောက်ရမှာ ဖြစ်ပြီး Spiritual Work တွေက မှန်ကန်တဲ့ လမ်းကြောင်း၊ မှန်ကန်တဲ့ တွေးခေါ်မှု ရအောင် နောက်ကွယ်က ကူညီပေးနေတာ ဖြစ်ပါတယ်။

ကိုယ်လိုအပ်တာရဖို့ ကောင်းမွန်တဲ့ ဘဝတစ်ခု ရနေဖို့ အခုချိန်မှာ ကိုယ်လုပ်နေတာတွေ လုံလောက်ပြီလား သိချင်ရင် ကိုယ့်ရဲ့ Desired Reality နဲ့ Present Reality က Align ဖြစ်နေပြီလား ကြည့်လိုက်ပါ။ ပြင်ပက ပိုင်ဆိုင်ထားတဲ့ Status တွေကို ယှဉ်ကြည့်ခိုင်းတာ မဟုတ်ပဲ Desired Reality က ကိုယ် ပိုင်ဆိုင်ထားတဲ့ Inner Quality, Mindset, Habits, Discipline စတဲ့ အရာတွေအတိုင်း ကိုယ်က Present Reality မှာ နေနေရဲ့လား၊ Tangible Action ယူပြီး တည်ဆောက် နေရဲ့လား ဆိုတာ ယှဉ်ကြည့်ပြီး လိုအပ်တာ ထည့်ဖြည့်ရမှာ ဖြစ်ပါတယ်။ (ဒီအကြောင်း အသေးစိတ်ကို အရင် Post မှာ ရှင်းပြထားပြီးပြီမို့ ရှာဖွေ ဖတ်ရှူ့နိုင်ပါတယ်။)

ဒီကမ္ဘာမြေမှာ လူလာဖြစ်ကတည်းက Life Work တွေကို မလုပ်ချင်ပဲ Human Experiences တွေကို ကျော်ပြီး လေပေါ်မှာပဲ နေနေလို့ မရပါဘူး။ Planet Earth ကို ရောက်လာကတည်းက Human Experiences တွေကို လာရောက် သင်ယူရတာ ဖြစ်ပါတယ်။

ဒါကြောင့်မို့ Mind, Body, Soul သုံးခုလုံး Align ဖြစ်အောင် နေရတယ်။ Energy Level မှာလည်း အလုပ် လုပ်ရတယ်၊ Consciousness ကိုလည်း မြှင့်တင်ရတယ်၊ ဘဝကို Tangible Action ယူပြီး တည်ဆောက်ရတဲ့ Life Work ကိုလည်း လုပ်ဆောင်ရတယ်။ ဒါမှသာ ဘဝကို Balance ညီညီ တည်ဆောက်နိုင်မှာ ဖြစ်ပါတယ်။

ဒါကြောင့် အခုချိန်မှာ လက်ရှိ ကိုယ် ထင်နေတဲ့ အထင်တွေ၊ ကိုယ် ဆုပ်ကိုင်ထားတဲ့ အယူအဆတွေ၊ Attachment တွေကို လွှတ်ပစ်လိုက်ပါ။ ကိုယ် ဘယ်က ရှောင်ပြေးနေမိလဲ၊ ဘာတွေကို ရင်မဆိုင်ချင်ဘူးလဲ၊ ကိုယ့်ရဲ့ Fear က ဘာလဲ၊ ဒါတွေကို တည့်ရင်ဆိုင်လိုက်ပါ။ Spiritual Escapism က ရုန်းထွက်ပါ။ ကိုယ့်ရဲ့ Fear က ကိုယ့်ရဲ့ Strength ဖြစ်လာပါလိမ့်မယ်။

15/12/2025

နှစ်သစ် တစ်နှစ်ကို ကူးပြောင်းချိန်နဲ့ အညီ Transformation လုပ်ချိန် ရောက်လာပြီ ဖြစ်ပါတယ်။ လာမယ့်နှစ်မှာ ကြုံတွေ့ရမယ့် အဖြစ်အပျက်တွေကို အကောင်းဆုံး ရင်ဆိုင် ကျော်လွှားနိုင်စေဖို့ အကောင်းဆုံး လုပ်ဆောင်နိုင်စေဖို့ ဘယ်လို အခြေအနေမှာမဆို အသုံးဝင်နိုင်မယ့် Reading Packages အသစ်တွေနဲ့ အများကြီး ပြောင်းလဲ ပြင်ဆင်ပေးထားပါတယ်။

2026 ကိုတော့ ဒီ Reading တွေနဲ့ ဖြတ်သန်းကြမှာ ဖြစ်ပြီး ကိုယ့်မှာ အခက်အခဲ တစ်ခု ကြုံရတိုင်း ကျော်လွှားဖို့ ခက်ခဲနေတိုင်းမှာ ဒီpost မှာ ကိုယ့်အတွက် လိုအပ်နေတဲ့ Guidance တစ်ခု၊ အဖြေတစ်ခု၊ Reading တစ်ခုကို လာရောက် ရှာဖွေ ရယူနိုင်ပါတယ်။

ဒီ Post က Packages တွေက အမြဲ ရနေမှာ ဖြစ်ပြီး အခြေအနေ အချိန်အခါအလိုက် လိုအပ်နိုင်မယ့် Reading တွေကိုလည်း Open Access လုပ်ပေးသွားပါမယ်။ ‌ဒါကြောင့်မို့ တစ်ခုခု Guidance လိုအပ်တိုင်းမှာ ဒီ Reading တွေက ကိုယ့်အတွက် လမ်းပြပေးပါလိမ့်မယ်။

Reading ရယူနိုင်ဖို့အတွက်

အမည် -
မွေးနေ့ -
ဓာတ်ပုံ -
လက်ရှိ နေထိုင်ရာ နိုင်ငံ -
မေးလိုသည့် အကြောင်းအရာ အကျဉ်းချုပ် -
စသည်တို့ကို လိုအပ်ပါတယ်။

ဘယ် Reading ယူရမလဲ ရွေးချယ်ဖို့ ခက်ခဲနေရင် ကိုယ်သိချင်တာကို ပြောပြပြီး တိုင်ပင် ဆွေး‌နွေးနိုင်ပါတယ်။

Reading Packages အသစ် တွေ အများကြီး launch လုပ်တာမို့ ထုံးစံအတိုင်း Initiation Gift အနေနဲ့ Reading တိုင်းကို 15% discount နဲ့ December လကုန်အထိ လက်ဆောင်ပေးမှာ ဖြစ်ပါတယ်။ December 31 ကို နောက်ဆုံးထားပြီး လိုအပ်တဲ့ အချက်အလက် အပြည့်အစုံကို ပို့ပေးဖို့ လိုအပ်မှာပဲ ဖြစ်ပါတယ်။

Lantern For The Lost

05/01/2026

04/01/2026

03/01/2026

02/01/2026

01/01/2026

30/12/2025

29/12/2025

27/12/2025

25/12/2025

18/12/2025

16/12/2025

15/12/2025

ที่อยู่

เว็บไซต์

แจ้งเตือน

ทางลัด

แชร์

ประเภท